Recomendacións en Radioleiros: 3 de xuño

Títulos recomendados o venres 3 de xuño:
- Infantil (nenos/as de 6 a 8 anos):
"La verdad del elefante" texto de Martin Baltscheit e ilustracións de Christoph Mett. En Lóguez.
Cinco científicos cegos investigan sobre a verdade sen atopala porque non son capaces de ver o conxunto. Unha historia filosófica sobre a verdade e a imaxinación.
- Mozos/as e adultos/as:
"Á marxe, 1998. Obra xornalística VII" de Carlos Casares. Editado por Galaxia.
Unha das múltiples facetas de Carlos Casares (1941-2002) foi a de redactar pequenos artigos de prensa. Neste ano 1998 vemos pasar ao gato Samuel, escritores amigos como Torrente e Bryce Echenique, estadías en Israel e nos Estados Unidos, un feixe de cafés con puro e congresos literarios en España e Portugal, todo sen perder o humor e a retranca.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

A serie "Roma" chega á Biblioteca Rialeda

A Biblioteca Central Rialeda engade á súa ampla colección de dvds, a prestixiosa serie de televisión "Roma". Producida entre 2005 e 2007, consta de 22 episodios divididos en 11 discos que cubren as dúas tempadas completas.

Rodada íntegramente nos míticos estudios Cinecittà da capital italiana, "Roma" é un drama épico sobre os días de poder e gloria de Xulio César a través da ollada de dous soldados, Lucius Vorenus y Titus Pullo.

Como curiosidade apuntamos que a serie deixou de producirse debido ao altísimo custe da mesma. Todo o armamento, cascos, e demáis panoplia foi fabricada artesanalmente e os tecidos dos vestidos (la, liño, algodón e seda) foron importadas da India, Túnez e Marrocos.

Non obstante está prevista a súa continuación en pantalla grande.

A colección distribúese en 6 volumes. Consulta a súa dispoñibilidade.

Hora do conto: 31 de maio

Aquí tes a programación desta semana da hora do conto,
PASARALO MOI BEN ESCOITANDO CONTOS!!!

Biblioteca Pública Municipal "Manuel María". Oleiros
Martes 31 de maio
CONTACONTOS: Pablísimo
TÍTULOS: "Terrible", "Gato Guille e os monstros", "Agora non, Fernando", "Chibos chibóns"

Vémonos en outubro!!!

(AVISO: Os títulos programados poden sufrir variacións en función do público asistente)

Tertulia literaria en Rialeda: 1 de xuño (Grupo A - Remate Tempada)

Na Biblioteca Central Rialeda (Casiña de Actividades)

Hora: de 17,30 a 19,30

Comentaráse a obra "Tierra desacostumbrada" de Jhumpa Lahiri
Documentación

Obras de Jhumpa Lahiri nas nosas bibliotecas.

Con esta sesión remata a tempada no Grupo A. Agradecemos a todas as participantes a súa presenza un ano máis na actividade, desexándolles un feliz verán.

Vémonos en outubro!!!

Tertulia literaria en Santa Cruz: 30 de maio

Na Biblioteca e Centro de Documentación da Muller "Rosalía de Castro"

Hora: de 18,30 a 20 h.

Comentaráse a obra "Narcos" de Carlos G. Reigosa
Documentación

Obras de Carlos G. Reigosa nas nosas bibliotecas

Recomendacións en Radioleiros: 27 de maio

Títulos recomendados o venres 27 de maio:
- Infantil (nenos/as menores de 6 anos):
"¿E ti que farías por min?" de Fina Casalderrey, ilustracións de Manolo Uhía en Xerais.

