Recomendacións en Radioleiros: 4 de decembro

- Xuvenil:
 "O fío vermello", texto de An Alfaya. Ilustrado por Fran Bueno. En Xerais.
Carlo é un rapaz preocupado polo destino do seu irmán maior, Nicola, que se alista como soldado profesional e desaparece na guerra. Enfadado polos silencios familiares que o rodean, decide manifestarse trasladándose a vivir á terraza do seu edificio, exercendo a tarefa de astrónomo afeccionado que tanto lle gustaba ao seu irmán.

- Mozos-as e adultos-as:
"Voces de Chernóbil: crónica del futuro" de Svetlana Alexiévich, en Debolsillo.
A xornalista e escritora bielorrusa recoñecida co Premio Nobel de Literatura deste ano, recolle neste libro o testemuño das persoas afectadas polo desastre tecnolóxico máis grave do século XX, a explosión do reactor atómico na central de Chernóbil. Converténdose na voz dos verdadeiros protagonistas, como o monólogo desgarrador de Liusia, a xove esposa do bombeiro Vasia, que ve como o seu amor se vai desfacendo en anacos ao mesmo tempo que o corpo da súa parella.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.