8 de marzo: Celebramos o Día da Muller nas Bibliotecas Municipais de Oleiros

Nas Bibliotecas Públicas Municipais de Oleiros, ao longo do mes de marzo, levaranse a cabo diversas actividades cos obxectivos de promover a igualdade de xénero, difundir o relevante papel das mulleres ao longo da historia en todos os ámbitos: científicas, deportistas, escritoras, pintoras..., provocar a reflexión sobre estes temas, presentar diversas obras escritas por mulleres e dar a coñecer libros de autoras galegas, todos eles coa finalidade de fomentar a lectura deste tipo de libros. 

 

Biblioteca Central Rialeda. Perillo

A luz na batalla: Exposición bibliográfica formada por obras escritas por Emilia Pardo Bazán e outras que estudan esta insigne autora.

Este ano conmemórase o centenario do falecemento de Emilia Pardo Bazán, e como homenaxe a esta ilustre escritora e loitadora polos dereitos da muller, na biblioteca Rialeda realízase esta exposición para ensinar as súas principais obras, biografías e estudos sobre a súa produción, co obxectivo de que as usuarias e usuarios as coñezan e as leven en préstamo. Esta exposición titúlase A luz na batalla baseándonos no lema en latín De bellum luce que ela adoptara e utilizara encabezando o seu papel de cartas e que é toda unha declaración de principios da loita por defender a súa liberdade individual.

4 de marzo: Hora do conto para maiores de 6 anos, co espectáculo titulado Xoana a cargo de Ramiro Neira.

 

Clubs de lectura para moz@s e adult@s por videoconferencia:

3 de marzo: Comentario da obra La vegetariana de Han Kang.

10 de marzo: Comentario da obra Amor de tango de Mª Xosé Queizán.

Biblioteca Pública Municipal Rosalía de Castro. Santa Cruz

8 Mulleres, 8 libros, 8 cancións:  Mostra bibliográfica

Mostra na que se amosan 8 biografías de escritoras, científicas, deportistas…, 8 libros de autoras galegas e 8 CD de artistas con cancións orixinais delas ou que versionan poesías ou textos de escritoras ás que puxeron música.

Os obxectivos son difundir o fondo do Centro de Documentación da Muller, presentar obras escritas por mulleres, dar a coñecer libros de autoras galegas, promover a lectura entre moz@s e adolescentes de libros relacionados coa igualdade de xénero e a coeducación e aumentar o coñecemento sobre diversas mulleres relevantes ao longo da historia.

 

10 de marzo: Hora do conto para maiores de 6 anos, co espectáculo titulado Contamos=(Contamos en igualdade) a cargo de Caxoto.

 

Clubs de lectura para moz@s e adult@s por videoconferencia:

16 de marzo: Comentario da obra Abril encantado de Elizabeth Von Arnim.

 

Biblioteca Pública Municipal Ánxel Fole. Nós

Mulleres e recortables: Actividade plástica con recortables onde figuran as imaxes e resumos das biografías de varias mulleres que destacaron ao longo da historia.

Co obxectivo de destacar que as mulleres teñen e tiveron un papel destacado ao longo da historia, aínda que o conseguiron dun xeito moito menos doado que os homes.

Mulleres protagonistas: Exposición bibliográfica composta por títulos de literatura infantil e para adultas-os, en castelán e galego, nos que as protagonistas son mulleres.

Co obxectivo de divulgar estas obras e promover a súa lectura.

12 de marzo: Hora do conto para maiores de 6 anos, co espectáculo titulado Un mundo de mulleres a cargo de Fátima Fernández.

 

Biblioteca Pública Municipal Mª José Trincado. Mera

Mostra de material audiovisual e bibliográfico sobre igualdade de xénero e o feminismo, co obxectivo de dar a coñecer o fondo sobre esta temática e que o leven en préstamo.

Cartel A Xeración de igualdade: co obxectivo de unirse á campaña da ONU “Mulleres para acelerar as accións para a igualdade de xénero”.

5 de marzo: Hora do conto para maiores de 6 anos, co espectáculo titulado Tres irmás, tres camiños e un gran perigo a cargo de Paula Carballeira.

 

Biblioteca Municipal Mª José Ruso. Dorneda

Con nome de muller: Exposición bibliográfica sobre o feminismo, seleccionando obras para abordar a temática da igualdade de xénero. Co obxectivo de provocar a reflexión sobre esta temática.

8 de marzo: Hora do conto para maiores de 6 anos, co espectáculo titulado Mulleres que cambiaron o mundo a cargo de Charo Pita.

