Día do Libro Infantil e Xuvenil nas Bibliotecas Municipais

O domingo, 2 de abril, conmemórase o Día do Libro Infantil e Xuvenil coincidindo coa data de nacemento do escritor Hans Christian Ándersen. Por este motivo presentamos unha ampla programación de actividades:

ACTIVIDADES INFANTÍS  FÓRA DE HORARIO ESCOLAR

Entre estas podemos destacar contacontos para bebés de 1 a 3 anos, a hora do conto para nenas e nenos de 4 a 6 anos e diferentes obradoiros de ciencia, arte e maxia para idades comprendidas entre os 7 e os 10 anos.

Todas estas actividades terán lugar ás 18:30 horas, excepto algúns obradoiros nos que xa se indica unha hora distinta.

Para todas as sesións de contacontos dirixidas a nenas e nenos de 1 a 3 anos e para todos os obradoiros é imprescindible reservar praza na biblioteca en que se desenvolva cada unha das actividades.

BIBLIOTECA CENTRAL RIALEDA. PERILLO
Contacontos para nenas e nenos de 1 a 3 anos
- 30 de marzo: “Unha granxa diferente” por Soledad Felloza

Contacontos para nenas e nenos a partir de 4 anos
- 6 de abril:  “Mans” por Pablísimo

BIBLIOTECA MUNICIPAL ROSALÍA DE CASTRO. SANTA CRUZ
Contacontos para nenas e nenos de 1 a 3 anos
- 29 de marzo: “Onde está a risa de Lúa?” por Charo Pita

Obradoiros para nenas e nenos a partir dos 7 anos
- 5 de abril: “Arte nos libros: Luís Seoane” por Crearte Servizos Culturais

BIBLIOTECA MUNICIPAL Mª JOSÉ TRINCADO. MERA
Obradoiros para nenas e nenos a partir dos 7 anos
- 7 de abril: “Obradoiro de maxia” por Chrystyan Magic
Hora de realización: 17:30 h.

BIBLIOTECA MUNICIPAL Mª JOSÉ RUSO. DORNEDA
Contacontos para nenas e nenos de 1  a 3 anos
- 3 de abril: “Este queixo queixolán” por Pavís Pavós

BIBLIOTECA MUNICIPAL ÁNXEL FOLE. NÓS
Contacontos para nenas e nenos a partir de 4 anos
- 31 de marzo: “Contos para toda a catizumba” por Paula Carballeira

BIBLIOTECA MUNICIPAL MANUEL MARÍA. OLEIROS
Contacontos para nenas e nenos a partir de 4 anos
- 4 de abril: “Contos para nen@s trastes” por Marisa Irimia

BIBLIOTECA MUNICIPAL XOGRAR MENDIÑO. LORBÉ
Contacontos para nenas e nenos a partir de 4 anos
- 6 de abril: “O ratiño presumido” por a gran Lilí Gruyère da compañía Trinke Trinke

EXPOSICIÓNS DURANTE O MES DE ABRIL

- Exposición bibliográfica sobre a escritora Gloria Fuertes, para conmemorar o centenario do seu nacemento. Terá lugar durante o mes de marzo nas Bibliotecas Central Rialeda de Perillo, Rosalía de Castro de Santa Cruz e Mª José Ruso de Dorneda.
- Exposición de obras de H. C. Andersen, ademais de outros autores/as que recibiran o Premio Andersen e de autores/as galegos/as infantís e xuvenís. Realizaranse nas sete bibliotecas municipais do Concello de Oleiros.
- Exposición bibliográfica “Ven que che vou contar un conto: exposición de libros infantís e xuvenís”. Terá lugar na Biblioteca Manuel María de Oleiros.
- Mostra fotográfica “Os libros de Nós viaxan contigo”, recompilación de fotos dos nosos usuarios/as de todas as idades cun libro nas súas mans, para despois montar na biblioteca un mural. Realizarase na Biblioteca Ánxel Fole de San Pedro de Nós.

