6 de abril: Inicio 3º trimestre na Tertulia Literaria da Biblioteca de Santa Cruz

Biblioteca e Centro de Documentación da Muller "Rosalía de Castro"
Hora: 18 a 20 h.

Comenzamos o 3º e último trimestre coa seguinte programación:

- "Olive Kitteridge" de Elizabeth Strout

- "El estandarte" de Alexander Lernet-Holenia

- "Futuro imperfecto" de Xulia Alonso Díaz

Outros actos:

- Presentación de "Bibliotecarias e bibliotecarios infames" de F. X. Redondo Abal. (20 abril) 

- Presentación de "Falando claro" de Pepe Sendón (1 de xuño)

Datas:

- Abril: días 6 e 20

- Maio: días 4 e 18

- Xuño: días 1 e 8

Pode apuntarse á actividade:
- Persoalmente na Biblioteca de Santa Cruz.
- Por teléfono (981 626 338) no horario da biblioteca.

2 de abril: Día internacional do libro infantil en Bibloleiros

Presentamos as actividades a realizar no Sistema de Bibliotecas Públicas Municipais do Concello de Oleiros para conmemorar o Día Internacional do Libro Infantil.

Biblioteca Central Rialeda
- Obradoiro e espectáculo de maxia con Chrystian Magic
O 9 de abril levarase a cabo un obradoiro e un espectáculo de maxia para nenas e nenos de 6 a 12 anos.
As 18:30 horas terá lugar o obradoiro de maxia.
Aforo limitado!!! Imprescindible reservar praza chamando ao teléfono 981 639 511, a partir do luns, 6 de abril.
As 19:30 horas realizarase o espectáculo de maxia.

Poden asistir todas as nenas e nenos que o desexen ata completar o aforo da sala

- “Sol e led: expo da ciencia á ficción da luz”: libros de contidos, aventuras e dvd divulgativo relacionados coa temática da luz e tecnoloxías afíns, para conmemorar o Ano Internacional da Luz proclamado pola ONU.

Biblioteca Municipal Rosalía de Castro. Santa Cruz
- Hora do conto: o 8 de Abril, ás 18:30 horas, Raquel Queizás contará "Nano e Dara", para nenas e nenos de 1 a 4 anos. Aforo limitado. Imprescindible reservar praza chamando ao teléfono 981 626 338.
- Exposición bibliográfica de literatura infantil e xuvenil actual.
- Exposición de fotografías de lectoras e lectores infantís cos libros que lean durante o mes de Abril.
Tamén se realizará un taller de marcapáxinas e un obradoiro de debuxo.

Biblioteca Municipal Mª José Trincado. Mera
- Hora do conto: o 10 de abril, ás 18:30 horas, coa compañía Pavís-Pavós e a actividade "Palma repalma" dirixida a nenas e nenos de 1 a 4 anos. Aforo limitado. Imprescindible reservar praza chamando ao teléfono 981 628 507.
- Exposición: libros infantís de autores/as galardoados/as co Premio Andersen.
- Mostra bibliográfica: Libros infantís de autores/as galegos/as actuais.

Biblioteca Municipal Mª José Ruso. Dorneda
- Exposición bibliográfica co máis representativo da literatura infantil e xuvenil actual.
- “Marca a túa páxina”: cada neno e nena participante realizará un marca páxinas partindo duns modelos preestablecidos.

Biblioteca Municipal Ánxel Fole. Nós
- Mural de fotografías nas que os protagonistas sexan os libros e as/os nenas/os.
- Exposición bibliográfica co máis novidoso e representativo da literatura infantil e xuvenil actual.

Biblioteca Municipal Xograr Mendiño. Lorbé
- Exposición bibliográfica co máis representativo da literatura infantil e xuvenil actual.

- Elixir o mellor libro de literatura infantil entre todos os usuarios e usuarias da biblioteca.
- Concurso de debuxos: Que é para ti un libro?

Biblioteca Municipal Manuel María. Oleiros
- Exposición: Libros infantís de autores/as galardoados/as co Premio Andersen.
- Mostra bibliográfica: Libros infantís de autores/as galegos/as actuais.

Biblioteca Federico García Lorca. Montrove
- "Marca a túa páxina": cada neno/a realizará un marca páxinas partindo duns modelos preestablecidos.
- "Facemos un libro": Elaboración dun libro a partir dos contos, poemas e debuxos dos propios nenos e nenas que queiran participar.
- Exposición de libros de Andersen.