 

Biblioteca Pública Municipal Xograr Mendiño. Lorbé

Exposición bibliográfica sobre feminismo, seleccionando contos e libros para abordar a temática de igualdade de xénero. Co obxectivo de dar a coñecer os libros sobre feminismo e que as-os usuarias-os os leven en préstamo.

4 de marzo: Hora do conto para maiores de 6 anos, co espectáculo titulado Nós somos fortes, máxicas e poderosas a cargo de Fátima Fernández.

 

Biblioteca Pública Municipal Manuel María. Oleiros

Mulleres que deixaron pegada: Mostra bibliográfica sobre mulleres que destacaron como científicas, no mundo das artes, da política, etc. Co obxectivo de divulgar estas obras e promover a súa lectura.

9 de marzo: Hora do conto para maiores de 6 anos, co espectáculo titulado Aventureiras intrépidas a cargo de Charo Pita.

Recomendacións en Radioleiros: 5 marzo 2021

- Xuvenil (a partir de 10 anos):

Feminino singular en plural, textos e poesías de Concha Blanco con ilustracións de Laura Romero
Baía Edicións, 2020

Versión dixital en Galiciale

12 sinxelos poemas biográficos dedicados a mulleres galegas pioneiras e singulares (de aí o título), pero tamén a outras mulleres anónimas e das que non coñecemos os seus nomes. Todas elas valentes e loitadoras, desde a antiga Gallaecia ata a Galicia contemporánea actual, con nomes como: Rosalía de Castro, Xulia Minguillón, Exeria, Elisa e Marcela, Concepción Arenal, MariCastaña, Sofía Casanova, Mª Xosé Queizán, ás dúas Marías (Maruxa e Coralia), Emilia Pardo Bazán, Olimpia Valencia e a todas as mulleres anónimas, viúvas de vivos, silenciadas, descoñecidas, que sacaron este país adiante.

Intercalados con estas poesías hai breves textos dunha nena e un neno (Sabela e Roi) con comentarios infantís sobre estas mulleres.

A autora di que son mulleres sobre as que investigou na súa historia para provocar unha reflexión sobre as súas vidas, o seu labor, a súa forza, a súa intelixencia ou a súa entrega... e unha vez interiorizado este gran problema social facer algo de xeito particular e tamén colectivo para cambiar. A unión fai a forza.

Desde Baía Edicións definen a obra como un canto agradecido a mulleres que loitaron individualmente e con moitos atrancos pola súa colectividade.

Un libro que fala da loita pola igualdade e pola liberdade, para acadar unha sociedade máis xusta.

- Mozas/os e adultas/os:

Totalidad sexual del cosmos, de Juan Bonilla
Seix Barral, 2019

Versión dixital en eBiblio

Premio Nacional de Narrativa en 2020

Recupera a figura da poeta e pintora mexicana Nahui Olin, unha muller intelixente e con ansias de liberdade, ao mesmo tempo que extravagante e irreverente. Ultimamente está considerada como unha figura carismática da arte mexicana do século XX.

O seu verdadeiro nome era Carmen Mondragón, pero decidiu asinar como Nahui Olin. Naceu en Veracruz (México) en 1893. Viviu en París nos primeiros anos do século XX, onde coñeceu, entre outros, a Matisse e a Picasso. Ao estalar a 1ª Guerra Mundial trasladouse a San Sebastián ata que volveu a México en 1921, onde participou activamente na vida intelectual e artística do seu país e destacou polas súas ideas feministas e unha actitude provocadora. Unha artista de gran beleza e sensualidade que se auto-representou na súa pintura, o que se relaciona co seu coñecemento do feminismo anglosaxón e mexicano que a leva a explorar a súa creatividade.

Nahui Olin formou parte dese grupo de mulleres que durante as décadas de 1920 e 1930 produciron un dos períodos más activos da cultura e a arte en México.

Nesta novela, mesturando realidade e ficción, o autor reconstrúe e dá a coñecer un personaxe histórico a través da busca que realiza un personaxe de ficción, que é o restaurador Tomás Zurián, namorado desta muller, dos seus fermosos ollos verdes, despois de ver unha fotografía súa. Debido a esta obsesión, a súa propia vida queda anulada en función da recuperación da biografía e produción literaria e artística de Nahui Olin.

O xurado do Premio Nacional de Narrativa elixiu esta obra por: “su prosa poderosa y transparente, de rítmica tensión narrativa, y por su análisis sobre la investigación como acto de amor exacerbado”. Tamén destacou: “la aproximación literaria a un personaje femenino anticanónico e iluminador es modélica y constituye, al mismo tiempo, una reivindicación de las vanguardias que atraviesan la propia escritura a lo largo de toda la obra”.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas

Hora do conto: 3 a 5 de marzo 2021 #bibliotecasegura #culturasegura

Volven os contacontos ás Bibliotecas Municipais para nenas e nenos a partir de 6 anos!!!

