Hora do conto e actividades infantís: 7 de febreiro 2025

- Aforo limitado: reserva a túa praza a través de oleiros.org/bibliotecas/inscribete

Podes inscribirte desde 10 días antes da data de realización.

Biblioteca Pública Municipal Ánxel Fole (Nós)

Venres 7 de febreiro, ás 18:30  

Para crianzas de 2 a 4 anos Aforo completo!!!

ESPECTÁCULO: “Pipo, o paxaro que non sabía voar”

CONTACONTOS: Trémola Teatro

AVISO

A-o adulta-o responsable de cada menor de idade deberá permanecer necesariamente no recinto da biblioteca ata que remate a actividade e recolla a-o nena-o.

Tertulias literarias nas Bibliotecas de Oleiros (28 a 29 xaneiro 2025)

 Biblioteca e Centro de Documentación da Muller "Rosalía de Castro". Santa Cruz (Grupo B)
- Martes 28 de xaneiro. 17:30 a 19:30 h.
Comentario de "No te veré morir" de Antonio Muñoz Molina.
Modera: Silvia Salgado.
Documentación.
Ao remate entregaráse a obra "A nosa cinza" de Xabier Alcalá.

Biblioteca Central Rialeda. Perillo (Grupo B)
- Mércores 29 de xaneiro. 17:30 a 19:30 h.
Comentario de "Los reyes de la casa" de Delphine de Vigan.
Modera: Silvia Salgado.
Documentación.
Ao remate entregaráse a obra "O único que queda é o amor" de Agustín Fernández Paz.

Recomendacións en Radioleiros: 24 xaneiro 2025

- Infantil (a partir de 10 anos):

Neko, de Eva Mejuto.
Oqueleo.

Unha tenra historia para tratar, desde a ollada dunha nena, as consecuencias da violencia de xénero.

- Mocidade e persoas adultas:

Tras do ceo, de Manuel Rivas.
Xerais.

Versión dixital en Galiciale.

A novela  transcorre nun lugar chamado Tras do Ceo e comeza cunha batida na que o obxectivo é o Solitario, un lendario porco bravo a quen lle atribúen mortes e ataques a participantes noutras cazarías.

Na batida participa unha cuadrilla de cazadores urbanos con relacións de amizade e negocios. Entre eles está Dombodán, o mais novo e o único natural de Tras do Ceo, que nos irá narrando os feitos cunha ollada propia.

Novela negra radical que se vai endurecendo a medida que avanzamos na lectura e  que ten por fondo a caza do home polo home e a depredación social e natural.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Expo bibliográfica "75 cabodano de Castelao" en Rialeda e Dorneda

En 2025 conmemoramos o 75º aniversario da morte de Alfonso Daniel Rodríguez Castelao, unha das personalidades fundamentais da Galicia contemporánea. Xunto a numerosas institucións e entidades culturais e sociais, as bibliotecas municipais de Oleiros queren sumarse ás celebracións do seu legado artístico, político e social.

O obxectivo do Ano Castelao 2025 é lembrar a memoria e a herdanza de quen foi un dos fundadores da Galicia contemporánea, a súa cultura e o seu marco político: é imposible pensar Galicia sen pensar a Castelao.

"Dono das chaves da expresión» como di Otero Pedrayo de Castelao en "O libro dos amigos", e como podemos ler no web da Fundación Castelao: humorista, pintor, escritor, político, Castelao é antes que nada un gran comunicador, un creador entregado á causa da liberdade do seu país.

Co impacto da súa obra forxou a conciencia colectiva da Galiza de hoxe e converteuse nun mito. 

Fonte: fundacioncastelao.gal

Visita as expos bibliográficas adicadas a Castelao no seu 75 cabodano no vestíbulo da Biblioteca Central Rialeda (Perillo) e na Biblioteca Municipal Mª José Ruso (Dorneda).

Libros de Castelao dispoñibles en Galicia Le

Tertulias literarias nas Bibliotecas de Oleiros (20 a 22 xaneiro 2025)

 

Biblioteca "Mª José Trincado". Mera (Grupo B)
- Luns 20 de xaneiro. 19 a 20:30 h.
Comentario de "Ancho mar de los Sargazos" de Jean Rhys.
Modera: Silvia Salgado.
Documentación.
Ao remate entregaráse a obra "Historia de los vertebrados" de Mar García Puig.

Biblioteca e Centro de Documentación da Muller "Rosalía de Castro". Santa Cruz (Grupo C)
- Martes 21 de xaneiro. 11 a 12:30 h.
Comentario de "Un viejo que leía novelas de amor" de Luis Sepúlveda.
Modera: Silvia Salgado.
Documentación.
Ao remate entregaráse a obra "Os vellos non deben de namorarse" de Castelao.

