Recomendacións en Radioleiros: 20 de xaneiro

- Adolescentes:
"Legado" de Christopher Paolini, en Roca Editorial.

Será quen Eragon de derrotar ao malvado Galbatórix e liberar Alagaësia da súa tiranía? A esperanza do imperio descansa nas súas mans.


- Mozos/as e adultos/as:
"Hablando del asunto" de Julian Barnes, editado por Anagrama.

Cando o amor é cousa de tres...

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Video-tertulia con Agustín Fernández Paz en Rialeda

O mércores 18 de xaneiro tivo lugar na Biblioteca Central Rialeda unha video-tertulia coescritor Agustín Fernández Paz, gañador do Premio Nacional de Literatura Infantil e Xuvenil 2008 e o Premio Iberoamericano SM 2011 entre outros.

Ao longo de unha hora, Agustín explicounos o proceso de creación da súa novela "Non hai noite tan longa".


Fragmento da video-tertulia (YouTube)

Comeza o Ano Celso Emilio Ferreiro na Biblioteca Municipal de Montrove

Este será o Ano Celso Emilio Ferreiro, ano no que se conmemora o nacemento do escritor galego nacido en Celanova en 1912, que coincide ademáis co medio século de Longa noite de pedra, poemario guía do antifranquismo. Ao longo de toda Galicia sucederanse diversos actos para celebrar e divulgar a obra do poeta celanovés. A esta xeira de actos vanse sumar as Bibliotecas Municipais de Oleiros, con diferentes actividades. Esta semana comeza a exposición dos fondos bibliográficos que de Celso Emilio Ferreiro ou sobre este autor existen na Biblioteca Municipal Federico García Lorca de Montrove.

Deixamósvos este poema semiinédito de Celso Emilio de plena vixencia.

Tertulia literaria en Rialeda: mércores 18 de xaneiro (Grupo B)

Na Biblioteca Central Rialeda (Casiña de actividades)

Hora: 17,30 a 18,30 h.

Comentaráse a obra "Non hai noite tan longa" de Agustín Fernández Paz
Documentación

Obras de Agustín Fernández Paz nas nosas bibliotecas

Recomendacións en Radioleiros: 13 de xaneiro

- Infantil (nenos/as menores de 6 anos): 

"Grisela" texto de Anke de Vries e ilustracións de Willemien Min, editado por Faktoría K de Libros.
Grisela é unha ratiña que non está conforme co seu aspecto.Proba a pintarse de cores e o resultado demóstralle que é mellor aceptarse tal e como somos.
- Mozos/as e adultos/as:
"Una esposa de fiar" de Robert Goolrick, en Salamandra.
A comezo do século XX,un home poderoso busca unha muller para casar a través dun anuncio de prensa.A candidata ten un plan oculto e aí comezará unha historia forte e chea de contido.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Tertulia literaria en Rialeda: Programación xaneiro-marzo 2012

Grupo A (a partires do 11 de xaneiro)

- Tertulia, de Xavier Alcalá
- Salir a robar caballos, de Per Petterson
- Versiones de Teresa, de Andrés Barba
- Viajes con Herodoto, de Ryszard Kapuściński
- Por favor cuida de mamá, de Kyung-Sook Shin
- El palacio de cristal, de Amitav Ghosh

Grupo B (a partires do 18 de xaneiro)

- La cena, de Herman Koch
- El pájaro espectador, de Wallace Stegner
- Tertúlia, de Xavier Alcalá
- Cien años de soledad, de Gabriel García Márquez
- La ladrona de libros, de Markus Zusak
- Salir a robar caballos, de Per Petterson

Tertulia literaria en Rialeda: mércores 11 de xaneiro (Grupo A)

Na Biblioteca Central Rialeda (Casiña de actividades)
Hora: 17,30 a 19,30 h.

Comentaráse a obra "La ladrona de libros" de Markus Zusak
Documentación

Obras de Markus Zusak nas nosas bibliotecas

Díaz Pardo: Compromiso e Lealtade

Dende este pequeno espazo, as bibliotecas de Oleiros queremos homenaxear a figura de Isaac Díaz Pardo (1920-2012)

Fillo do pintor Camilo Díaz Baliño, foi deseñador, ceramista, editor e empresario. Nacéu en Santiago e hoxendía considérase un dos referentes indiscutibles da nosa cultura. Destacados galeguistas como Castelao, Cabanillas, Risco e outros foron os referentes da súa formación intelectual. No ano 1936 colaborou dun xeito comprometido na campaña a favor do Estatuto de Autonomía.

Tra-lo seu paso por Arxentina, onde vivíu exiliado, acomete unha das grandes renovacións do arte galego, fundando xunto a Luis Seoane o Laboratorio de Formas, posteriormente chamado Grupo Sargadelos, e no que se incluiría Edicións do Castro.

O seu legado bibliográfico, documental, epistolar e gráfico, máis de 16.000 volúmenes, será conservado na Cidade da Cultura.

Recibíu ao longo da súa vida destacados recoñecementos como a Medalla de Ouro ao Mérito nas Belas Artes de España, Doctor Honoris causa pola USC e a Medalla de Ouro e Fillo Predilecto de Compostela.

