Hora do conto: de 3 a 6 de marzo

Todas as sesións celebraránse ás 18:30
Biblioteca Pública Municipal “Federico García Lorca”. Montrove
Martes 3 de marzo
CONTACONTOS: Cucarandainas
TÍTULO: “Moito conto”
 

Biblioteca Pública Municipal “Rosalía de Castro”. Santa Cruz
Mércores 4 de marzo
Para nenas-os de 1 a 4 anos Aforo completo!!!
CONTACONTOS: Soledad Felloza
TÍTULO: “A visita do oso”
 

Biblioteca Central "Rialeda". Perillo
Xoves 5 de marzo
CONTACONTOS: Gemola
TÍTULO: “Contos das terras onde o sol se deita”
 

Biblioteca Pública Municipal “Mª José Trincado”. Mera
Venres 6 de marzo
Para nenas-os de 1 a 4 anos (imprescindible reservar praza, tlf.: 981 628507) Quedan prazas!!!
CONTACONTOS: Raquel Queizás
TÍTULO: “Toin toin”
 

Biblioteca Pública Municipal “Ánxel Fole”. Nós
Venres 6 de marzo
CONTACONTOS: Ratiño Camifuco de Trinke Trinke
TÍTULO: “Contos de ratiños”

Recomendacións en Radioleiros: 27 de febreiro

- Infantil (nenas e nenos a partir de 12 anos):
"La canción de Shao Li" de Marisol Ortiz de Zárate, editado por Bambú.
Natalia é seleccionada para participar nun programa televisivo navideño que se grabará en Londres. Vai cantar unha canción chinesa que aprendeu da súa amiga Shao Li, no centro de acollida onde estivo, co fin de gañar o premio que lles solucione os problemas económicos a ela e a súa familia. No tumulto do metro londinense Natalia e o seu irmán Airon despístanse da nai e do seu mozo, as rúas frías e inhóspitas de Londres convírtense no seu “bosque tenebroso” particular.
 
- Mozos-as e adultos-as:
"Sete caveiras" de Elena Gallego Abad, en Xerais.
Marta Vilas xornalista de profesión, persegue a resolución dun caso para o xornal no que traballa. Unha serie de cadáveres aparecen aboiando na ría de Vigo, dos cales a propia xornalista é testemuña da aparición do primeiro, o que lle facilita atopar un pequeño click de Famobil que caeu do peto do morto. Estes pequenos bonecos van aparecendo nos lugares onde se van atopando os corpos; cada click representa un motorista, un representante das forzas e corpos de seguridade do estado, un pirata, un pallaso... actividades relacionadas coas profesións dos asasinados… 

 
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Máis de 3.400 alumnos-as dos centros de ensino público de Oleiros participarán nas actividades de promoción da lectura de marzo a maio

Un curso máis as Bibliotecas Municipais de Oleiros presentamos a Programación de actividades de promoción da lectura, dirixidas ao alumnado dos centros de ensino público deste Concello, co obxectivo de fomentar a lectura, así como que coñezan algunhas das bibliotecas municipais para que as visiten e utilicen no horario en que non permanecen nos seus respectivos centros de ensino, que se van levar a cabo desde marzo a finais de maio.

Participarán máis de 3400 alumnos e alumnas e ofertaranse 31 actividades diferentes para que o profesorado de cada un dos centros de ensino público de Oleiros seleccione as que mellor se adaptan á súa programación escolar.
 

En función da idade, do curso que estean realizando e da selección de cada centro de ensino, o alumnado poderá coñecer a mitoloxía da antiga Gallaecia, gozar con contacontos, espectáculos de música, baile, maxia, recitais de poesía e xogos de palabras; realizar obradoiros de ilustración, banda deseñada, poesía ou curtametraxes; ter encontros con escritores/as; visitar a biblioteca central  e aprender a realizar buscas no catálogo bibliográfico; achegarse á produción literaria de autores/as como Álvaro Cunqueiro, Ánxel Fole, Emilia Pardo Bazán, Xosé Miranda, Antonio Machado, Pedro Salinas, Edgar Allan Poe, Xabier P. Docampo ou Roald Dahl; coñecer mellor a literatura galega actual ou a obra fundamental da literatura española “El ingenioso hidalgo Don Quijote de la Mancha”; e recorrer lugares do municipio nos que viviron mulleres e homes ilustres, como unha homenaxe a todos eles. 

Todas estas son actividades coas que pretendemos fomentar o acceso ao libro e á lectura en condicións de igualdade para todos os cidadáns. Desde as bibliotecas municipais de Oleiros traballamos para conseguir novos e mellores lectores e lectoras que contribúan a crear unha sociedade máis culta libre e solidaria.

