Recomendacións en Radioleiros: 9 de xaneiro

- Infantil (de 6 a 8 anos):

Cuando desapareció el mar, de Francisco Sánchez ; ilustracións de Bàrbara Sansó.
Juventud

O desastre ecolóxico do Mar de Aral (Asia central) aconteceu nos anos sesenta cando as autoridadades da antiga URSS decidiron desviar ríos para prantar algodón noutras terras. Actualmente o Mar de Aral ocupa só o vinte por cento da superficie anterior coas consecuencias naturais e sociais xa coñecidas. Unha historia levada da man dun neno, Alexandro, que lle pregunta ao seu pai.

- Mozas/os e adultas/os:

Bícame, Frank, de Miguel Anxo Fernández
Galaxia

Da man do escritor, profesor e crítico cinematográfico Miguel Anxo Fernández, temos unha nova entrega do detective privado Frank Soutelo. Viaxando desde California a Cambados vese envolto nunha trama coa aparición do cadáver dunha muller. Policía, mafiosos, traficantes de arte e fauna local mestúranse nesta trama áxil, retranqueira e cen por cen galega.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.