Hora do conto e actividades infantís de dinamización á lectura que promoven a igualdade: 28 a 31 de outubro 2019

Prazas limitadas: imprescindible reservar con 10 días de antelación 
Biblioteca Pública Municipal “Mª José Ruso”. Dorneda (tfno.: 981 626 638) 

Luns 28 de outubro, ás 18:30 h.
Para bebés de 1 a 3 anos
CONTACONTOS: Caxoto
TÍTULO: “Levántate Xan!" 

Biblioteca Pública Municipal “Manuel María”. Oleiros (tfno.: 981 610 700)  

Martes 29 de outubro, ás 18,30 h.
Para nenas-os a partir de 4 anos
CONTACONTOS: Ramiro Neira
TÍTULO: "Outono" 

Biblioteca Pública Municipal “Rosalía de Castro”. Santa Cruz (tfno.: 981 626 338)  

Mércores 30 de outubro, ás 18,30 h.
Para bebés de 1 a 3 anos
CONTACONTOS: Soledad Felloza
TÍTULO: “De estrelas e Lúa”

Biblioteca Pública Municipal "Xograr Mendiño". Lorbé (tfno.: 981 618 201) 
ACTIVIDADE ANULADA!!! Vaise celebrar o 14 de novembro!!!
Xoves 31 de outubro, ás 18,30 h.
Para nenas-os a partir de 3 anos 
CONTACONTOS: Caxoto
TÍTULO: “Contos de medo que deixan durmir"

Biblioteca Central Rialeda. Perillo (tfno.: 981 639 511) 
Xoves 31 de outubro, ás 18,30 h. 
Para nenas-os a partir de 4 anos 
CONTACONTOS: Paula Carballeira
TÍTULO: “Contos para noites longas: historias tradicionais de Galicia"

Recomendacións en Radioleiros: 25 outubro 2019

- Infantil (8 a 10 anos): 

Yo voy conmigo, texto e ilustracións de Raquel Díaz Reguera
Thule

Por que imos querer cambiar cando nos gustamos como somos?

Subraia a importancia que damos a querer ser como os demáis para restarlla a ser nós mesmos. A necesidade que teñen os nenos e nenas de pertencer a unha comunidade aínda que sexa a costa de perder a súa propia identidade.

- Mozas/os e adultas/os:

Campus morte, de Lito Vila Baleato
Galaxia

Iago Miranda volve a Compostela desde Hannover onde da clases e por mor das circunstancias acabará asumindo o rol propio dun detective na procura dunha explicación á morte dun amigo da infancia.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Club de Lectura de Literatura Fantástica en Rialeda: 25 outubro 2019

Biblioteca Central Rialeda (Casiña de actividades)
18,30 a 20 h.

Comentario de "El cuento de la criada" de Margaret Atwood
Documentación

Seguinte lectura: "Dune", de Frank Herbert

A Biblioteca Central Rialeda, finalista no II Premio á Innovación Bibliotecaria de Galicia 2019

A comisión de valoración do II Premio á Innovación Bibliotecaria de Galicia convocado pola Consellería de Cultura e Turismo da Xunta de Galicia estableceu a concesión do 2º lugar "ex aequo" para os proxectos finalistas: 

- "Obradoiros e actividades infantís para a inclusión social" da Biblioteca Central Rialeda do
Concello de Oleiros

- "Achega: a biblioteca como espazo inclusivo para persoas con diversidade funcional" da Biblioteca Municipal Fórum Metropolitano do Concello da Coruña.

O Premio á Innovación Bibliotecaria de Galicia 2019 foi concedido ao proxecto "Mapa literario de Vigo" da Biblioteca Pública Municipal Neira Vilas do Concello de Vigo.

O proxecto presentado pola Biblioteca Central Rialeda consistíu nunha serie de obradoiros dirixidos a nenas e nenos de 8 a 12 anos con diversidade funcional e problemas sociais, co obxectivo da súa integración con outras nenas e nenos.
A través destas actividades promocionanse mecanismos de participación e inclusión social para persoas que pertenzan a colectivos en situación de desvantaxe.

Para a súa realización contouse coa colaboración dos centros de ensino público que difunden a información entre o seu alumnado e da Asociación Participa para la Inclusión Social que aporta o monitorado especializado.