Tertulia literaria en Rialeda: 25 de febreiro (Grupo B)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "Olive Kitteridge" de Elizabeth Strout.
Documentación
Obras de Elizabeth Strout nas nosas bibliotecas.

A seguinte obra programada é "Las baladas del ajo" de Mo Yan.

24 de febreiro: Soledad Felloza con "A cociñeira do rei" para alumnado do CEIP Valle-Inclán

Na Biblioteca Central Rialeda.
 

Ás 9:20 e ás 11:00.
 

Actividade dirixida ao alumnado de 2º A, B e C de Educación Primaria do CEIP Valle-Inclán de Perillo.
A cargo da autora, actriz e contacontos Soledad Felloza.

"A cociñeira do rei" obra reivindica a memoria dos sabores, como parte da identidade, a investigación de receitas tradicionais e a recuperación de receitas familiares ou da zona. Mergúllanos nun mundo de cores, sabores e olores característicos da cociña tradicional, a que se fai a lume manso, con amor e produtos frescos da terra. Coas súas mellores receitas, preséntanse en palacio cociñeiros de todos os lugares. E tamén Mencía, unha cociñeira decidida que, malia ter visto que no bando poñía claramente que buscaban un cociñeiro, non se acovarda e, botando man do recetario da súa avoa, que contén un segredo moi particular, elabora un menú que chega directo ao corazón do rei. Cal pode ser o segredo?

Tertulia literaria en Santa Cruz: 23 de febreiro

Na Biblioteca e Centro de Documentación da Muller "Rosalía de Castro"  
Hora: 18 a 20 h.

Comentario da obra "Atracción total" de Carmen Blanco.

A seguinte obra programada é "84 Charing Cross Road" de Helene Hanff.

Hora do conto e actividades de animación á lectura: de 23 a 27 de febreiro

Todas as sesións se celebrarán ás 18:30
Biblioteca Pública Municipal “Mª José Ruso”. Dorneda
Luns 23 de febreiro
Para nenas-os de 1 a 4 anos (imprescindible reservar praza, tlf.: 981 626638)
CONTACONTOS: Charo Pita
TÍTULO: “Bicos con leite”
 
Biblioteca Pública Municipal “Manuel María”. Oleiros
Martes 24 de febreiro
CONTACONTOS: Paula Carballeira
TÍTULO: “Contos de adiviñas e agasallos”
 
Biblioteca Pública Municipal “Rosalía de Castro”. Santa Cruz
Mércores 25 de febreiro
CONTACONTOS: Marisa Irimia
TÍTULO: “Sopa de contos”
 
Biblioteca Central "Rialeda". Perillo
Xoves 26 de febreiro
Para nenas-os de 1 a 4 anos Aforo completo!!!
CONTACONTOS: Pavís-Pavós
TÍTULO: “Palma repalma”
 
Biblioteca Pública Municipal “Xograr Mendiño”. Lorbé
Xoves 26 de febreiro
CONTACONTOS: Ramiro Neira
TÍTULO: “Contos que leva o vento”
 
Biblioteca Pública Municipal “Ánxel Fole”. Nós
Venres 27 de febreiro
(Imprescindible reservar praza, tlf.: 981 664257)  Quedan prazas!!! 

ARTISTA: Elefante Elegante
ESPECTÁCULO: “Lobo bobo”

O primeiro Picasso: expo de libros na Biblioteca de Lorbé

A exposición de libros que podes contemplar na Biblioteca Xograr Mendiño de Lorbé axudaráche a completar a visita á exposición que se lle adica ao pintor malagueño no Museo de Belas Artes da Coruña. A relación de Picasso coa cidade herculina é un dos seus períodos máis descoñecidos pero non por iso menos importantes. Anos fundamentais na súa formación como artista e na súa traxectoria vital que agora podes contemplar nesta exposición e profundizar nestes libros que che ofrecemos.

Recomendacións en Radioleiros: 20 de febreiro

- Infantil (de 8 anos en adiante):

Rasmus y el vagabundo, de Astrid Lindgren; ilustrado por Pablo Auladell
Kalandraka, 2011

A autora sueca e medalla Hans Christian Andersen tráenos este relato no que un neno orfo atopa nun vagabundo o significado da amizade, o afecto, a experiencia e a supervivencia. Novela case histórica con ilustracións do galardoado Pablo Auladell.

- Mozos/as e adultos/as:

Expediente Artieda, de Luis Rei Núñez
Xerais, 2000

A Coruña de 1959 contada desde os “anónimos absolutos”, aqueles que participan na Historia pero non aparecen nomeados. Personaxes heroicos e cotiáns que protagonizan xunto con Franco e Pedro Barrié unha trama social e política na que os maquis lévannos pola estación do tren, Os Mallos, Santa Margarida, a Torre de Hércules e o Hospital de Oza. Un conxunto que foi Premio Xerais de novela.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Disfrazad@ vés da cabeza aos pés: libros de disfraces e todo o que precises para gozar o Entroido!