OUTRAS ACTIVIDADES

- Xoga e aprende como se fai... coas poesías de Gloria Fuertes, actividade para os mais pequenos. Realizarase na Biblioteca Rosalía de Castro de Santa Cruz, onde está a exposición bibliográfica da autora poderanse coller debuxos para colorear con pequenas poesías escritas neles.
- Abanico de poemas, solicitarase aos usuarios/as da biblioteca que fagan pequenos poemas para despois escribilos en cada unha das variñas do abanico, que teremos exposto na entrada da biblioteca. Terá lugar na Biblioteca Rosalía de Castro de Santa Cruz.
- “Cóntame un conto”, actividade na que os/as usuarios/as que o desexen participarán nunha xornada de lectura en voz alta dos libros da exposición. Realizarase na Biblioteca Mª José Trincado de Mera.
- Facemos un libro? actividade plástica na que os/as nenos/as poderán confeccionar un libro con pequenos debuxos, texto e unha cuberta. Terá lugar na Biblioteca Xograr Mendiño de Lorbé.
- Recoméndame un libro, os usuarios/as recomendarán un o varios libros que lles gustaran. Poñeranse nunhas tarxetas e estas exporanse na biblioteca. Realizarase na Biblioteca Xograr Mendiño de Lorbé.
- Marca a túa páxina,  marcapáxinas conmemorativo deste día que poderán realizar todos os/as nenos/as que veñan pola biblioteca. Terá lugar na Biblioteca Mª José Ruso de Dorneda.

ACTIVIDADES DE PROMOCIÓN DA LECTURA DIRIXIDAS A ALUMNADO DOS CENTROS DE ENSINO E REALIZADAS EN HORARIO ESCOLAR

TEATRO DE FEDERICO GARCÍA LORCA
A cargo de Soledad Felloza
- 30 de marzo, ás 10 h., na Biblioteca Rialeda dirixido a alumnado de 2º da ESO do IES Neira Vilas de Perillo.

CONTOS PARA DESAFIAR ÁS TRES BESTAS PARDAS
Contos nos que a lectura é a protagonista. A cargo de Paula Carballeira
- 31 de marzo, ás 10:20 h., na Biblioteca Rialeda dirixido a alumnado de 1º e 2º de ensinanza primaria do CEIP Juana de Vega de San Pedro de Nós.

OBRADOIROS DE BANDA DESEÑADA
A cargo de Xosé Tomás e Manel Cráneo
- Xosé Tomás estará o 31 de marzo, ás 10:10 h., na Biblioteca Manuel María. O obradoiro é dirixido a alumnado de 6º de ensinanza primaria do CEIP A Rabadeira de Oleiros.
- Manel Cráneo acompañaranos o 30 e o 31 de marzo, ás 10:10 h., na Biblioteca Rosalía de Castro cun obradoiro dirixido a 3º da ESO do IES María Casares de Bastiagueiro.

O RATO ILUSTRADOR CONTACONTOS TEATRAL
A cargo de Trinke Trinke
- Os días 3 e 4 de abril na Biblioteca Rialeda e o 7 de abril na Biblioteca Rosalía de Castro, polas mañás, para alumnado de educación infantil dos colexios Valle Inclán de Perillo, Isidro Parga Pondal de Santa Cruz e Luís Seoane de Mera.

CHARLIE E A FÁBRICA DE CHOCOLATE de ROALD DAHL
A cargo de Soledad Felloza
- 4 de abril, ás 10:30 h., na Biblioteca Municipal Rosalía de Castro de Santa Cruz,  dirixido a alumnado de 5º de primaria do CEIP Luís Seoane de Mera.

UN CONTO DE TRES NOITES de XABIER P. DOCAMPO
A cargo do contador de contos Caxoto
- 6 de abril, ás 10:30 e ás 11:30 h., na Biblioteca Municipal Rosalía de Castro de Santa Cruz,  dirixidos a alumnado de 3º e 4º de primaria do CEIP Luís Seoane de Mera.

Tertulia literaria en Rialeda: 5 abril 2017 (Grupo B)

Biblioteca Central Rialeda (Casiña de actividades)
17,30 a 19,30 h.

Comentario de "El vino de la soledad" de Irène Némirovsky
Documentación

A seguinte obra programada é "Deus sentado nun sillón azul" de Carlos Casares

Tertulia literaria en Santa Cruz: 3 abril 2017

Biblioteca e Centro de Documentación da Muller "Rosalía de Castro"
18 a 19,30 h.

Comentario de "Mil soles espléndidos" de Khaled Hosseini

A seguinte obra programada é "Lo que esconde tu nombre" de Clara Sánchez

3º trimestre no grupo A da Tertulia Literaria de Rialeda

Biblioteca Central Rialeda. Perillo
Hora: 17,30 a 19,30 h.
 