24 de outubro: Día da Biblioteca nas Bibliotecas Municipais de Oleiros

Desde o ano 1997, cada 24 de outubro, celébrase o Día da Biblioteca, en lembranza da destrución da Biblioteca de Sarajevo, incendiada en 1992 durante o conflito balcánico. Unha efeméride que busca resaltar a importancia que teñen as bibliotecas para a historia como resgardo da cultura e dos seus escritos, e como un instrumento de mellora da formación e a convivencia humana. A partir de este ano incorpórase o lema “Aptas para todos os públicos”.

Nas Bibliotecas Públicas Municipais de Oleiros, co obxectivo de divulgar a existencia deste día, desexamos mostrar os nosos centros como lugares de educación, formación e aprendizaxe, pero tamén de lecer e entretemento, e informar sobre os servizos que ofrecemos, animar a ler e que as nenas e os nenos se divirtan escoitando contos e/ou realizando sinxelos traballos manuais. A continuación presentamos algunhas actividades e invitamos a todas as persoas a que nos visiten, leven fondos bibliográficos (libros, DVD, CD, revistas) en préstamo ou que compartan unha reseña sobre un dos seus libros favoritos.

Biblioteca Central Rialeda. Perillo
- Abecedario de sorpresas
Unha escolla de libros e películas para deixarse seducir por lecturas imprevistas. Cada letra do alfabeto lévanos a unha palabra ou a un concepto que nos pon sobre a pista do argumento, tema, idea en torno ao que xira a lectura que se propón. Descubre historias inesperadas, asómbrate con relatos cos que non tiñas cita. "Abecedario de sorpresas", proponche unha.
- Deseño de bolsas/mochilas para lectoras/es: o 24 de outubro, ás 17:30, levarase a cabo este obradoiro a cargo d'O Faiado de Nin, dirixido a nenas e a nenos a partir de 6 anos.

Biblioteca Pública Municipal Rosalía de Castro. Santa Cruz
- Deixando pegadas…
Cada día deixamos a nosa pegada na rúa, na casa, no parque, no colexio… por cada sitio que pasamos deixamos a nosa marca. “Hoxe é o teu día de sorte… deixa a túa pegada na biblioteca”. Na entrada da biblioteca  haberá dúas enormes letras, o B e o P, nas que con pintura de dedos poderás deixar a marca da túa man.
- Contos da nai selva: Historias tradicionais de América do Sur: o 23 de outubro, ás 18:30 horas, levarase a cabo esta sesión de contacontos a cargo da actriz Paula Carballeira, dirixido a nenas e nenos a partir de 4 anos.

Biblioteca Pública Municipal Mª José Trincado. Mera
- Obradoiro de decoración de marcapáxinas
Actividade dirixida ao público infantil que consiste na decoración de diferentes marcapáxinas conmemorativos do Día das Bibliotecas. Levarase a cabo na semana do 21 ao 25 de outubro.

Biblioteca Pública Municipal Xograr Mendiño. Lorbé
- Obradoiro de decoración de marcapáxinas
Actividade dirixida ao público infantil que consiste na decoración de diferentes marcapáxinas conmemorativos do Día das Bibliotecas. Levarase a cabo o 24 de outubro.
- Mostra bibliográfica “Bibliotecas para tod@s”
Mostra bibliográfica titulada “Bibliotecas para tod@s”, na que se expoñerán libros de adultas-os e infantís que falen ou teñan como escenario as bibliotecas e os libros.

Biblioteca Pública Municipal Manuel María. Oleiros

- Obradoiro de debuxo e pintura para nenas-os
Actividade dirixida ao público infantil para pintar e ilustrar diversos debuxos con temas alusivos aos libros e ás bibliotecas. Levarase a cabo en toda a segunda quincena de outubro.

Biblioteca Pública Municipal Ánxel Fole. Nós
- A vida da biblioteca
Queremos mostrar o punto de referencia que é a nosa biblioteca como lugar de lecer, entretemento, estudo, aprendizaxe e encontro. Realizarase un centro de interese no que todos os materiais teñan como protagonista principal ou secundario a biblioteca e o libro. Efectuaranse marcapáxinas e debuxos alusivos a dita celebración.

Biblioteca Pública Municipal Mª José Ruso. Dorneda
- Os libros protagonistas
Exposición de libros do fondo de ficción infantil e do fondo de ficción de adultas-os que teñen como protagonista o libro, a lectura e a biblioteca.
- Canto sabes sobre as bibliotecas?
Pasatempos relacionados co mundo das bibliotecas. Actividade dirixida ao público infantil.

Tertulia literaria en Rialeda: 23 outubro 2019 (Grupo A)

Biblioteca Central Rialeda (Casiña de actividades)
17,30 a 19,30 h.