 

Aforo limitado: chama e reserva a túa praza.

 

Todas as sesións serán ás 18:30 h. 

 

Biblioteca Pública Municipal Rosalía de Castro (Santa Cruz)
Mércores 3 de marzo

Imprescindible reserva praza, tlf.: 981 626 338

CONTACONTOS: Trémola Teatro

TÍTULO: “1, 2, 3 a que non o ves?”

 

Biblioteca Pública Municipal Xograr Mendiño (Lorbé)
Xoves 4 de marzo

Imprescindible reserva praza, tlf.: 981 618 201
CONTACONTOS: Fátima Fernández
TÍTULO: “Nós somos fortes, máxicas e poderosas” Día da Muller

 

Biblioteca Central Rialeda (Perillo)
Xoves 4 de marzo

Imprescindible reserva praza, tlf.: 981 639 511
CONTACONTOS: Ramiro Neira
TÍTULO: “Xoana” Día da Muller

Biblioteca Pública Municipal Mª José Trincado (Mera)
Venres 5 de marzo

Imprescindible reserva praza, tlf.: 981 628 507
CONTACONTOS: Paula Carballeira
TÍTULO: “Tres irmás, tres camiños e un gran perigo" Día da Muller

                                                       AVISO

Atendendo á razón de interese esencial no ámbito específico da saúde pública e coa finalidade do seguimento e vixilancia epidemiolóxica do COVID-19, será necesario notificar os datos persoais das/dos participantes ao persoal da biblioteca que coordine a organización do evento.

Tertulia literaria (virtual) en Rialeda: 3 marzo 2021 (Grupo B)

17:30 h. Sesión virtual (90 minutos)

Comentario de La vegetariana, de Han Kang
Documentación

Seguinte lectura: Escola de menciñeiros, de Álvaro Cunqueiro

Novidades dvd cine - infantil e xuvenil - en Rialeda (marzo 2021)

 15 novas películas infantís - xuvenís na Biblioteca Central Rialeda 

 Descarga a guía pulsando sobre a imaxe

Tertulia literaria (virtual) en Santa Cruz: 2 marzo 2021 (Grupo B)

17:30 h. Sesión virtual (90 minutos)

Comentario de Un amor, de Alejandro Palomas
Documentación

Seguinte lectura: Abril encantado, de Elizabeth Von Arnim

Recomendacións en Radioleiros: 26 febreiro 2021

- Infantil (menores de 6 anos):

Hola hola. Animales para conocer y proteger, de Brendan Wenzel
El Pirata, 2020

O autor e ilustrador norteamericano tráenos este traballo que recolle 92 animais cunha preocupación pola conservación das especies ameazadas. Libro fundamentalmente visual, con moi pouco texto e recomendado para nenos e nenas a partir de catro anos. “Mellor libro infantil do ano” según The Washington Post.

- Mozas/os e adultas/os: 

Un señor elegante, de Suso de Toro
Xerais, 2020

Versión dixital en Galiciale

Novela de investigación arredor da familia Baltar, protagonista da sociedade galega desde o XIX cunha perspectiva “radicalmente local e ao tempo europea” según palabras do autor. Mestura de relato histórico e investigación social, aparecendo os Baltar vencellados a Rosalía de Castro e Murguía, Castelao, Rafael Dieste  e outros personaxes de primeira liña.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas

Novidades dvd cine - xeral e adult@s - en Rialeda (febreiro 2021)

  

 55 novas incorporacións no 2º andar da Biblioteca Central Rialeda

Descarga a guía pulsando sobre a imaxe

Día de Rosalía 2021: 24 de febreiro

Un ano máis, as Bibliotecas Municipais de Oleiros compartimos a iniciativa que promove a Asociación de Escritoras e Escritores en Lingua Galega: a celebración do 24 de febreiro, Día de Rosalía de Castro. Esta data está fixada no Calendario do Libro e da Lectura como aniversario do nacemento da autora e a AELG propón á cidadanía desde 2010 que agasalle un libro en galego e unha flor.

A Biblioteca Central Rialeda (Perillo) convida a visitar a expo de libros e cedés situada no vestíbulo da biblioteca de/ou sobre Rosalía de Castro. Tamén en Rialeda, se levas calquer material en préstamo ao longo do día 24, agasallarémosche cun libro na nosa lingua.

