Las Ingeniosas del Hidalgo: El Quijote en voces de mujeres

Lugar: Biblioteca Central Rialeda (sala de audiovisuais, 2º andar)

Data: 3 de marzo
Horario: 10,40

Representación teatral en monólogo a cargo da actriz e contadora de contos uruguaia Soledad Felloza, que narrará diversos capítulos de “El Quijote” nos que as mulleres teñen un certo protagonismo:

- Quiteria, que en plena boda con Camacho o rico, recorda o seu amor a Basilio, o pobre.
- A pastora Marcela, na que destaca o seu discurso co que finalizaba as charlas cos seus enamorados.
- Claudia Jerónima Cervantes, na que está personalizada a liberdade da muller, con límites tan amplios nos que cabe un erro tan grave como a morte.

Actividade dirixida ao alumnado de 3º e 4º de ESO do IES Neira Vilas.

NOTA: durante a actuación os ordenadores da citada sala estarán fora de servizo.

Tertulia Literaria en Rialeda: 2 de marzo (Grupo B)

Na Biblioteca Central Rialeda (Casiña de Actividades)
Hora: de 17,30 a 19,30

Comentaráse a obra "O club da calceta" de María Reimóndez.

Documentación sobre a obra.

Obras de María Reimóndez nas nosas bibliotecas.

Hora do conto: 28 de febreiro ao 4 de marzo

Aquí tes a programación desta semana da hora do conto,
PASARALO MOI BEN ESCOITANDO CONTOS!!!

Biblioteca Pública Municipal "Mª José Ruso". Dorneda
Luns 28 de febreiro
CONTACONTOS: Soledad Felloza
TÍTULOS: “O libro dos medos do rato pequeno", "Duerme bien pequeño oso", "Bombástica naturalis"

Biblioteca Pública Municipal "Manuel María". Oleiros
Martes 1 de marzo
CONTACONTOS: Ramiro Neira
TÍTULOS: "O embigo do mundo", "A sopa de pedra”

Biblioteca Pública Municipal "Rosalía de Castro". Santa Cruz
Mércores 2 de marzo
CONTACONTOS: Soledad Felloza
TÍTULOS: “O libro dos medos do rato pequeno", "Duerme bien pequeño oso", "Bombástica naturalis"

Biblioteca Central "Rialeda". Perillo
Xoves 3 de marzo
Para nenos-as menores de 6 anos:
CONTACONTOS: Inés Cuadrado
TÍTULOS: “Meu amigo o globo”, “A moeda máxica”, “Historia sen palabras”
Para nenos-as maiores de 6 anos:
CONTACONTOS: Ramiro Neira
TÍTULOS: “Mintes”, "A princesa do bosque enfeitizado"

Biblioteca Pública Municipal "Ánxel Fole". Nós
Venres 4 de marzo
CONTACONTOS: Ramiro Neira
TÍTULOS: “Pelle o cociñeiro", "O sastriño e os tres cans"

Biblioteca Pública Municipal "Mª José Trincado". Mera
Venres 4 de marzo
CONTACONTOS: Paula Carballeira
TÍTULOS: “As voces da lagoa", "A ra que quería ser princesa"

Recomendacións en Radioleiros

Títulos recomendados o venres 25 de febreiro:

-Infantil:

"Bailar nas nubes", de Vanina Starkoff
Editado por Kalandraka
Unha nena fala dos seus veciños e da convivencia con eles. Libro fundamentalmente de ilustracións que fomenta a interrelación persoal.

-Mozos-as e adultos-as:

"La mujer que buceó dentro del corazón del mundo", de Sabina Berman Editado por Destino
Escrito por unha mexicana amante do mar, narra a historia de Karen Nieto, auténtico xenio nuns campos intelectuais e con problemas noutros, disposta a preservar a vida nos océanos desde o seu traballo nunha empresa de peixe.

Según Ana María Matute é "un relato inesquecíbel sobre a liberdade e a diferencia".