Comentario de La chica del tren, de Paula Hawkins
Documentación

Seguinte lectura: Os fillos do lume, de Pedro Feijoo

Club Xuvenil de Lectura de Literatura Fantástica en Rialeda

Pretende ser un encontro, dirixido a adolescentes, para conversar sobre libros deste xénero literario.

Se tes entre 12 e 17 anos e che gusta a literatura fantástica convidámoste a participar no Club Xuvenil de Lectura de Literatura Fantástica da Biblioteca Rialeda.

Reunirémonos unha vez ao mes e durante hora e media compartiremos, dunha maneira lúdica, unha viaxe por outros mundos e outro tempo con normas e paisaxes diferentes.

Participar só ten vantaxes:
- É unha actividade gratuíta.
- É para falar de algo que nos apaixona.
- Os libros son prestados pola propia biblioteca para ler tranquilamente na casa.
- E por si todo o anterior fora pouco, temos unha selección de lecturas irresistible!

OLLO! Só dispoñemos de 15 prazas, así que si estás interesad@ faite coa túa rapidamente chamando ao teléfono 981 639 511, enviando un correo electrónico a biblioteca.rialeda@oleiros.org ou acudindo persoalmente.
Anímate!!!

Ler conta Moito e actividades infantís de dinamización á lectura que promoven a igualdade: 23 e 24 de outubro 2019

Prazas limitadas: imprescindible reservar con 10 días de antelación

Biblioteca Pública Municipal “Rosalía de Castro”. Santa Cruz (tfno.: 981 626 338)  

Mércores 23 de outubro, ás 18,30 h.

Para nenas-os a partir de 6 anos
CONTACONTOS: Paula Carballeira
TÍTULO: “Contos da nai selva: historias tradicionais de América do Sur"

Biblioteca Central Rialeda. Perillo (tfno.: 981 639 511) 
Xoves 24 de outubro, ás 17,30 h. 
Para nenas-os a partir de 6 anos 
MONITORADO: O faiado de Nin
ACTIVIDADE: "Deseño de bolsas/mochilas para lectoras/es"

Recomendacións en Radioleiros: 18 outubro 2019

- Infantil:
"Non trabes na lingua" de Antón Cortizas Amado; ilustracións de Pepa Prieto Puy. En Galaxia.
Ilustrado por Pepa Prieto Puy, "Non trabes na lingua" é un volume de trabalinguas para as-os máis pequenas-os. O libro inclúe os inventados polo propio Antón Cortizas, outros recollidos en distintos lugares de Galicia, e  unha última sección con trabalinguas creados polo alumnado do CEIP Unión Mugardesa. Unha interesante escolla a partir dos oito anos.

- Mozas-os e adultas-os:
"Guerra y trementina" de Stefan Hertmans. Editado por Anagrama.
Este texto considerado o mellor das Letras Flamencas no 2014 mestura as lembranzas do avó do escritor, sarxento do exército belga na I Guerra Mundial, coas reflexións do neto no tempo actual. Unha testemuña  humana e política dun tempo de miseria e privacións que deu lugar a unha transformación social das máis importantes da Historia.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Ler conta Moito e actividades infantís de dinamización á lectura que promoven a igualdade: 14 a 18 de outubro 2019

Prazas limitadas: imprescindible reservar con 10 días de antelación

Biblioteca Pública Municipal “Manuel María”. Oleiros (tfno.: 981 610 700)  

Luns 14 de outubro, ás 18,30 h.
Para nenas-os a partir de 5 anos
CONTACONTOS: Aldaolado
TÍTULO: “A ovella Engracia”

Biblioteca Pública Municipal “Rosalía de Castro”. Santa Cruz (tfno.: 981 626 338)  

Mércores 16 de outubro, ás 17,30 h.

Para nenas-os a partir de 6 anos
MONITORADO: Andamiaxe Innova
ACTIVIDADE: "Un banquete con moito conto!"

Biblioteca Central Rialeda. Perillo (tfno.: 981 639 511) 
Xoves 17 de outubro, ás 18,30 h. 
Para bebés de 1 a 3 anos  Aforo completo!!!
CONTACONTOS: Caxoto
TÍTULO: “O berce das verbas"

Tertulia literaria en Rialeda: 16 outubro 2019 (Grupo B)

Biblioteca Central Rialeda (Casiña de actividades)
17,30 a 19,30 h.

