Recomendacións en Radioleiros: 9 de outubro

- Infantil (maiores de 6 anos):
"El príncipe de los enredos", texto de Roberto Aliaga e ilustracións de Roger Olmos, en Edelvives.
Un texto poético, presentado dun xeito simple e cunhas ilustracións magníficas ás que o ilustrador dá un toque persoal tanto ao cruel e malvado corvo protagonista, enredador nato que con rumores malintencionados arrastra ao abismo como á outra protagonista do conto, a marabillosa aciñeira que vive placidamente no medio dun campo, ata que a ave se cruza no seu camiño e con trampas faise rei da paraxe.
 

- Mozos-as e adultos-as:
"El olvido que seremos" de Héctor Abad Faciolince, editado por Seix Barral.
Un relato desgarrador sobre o asasinato da persoa que máis fixo en Colombia pola saúde

pública e os dereitos humanos, Héctor Abad Gómez, testemuña da violencia que nese país xerou o paramilitarismo. Narrado en primeira persoa polo escritor que perdeu así á persoa máis importante da súa vida, seu pai.
Ademáis de toda esta parte pública da súa vida, Héctor Abad Gómez era un pai amoroso, que educou aos seus fillos a base de apertas, de amor protector, de caricia permanente e tolerancia, interesante cando se dá no medio dunha sociedade atravesada pola violencia política, institucional e histórica. 

 
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.