Biblioteca e Centro de Documentación da Muller "Rosalía de Castro". Santa Cruz (Grupo A)
- Martes 21 de xaneiro. 17:30 a 19:30 h.
Comentario de "Canciones de amor a quemarropa" de Nickolas Butler.
Modera: Silvia Salgado.
Documentación.
Ao remate entregaráse a obra "Cómo maté a mi padre" de Sara Jaramillo.

Biblioteca Central Rialeda. Perillo (Grupo A)
- Mércores 22 de xaneiro. 17:30 a 19:30 h.
Comentario de "Todo cuanto amé" de Siri Hustvedt.
Modera: Silvia Salgado.
Documentación.
Ao remate entregaráse a obra "La nieta del señor Linh" de Philippe Claudel.

Recomendacións en Radioleiros: 17 xaneiro 2025

- Infantil- juvenil:

Os planetas: a música do firmamento de José Antonio Abad, ilustrado por Antonio Seijas. En Hércules.

Este libro que combina de maneira perfecta os textos, as ilustracións e a música, segue as aventuras dun neno que mentres durme, percorre o sistema solar ao ritmo da música do compositor británico Gustav Holst. En cada soño, o rapaz visita un planeta descubrindo as súas características e as historias dos deuses que lles deron nome. Realidade e fantasía únense nesta narración para crear unha viaxe máxica e educativa.

- Mocidade e persoas adultas:

Libre: el desafío de crecer en el fin de la historia de Lea Ypi. Editado por Anagrama.

Dispoñible en eBiblio

Un libro de memorias no que Lea Ypi retrata a caída do comunismo en Albania en 1990 ao tempo que vai relatando a historia da súa familia. Deste xeito, vai creando unha atmósfera de cotiandade e normalidade mentres relata o adestramento político na escola, as longas colas para conseguir os alimentos racionados ou o que supón atoparse unha lata de refresco de cola abandonada por un turista. O colapso do réxime supón a desaparición de todo o que Lea coñecía ou cría coñecer.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

52 sesións de promoción da lectura con espectáculos da hora do conto e actividades infantís nas bibliotecas de febreiro a maio 2025

Unha tempada máis, as Bibliotecas Municipais de Oleiros organizan actividades de promoción da lectura dirixidas a nenas e nenos de 2 a 4 anos, a partir de 5 anos, e obradoiros para maiores de 6 anos. As sesións de contacontos e concertos terán lugar ás 18:30 h e os obradoiros ás 17:30 h. Desde o 7 de febreiro e ata mediados de maio, nas sete bibliotecas municipais levaranse a cabo 52 sesións de diferentes actividades infantís, como contacontos, concertos de música, obradoiros, etc., para fomentar a lectura e animar a que as nenas e nenos visiten as bibliotecas no seu tempo libre. Estas actividades realizaranse a través de narración ou dramatización dunha ou varias historias, pero tamén haberá música e outros espectáculos para atraer á lectura ao público infantil. Todos os actos terán un enfoque lúdico, fomentando a imaxinación e  a creatividade, como unha invitación a viaxar a un tempo máxico de ilusión e fantasía. Debido a que o aforo é limitado, é imprescindible reservar praza na biblioteca en que se desenvolva cada unha das actividades. Isto pode facerse chamando por teléfono, achegándose persoalmente ou por internet en oleiros.org/bibliotecas/inscribete.

Poderanse inscribir desde dez días antes da data de realización. Contarase con Compañías como Trémola Teatro, Trinketrinke Teatro, A Xanela do Maxín, Tarabelos Teatro, Eduvía e OQO. Contadoras-es como Charo Pita, Ramiro Neira, Marta Ortiz, Iseo a Moura, Catuxa Cela, Raquel Queizás e Raquel Crespo. Artistas como Pablo Díaz e Paco Nogueiras. Os obxectivos que se intentan conseguir son fomentar a lectura a través do pracer e o gusto por esta, que se divirtan escoitando contos, facer novas lectoras e lectores ou consolidarlles este hábito e promover o descubrimento da diversidade dos libros. Preténdese introducir as crianzas no mundo dos libros a través dunha lectura que poidan comprender, coa que gocen e se entreteñan. Tratarase de espertar unha sensibilidade que faga descubrir o pracer que pode proporcionar a lectura, para que vexan que se divirten e pasan momentos agradables cos libros. Poden solicitar información en calquera das sete bibliotecas municipais. 