Comentario de República luminosa, de Andrés Barba
Documentación

Seguinte lectura: La estratagema, de Léa Cohen

15 outubro 2019: Xurxo Souto presenta "A gran travesía de Chiruca Macallás" no Teatro As Torres de Santa Cruz

  
"A gran travesía de Chiruca Macallás" é unha obra publicada por Xerais, que conta a viaxe dun barco que parte para o Gran Sol ao mando dunha muller: Mercedes, patroa de pesca e antes vocalista do conxunto ForzA dozZE!
Coa enorme forza do relato oral e a inclusión de elementos fantásticos, Xurxo Souto ofrécenos unha novela que relata a aventura dunha marea singular.

A presentación terá lugar ás 20 h. e estará acompañada de música e cancións.

Gran difusor da música galega, Xurxo Souto é autor de A tralla e a arroutada (1995), Fumareu (1997), O retorno dos homes mariños (1999), Tres trebóns (2005), Contos do mar de Irlanda (2014) e o ensaio Contos da Coruña (2001), todos editados en Xerais.

Asimesmo foi músico e vocalista de Os Diplomáticos de Monte Alto, presentador e divulgador radiofónico na Radio Galega, Cuac FM e traballou como actor.

Desde as bibliotecas municipais invítase a todas as persoas que desexen asistir a  gozar cos textos e a palabra deste autor e as cancións que o acompañarán.

IV Día das escritoras na Biblioteca de Santa Cruz: 14 de outubro

A Biblioteca Nacional de España organiza por cuarto ano consecutivo o Día das Escritoras, baixo o tema "mulleres, amor e liberdade", celebración concebida para «difundir o legado cultural das escritoras hispanas e hispanoamericanas, recordar as dificultades que enfrontaron e destacar o valor das súas obras». Xunto á BNE, o acto está promovido pola Federación Española de Mujeres Directivas, Ejecutivas, Profesionales y Empresarias (FEDEPE) e a Asociación Clásicas y Modernas (CyM). 

A Biblioteca Municipal e Centro de Documentación da Muller Rosalía de Castro (Santa Cruz) súmase a esta celebración coa lectura de textos de Alfonsina Storni, Wislawa Szymborska, Rosalía de Castro e Sor Juana Inés de la Cruz. As lecturas serán realizadas por Silvia Salgado, Cecilia Monllor, Pepe Taboada, Julia López Ameijeiras e Luisa Bassave. Será o luns 14 de outubro ás 17:00.

Así mesmo, convidamos a todas as persoas a visitar a Biblioteca Pública Municipal e Centro de Documentación da Muller Rosalía de Castro, onde poderás atopar numerosos recursos documentais relacionandos coa situación das mulleres así como textos literarios escritos e/ou protagonizados por elas.

Recomendacións en Radioleiros: 11 outubro 2019

- Infantil (a partir de 8 anos):

La niña que salvó los libros, de Klaus Hagerup
B de Blok

Unha historia conmovedora para quenes aman os libros. 

A súa protagonista é unha nena de 10 anos chamada Anna a quen o que máis lle gusta neste mundo é ler. Por suposto o seu espazo favorito non podía ser outro que a biblioteca. Aquí é onde empeza esta historia. Un día descobre abraiada, non só que hai libros que ninguén le, senón tamén o que pasa con eles. O arquiveiro, o vello señor Berg é o que se encarga de destruir todos esos libros que non atopan lectores. Para Anna, esto é unha traxedia. Así que toma a firme decisión de... salvar os libros!

- Mozas/os e adultas/os :

Basada en hechos reales, de Delphine de Vigan
Anagrama

Narra a historia de Delphine, unha escritora francesa de mediana idade, nai de dous fillos e parella dun director de documentais que sufre un bloqueo creativo tras o éxito da súa obra anterior. Neste momento é cando se cruza no seu camiño L., unha muller sofisticada e seductora que traballa como “negra literaria” redactando memorias de famosos. As dúas mulleres comparten gustos e intiman. Pero pouco a pouco, esa fascinación por L. evoluciona cara unha dominación perversa. 

Unha novela opresiva, centrada no suspense psicolóxico que o mismísimo Polanski adaptou ao cine.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Tertulia literaria en Rialeda: 9 outubro 2019 (Grupo A)

Biblioteca Central Rialeda (Casiña de actividades)
17,30 a 19,30 h.

Comentario de El ferrocarril subterráneo, de Colson Whitehead
Documentación

Seguinte lectura: La chica del tren, de Paula Hawkins