Programación:

- "Deus sentado nun sillón azul" de Carlos Casares
- "Mentiras de mujeres" de Liudmila Ulítskaya
- "Dar la vida y el alma" de Marina Mayoral

Datas:
- Abril: día 26
- Maio: días 10 e 24
- Xuño: día 7

Nestes intres o grupo está completo.

3º trimestre no grupo B da Tertulia Literaria de Rialeda

Biblioteca Central Rialeda. Perillo
Hora: 17,30 a 19,30 h.
 

Programación:

- "Deus sentado nun sillón azul" de Carlos Casares
- "Intemperie" de Jesús Carrasco
- "Me llamo Lucy Barton" de Elizabeth Strout
- "Nos vemos allá arriba" de Pierre Lemaitre

Datas:
- Abril: días 5 e 19
- Maio: días 3 e 31
- Xuño: día 14

Nestes intres o grupo está completo.

3º trimestre na Tertulia Literaria de Santa Cruz

Biblioteca e Centro de Documentación da Muller "Rosalía de Castro"
Hora: 18 a 19,30 h.

Programación:

- "Lo que esconde tu nombre" de Clara Sánchez
- "O sol do verán" de Carlos Casares

Datas:
- Abril: días 3 e 24
- Maio: día 8

Nestes intres o grupo está completo.

Actividades infantís en Bibloleiros: de 3 a 7 de abril 2017

Todas as sesións se celebrarán ás 18:30, agás o Obradoiro de maxia, na Biblioteca de Mera, que comezará ás 17:30!!!
 
Biblioteca Pública Municipal “Mª José Ruso”. Dorneda
Luns 3 de abril
Para nenas-os de 1 a 3 anos  Aforo completo!!!
CONTACONTOS: Pavís-Pavós
TÍTULO: “Este queixo queixolán”

Biblioteca Pública Municipal “Manuel María”. Oleiros
Martes 4 de abril
Para nenas-os de 4 a 8 anos
CONTACONTOS: Marisa Irimia
TÍTULO: “Contos para nen@s trastes”

Biblioteca Pública Municipal “Rosalía de Castro”. Santa Cruz
Mércores 5 de abril
Para nenas-os de 7 a 10 anos (imprescindible reservar praza no 981 626 338)
MONITORADO: Crearte
ACTIVIDADE: “Arte nos libros: Luís Seoane”

Biblioteca Central Rialeda. Perillo
Xoves 6 de abril
Para nenas-os de 4 a 6 anos
CONTACONTOS: Pablísimo
TÍTULO: “Mans”

Biblioteca Pública Municipal “Xograr Mendiño”. Lorbé
Xoves 6 de abril
Para nenas-os de 4 a 8 anos
CONTACONTOS: Lilí Gruyère da Compañía Trinke Trinke
TÍTULO: “O ratiño presumido”

Biblioteca Pública Municipal “Mª José Trincado”. Mera
Venres 7 de abril, ás 17:30
Para nenas-os de 7 a 10 anos Aforo completo!!!
MONITORADO:  Chrystyan Magic
TÍTULO: “Obradoiro de maxia”

Recomendacións en Radioleiros: 31 marzo 2017

- Infantil (8 a 10 anos):
"A estrambótica Illa do Tesouro" de Pinto & Chinto. Editado por Bululú.
A estrambótica Illa do Tesouro é un magnífico álbum ilustrado de gran tamaño no que Pinto e Chinto ofrecen unha divertida adaptación da novela de piratas “A illa do tesouro”, de Stevenson.
Unha obra de aventuras que conserva os personaxes principais (o vello pirata Bill Bones, o doutor Livesey, o pirata John Silver, o Longo,...), proporcionándolles máis humanidade, pero mantendo os acontecementos principais, con humor e un enfoque disparatado.
É un novo título da colección "Carambola" que se une ás outras dúas adaptacións realizadas por estes autores “As estrambóticas viaxes de Gulliver” e “O estrambótico Principiño”, que achegan e renovan estes clásicos da literatura infantil e xuvenil universal.
As tres son unhas boas e divertidas lecturas que convidan a ler as obras orixinais e a introducir os clásicos nas propostas lectoras, unha proposta ideal para pasar un estupendo fin de semana.