Programación tertulias literarias 2º trimestre (xaneiro - abril 2025)

  

 Biblioteca Central Rialeda. Perillo.

Monográfico "Identidade e espazos: outras formas de amor"

Grupo A:
- Todo cuanto amé, de Siri Hustvedt (8 a 22 xaneiro)
- La nieta del señor Linh, de Philippe Claudel (22 xaneiro a 5 febreiro)
- Los reyes de la casa, de Delphine de Vigan (5 a 19 febreiro)
- Vi: una mujer minúscula, de Kim Thuy (19 febreiro a 5 marzo)
- O único que queda é o amor, de Agustín Fernández Paz (5 a 19 marzo)
- Un viejo que leía novelas de amor, de Luis Sepúlveda (19 marzo a 2 abril)

Grupo B:
- Los reyes de la casa, de Delphine de Vigan (15 a 29 xaneiro)
- O único que queda é o amor, de Agustín Fernández Paz (29 xaneiro a 12 febreiro)
- La nieta del señor Linh, de Philippe Claudel (12 a 26 febreiro)
- Un viejo que leía novelas de amor, de Luis Sepúlveda (26 febreiro a 12 marzo)
- Todo cuanto amé, de Siri Hustvedt (12 a 26 marzo)
- Vi: una mujer minúscula, de Kim Thuy (26 marzo a 9 abril)

Biblioteca e Centro de Documentación da Muller "Rosalía de Castro". Santa Cruz.

Monográfico: "A historia dentro da Historia"

Grupo A:
- Cómo maté a mi padre, de Sara Jaramillo (21 xaneiro a 4 febreiro)
- Sostiene Pereira, de Antonio Tabucchi (4 a 18 febreiro)
- A nosa cinza, de Xavier Alcalá (18 febreiro a 11 marzo)
- No te veré morir, de Antonio Muñoz Molina (11 a 25 marzo)
- Azucre, de Bibiana Candía (25 marzo a 8 abril)

Grupo B:
- No te veré morir, de Antonio Muñoz Molina  (14 a 28 xaneiro)
- A nosa cinza, de Xavier Alcalá  (28 xaneiro a 11 febreiro)
- Cómo maté a mi padre, de Sara Jaramillo (11 a 25 febreiro)
- Azucre, de Bibiana Candía (25 febreiro a 18 marzo)
- Sostiene Pereira, de Antonio Tabucchi (18 marzo a 1 abril)

Grupo C (mañás):
- Os vellos non deben de namorarse (21 xaneiro a 18 febreiro)
- Desgracia, de J. M. Coetzee (18 febreiro a 18 marzo)
- Cómo maté a mi padre, de Sara Jaramillo (18 marzo a 22 abril)

Biblioteca "Mª José Trincado". Mera.

Monográfico: "Maternar e parternar na literatura: a familia"

Grupo A:
- Os seres queridos, de Berta Dávila (13 xaneiro a 10 febreiro)
- Llévame a casa, de Jesús Carrasco (10 febreiro a 10 marzo)
- Historia de los vertebrados, de Mar García Puig (10 marzo a 7 abril)

Grupo B:
- Historia de los vertebrados, de Mar García Puig (20 xaneiro a 17 febreiro)
- Os seres queridos, de Berta Dávila (17 febreiro a 17 marzo)
- Llévame a casa, de Jesús Carrasco (17 marzo a 21 abril)

Biblioteca "Manuel María". Oleiros.

Monográfico: "Clásicos atemporais e eloxio aos que se foron"

- El extranjero, de Albert Camus (16 xaneiro a 20 febreiro)
- El coronel no tiene quien le escriba, de Gabriel García Márquez (20 febreiro a 20 marzo)
- Circe ou o pracer do azul, de Begoña Caamaño (20 marzo a 10 abril)

Tertulias literarias nas Bibliotecas de Oleiros (13 a 16 xaneiro 2025)

 

Biblioteca "Mª José Trincado". Mera (Grupo A)
- Luns 13 de xaneiro. 19 a 20:30 h.
Comentario de "El coronel no tiene quien le escriba" de Gabriel García Márquez.
Modera: Silvia Salgado.
Documentación.
Ao remate entregaráse a obra "Os seres queridos" de Berta Dávila.

Biblioteca e Centro de Documentación da Muller "Rosalía de Castro". Santa Cruz (Grupo B)
- Martes 14 de xaneiro. 17:30 a 19:30 h.
Comentario de "La nieta del señor Linh" de Philippe Claudel.
Modera: Silvia Salgado.
Documentación.
Ao remate entregaráse a obra "No te veré morir" de Antonio Muñoz Molina.

