Así foi... Ler para saber A CIENCIA: 10 de febreiro

Na Biblioteca Central Rialeda (2º andar), o venres 10 de febreiro ás 18:30. Actividade dirixida a nenos e nenas a partir de 10 anos, adolescentes e público en xeral.

Primeiramente os alumnos de 6º curso do CEIP Valle-Inclán de Perillo, Alberto Paz e Ismael Golán realizon unha breve presentación sobre “Máquinas simples e compostas”. 

Neste ano 2012 declarado pola ONU Ano Internacional da Enerxía Sustentable para Todos/as, o doutor Óscar Cabeza Gras, profesor titular da Universidade da Coruña, Departamento de Física, área de Física Aplicada falou de “Enerxías renovables para o século XXI”.

Seleccionamos para ti libros e DVDs para esta charla científica.

Por xentileza de Óscar, poñemos á túa disposición a presentación da charla en Powerpoint:

Recomendacións en Radioleiros: 10 de febreiro

- Infantil (de 6 a 8 anos):
"Pastel de crema de pepinillos" de Jolly Roger Bradfield, editado por Encuentro.
O rei ten unha filla con moitos pretendentes. Ás ceas asisten tantos comensais que o rei quedaba con fame. Para evitar isto, decide casar a filla co que lle traia o detalle máis orixinal do bosque.

- Mozos-as e adultos/as:
"O máis estraño: contos reunidos" de Manuel Rivas, en Xerais.
Vellos e novos relatos xúntanse neste libro produto do traballo de anos. Os medos, as paixóns, os naufraxios, a guerra, a arte e a vida, aparecen de novo nesta experiencia narrativa nun mundo tan particular como o de Manuel Rivas.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Visita a Rialeda de alumnado do Instituto Cervantes de Varsovia: martes 7 de febreiro

Na Biblioteca Central Rialeda
Hora: de 10 a 11,30 h.

Hoxe recibimos a visita de alumnado do Instituto Cervantes de Varsovia á nosa biblioteca, onde asistiron á representación do monólogo dramatizado de Soledad Felloza: "Las Ingeniosas del Hidalgo: El Quijote en voces de mujeres"

Asimesmo e por xentileza dun dos estudantes, desfrutamos do recitado en língua polaca do poema "Kilkunastoletnia" (Adolescente) da escritora recentemente fallecida Wisława Szymborska.

Dziękujemy!

Tertulia literaria en Rialeda: mércores 8 de febreiro (Grupo A)

Na Biblioteca Central Rialeda (Casiña de actividades)
Hora: 17,30 a 19,30 h.

Comentaráse a obra "Salir a robar caballos" de Per Petterson
Documentación

Obras de Per Petterson nas nosas bibliotecas

As Letras, nas Bibliotecas Municipais, máis vivas que nunca, PARTICIPA!!!

O PROGRAMA LETRAS VIVAS é unha iniciativa da Consellería de Cultura da Xunta de Galicia para apoiar o fomento da lectura e o libro galego a través de diversos axentes como as bibliotecas municipais. Estas actividades están patrocinadas pola Consellería de Cultura e o Concello de Oleiros.

Dirixidas a nenas e nenos menores de 10 anos, durante o mes de febreiro, ás 18:30 horas, teremos as seguintes:

BIBLIOTECA PÚBLICA MUNICIPAL Mª JOSÉ TRINCADO. MERA
Día 10:     Contos de ratiños a cargo da Compañía Trinke Trinke

BIBLIOTECA PÚBLICA MUNICIPAL ÁNXEL FOLE. NÓS
Día 10:      Contos a saco a cargo de Pablísimo

BIBLIOTECA PÚBLICA MUNICIPAL Mª JOSÉ RUSO. DORNEDA
Día 13:       Imaxina a cargo de Teatro Patán

BIBLIOTECA PÚBLICA MUNICIPAL MANUEL MARÍA. OLEIROS
Día 14:       De Tin Marín a cargo de Soledad Felloza

BIBLIOTECA PÚBLICA MUNICIPAL XOGRAR MENDIÑO. LORBÉ
Día 14:       Contos de Rodari a cargo de Pablísimo

BIBLIOTECA PÚBLICA MUNICIPAL FEDERICO GARCÍA LORCA. MONTROVE
Día 28:        Contos embruxados a cargo da Compañía Pavís Pavós.

O noso futuro, o noso presente (Impresións de Manuel Gago)

O Doutor Manuel Gago Mariño, profesor asociado da USC, na Facultade de Ciencias da Comunicación, impartíu o seu coñecmento o venres pasado en Rialeda, dentro das charlas do ciclo "Ler para saber". Éstas son as súas impresións da experiencia vivida co todos nós.


