Recomendacións en Radioleiros: 27 xaneiro 2017

- Infantil (nenas-os de 6 a 8 anos): 
 "As lentes de ver" de Margarita del Mazo. En La Fragatina.
Carliños só ten ollos para Inés, unha rapaza do seu cole, alta e guapa que nunca se fixa nel. O rapaz fai todo o que está ao seu alcance para facerse ver, pero ela pasa coma se fose invisible. Un día, Inés anuncia na escola que lle van poñer unhas gafas de ver. Carliños énchese de esperanza xa que por fin ela o vai ver, pero nada, nin coas gafas nin sen elas. Inés nunca repara nel.
Carliños decide poñer el tamén gafas, de dististas formas e cores, grandes e pequeñas, pero nada. Ata que lle poñen unhas verdadeiras lentes de ver, feitas á súa medida. Será o día en que o pequeno estree as súas lentes novas cando chegará a sorpresa máis inesperada. 
- Mozas-os e adultas-os:
"La tierra que pisamos" de Jesús Carrasco. Editado por Seix Barral.
A historia sitúase nun pobo extremeño de principios do século XX, cando España é anexionada a un imperio que se extende por Europa e boa parte de África. Ese pobo da xeografía española foi o elexido polas elites militares dese imperio para vivir un retiro dourado. Eva Holman coida do seu esposo, coronel sanguinario que pertenceu a esa elite militar, que está en casa impedido a consecuencia da guerra.
Un día aparece na súa horta un desfarrapado, un home devastado e mudo polo que Eva acabará tendo compaixón e mostrará unha profunda empatía.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.