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Visita a Rialeda do alumnado do CEIP Isidro Parga Pondal: 25 de febreiro

Lugar: Biblioteca Central Rialeda

Hora: 10,15

O alumnado de 6º de Primaria A e B do CEIP Isidro Parga Pondal realizará unha visita á Biblioteca Central Rialeda onde se lles explicará o funcionamento da mesma, con especial atención ás buscas no catálogo e á información que proporciona o seu blog.

Rematará a visita cunha actuación de Ramiro Neira da Compañía Artestudio no 2ª andar da biblioteca.

Ler para saber A CIENCIA: 25 de febreiro

Esperámoste na Biblioteca Central Rialeda (2º andar), o venres 25 de febreiro ás 18,30, para participar nesta actividade dirixida a nenos e nenas a partir de 10 anos, adolescentes e público en xeral.

Iago Ruibal Lago e Lucía Sigüeiro Couselo, do Colexio Público Valle-Inclán de Perillo, falarán sobre "Internet" previamente á charla “Elixe o peixe correcto: opcións de consumo responsable de peixe para aliviar a sobrepesca” a cargo do doutor Francisco Franco del Amo, biólogo e director técnico do Aquarium Finisterrae dos Museos Científicos Coruñeses.

Seleccionamos para ti libros para esta charla científica.

Hora do conto: 22 ao 25 de febreiro

Aquí tes a programación desta semana da hora do conto,
PASARALO MOI BEN ESCOITANDO CONTOS!!!

Biblioteca Pública Municipal "Federico García Lorca". Montrove
Martes 22 de febreiro
CONTACONTOS: Rato Camifuco da Compañía do Trinke Trinke
TÍTULOS: “O regalo", "Un libro" (conto francés)

Biblioteca Pública Municipal "Xograr Mendiño". Lorbé
Mércores 23 de febreiro
CONTACONTOS: Ramiro Neira
TÍTULOS: "O oso que fixo de xuiz (conto italiano)", "A anciana que vivía nunha botella (conto británico)”

Biblioteca Pública Municipal "Rosalía de Castro". Santa Cruz
Mércores 23 de febreiro
CONTACONTOS: Rato Camifuco da Compañía do Trinke Trinke
TÍTULOS: “Teatro infantil: fábulas e criaturas máxicas”

Biblioteca Central "Rialeda". Perillo
Xoves 24 de febreiro
Para nenos-as menores de 6 anos:
CONTACONTOS: Soledad Felloza
TÍTULOS: “El erizo de mar”, “… Y ¿por qué?”, “¡Qué valiente!”
Para nenos-as maiores de 6 anos:
CONTACONTOS: Caxoto
TÍTULOS: “Contos para a dor de moas”
Biblioteca Pública Municipal "Ánxel Fole". Nós
Venres 25 de febreiro
CONTACONTOS: Avoa Ratiña da Compañía do Trinke Trinke
TÍTULOS: “O teléfono da diferencia": "Xigante pouco a pouco", "Os de arriba e os de abaixo"

Tertulia Literaria en Rialeda: 26 de febreiro (Grupo A)

Na Biblioteca Central Rialeda (Casiña de Actividades)

Hora: de 17,30 a 19,30

Comentaráse a obra "León el Africano" de Amin Maalouf.
Documentación sobre a obra.

Obras de Amin Maalouf nas nosas bibliotecas.

Obradoiros de Ilustración con Manel Cráneo: 22 febreiro 2011

Biblioteca Central Rialeda (2º andar)

O ilustrador Manel Cráneo impartirá un Taller de Iniciación á Banda Deseñada.

Díptico: anverso / reverso

2 sesións (9,30 e 11,45 h) dirixidas ao alumnado de 1º de ESO do I.E.S. Neira Vilas.

Cada obradoiro terá unha duración aproximada de 2 horas.

Aviso importante: durante as sesións queda fóra de servizo o 2º andar da biblioteca. Os usuarios/as que desexen utilizar o servizo de ordenadores teñen á súa disposición os da Sala Infantil e Xuvenil.

Tertulia Literaria en Santa Cruz: 21 de febreiro

Na Biblioteca e Centro de Documentación da Muller "Rosalía de Castro"

Hora: de 18,30 a 20 h.

