Biblioteca de Lorbé: 20 aniversario da aprobación da convención dos dereitos do neno

A Convención dos Dereitos do Neno aprobada nas Nacións Unidas en 1989 é o primeiro código universal dos dereitos dos nenos e nenas. Os dereitos que proclama corresponden a todas as persoas menores de 18 anos, independentemente do lugar de nacemento, sexo, etnia, relixión ou clase social.

O vindeiro 20 de novembro, cúmprense os 20 anos desta Convención. Na Biblioteca "Xograr Mendiño" de Lorbé celebraremos o aniversario da súa aprobación desde o 16 de novembro ata o 9 de decembro de 2009. Con esta actividade pretendemos:

- Celebrar a aprobación da Convención dos Dereitos do Neno
- Dar a coñecer os Dereitos do Neno e por extensión os dereitos humanos
- Aumentar o coñecemento e o respecto polos Dereitos do Neno
- Presentar diversos libros relacionados co tema
- Fomentar a lectura como un xeito de coñecemento e de lecer

Poderá participar o público en xeral, aínda que a selección de libros é para nenos e nenas.