- Mozas-os e adultas-os:
"Patria" de Fernando Aramburu. En Tusquets.
Conta a historia de dúas familias que viven nun pobo a pouca distancia de Donostia (San Sebastián). Dúas familias amigas pero que pouco a pouco se van distanciando por culpa de ETA.
A historia comeza co anuncio do final da loita armada (outubro 2011) cando Bittori (viúva dun asasinado pola banda) vai ao cemiterio a contarllo ao seu home. Ela agora vive en San Sebastián, pero decide ir ao pobo no que o mataron, e onde aínda conserva o seu piso, porque segundo as súas palabras “precisa estar ben consigo mesma”.
A acción abarca cerca de tres décadas, desde mediados do anos 80 ata o 2011, e distintos membros destas familias contarán a súa situación e sentimentos durante estes anos. 
Vemos como o fillo máis vello dunha delas se vai metendo pouco a pouco na loita armada. Ao principio a nai veo mal e di que é a causa das malas compañías, pero pouco a pouco vaise convencendo de que é pola liberación de Euskal Herria e vólvese cada vez máis abertzale, ata que chega un momento en que defende totalmente a seu fillo e non soporta ver a que foi a súa amiga de sempre.
Na outra familia van prosperando economicamente e socialmente: el faise un empresario ao que lle van ben os negocios, un fillo faise médico, a outra estuda dereito. Saen de vacacións, pero a súa vida e a dos seus familiares cambia de forma brusca ao ser el vítima da extorsión de ETA. Máis tarde será asasinado, e este feito afectará de distintos xeitos a cada un dos membros de ambas familias.
Paralelamente imos vendo o ambiente do pobo. Un ambiente pechado, opresor, no que todo é controlado, no que ou estás con eles ou estás co inimigo (non hai máis posibilidades): o cura dando sermóns na igrexa a favor da loita armada; o da Arrano taberna marcando os obxectivos a quen extorsionar, a quen atacar..., os veciños e veciñas que ían ao bar felicitando aos que queimaban autobuses durante as manifestacións, etc, e así estes mozos e mozas pensaban que eran heroes.
Unha novela moi interesante que nos fala da situación política en Euzkadi, de violencia (non só a das armas, senón tamén a cotián, a que se pode sufrir nunha localidade pequena onde che negan o saúdo por pensar de forma distinta, ou onde aparecen pintadas insultándote) pero tamén de sufrimento (por ambas partes) e da necesidade de perdón e concordia.

 
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Actividades de promoción da lectura: de 3 a 7 de abril 2017

Programa de actividades de promoción da lectura que Bibloleiros organiza para os centros de ensino público do Concello de 3 a 7 de abril:

Na Biblioteca Central Rialeda de Perillo
Luns 3 de abril:
- 9:20 h. - 4 anos A e B do CEIP Valle-Inclán (Perillo)
"O rato ilustrador" a cargo da Compañía Trinke Trinke.

Martes 4 de abril:
- 1ª sesión: 9:20 h. - 5 anos A e B do CEIP Valle-Inclán (Perillo)
- 2ª sesión: 10:20 h. - 5 anos C do CEIP Valle-Inclán (Perillo)
"O rato ilustrador" a cargo da Compañía Trinke Trinke.

Venres 7 de abril:
- 9:20 h. - 6º A e B de EP do CEIP Valle-Inclán (Perillo)
"Contos de candil que ninguén cre", co contacontos Ramiro Neira.

Na Biblioteca Rosalía de Castro de Santa Cruz
Martes 4 de abril:
- 10:30 h. - 5º A e B de EP do CEIP Luís Seoane (Mera)
"Charlie e a fábrica de chocolate" a cargo da actriz e contacontos Soledad Felloza.

Xoves 6 de abril:
- 1ª sesión: 10:30 h. - 3º A e B de EP do CEIP Luís Seoane (Mera)
- 2ª sesión: 11:50 h. - 4º A e B de EP do CEIP Luís Seoane (Mera)
"Un conto de tres noites" a cargo do contacontos Caxoto.

Venres 7 de abril:
- 1ª sesión: 10:30 h. - 4 anos A e B do CEIP Luís Seoane (Mera)
- 2ª sesión: 11:20 h. - 4 anos A e B do CEIP Isidro Parga Pondal (Santa Cruz)
"O rato ilustrador" a cargo da Compañía Trinke Trinke.

Máis información das nosas actividades, programas, documentación, publicacións, etc., na nosa web http://www.oleiros.org/web/concello-oleiros/bibliotecas, o blog das Bibliotecas Públicas Municipais de Oleiros e en twitter @bibloleiros