Tertulia literaria en Santa Cruz: 13 de xuño - Remate Tempada

Na Biblioteca e Centro de Documentación da Muller "Rosalía de Castro"

Hora: de 18,30 a 20 h.

Comentaráse a obra "Vida con Picasso" de Françoise Gilot.
Obras sobre Pablo Picasso nas nosas bibliotecas.

Con esta sesión remata a tempada 2010-2011. Agradecemos a todas as participantes a súa presenza un ano máis na actividade, desexándolles un feliz verán.

Recomendacións en Radioleiros

Títulos recomendados o venres 10 de xuño:
- Xuvenil (a partir de 12 anos):
"El diario completamente verídico de un indio a tiempo parcial" de Sherman Alexie, en Siruela.
Arnold Spirit Junior é un adolescente indio que vive na reserva spokane de Wellpinit, no estado de Washington, onde a vida é dura e escasean as oportunidades para saír adiante. Co fin de mellorar a súa formación pide unha bolsa para cursar estudos fóra da reserva nun instituto a onde só acoden rapaces brancos.
- Mozos/as e adultos/as:
"Expiación" de Ian McEwan editado por Anagrama.
Desde a inconsciencia dos seus trece anos, Briony Tallis lanza unha grave acusación sobre unha persoa inocente que non só arruinará a vida do acusado senón tamén a súa propia.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

A túa viaxe comeza na Biblioteca

A Biblioteca Pública Municipal de Santa Cruz acerca as guías de viaxes de Galicia, España e o Mundo, nunha nova exposición que estará na sala de consulta e lectura de adultos desde o 15 de xuño ata o 15 de setembro.

Nesta mostra pódese atopar información sobre comunidades autónomas de España, Comunidade Europea : París, Londres, Roma, etc., mapas actualizados de estradas, así como guías de casas rurais, praias, balnearios, rutas a pé ou en bicicleta, etc..

Todo este material está a disposición dos usuarios e usuarias da biblioteca para consultalo na propia sala ou no seu domicilio utilizando o carnet de socio/a.

Deixa un bico no espello: poderás ver a expo sobre Lois Pereiro ata finais de xuño na Biblioteca Central Rialeda

Deixa un bico no espello

Poderás contemplar ata finais de xuño a exposición bio-bibliográfica sobre Lois Pereiro. A Biblioteca Central Rialeda conmemorou a celebración das Letras Galegas con diferentes actividades: ZONA LOIS: seguindo a proposta de actividades para cativos/as do Seminario Permanente de Formación do Profesorado do CEIP Galán de Oseiro-Arteixo, EXPO bio-bibliográfica con paneis informativos, especiais de prensa adicados ao autor monfortino, publicacións periódicas (Luzes de Galiza, Dorna), monografías, e a participación no VENTO LOIS, coa gravación de poemas de Lois por parte de lectoras/es da súa poesía.

Tertulia literaria en Rialeda: 8 de xuño (Grupo B - Remate Tempada)

Na Biblioteca Central Rialeda (Casiña de Actividades)
Hora: de 17,30 a 19,30

Comentaráse a obra "La soledad de los números primos" de Paolo Giordano

Documentación
Obras de Paolo Giordano nas nosas bibliotecas.

Con esta sesión remata a tempada no Grupo B. Agradecemos a todas as participantes a súa presenza un ano máis na actividade, desexándolles un feliz verán.