Marqués e Malta son dous cans que viven na rúa e teñen moita fame. Precisan buscar comida. Mentres Malta revolve no vertedoiro buscando algo de alimento, Marqués dille o que faría por ela se fose bolboreta, xílgaro ou lúa. Malta sorrí e segue a buscar comida, por fin atopa un zanco de polo. Que fará Malta co zanco de polo? Simpática obra, cunhas fermosas e coloridas ilustracións.
- Mozos/as e adultos/as:
"Tierra desacostumbrada" de Jhumpa Lahiri, editado por Salamandra
Esta obra foi escollida polo The New York Times como o mellor libro do ano 2008.

É unha colección de relatos de familias de orixe bengalí que viven na Costa Este dos Estados Unidos. Fálannos do proceso de transformación que se produce entre a cultura da India e a occidental e a fraxilidade das relacións humanas. Retratan fielmente as vivencias e emocións destas persoas. Son historias sobre diferentes homes e mulleres que teñen que tomar decisións entre a tradición familiar e do seu país e a súa emancipación persoal, ou en función da súa propia forma de ser, pero todas tratadas con moita delicadeza. Moitos dos relatos van emocionarnos e falarnos de amor e desamor, de ilusións e desilusións.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

O Vento Lois zoa na Biblioteca Central Rialeda

O Vento Lois zoa con forza na Biblioteca Central Rialeda. Como di a letra da canción escrita por Lois Pereiro para o grupo de rock Radio Océano, Como unha lanza do vento, como o vento a avanzar!: Un nordés poético protagonizado por Cristina Veiga, David Pernas, Fran Insua, Luz Corral, Mª José Ruiz, Milagros González, Pablísimo, Pura Quiroga, Rose Conchado, Soledad Felloza, Sabela Moralejo, Pilar Silva e Chelo Seixo que recitan versos do poeta monfortino na Biblioteca Rialeda, sumándose así ao furacán imparable que percorre Galicia enteira de corazón en corazón, fundando unha comunidade poética latexante.

Novos cds de música galega en Rialeda

Ofrecémosche os seguintes títulos que podes atopar no 2º andar da Biblioteca Central Rialeda:

O xoves 26 de maio temos visita

O xoves 26 de maio temos visita!!!
O xoves, 26 de maio, visitarán a Biblioteca Central Rialeda 34 alumnos/as e unha docente do Ciclo Técnico Superior de Educación Infantil do IES Dionisio Gamallo Fierros de Ribadeo.

Os/as rapaces/as deste ciclo educativo aproveitarán a visita á comarca de As Mariñas para coñecer o funcionamento da Escola Infantil "Fonte da Balsa" de Culleredo, a Escola Infantil "Santa María de Oza" do Barrio das Flores da Coruña e a Biblioteca Central Rialeda de Perillo. Na nosa Biblioteca coñecerán como se desenvolve a programación, desenvolvemento e avaliación das actividades de animación á lectura que desde o Sistema de Bibliotecas Públicas Municipais de Oleiros diriximos aos/ás nenos/as menores de 6 anos.

BENVIDOS/AS!!!

Hora do conto: do 23 ao 27 de maio

Aquí tes a programación desta semana da hora do conto,
PASARALO MOI BEN ESCOITANDO CONTOS!!!

Biblioteca Pública Municipal "Mª José Ruso". Dorneda
Luns 23 de maio
CONTACONTOS: Pablísimo
TÍTULOS: “Agora non, Fernando”, “Chibos chibóns”, “Terrible”, “Gato Guille e os monstros”

Biblioteca Pública Municipal "Federico García Lorca". Montrove
Martes 24 de maio
CONTACONTOS: Inés Cuadrado
TÍTULO: "Contos de tradición oral sobre animais"

Biblioteca Pública Municipal "Rosalía de Castro". Santa Cruz
Mércores 25 de maio
CONTACONTOS: Celso FernándezTÍTULOS: “Contos que non falten”

Biblioteca Central "Rialeda". Perillo
Xoves 26 de maio
Para nenos-as menores de 6 anos:
CONTACONTOS: Ratiña Lupiña da Compañía do Trinke Trinke
TÍTULOS: Voces privilexiadas: "O galo Xacinto", "Inés do revés", "O gato lambón"
Para nenos-as maiores de 6 anos:
CONTACONTOS: Soledad FellozaTÍTULO: "La vida nocturna de los árboles"

