Recomendacións en Radioleiros: 14 de febreiro

Nesta data, ofrecémosche lecturas con corazón.

- Infantil (a partir de 10 anos):

Cuentos silenciosos, de Benjamín Lacombe

Edelvives

Cada páxina do libro ten un pop up que Lacombe dedica a un conto clásico, a primeira páxina ábrese nunha fermosa flor onde dorme Polgariña, a enorme boca do lobo lévanos á historia de Carapuchiña…e así ata 8 contos clásicos, coa excepción do pop up da ilustración central do libro no que aparece Naoko a protagonista do libro Los amantes Mariposa, escrito e ilustrado polo mesmo Benjamín Lacombe.

- Moz@s e adult@s :

A noite branca, de Francisco X. Fernández Naval

Xerais

Narra un conxunto de historias relacionadas entre si, o protagonista é un voluntario da División Azul, Alfredo que escribe as súas cartas desde a fronte, mestúrase cos monólogos de María Luisa a súa nai, coas peripecias do pelotón de soldados galegos que loitaron na fronte de Leningrado e a viaxe que Fernández Naval realizou a fin de investigar os feitos, acompañado da fotógrafa Maribel Longueira desde A Coruña á cidade de Novogord en Polonia, a onde se dirixían os convois cos voluntarios antes de pasar á fronte rusa.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.