Recomendacións en Radioleiros: 3 de xuño

Títulos recomendados o venres 3 de xuño:
- Infantil (nenos/as de 6 a 8 anos):
"La verdad del elefante" texto de Martin Baltscheit e ilustracións de Christoph Mett. En Lóguez.
Cinco científicos cegos investigan sobre a verdade sen atopala porque non son capaces de ver o conxunto. Unha historia filosófica sobre a verdade e a imaxinación.
- Mozos/as e adultos/as:
"Á marxe, 1998. Obra xornalística VII" de Carlos Casares. Editado por Galaxia.
Unha das múltiples facetas de Carlos Casares (1941-2002) foi a de redactar pequenos artigos de prensa. Neste ano 1998 vemos pasar ao gato Samuel, escritores amigos como Torrente e Bryce Echenique, estadías en Israel e nos Estados Unidos, un feixe de cafés con puro e congresos literarios en España e Portugal, todo sen perder o humor e a retranca.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

A serie "Roma" chega á Biblioteca Rialeda

A Biblioteca Central Rialeda engade á súa ampla colección de dvds, a prestixiosa serie de televisión "Roma". Producida entre 2005 e 2007, consta de 22 episodios divididos en 11 discos que cubren as dúas tempadas completas.

Rodada íntegramente nos míticos estudios Cinecittà da capital italiana, "Roma" é un drama épico sobre os días de poder e gloria de Xulio César a través da ollada de dous soldados, Lucius Vorenus y Titus Pullo.

Como curiosidade apuntamos que a serie deixou de producirse debido ao altísimo custe da mesma. Todo o armamento, cascos, e demáis panoplia foi fabricada artesanalmente e os tecidos dos vestidos (la, liño, algodón e seda) foron importadas da India, Túnez e Marrocos.

Non obstante está prevista a súa continuación en pantalla grande.

A colección distribúese en 6 volumes. Consulta a súa dispoñibilidade.

Hora do conto: 31 de maio

Aquí tes a programación desta semana da hora do conto,
PASARALO MOI BEN ESCOITANDO CONTOS!!!

Biblioteca Pública Municipal "Manuel María". Oleiros
Martes 31 de maio
CONTACONTOS: Pablísimo
TÍTULOS: "Terrible", "Gato Guille e os monstros", "Agora non, Fernando", "Chibos chibóns"

Vémonos en outubro!!!

(AVISO: Os títulos programados poden sufrir variacións en función do público asistente)

Tertulia literaria en Rialeda: 1 de xuño (Grupo A - Remate Tempada)

Na Biblioteca Central Rialeda (Casiña de Actividades)

Hora: de 17,30 a 19,30

Comentaráse a obra "Tierra desacostumbrada" de Jhumpa Lahiri
Documentación

Obras de Jhumpa Lahiri nas nosas bibliotecas.

Con esta sesión remata a tempada no Grupo A. Agradecemos a todas as participantes a súa presenza un ano máis na actividade, desexándolles un feliz verán.

Vémonos en outubro!!!

Tertulia literaria en Santa Cruz: 30 de maio

Na Biblioteca e Centro de Documentación da Muller "Rosalía de Castro"

Hora: de 18,30 a 20 h.

Comentaráse a obra "Narcos" de Carlos G. Reigosa
Documentación

Obras de Carlos G. Reigosa nas nosas bibliotecas

Recomendacións en Radioleiros: 27 de maio

Títulos recomendados o venres 27 de maio:
- Infantil (nenos/as menores de 6 anos):
"¿E ti que farías por min?" de Fina Casalderrey, ilustracións de Manolo Uhía en Xerais.

Marqués e Malta son dous cans que viven na rúa e teñen moita fame. Precisan buscar comida. Mentres Malta revolve no vertedoiro buscando algo de alimento, Marqués dille o que faría por ela se fose bolboreta, xílgaro ou lúa. Malta sorrí e segue a buscar comida, por fin atopa un zanco de polo. Que fará Malta co zanco de polo? Simpática obra, cunhas fermosas e coloridas ilustracións.
- Mozos/as e adultos/as:
"Tierra desacostumbrada" de Jhumpa Lahiri, editado por Salamandra
Esta obra foi escollida polo The New York Times como o mellor libro do ano 2008.