Biblioteca Central Rialeda. Perillo (Grupo B)
- Mércores 15 de xaneiro. 17:30 a 19:30 h.
Comentario de "Cómo maté a mi padre" de Sara Jaramillo.
Modera: Silvia Salgado.
Documentación.
Ao remate entregaráse a obra "Los reyes de la casa" de Delphine de Vigan.

Biblioteca "Manuel María". Oleiros.
- Xoves 16 de xaneiro. 11 a 12:30 h.
Comentario de "Llévame a casa" de Jesús Carrasco.
Modera: Silvia Salgado.
Documentación.
Ao remate entregaráse a obra: "El extranjero" de Albert Camus.

Recomendacións en Radioleiros: 10 xaneiro 2025

- Infantil (a partir de 4 anos):

A visita, de Núria Figueras, con ilustracións de Anna Font.
Kalandraka.

A visita do Silencio a unha raposiña implica unha nova realidade da percepción cunha proposta estética galardoada no XVI Premio Internacional de Compostela Álbum Ilustrado.

- Mocidade e persoas adultas:

La guerra sucia: la República contra la Quinta Columna, de Julius Ruiz.
Espasa.

Este profesor de Historia de Europa da Universidade de Edimburgo, tráenos un completo estudo da política de seguridade interior seguida polo goberno da República na Guerra Civil, con alianzas, tensións e momentos críticos neses anos de 1936 a 1939.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Intelixente. Sensible. Burleiro: centenario do nacemento do naturalista, presentador de televisión e novelista Gerald Durrell (1925-2025)

Gerald Malcolm Durrell naceu na India o 7 de xaneiro de 1925. A nenez de Durrell transcorreu na India, (aínda pertencía daquela ao Imperio Británico), e dalí é a lembranza da súa primeira visita a un zoo, momento que abre a súa paixón pola conservación da natureza e o amor aos animais.  A partir de 1935, a súa estadía na illa grega de Corfú, foi de grande importancia para a súa formación e foi contada de forma moi ocorrente en parte dos seus libros. Viaxou por todo o mundo para estudar e recoller exemplares para zoolóxicos e acuarios. Estas viaxes convertéronno nun firme defensor da vida salvaxe e comprometeuse en protexela. En 1963, fundou o Durrell Wildlife Conservation Trust en Jersey, nas Illas do Canal, co obxectivo de protexer especies en perigo de extinción. Unha cápsula do tempo soterrada en 1988 no Zoo de Jersey, que forma parte da súa fundación, conserva unha das súas citas máis fermosas: "Agardamos que haxa lucecús na noite para vos guiar e bolboretas nas sebes e bosques para vos saudar. Agardamos que nas vosas alboradas escoitedes unha orquestra de paxaros e que o son das súas ás e a opalescencia da súa cor vos fascinen. Agardamos que siga existindo a extraordinaria variedade de criaturas que comparten o planeta connosco para vos marabillar e enriquecer as vosas vidas como o teñen feito connosco".

A Biblioteca Central Rialeda (Perillo) e a Biblioteca Municipal Rosalía de Castro (Santa Cruz) ofrécenche senllas exposicións bibliográficas para conmemorar o centenario do seu nacemento.

Libros dispoñibles en eBiblio

Libros de Gerald Durrell en Bibloleiros

Ligazóns de interese:

durrell.org

rtve.es

pressreader.com

Tertulias literarias nas Bibliotecas de Oleiros (8 xaneiro 2025)

Biblioteca Central Rialeda. Perillo (Grupo A)
- Mércores 8 de xaneiro. 17:30 a 19:30 h.
Comentario de "Ninguén queda" de Brais Lamela.
Modera: Rosa García Vilariño.
Documentación.
Ao remate entregaráse a obra "Todo cuanto amé" de Siri Hustvedt.

Recomendacións en Radioleiros: 3 xaneiro 2025

- Xuvenil:

Conoce, ama y protege: Listado de especies amenazadas y casos de éxito según la lista roja de Laura Fraile. En Mosquito.

Un fermoso e interesante álbum ilustrado que presenta especies ameazadas do mundo.

Grazas á información que cada ano publica a Unión Internacional para a Conservación da Natureza, na súa Lista Vermella, podemos saber que especies desapareceron e cales están en proceso de salvación. Por exemplo: Que máis de 41.000 especies están ameazadas, das que o 41% son anfibios, o 37% tiburóns e raias, o 33% corais de arrecife, o 27% mamíferos, etc.