Obras de / sobre Isaac Díaz Pardo no Sistema de Bibliotecas do Concello de Oleiros

Tertulia literaria en Santa Cruz: luns 9 de xaneiro

Na Biblioteca e Centro de Documentación da Muller "Rosalía de Castro" de Santa Cruz
Hora: de 18,30 a 20

Comentario da obra "Pura anarquía" de Woody Allen
Reseña de Rafael Narbona (El Cultural, setembro 2007)
Reseña de Alejandra Crespo (Revista de Letras, novembro 2009)

Películas de Woody Allen nas bibliotecas do Concello de Oleiros

Guía de lectura "Palabras para compartir" (Nadal 2011)

Presentamos a guía de lectura de Nadal "Palabras para compartir" . Está formada por unha selección de creacións de autoras e autores galegos, españois e internacionais, para distintos gustos, intereses, preferencias e idades. Boas historias e bos libros para ler, observar ou mirar, películas ou discos para gozar e compartir.

Desde as Bibliotecas Municipais ofrecemos esta guía de lectura cun dobre obxectivo: presentar obras de calidade literaria, artística ou científica para animar a súa lectura, audición ou visionado e lembrar que un libro, un cd, ou un dvd son tamén un bo agasallo.

Recomendacións en Radioleiros: 30 de decembro

- Infantil: "Trece noites, trece lúas: libro das marabillas do Nadal" texto de Antonio Reigosa e ilustracións de Noemí López, en Xerais.
Interesante obra, dividida en dez capítulos, que nos explica o por que de diversos mitos, ritos, lendas e tradicións do Nadal.

- Mozos/as e adultos/as:"1Q84" de Haruki Murakami, en galego están publicados os 3 volumes en Galaxia. En castelán están editados por Tusquets.
En xaponés, a letra q e o número 9 pronúncianse igual, de forma que 1Q84 lese igual que 1984.
É unha historia coral, con varios personaxes que se entrecruzan. Aomame, unha moza independente, que traballa nun ximnasio e que leva unha vida aparentemente normal, pero en realidade é unha asasina. Tengo, un profesor de matemáticas, que aspira a ser escritor. As historias de Aomame e Tengo vanse alternando simetricamente, ao tempo que nos presenta a sociedade xaponesa, as seitas relixiosas, os malos tratos e a corrupción.
1Q84 é a obra máis ambiciosa de Murakami na que reflicte a soidade e as ansias de amor. Unha novela dura e poderosa que engancha aos lectores e lectoras.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Recomendacións en Radioleiros: 23 de decembro

- Infantil (de 8 a 10 anos):
"Bruno e o Manto de Estrelas" de Sonia Martínez e ilustracións de Yolanda Falagán, editado por Baía.
Cada vez que a avoa queda na casa, Bruno ten que durmir no cuarto do faiado, pero non lle importa porque grazas ao seu amigo Dimitar descubre o Universo.
- Mozos/as e adultos/as:
"U de ultimátum" de Sue Grafton, en Tusquets.
Kinsey Milhone, investigadora privada nunha vila de California, recibe un encargo por parte dun particular para investigar unha desaparición acaecida nos anos sesenta. Pensa adicarlle un só día pero o asunto será máis complexo...
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

GZ 35mm: Olladas propias - Exposición dvds cine galego en Rialeda

No 2º andar da Biblioteca Central Rialeda, ofrecémosche unha pequena mostra do noso audiovisual máis recente. Curtas, longas, tv-movies e documentais que amosan a versatilidade da creación do noso país. A exposición non só ofrece cine 100% galego senón as co-producións con outras compañías que fan do noso audiovisual un protagonista notable do cine estatal.

- O bosque de levas, de Antón Dobao
- A mariñeira, de Antón Dobao
- Mar libre, de Daniel de la Torre
- Manciña morta, bate na porta, de Ramón Costafreda
- A biblioteca da iguana, de Antón Dobao e Miguelanxo Prado

...e máis títulos que podes consultar no catálogo

Tertulia literaria en Rialeda: mércores 21 de decembro (Grupo B)

Na Biblioteca Central Rialeda (Casiña de actividades)

Hora: 17,30 a 19,30 h.

Comentaráse a obra "Entre la bruma" de Simonetta Agnello Hornby
Documentación

Obras de Simonetta Agnello Hornby nas nosas bibliotecas

AVISO: a actividade retomaráse o 18 de xaneiro, tras as festas de Nadal

Contos de Nadal con Soledad Felloza o mércores 21 de decembro en Santa Cruz

A actriz Soledad Felloza realizará unha sesión de contacontos o mércores 21 de decembro nas Torres de Santa Cruz.

Ás 18 horas, os nenos/as ata 3 anos poderán escoitar Soños de neve: contos e cancións para bebés, e as 18:30 horas para maiores de 3 anos Contos de Nadal. Con esta sesión finalizan as sesións da hora do conto para este ano 2011. Esperamos que fosen do voso agrado e convidámosvos a acompañarnos nos contacontos do vindeiro ano, que vos anunciaremos con oportuna antelación. BO NADAL!!!