Biblioteca Pública Municipal "Ánxel Fole". Nós
Venres 27 de maio
CONTACONTOS: Pedro Brandariz
TÍTULOS: “Contos e outras andrómenas”
(AVISO: Os títulos programados poden sufrir variacións en función do público asistente)

Tertulia literaria en Rialeda: 25 de maio (Grupo B)

Na Biblioteca Central Rialeda (Casiña de Actividades)
Hora: de 17,30 a 19,30

Comentaráse a obra "Merlín e familia" de Álvaro Cunqueiro
Documentación sobre a obra

Celebraremos o Día das Letras Galegas, adicado á figura e obra de Lois Pereiro

Recomendacións en Radioleiros: 20 de maio

Títulos recomendados o venres 20 de maio:
- Xuvenil (maiores de 14):
"Cazaría salvaxe" de Agustín Agra, en Xerais
Wotan tiña ollos de lume, o corpo invisíbel ás miradas, e nas noites de invernía saía de caza coa compaña dos seus cadelos diabólicos. Novela de terror, misterio, bruxaría e fantasía coa prosa primorosa das narracións populares dos vellos violinistas.
- Mozos/as e adultos/as:
"As crónicas do Sochantre" de Álvaro Cunqueiro, editado por Galaxia
Nos tempos da Revolución Francesa, o Sochantre viaxa polos camiños da Bretaña acompañado dunha comitiva de mortos contadores de historias. Misterio e crime escrito con gran talento creador. Un clásico na literatura galega desde a súa publicación no ano 1956.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Para os nosos maiores: "O comenzo do mundo" (19 de maio)

Na Biblioteca Central Rialeda (2º andar, sala de audiovisuais*)
Hora: de 11 a 12

"Relatos de aquí e de alá, de Galicia e de América"
Historias da obra “Merlín e Familia” de Álvaro Cunqueiro e outras de tradición oral, a cargo da actriz Soledad Felloza

Actividade destinada aos nosos maiores

*Durante a duración da actividade os ordenadores da sala estarán fora de servizo.

Tertulia literaria en Rialeda: 18 de maio (Grupo A)

Na Biblioteca Central Rialeda (Casiña de Actividades)

Hora: de 17,30 a 19,30

Comentaráse a obra "Os outros feirantes" de Álvaro Cunqueiro

Celebraremos o Día das Letras Galegas, adicado á figura e obra de Lois Pereiro

Documentación sobre a obra

Obras de Álvaro Cunqueiro nas nosas bibliotecas

Hora do conto: do 18 ao 20 de maio

Aquí tes a programación desta semana da hora do conto,PASARALO MOI BEN ESCOITANDO CONTOS!!!
Biblioteca Pública Municipal "Rosalía de Castro". Santa Cruz
Mércores 18 de maio
CONTACONTOS: Andrea Bayer
TÍTULOS: “Ra da boca grande”, “Feliz aniversario, Ratiña”, “A vaca que puxo un ovo”, “Ratiña Presumida”
Biblioteca Central "Rialeda". Perillo
Xoves 19 de maio
Para nenos-as menores de 6 anos:
CONTACONTOS: Anxo Tirado
TÍTULOS: “Os agasallos do rei León”, “A viaxe de Zenoira"
Para nenos-as maiores de 6 anos:
CONTACONTOS: Pablísimo
TÍTULOS: “A noite da visita”, “Gato Guille e os monstros”, “Chibos chibóns”, “Terrible”
Biblioteca Pública Municipal "Mª José Trincado". Mera
Venres 20 de maio
CONTACONTOS: Pizpireta
TÍTULOS: “A canción da choiva”, “A árbore das mazás do riso”, “A casa de cartón”, “O Monstro Metemedo”
(AVISO: Os títulos programados poden sufrir variacións en función do público asistente)