Como a caza ilegal e furtiva do gorila oriental é a súa principal ameaza. Cázano para o comercio da súa carne. O tigre é o felino máis grande e actualmente só sobreviven 6 das 9 subespecies que existiron. O lince ibérico é a especie de felino máis ameazada do mundo. Que acontece coas tartarugas mariñas ou cos mamíferos mariños como a balea azul, ou o rorcual común? O caso do panda xigante, o problema das abellas, a importancia dos insectos, etc.

Tamén fala de especies que xa están fóra de perigo: o bisonte europeo, o raposo insular, o oryx (antílope) de Arabia, o paxaro monarca colilongo, etc.

Nas primeiras páxinas explica algunhas características do Planeta Terra: cando naceu, cando se orixinou a vida, cando apareceu o ser humano, etc. Durante os millóns de anos transcorridos como se foron diversificando e evolucionando as distintas especies, pero tamén que é unha especie ameazada, como se avalían e clasifican as especies, etc.

Unha obra de só 42 páxinas con moitas ilustracións, gráficos, cadros e textos curtos. Dirixida a todos os públicos, pero principalmente a adolescentes a partir de 10 ou 11 anos, que indica como precisamos unha natureza sa para vivir, como a humanidade se enfronta a un reto medioambiental, pero tamén como hai diversos programas de conservación. 

- Mocidade e persoas adultas:

Detective Ferruchi de Marta Villar. Editado por Xerais.

Dispoñible en GaliciaLe

XLI Premio Xerais de Novela

Unha novela coral de intriga e entretida, que consegue manter o misterio ata o final.

Na localidade de Umeiro apareceu Xan Sequeiros brutalmente asasinado na súa propia casa. Era o mellor dos veterinarios da zona, cun don especial para curar os animais, pero tamén unha persoa introvertida e suprasensible. Ao chegar, a Policía Local protexeu o escenario do crime, agardando á  Policía Xudicial que serían os que levarían a investigación.

Uns días antes, Sol Cortés, unha padronista de Inditex, decide deixar ese traballo e a cidade da Coruña, e volver a súa vila natal para montar unha libraría, que vai chamar “Libraría Agatha”, como homenaxe á escritora Agatha Christie. Desde o principio, decidiu contratar unha empregada, coa casualidade de que tamén se chamaba Agatha. Vai narrando acontecementos relacionados con distintos personaxes: Vivita, madriña de Sol, que vive actualmente con ela, despois de abandonar o seu home tras 40 anos de infelicidade e convivencia insoportable. Acacio, avó do xefe da policía Amil, que está hospitalizado e que para Amil é unha persoa extraordinaria, coa que se criou, por estar seus pais emigrados. Acacio debe ser a única persoa do mundo encantada de estar no hospital: falar coas enfermeiras, coas médicas, coas acompañantes dos enfermos, etc. Sempre que sexan mulleres, el está feliz. Alicia, a alcaldesa, que lle pide ao xefe de prensa se a pode acompañar a unha voda. Cantoná, o heroe local. Santiago, o irmán do morto, que lle comenta a Sol se pode investigar algo, debido a que el é o principal sospeitoso por ser o herdeiro. Ten moitas débedas porque o negocio de arranxar ordenadores e móbiles non vai ben. A trama céntrase na investigación paralela de Sol, a través da cal saen temas da sociedade actual que invitan á reflexión: As mulleres que durante os anos oitenta axudaron a levantar o imperio téxtil de Inditex grazas ao seu duro traballo nas cooperativas, pero que para moitas significou a súa independencia económica. A visibilización de colectivos minoritarios que reivindican o valor da diferenza e rachan cos prexuízos. A propia Sol é xitana por parte do pai. Ágatha é lesbiana, etc. Unha novela  presentada con humor, cunha morea de personaxes peculiares e sorprendentes, contada cun ton irónico para explicar costumes e hábitos da zona.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

"Surtido de Nadal": calidade suprema para degustar

  

 

 

Producción ilimitada de delicatessen literaria. Catas para padais esixentes.

Recomendacións en Radioleiros: 27 decembro 2024

- Infantil (a partir de 4 anos):

Dentro deste libro viven dous crocodilos, de Claudia Souza, con ilustracións de Ionit Zilberman.
Verdemar.

Un libro para os máis cativos arredor dos medos e a inseguridade, todo con moito humor.

- Mocidade e persoas adultas:

La derrota de Occidente, de Emmanuel Todd.
Akal.

A guerra entre Rusia e Ucrania sérvelle a Todd para reflexionar sobre o acontecido nas últimas décadas e o futuro a medio e longo prazo.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.