Hora do conto e actividades de animación á lectura: de 8 a 10 de abril

Todas as sesións celebraránse ás 18:30
Biblioteca Pública Municipal “Rosalía de Castro”. Santa Cruz 
Mércores 8 de abril 
Para nenas-os de 1 a 4 anos (imprescindible reservar praza, tlf.: 981 626338) 
CONTACONTOS: Raquel Queizás
TÍTULO: “Nano e Dara" 

Biblioteca Pública Municipal “Mª José Trincado”. Mera 
Venres 10 de abril 
Para nenas-os de 1 a 4 anos (imprescindible reservar praza, tlf.: 981 628507) 
CONTACONTOS: Pavís-Pavós 
TÍTULO: “Palma repalma"

Biblioteca Central "Rialeda". Perillo

Xoves 9 de abril

18:30: Obradoiro de maxia: Para nenas-os de 6 a 12 anos (imprescindible reservar praza, tlf.: 981 639511, chama a partir do luns 6 de abril)

19:30:  Espectáculo de maxia: Poden asistir todas as nenas e nenos que o desexen ata completar o aforo da sala

ARTISTA: Chrystian Magic

 Aforo limitado!!!

AVISO IMPORTANTE!!!: peche das bibliotecas por Semana Santa

Os días 2, 3 e 4 de abril as Bibliotecas Municipais de Oleiros estarán pechadas por ser Semana Santa. 

Desculpen as molestias

Recomendacións en Radioleiros: 27 de marzo

- Infantil (nenos-as a partir de 10 anos):
"Sopa de marsopa" de Isabel Freire en Xerais.
Nunha pequena vila onde é comisario de policía Roncudo Lor, desaparece do zoo a marsopa Anciñas, un simpático cetáceo que fai as delicias de todos. Cando xa a policía está a piques de tirar a toalla porque non ten pista ningunha, aparece o detective Bons, Bilbo Bons que se pon a investigar...

- Mozos-as e adultos-as:
"Vestido de novia" de Pierre Lemaitre, editado por Alfaguara.
A protagonista, Sophie, ten unha vida feliz, ten parella, un bo traballo, pero de repente, sen saber como, comeza a perder cousas, esquece citas, esquece o que fixo o día anterior, comete roubos aínda que non os lembre, convírtese nunha muller psiquicamente desequilibrada, e o peor, ao seu redor empeza a aparecer xente morta, aínda que ela non é consciente de facelo… Algo está a ocorrer.
 

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Día mundial do teatro na Biblioteca de Lorbé: 27 de marzo

O 27 de marzo é o Día mundial do teatro. Para festexalo, a Biblioteca de Lorbé, fará unha selección de fondos de teatro e sobre o teatro, animarase aos-ás usuarios-as a lelos e levalos a casa. 

Algúns dos obxectivos que se perseguen son: celebrar esta festa cultural mundial, difundir os fondos deste xénero literario, aumentar os coñecementos sobre o teatro, coñecer e difundir a obra dos-das autores-as contemporáneos-as galegos-as, crear espectadores-as, etc. 

Do 23 ao 31 de marzo, haberá unha exposición de fondos de obras dramáticas e farase unha lectura conxunta dunha obra de teatro.

Hora do conto e actividades de animación á lectura: de 23 a 27 de marzo

Todas as sesións celebraránse ás 18:30
Biblioteca Pública Municipal “Mª José Ruso”. Dorneda

Luns 23 de marzo

Para nenas-os de 1 a 4 anos (imprescindible reservar praza, tlf.: 981 626638) 

CONTACONTOS: Pavís-Pavós
TÍTULO: “Palma repalma"

Biblioteca Pública Municipal “Manuel María”. Oleiros

Martes 24 de marzo
CONTACONTOS: Soledad Felloza
TÍTULO: “Contos de fill@s que non o teñen tan doado”: "La tarta de hadas", "La hija del Grúfalo", "Montañas na cama"

Biblioteca Pública Municipal “Rosalía de Castro”. Santa Cruz 

Mércores 25 de marzo 
CONTACONTOS: Ratiña Carolina de Trinke Trinke
TÍTULO: “Un invento para chegar ata o ceo”

Biblioteca Central "Rialeda". Perillo
Xoves 26 de marzo

Para nenas-os de 1 a 4 anos Aforo completo!

CONTACONTOS: Charo Pita
TÍTULO: “Arrolacontos"

Biblioteca Pública Municipal “Xograr Mendiño”. Lorbé

Xoves 26 de marzo 
CONTACONTOS: Paula Carballeira
TÍTULO: “Contos de misterio e noites de lúa chea”

Biblioteca Pública Municipal “Mª José Trincado”. Mera

Venres 27 de marzo

Para nenas-os de 5 a 10 anos (imprescindible reservar praza, tlf.: 981 628507) 

MONITORADO: Viravolta Títeres
OBRADOIRO: “Elaboración de marionetas de papel"

Biblioteca Pública Municipal “Ánxel Fole”. Nós

Venres 27 de marzo
 CONTACONTOS: Ramiro Neira
TÍTULO: “Contos con cores”

26 de marzo: "Contos en feminino" na Biblioteca de Santa Cruz

Ás 19,30 h. na Biblioteca e Centro de Documentación da Muller "Rosalía de Castro" de Santa Cruz.