Comentaráse a obra "Los años indecisos" de Gonzalo Torrente Ballester.

Obras de Gonzalo Torrente Ballester nas nosas bibliotecas.

Recomendacións en Radioleiros

Títulos recomendados o venres 18 de febreiro:
- Infantil e xuvenil:

“Sopa de xarope de amora” de Xosé A. Neira Cruz, ilustracións de Marta Álvarez Miguéns, editado por Xerais e AGADIC. Premio Manuel María de Literatura Dramática Infantil 2009.

Divertida obra de teatro que relata os traballos do doutor Amorodo, un científico ao servizo das casas reais que recibe encargos estrafalarios e está namorado de dona Chismunda.

- Mozos-as e adultos-as:

“Todo é silencio” de Manuel Rivas, en Xerais.
Fins, Leda e Brinco son tres rapaces amigos que viven en Brétema, unha vila da costa atlántica. Mariscal é un capo contrabandista que ascendeu rapidamente socialmente.
Narra o proceso de conversión do contrabando de tabaco ao narcotráfico, acontecido en Galicia nas últimas décadas, como as mafias poden controlar unha gran parte da poboación: uns porque viven delas, outros porque están mercados con cartos ou agasallos e uns terceiros porque teñen medo e non se atreven a falar, saben que falando se xogan a vida. Son mafias que corrompen ás persoas, que acaban coa súa dignidade.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Ler para saber A CIENCIA: 18 de febreiro AVISO IMPORTANTE: esta charla está SUSPENDIDA

AVISO IMPORTANTE!!!:

SUSPÉNDESE a charla "A vida nos mares do pasado: obradoiro de paleontoloxía para nenos", prevista para hoxe venres 18 de febreiro ás 18:30 na Biblioteca Central Rialeda a cargo de Roberto Bao Casal.

Desculpen as molestias.

Hora do conto: Biblioteca "Rialeda" de Perillo, xoves 17 de febreiro; Biblioteca "Mª José Trincado de Mera", venres 18 de febreiro

Ola: espérote na Biblioteca "Rialeda" de Perillo o xoves 17 de febreiro ás 18:30 para escoitar a hora do conto. Para os nenos-as menores de 6 anos Mamá Ratiña da Compañía do Trinke Trinke contará: "Sae, bebé!", "O mundo ao que vés", "A mellor familia do mundo". Para os-as maiores de 6 anos, Paula Carballeira contará: "A lagoa das voces misteriosas", "A ra que quería ser princesa".

Na Biblioteca Pública Municipal "Mª José Trincado" de Mera, o venres 18 de febreiro teremos a Ratiña Lupiña da Compañía do Trinke Trinke cos títulos “O galo Xacinto”, “Inés do revés”, “O gato lambón”.

Novidades DVD Cine na Biblioteca Rialeda

Presentamos algunhas das novas películas que incorporamos á nosa colección (1351 títulos e crecendo...):

- Ágora, de Alejandro Amenábar

- Celda 211, de Daniel Monzón

- The Company, de Robert Altman

- I'm not there, de Todd Haynes

- Invictus, de Clint Eastwood

- Los límites del control, de Jim Jarmusch

- Muerte de un ciclista, de Juan Antonio Bardem

- Peregrinos, de Coline Serreau

- Quiero la cabeza de Alfredo García, de Sam Peckinpah

- Sacrificio, de Andrei Tarkovsky

- Transsiberian, de Brad Anderson

- Up in the air, de Jason Reitman

- The Wall (Pink Floyd), de Alan Parker

... e máis títulos que podes atopar no 2º andar da Biblioteca Central Rialeda, expostas na mesa de novidades.

Tertulia Literaria en Rialeda: 16 de febreiro (Grupo B)

Na Biblioteca Central Rialeda (Casiña de Actividades)
Hora: de 17,30 a 19,30

Comentaráse a obra "Olive Kitteridge" de Elizabeth Strout.
Documentación sobre a obra.

Obras de Elizabeth Strout nas nosas bibliotecas.