O luns 13 de abril ás 10:45 no Teatro As Torres de Santa Cruz (Oleiros) a poeta támil Thamizhachi Thangapandian terá un encontro con alumnado do IESP Neira Vilas (Perillo), IES Miraflores (Oleiros) e IES María Casares (Santa Cruz).
T. Sumathy coñecida no mundo literario como Thamizhachi Thangapandian é licenciada en filoloxía inglesa con especialidade en literatura inglesa polo Thiagarajar Arts College de Madurai, en Támil Nadu (India). Entre o 1996 e o 2008 traballou como docente no Queen Mary’s College de Chennai. Como investigadora recibiu unha bolsa do AIC (Australia India Council) en 2004 e doutorouse pola University of Madras en 2010.
Ademais de ser unha poeta de gran recoñecemento en lingua támil, as súas áreas de interese inclúen as literaturas poscoloniais (en particular de Sri Lanka e de Australia); literaturas da diáspora (en particular da diáspora támil de Sri Lanka), a tradución, crítica e as artes escénicas (o teatro támil).
Ata o momento publicou 12 obras en támil e unha en inglés. Neste momento dedícase en exclusiva á escrita e á interpretación.
A poeta támil Thamizhachi Thangapandian Re-Activa Galicia!
Entre os días 7 e 14 de abril a organización galega de cooperación ao desenvolvemento
Implicadas no Desenvolvemento convida a artistas e cidadanía a compartir tempo e traballo coa escritora e activista támil Thamizhachi. A autora támil non é só unha das voces máis prestixiosas da escrita poética en lingua támil, senón que tamén é unha traballadora incansable a prol da palabra das mulleres. Thamizhachi ten colaborado con Implicadas nos seus programas de cooperación ao desenvolvemento en Támil Nadu.
A visita de Thamizachi enmárcase no proxecto REACTIV_ARTE organizado por Implicadas e financiado pola Dirección Xeral de Cooperación Exterior da Xunta de Galicia.
REACTIV-ARTE é unha iniciativa promovida por Implicadas no Desenvolvemento que vincula a arte e o activismo feminista no marco da cooperación ao desenvolvemento. Esta idea materialízase na visita de tres “artivistas” de Támil Nadu, o estado do Sur da India no que traballa Implicadas dende o ano 1998.
A visita de Thamizachi enmárcase no proxecto REACTIV_ARTE organizado por Implicadas e financiado pola Dirección Xeral de Cooperación Exterior da Xunta de Galicia.
REACTIV-ARTE é unha iniciativa promovida por Implicadas no Desenvolvemento que vincula a arte e o activismo feminista no marco da cooperación ao desenvolvemento. Esta idea materialízase na visita de tres “artivistas” de Támil Nadu, o estado do Sur da India no que traballa Implicadas dende o ano 1998.
No hay comentarios:
Publicar un comentario