Contacontos para adultas/os con Soledad Felloza, Fátima Fernández e Charo Pita.

Serán contos en feminino de diferentes temáticas, uns baseados na tradición popular galega e outros traídos doutras culturas.

Tertulia literaria en Rialeda: 25 de marzo (Grupo B)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "Un dedo manchado de tinta" de Manuel Portas.
Documentación
Obras de Manuel Portas nas nosas bibliotecas.

A seguinte obra programada é "Los detectives salvajes" de Roberto Bolaño.

Nesta sesión contaremos coa presenza da profesora e catedrática de lingua e literatura galega Rosa García Vilariño.

Actividades de promoción da lectura: de 23 a 27 de marzo

Na semana do 23 ao 27 de marzo, as Bibliotecas Municipais de Oleiros levarán a cabo interesantes actividades de promoción da lectura, unhas dirixidas ao público en xeral e outras para alumnado dos centros de ensino público de Oleiros.
 

- Contos en feminino: Contacontos para adultas/os
O xoves, 26 de marzo, ás 19:30 horas, na Biblioteca Municipal Rosalía de Castro de Santa Cruz realizarase un contacontos para adultas/os a cargo das contadoras Soledad Felloza, Fátima Fernández e Charo Pita nunha actividade denominada “Contos en feminino”, na que contarán contos de diferentes temáticas, uns baseados na tradición popular galega e outros traídos doutras culturas. Invitamos a asistir a todas as persoas que o desexen.
 

Dentro das actividades de promoción da lectura dirixidas a alumnado dos centros de ensino público de Oleiros, no Teatro As Torres de Santa Cruz levaranse a cabo os seguintes actos: O luns 23, ás 11:40 horas, realizarase un encontro literario coa escritora Xulia Alonso, dirixido a alumnado de 1º de bacharelato do Instituto Miraflores de Oleiros, para comentar a súa obra “Futuro imperfecto” publicada na editorial Galaxia, que a propia autora define como “unha cápsula de memoria, da súa propia memoria, que nos leva á década dos 80, onde a vida se presenta cun aire novo...”. Esta actividade é posible grazas á colaboración da editorial Galaxia.

O martes 24, ás 10:30 horas, levarase a cabo a conferencia “Mitos e deidades na época dos castros: da ciencia á literatura” a cargo do escritor, profesor da USC e director da web do Consello da Cultura Galega, Manuel Gago e da actriz Soledad Felloza, dirixida a alumnado de 3º de ESO do Instituto Miraflores de Oleiros. A partir do seu exitoso libro “Vento e chuvia: mitoloxía da antiga Gallaecia” o autor introducirá no rico universo das crenzas, mitos e deidades que existiron na Gallaecia da Idade do Ferro. A través da creación literaria de Manuel Gago poderemos coñecer deusas e deuses da antiga Gallaecia. 

Tamén o martes 24, pero ás 12:30 horas, levarase a cabo a conferencia “Panorámica da literatura galega actual” a cargo da escritora e profesora da USC, Dolores Vilavedra, dirixida a alumnado de 2º de bacharelato do Instituto Miraflores de Oleiros, na que presentará a literatura galega actual e achegará a figura e a obra de diversos/as escritores/as galegos/as actuais. Esta actividade tamén é posible grazas á colaboración da editorial Galaxia.

Na Biblioteca Municipal Rosalía de Castro de Santa Cruz, os días 25 e 26, a actriz e contadora de contos Soledad Felloza realizará tres sesións coa interpretación da famosa obra de Roald Dahl “Charlie e a fábrica de chocolate”, dirixidas a alumnado do CEIP Luís Seoane de Mera de 3º e 4º curso de primaria.

O día 25, na Biblioteca do Instituto Miraflores, a poeta Yolanda Castaño, realizará dous obradoiros de poesía dirixidos a alumnado de 4º de ESO deste instituto. Traballarán tanto con prácticas de estimulación creativa como reforzándoas a partir de textos que conecten co seu mundo. O amor, o erotismo, a dor, a carraxe ou a liberdade son eixos temáticos que proporcionan, á vez, campos aboados para a experimentación poética. Preténdese promover a lectura de obras de poesía, fomentar o pracer da escrita poética, desenvolver a creatividade e perfeccionar as composicións poéticas.