Na Biblioteca Rosalía de Castro (Santa Cruz) podes gozar, ata o 2 de marzo, da exposición bibliográfica titulada  #Unha estrela, un cantar. Trátase dunha exposición de material infantil relacionado coa escritora galega que ten como base a estrela HD 149143 da constelación Ofiuco, da que parten multitude de estrelas que representan as obras da escritora. Animaremos ás-aos usuarias-os a que busquen entre os libros da exposición algún poema curto de Rosalía que fotocopiaremos para que as usuarias e usuarios o recorten e personalicen para despois pegalo na exposición. Encheremos a biblioteca de “estrelipoemas”, faremos a Constelación Rosalía. 

Recomendámosche a lectura do manifesto que para esta celebración encomendou a AELG á escritora Anna R. Figueiredo.

Non te perdas as ligazóns que propón a AELG: unha morea de actividades lindas e unha manchea de cancións para conmemorar este día.

Consulta as actividades que ao redor deste día celebrará a Fundación Rosalía de Castro e a proposta de actividades de Aulas Galegas.

Hora do conto audiovisual: 22 a 26 de febreiro 2021 #bibliotecasegura #culturasegura

Seguimos coas sesións de contacontos audiovisuais, dirixidas a nenas-os a partir de 6 anos. 

 

Estas sesións poden verse a través Internet, os días programados ás 18:30 horas, e durante as 48 horas posteriores.

 

Apunta no teu calendario:

 

Luns, 22 de febreiro:

CONTACONTOS: Caxoto

TÍTULO: “Contos e cantos"

 

Martes, 23 de febreiro:

CONTACONTOS: Fátima Fernández

TÍTULO: “Un mundo cheo de imaxes e cantigas" 

Mércores, 24 de febreiro:

CONTACONTOS: Soledad Felloza

TÍTULO: “Un bico, un cantar" Día de Rosalía de Castro

 

Xoves, 25 de febreiro:

CONTACONTOS: Trémola Teatro

TÍTULO: “Dúas nenas moi valentes"

 

Venres, 26 de febreiro:

CONTACONTOS: Caxoto

TÍTULO: “Un conto baixo a almofada"

Tertulia literaria (virtual) en Rialeda: 24 febreiro 2021 (Grupo A)

17:30 h. Sesión virtual (90 minutos)

Comentario de Vinieron como golondrinas, de William Maxwell
Documentación

Seguinte lectura: Amor de tango, de María Xosé Queizán

Tertulia literaria (virtual) en Santa Cruz: 23 febreiro 2021 (Grupo A)

17:30 h. Sesión virtual (90 minutos)

Comentario de Abril encantado, de Elizabeth Von Arnim
Documentación

Seguinte lectura: Poetízate: antoloxía da poesía galega, de Fran Alonso

Recomendacións en Radioleiros: 19 febreiro 2021

- Infantil:

Rosalía pequeniña, composicións e idea orixinal de Uxía sobre poemas de Rosalía de Castro, con arranxos de Sergio Tannus e ilustracións de Marina Seoane. Contén CD
Galaxia, 2013

Versión dixital en Galiciale

Uxía déixanos un feixe de cancións para coñecer mellor a Rosalía, unha poeta sempre de actualidade e adiantada ao seu tempo. Unha recomendación para lembrar o Día de Rosalía.

- Mozas/os e adultas/os:

Y tú no regresaste, de Marceline Loridan-Ivens
Salamandra, 2015

Reflexións escritas no 2015 arredor do tempo da adolescencia. A autora participa na Resistencia, sendo detida co seu pai e enviada a Auschwitz. Lembranzas da relación familiar que tiveron, sendo un texto fondamente optimista e cheo de enerxía.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas

Hora do conto audiovisual: 15 a 19 de febreiro 2021 #bibliotecasegura #culturasegura

Seguimos coas sesións de contacontos audiovisuais, dirixidas a nenas-os a partir de 6 anos.

 

Estas sesións poden verse a través Internet, os días programados ás 18:30 horas, e durante as 48 horas posteriores.

 

Apunta no teu calendario:

 

Luns, 15 de febreiro:

CONTACONTOS: Caxoto

TÍTULO: “Os andares do porco"

 

Mércores, 17 de febreiro:

CONTACONTOS: Eduvía

TÍTULO: “Contamos en igualdade" 

 

 

 

Xoves, 18 de febreiro:

CONTACONTOS: Anxo Fariña

TÍTULO: “Gliz, o pintor de flores"

 

Venres, 19 de febreiro:

CONTACONTOS: Ramiro Neira

TÍTULO: “Revolto de contos"

AVISO: as Bibliotecas Municipais abren a partir de hoxe, 17 de febreiro, no seu horario habitual

A partir de hoxe, mércores 17 de febreiro, as Bibliotecas Municipais de Oleiros abren no seu horario habitual. Podes consultalo nesta ligazón.

 

Vémonos outra vez nas bibliotecas! 

 

Benvida-o!