- Infantil (crianzas a partir de 3 anos):"As filloas de Manola" de R.J. Peralta, ilustrado por Blanca Millán. Editado por Galaxia.
Dispoñible en GaliciaLe
A avoa Manola ten ganas de cear filloas. Acende a lareira con carozos e piñas e prepara o amoado pero, cando leva unhas cantas feitas, empezan a chegar as visitas para pedirlle un pouquiño disto ou daquilo e todos aproveitan para comer unhas poucas filloas. Será quen a avoa de gozar da súa cea?
- Mocidade e persoas adultas:
"Bailaréis sobre mi tumba" de Alba Carballal. En Seix Barral.
A historia comeza o día do afundimento do petroleiro grego Andros Patria, o 31 de decembro de 1978, e remata en 2002, ano da catástrofe do Prestige. En "Bailaréis sobre mi tumba" as grandes catástrofes medioambientais cambian as vidas dos personaxes da novela cos que nos mergullaremos no ambiente do nacemento da conciencia ecoloxista, da movida viguesa e da ruta do Bakalao na Valencia dos anos noventa. Unha lectura aceda e crítica que percorre a historia recente de Galicia e parte da historia contracultural de todo o país.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
No hay comentarios:
Publicar un comentario