Presentación do libro de Silvia Salgado "Verde en el tejado" no Centro de Documentación Ambiental Domingo Quiroga

No Centro de Documentación Ambiental Domingo Quiroga -sito nas antigas cabalarizas do Pazo de Lóngora- Rúa Casares Quiroga nº 29, Liáns (Oleiros), o venres 3 de novembro ás 19:00, terá lugar a presentación da última obra literaria de Silvia Salgado, "Verde en el tejado".

O aforo é limitado, confirma a túa asistencia a través do seguinte FORMULARIO ou no tlf. 981 630 618.

Publicada por Hércules de Ediciones, "Verde en el tejado" mestura literatura, natureza e vida. A través dunha prosa que rexistra un profundo lirismo, a autora escribe unha fermosa historia de amor en todas as súas dimensións. Un eloxio á vida e á beleza que se atopan nos detalles máis sinxelos, como as flores e os libros. 

Silvia Salgado naceu en Barcelona en 1974. Licenciada en Ciencias Políticas pola Universitat Autònoma de Barcelona, ten un posgraduado en Xornalismo acreditado pola Columbia University de Nova York. É autora das novelas "Mientras hilan las mariposas" (2016), "La aldea" (2017), "El intermedio que somos" (2019) e "Si te vuelves invierno" (2021), todas elas presentadas na Biblioteca Municipal Rosalía de Castro (Santa Cruz). Colabora como columnista en El ideal gallego. Profesora de obradoiros de escritura creativa, fomenta, coordina e dirixe varios clubs de lectura, como o da Biblioteca Municipal Mª José Trincado, Mera. Na actualidade, reside coa súa familia nesta localidade costeira de Oleiros. Declárase para sempre unha amante amateur da fotografía.

Silvia é, ademáis, usuaria habitual das bibliotecas municipais do Concello de Oleiros e do Centro de Documentación Ambiental Domingo Quiroga, onde se documentou para a escritura desta quinta novela.