Nas Bibliotecas Municipais de Oleiros temos exposicións con libros adicados a todo o necesario para gozar o Entroido: confección de disfraces, máscaras; platos típicos desta época do ano, festas emblemáticas do Entroido galego, etc. 

Nalgunhas bibliotecas, como a Federico García Lorca (Montrove), e Rialeda (Perillo), tamén poderás recortar e colorear antefaces impresos en cartolina.

Tertulia literaria en Rialeda: 18 de febreiro (Grupo A)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "Un dedo manchado de tinta" de Manuel Portas.
Documentación
Obras de Manuel Portas nas nosas bibliotecas.

Nesta sesión contaremos coa presenza da profesora e catedrática de lingua e literatura galega Rosa García Vilariño. 

A seguinte obra programada é "La invención de Morel", de Adolfo Bioy Casares.

Recomendacións en Radioleiros: 13 de febreiro

- Infantil (nenas e nenos a partir de 10 anos):
"Maripepa e o club dos Tarambainas" texto de Alfredo Gómez Cerdá e ilustracións de Miguel Navia, en Macmillan.
A protagonista Maripepa, chámase así porque seu pai se chama Pepe e súa nai Mari, ademáis é española, gústanlle os churros e non se lle ocorrería nunca comer un can como leu nalgures que comen os chineses. Porque Maripepa naceu en China, pero ela cando se mira no espello en ningún momento se ve “amarela”… porque amarela é a camiseta de Brasil, e un canario… pero ela, non. 

 
- Mozos-as e adultos-as:
"28 días" de David Safier, editado por Seix Barral.
28 foron os días que resistiron os querrilleiros da resistencia xudea dentro do gueto de Varsovia fronte aos soldados das SS na Segunda Guerra Mundial. Co exterminio sistemático como telón de fondo, Mira, unha adolescente xudea, afronta unha madurez precoz. Despois de presenciar a morte da súa familia e amigos, decide integrarse neste grupo da resistencia.
 
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Tertulia literaria en Rialeda: 11 de febreiro (Grupo B)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "La vida de Pi" de Yann Martel.
Documentación
Obras de Yann Martel nas nosas bibliotecas.

A seguinte obra programada é "Olive Kitteridge" de Elizabeth Strout.

O Entroido nas bibliotecas municipais: Obradoiros de creación de títeres

Este Entroido, as nenas e nenos que o desexen, poden participar nos Obradoiros de creación de títeres que se celebrán nas oito bibliotecas municipais. Elaborarán sinxelos monicreques confeccionados con variñas, pelotas de porexpan, goameva, feltro, etc.
Está dirixido a nenas e nenos a partir de 5 anos. Cada obradoiro pode ter un máximo de 20 participantes. É imprescindible inscribirse na biblioteca na que se desexe participar. Celebraránse ás 18:00 h.
 

- Luns, 9 de febreiro:
Biblioteca Mª José Ruso. Dorneda. Tlf.: 981 626 638

Biblioteca Manuel María. Oleiros. Tlf.: 981 610 700
 

- Martes, 10 de febreiro:
Biblioteca Federico García Lorca. Montrove. Tlf.: 981 639 515

- Mércores, 11 de febreiro:
Biblioteca Rosalía de Castro. Santa Cruz. Tlf.: 981 626 338
 

- Xoves, 12 de febreiro:
Biblioteca Central Rialeda. Perillo. Tlf.: 981 639 511
Biblioteca Xograr Mendiño. Lorbé. Tlf.: 981 618 201
 

- Venres, 13 de febreiro:
Biblioteca Mª José Trincado. Mera. Tlf.: 981 628 507
Biblioteca Ánxel Fole. Nós. Tlf.: 981 664 257

Trafegando na cociña, masterchef cativo: expo na Biblioteca de Santa Cruz

“Trafegando na cociña” é unha exposición que vai dirixida aos cociñeiros máis pequenos da casa que podes contemplar na Biblioteca Rosalía de Castro (Santa Cruz).

Mil e un libros sobre os alimentos máis importantes nas dietas dos nenos e nenas: froitas, peixes, verduras, etc. “ao chou” pola biblioteca.

Intentaremos desde a biblioteca fomentar hábitos saudábeis de alimentación entre os máis pequenos, que poderán levar para as súas cociñas libros con boas receitas para preparar inmellorables pratos, xogando a ser “MasterChef Cativo". 

                                                                                                                                                Bo apetito!