Só queda dicir unha cousa: Manuel, o gusto é noso!!!

Non esquezas visitar o seu blog: 

Tertulia literaria en Santa Cruz: luns 6 de febreiro

Na Biblioteca e Centro de Documentación da Muller "Rosalía de Castro" de Santa Cruz
Hora: de 18,30 a 20

Comentario da obra "A pensión Eva" de Andrea Camilleri
Obras de Andrea Camilleri nas bibliotecas do Concello de Oleiros

O Entroido nas Bibliotecas Municipais de Oleiros

Dende o mércores 8 de febreiro, realizaremos Obradoiros de máscaras e antifaces dirixidos a nenas e nenos a partir de 7 anos en todas as Bibliotecas.

Coñecerás as diferentes personaxes e figuras do Entroido galego (choqueiros, peliqueiros, cigarróns, pantallas, etc), divertíndote ao tempo que aprendes algo máis de nosa etnografía e cultura.

A actividade será monitorada por Dinamo Xestión.

Moi importante: 20 prazas por cada obradoiro, as nenas e nenos que queiran participar deberán inscribirse na biblioteca correspondente.

Recomendacións en Radioleiros: 3 de febreiro

-Rapaces/as de 14 anos en adiante:

"Fantasmas de luz" de Agustín Fernández Paz, ilustrado por Miguelanxo Prado, publicado por Xerais.
"Damián leva trinta e cinco anos traballando no cine Soñadores como operador de cabina de proxección, pero un día recibe unha carta do seu xefe citándoo a unha reunión..."Así comeza esta historia na que Agustín Fernández Paz aproveita para presentarnos moitas películas, citando frases famosas delas e ademais ao final do libro hai un apéndice con carátulas e fichas técnicas de cada unha delas.
Esta obra trata o tema da exclusión e a invisibilidade social que sofren moitas persoas, que son apartadas inxustamente por consideralas prescindibles.

- Mozos/as e adultos/as:

"El juego del ángel" de Carlos Ruiz Zafón, en Planeta
"El juego del ángel" xunto con "La sombra del viento" forman parte das catro obras que este autor dedica á súa cidade, que están relacionadas e ambientadas en Barcelona.Ambientada na Barcelona dos anos 20, está dividida en tres partes. O seu protagonista, David Martín, é un mozo que traballa como redactor de sucesos nun xornal. Axudado por un amigo deixa o xornal e pasa a traballar nunha editorial ao mesmo tempo que continua escrebendo. Uns anos despois cae enfermo e recibe a oferta dun misterioso editor de escribir un libro como nunca se fixera a cambio dunha gran fortuna e que o curará da enfermidade...
Unha novela de aventuras e intriga, na que se agacha unha historia de amor e a paixón polos libros.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Obradoiros de Ilustración con Manel Cráneo (3 de febreiro)

Na Biblioteca Central Rialeda (Perillo)

Actividade dirixida ao alumnado do I.E.S. Neira Vilas.

Dúas sesións:

- 9,30 h.: 1º A ESO

- 11,45 h. 1º B ESO

                   

Un ano máis, o ilustrador Manel Cráneo achégase a Rialeda a amosar ao alumnado dos centros públicos de Oleiros o proceso de creación dun álbum de banda deseñada. Se queres coñecer máis sobre él e a súa obra, acceda aos seus blogs Cráneo Mortem e Planeta Mincha, ou descarga o folleto que preparamos na biblioteca.

Aviso importante: durante a celebración da actividade a sala de audiovisuais (2º andar) da biblioteca estará fora de servizo. Pregamos desculpen as molestias.

Ler para saber A CIENCIA: 3 de febreiro

Esperámoste na Biblioteca Central Rialeda (2º andar), o venres 3 de febreiro ás 18:30, para participar nesta actividade dirixida a nenos e nenas a partir de 10 anos, adolescentes e público en xeral.

Primeiramente Irene Casás, alumna de 1º ESO do IES Neira Vilas realizará unha breve presentación sobre “Os Mayas”.

Posteriormente o Doutor Manuel Gago Mariño, profesor asociado da USC, na Facultade de Ciencias da Comunicación falará na charla científica de “Repúblicas de Homes Libres: na procura dos viquingos en Galicia”.

Debido á súa posición no Atlántico, o Reino de Galicia estivo durante a Idade Media no punto de mira do ataque dos piratas viquingos. Manuel Gago, divulgador cultural e profesor da USC, explica como a sociedade galega da época reaccionou e se defendeu dunha das maiores ameazas da súa Historia.

Seleccionamos para ti libros e DVD para esta charla científica.