É unha colección de relatos de familias de orixe bengalí que viven na Costa Este dos Estados Unidos. Fálannos do proceso de transformación que se produce entre a cultura da India e a occidental e a fraxilidade das relacións humanas. Retratan fielmente as vivencias e emocións destas persoas. Son historias sobre diferentes homes e mulleres que teñen que tomar decisións entre a tradición familiar e do seu país e a súa emancipación persoal, ou en función da súa propia forma de ser, pero todas tratadas con moita delicadeza. Moitos dos relatos van emocionarnos e falarnos de amor e desamor, de ilusións e desilusións.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

O Vento Lois zoa na Biblioteca Central Rialeda

O Vento Lois zoa con forza na Biblioteca Central Rialeda. Como di a letra da canción escrita por Lois Pereiro para o grupo de rock Radio Océano, Como unha lanza do vento, como o vento a avanzar!: Un nordés poético protagonizado por Cristina Veiga, David Pernas, Fran Insua, Luz Corral, Mª José Ruiz, Milagros González, Pablísimo, Pura Quiroga, Rose Conchado, Soledad Felloza, Sabela Moralejo, Pilar Silva e Chelo Seixo que recitan versos do poeta monfortino na Biblioteca Rialeda, sumándose así ao furacán imparable que percorre Galicia enteira de corazón en corazón, fundando unha comunidade poética latexante.

Novos cds de música galega en Rialeda

Ofrecémosche os seguintes títulos que podes atopar no 2º andar da Biblioteca Central Rialeda:

O xoves 26 de maio temos visita

O xoves 26 de maio temos visita!!!
O xoves, 26 de maio, visitarán a Biblioteca Central Rialeda 34 alumnos/as e unha docente do Ciclo Técnico Superior de Educación Infantil do IES Dionisio Gamallo Fierros de Ribadeo.

Os/as rapaces/as deste ciclo educativo aproveitarán a visita á comarca de As Mariñas para coñecer o funcionamento da Escola Infantil "Fonte da Balsa" de Culleredo, a Escola Infantil "Santa María de Oza" do Barrio das Flores da Coruña e a Biblioteca Central Rialeda de Perillo. Na nosa Biblioteca coñecerán como se desenvolve a programación, desenvolvemento e avaliación das actividades de animación á lectura que desde o Sistema de Bibliotecas Públicas Municipais de Oleiros diriximos aos/ás nenos/as menores de 6 anos.

BENVIDOS/AS!!!

Hora do conto: do 23 ao 27 de maio

Aquí tes a programación desta semana da hora do conto,
PASARALO MOI BEN ESCOITANDO CONTOS!!!

Biblioteca Pública Municipal "Mª José Ruso". Dorneda
Luns 23 de maio
CONTACONTOS: Pablísimo
TÍTULOS: “Agora non, Fernando”, “Chibos chibóns”, “Terrible”, “Gato Guille e os monstros”

Biblioteca Pública Municipal "Federico García Lorca". Montrove
Martes 24 de maio
CONTACONTOS: Inés Cuadrado
TÍTULO: "Contos de tradición oral sobre animais"

Biblioteca Pública Municipal "Rosalía de Castro". Santa Cruz
Mércores 25 de maio
CONTACONTOS: Celso FernándezTÍTULOS: “Contos que non falten”

Biblioteca Central "Rialeda". Perillo
Xoves 26 de maio
Para nenos-as menores de 6 anos:
CONTACONTOS: Ratiña Lupiña da Compañía do Trinke Trinke
TÍTULOS: Voces privilexiadas: "O galo Xacinto", "Inés do revés", "O gato lambón"
Para nenos-as maiores de 6 anos:
CONTACONTOS: Soledad FellozaTÍTULO: "La vida nocturna de los árboles"

Biblioteca Pública Municipal "Ánxel Fole". Nós
Venres 27 de maio
CONTACONTOS: Pedro Brandariz
TÍTULOS: “Contos e outras andrómenas”
(AVISO: Os títulos programados poden sufrir variacións en función do público asistente)