Na Biblioteca Central Rialeda, os días 26 e 27 de marzo, levaranse a cabo tres visitas guiadas a cargo do persoal da mencionada biblioteca e dirixidas a alumnado de 1º de ESO do Instituto Miraflores de Oleiros. Preténdese explicar o funcionamento da biblioteca, para que o alumnado a utilice fóra do seu horario escolar: coñecer a biblioteca, presentar a páxina web municipal e o blog das bibliotecas, aprender a realizar buscas no catálogo e, principalmente, fomentar o uso do libro e a lectura. Estas actividades finalizarán cun contacontos titulado “Feirantes”  a cargo do actor e contador de contos Ramiro Neira, realizado a partir da adaptación dun relato da obra "Os outros feirantes" de Álvaro Cunqueiro.

Tertulia literaria en Santa Cruz: 23 de marzo

Na Biblioteca e Centro de Documentación da Muller "Rosalía de Castro"  
Hora: 18 a 20 h.

Comentario da obra "El palacio azul de los ingenieros belgas" de Fulgencio Argüelles. 

A seguinte obra programada é "Los platos más picantes de la cocina tártara" de Alina Bronsky. 

A luz dos teus versos: celebramos o día da poesía en Bibloleiros!

O 21 de marzo celebramos o Día Mundial da Poesía. Na Biblioteca Central Rialeda queremos conmemorar esta data con versos "donados" polos-as nosos-as lectores-as.
Escríbenos ese verso que cega como un raio, un poema que ilumina, a rima que nunca palidece.
Acaso, existe luz máis potente que a que reflicte a poesía?
Imos proporcionarche unhas tarxetas nas que poderás escribir versos teus, prestados dos-das teus/túas autores/as favoritos/as; na lingua que ti escollas. Se dispós de tempo, preferímolos manuscritos, aceptarémolos igualmente feitos a ordenador. Eses singulares lóstregos poéticos decorarán a biblioteca e publicarémolos no blog. Escríbeos na propia Rialeda ou envíanolos a: biblioteca.rialeda@oleiros.org, asunto "A luz dos teus versos".

Celebración do Día da Poesía na Biblioteca Rosalía de Castro

Desde a Biblioteca e Centro de Documentación da Muller Rosalía de Castro,  para conmemorar o Día da Poesía e relacionado tamén co Día da Muller que acabamos de celebrar,  queremos facer referencia a unha muller labrega e case analfabeta, que pode ser considerada como unha das primeiras “escritoras” galegas contemporáneas. Deixou escritos uns exquisitos versos que apenas se coñecen. Chamábase Nicolasa Añón Paz, naceu un 28 de febreiro de 1810 en Boel, aldea da parroquia de San Pedro de Outes, nunha acomodada familia de labregos, irmá maior do precursor do Rexurdimento Francisco Añón.

Sendo muller e labrega sabía escribir o seu nome e pouco máis, sen embargo “imaxina”, como ela mesma di, versos como quen non quere a cousa mentras debulla o millo ou coida as vacas. As súas poesías de carácter oral foron recollidas no ano 1885 nun manuscrito polo mestre Jacobo Lema Fernández de Olveira (Dumbría) onde tamén era párroco o fillo maior da poeta. Son poesías de tema relixioso, maiormente dedicadas á Virxe do Rial (venerada na freguesía de Santo Ourente de Entíns, no concello de Outes), que se plasma na totalidade das coplas en castelán e mais nun dos textos en lingua galega; o outro poema galego trata da primeira visita do rei Afonso XII a Santiago de Compostela.

Información extraída do Álbum de mulleres de www.culturagalega.org

Actividades de promoción da lectura para o alumnado dos centros de ensino público: de 16 a 19 de marzo

As Bibliotecas Municipais de Oleiros, na semana do 16 ao 19 de marzo, levarán a cabo as seguintes actividades de promoción da lectura dirixidas a alumnado dos centros de ensino público de Oleiros:  

Na Biblioteca Municipal Rosalía de Castro de Santa Cruz, o día 17 de marzo, ás 10:15 horas, o contador de contos Caxoto relatará “Un conto de tres noites” baseada nunha adaptación da obra  do escritor Xabier P. Docampo. Dirixirase a alumnado de 4º de primaria do Colexio Luís Seoane de Mera.
 

Tamén na Biblioteca Municipal Rosalía de Castro de Santa Cruz, o día 18 de marzo, ás 10:15 e ás 12 horas, levaranse a cabo dúas sesións de contacontos: “Bailar nas nubes” a cargo da actriz Soledad Felloza, dirixidas a alumnado de 1º e 2º de primaria do Colexio Luís Seoane de Mera.

Tertulia literaria en Rialeda: 18 de marzo (Grupo A)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "Las viudas de los jueves" de Claudia Piñeiro. 
Documentación
Obras de Claudia Piñeiro nas nosas bibliotecas.

A seguinte obra programada é "Las buenas personas" de Nir Baram.