Tertulia literaria en Rialeda: mércores 1 de febreiro (Grupo B)

Na Biblioteca Central Rialeda (Casiña de actividades)

Hora: 17,30 a 19,30 h.

Comentaráse a obra "La cena" de Herman Koch
Documentación

Obras de Herman Koch nas nosas bibliotecas

Recomendacións en Radioleiros: 27 de xaneiro

- Infantil (de 8 a 10 anos):
"Juan Oveja también quiere tener una persona" de Kirsten Boie e Philip Waechter, editado por Lóguez

Papá Oveja négalle ao seu fillo Juan a posibilidade de ter unha persoa como mascota. Juan insiste porque na súa aula, todos os seus amigos téñena. Unha historia con moita mensaxe arredor dun asunto sempre de actualidade.

- Mozos/as e adultos/as:

"O bosque de levas" de Alfonso Álvarez Cáccamo, en Galaxia, (o DVD haino na Biblioteca Central Rialeda, consulta dispoñibilidade)

Lucía e Alberte levan unha vida normal cos seus tres fillos. Na súa casa comezan a suceder detalles estraños e teñen que aceptar que viven cun intruso. Unha divertida novela que opta polo humor como vía de interpretación da realidade.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Ler para saber A CIENCIA: 27 de xaneiro

Esperámoste na Biblioteca Central Rialeda (2º andar), o venres 27 de xaneiro ás 18:30, para participar nesta actividade dirixida a nenos e nenas a partir de 10 anos, adolescentes e público en xeral.

Primeiramente Iria Vázquez Pillado e Daniel Sánchez Mosquera, alumnos do Instituto Neira Vilas, realizarán unha breve presentación sobre “Os persas”.
 

Posteriormente o doutor Roberto Bao Casal, profesor titular da Universidade da Coruña, Departamento de Ciencias da Navegación e da Terra, área de Paleontoloxía falará na charla científica de “A vida nos mares do pasado: obradoiro de paleontoloxía para nenos/as”.

Seleccionamos para ti libros e DVDs para esta charla científica.

Emilia Pardo Bazán: a condesa rebelde

Presentamos a mostra biobibliográfica “Emilia Pardo Bazán: a condesa rebelde” na Biblioteca Municipal Rosalía de Castro de Santa Cruz. Composta por varios obras escritas por dona Emilia ou dedicadas a ela en parte ou na súa totalidade, esta exposición pretende ser unha homenaxe a unha muller polifacética e das máis avanzadas do seu tempo. Nada na Coruña a mediados do XIX nunha familia moi ben situada economicamente, pasa os seus primeiros anos na cidade con estadías en Madrid e Sanxenxo. Recebe unha educación conforme a súa clase social e no 1868 casa con José Quiroga, estudante de Dereito. Viaxa por Europa e no 1876 ten o seu primeiro fillo. Segue escribindo e publica o libro, ”Pascual López”, mentres colabora en revistas galegas e madrileñas. Os anos vindeiros son prolíficos con obras como “Un viaje de novios” e “La tribuna”(1882), ambientada na Coruña coas cigarreiras e deixando ver a súa oposición ao republicanismo. Un ano máis tarde, aparece “La cuestión palpitante”, compendio de artigos sobre realismo e naturalismo, que suscitou unha grande polémica nos medios literarios e xornalísticos. Sempre activa, funda no 1884 xunto con outros intelectuais coruñeses a sociedade “El folklore gallego”, interesada no estudo da cultura popular dentro dun contorno como o rexionalismo. Pronuncia unha conferencia no Circo de Artesáns en memoria de Rosalía de Castro, tendo discrepancias por isto con Manuel Murguía. Sepárase do seu home, feito inusual nesa época. No 1886 pasa uns meses en París e redacta “Los Pazos de Ulloa”, ambientada no rural galego e con claras ligazóns co naturalismo de Zola. De volta en Madrid, mantén relacións con Pérez Galdós e Lázaro Galdiano. Posteriormente, funda a “Biblioteca de la Mujer”, iniciativa novidosa para publicar libros de socioloxía, relixión, literatura e economía doméstica. Comparte ideas coa xeración do 98. Xa no século XX, viaxa por Europa e segue publicando en prensa e revistas especializadas. A súa candidatura á Real Academia Española é rexeitada, mentres no 1914 é condecorada polo Rei. Morre en Madrid no 1921 publicando o ABC o seu último artigo.

Vencellada a Oleiros e aos seus arredores (foi propietaria do Pazo de Meirás e do Castelo de Santa Cruz), a Biblioteca Municipal Rosalía de Castro de Santa Cruz atópase situada na rúa Emilia Pardo Bazán, muller á que queremos homenaxear con esta mostra.