Hora do conto: de 12 a 16 de novembro

Aquí tes a programación da hora do conto de 12 a 16 de novembro. Todas as sesións darán comezo ás 18:30 horas.

Biblioteca Pública Municipal "Mª José Ruso". Dorneda

Luns 12 de novembro

CONTACONTOS: Avoa Violeta da Compañía do Trinke Trinke

TÍTULOS: O espírito de bosque: “O bidueiro de prata”, “Aínda nada?”

Biblioteca Pública Municipal "Federico García Lorca". Montrove

Martes 13 de novembro

CONTACONTOS: Soledad Felloza

TÍTULOS: "Rompe con tu mala pata", "Ziezozaurus", "Papá Oso"

Biblioteca Central "Rialeda". Perillo

Xoves 15 de novembro

CONTACONTOS: Soledad Felloza

TÍTULOS: "Cuidado extraterrestres", "Rosa y Trufo", "El Grúfalo"

Biblioteca Pública Municipal "Ánxel Fole". Nós

Venres 16 de novembro

CONTACONTOS: Rato Camifuco da Compañía do Trinke Trinke

TÍTULOS: “Asociación de animais solidarios”: “A casa da mosca chosca”, “O galo que non sabía cantar”, “Dona Carme”

(AVISO: Os títulos programados poden sufrir variacións en función do público asistente)

Tertulia literaria en Santa Cruz: 12 de novembro

Na Biblioteca e Centro de Documentación da Muller "Rosalía de Castro" de Santa Cruz.

De 18,30 a 20 horas.

- Comentario da obra "Nosotras que nos queremos tanto" de Marcela Serrano.
- Entrega de "Memorias de Adriano" de Margueritte Yourcenar.

Obras de Marcela Serrano nas bibliotecas do Concello de Oleiros.

Actividades de Fomento da Lectura 2012-2013

Na XXII Campaña de promoción da lectura as bibliotecas municipais de Oleiros ofrecen 24 actividades dirixidas ao alumnado dos centros de ensino público de Oleiros. Dende a Biblioteca Central Rialeda estase presentando, nos colexios e institutos, as diferentes actividades que o profesorado pode elixir durante este curso escolar para o seu alumnado, clasificadas en función dos cursos ou idades á que van dirixidas.

Para educación infantil e primaria preséntanse contacontos da compañía Trinke-Trinke, Pablísimo, Soledad Felloza, Ramiro Neira, Paula Carballeira ou Caxoto; espectáculos de contacontos teatral; unha adaptación da obra de Xabier P. Docampo “Un conto de tres noites”, etc. Ao cumplirse 10 anos do falecemento do escritor galego Carlos Casares, como unha sinxela homenaxe, figura un contacontos baseado na súa obra “As laranxas máis laranxas de tódalas laranxas”.

Para educación secundaria ofértase un espectáculo titulado “Xeografía do imaxinario: contos e lendas da mitoloxía galega”; ou tamén un contacontos baseado en relatos de Edgar Allan Poe de “O corazón delator e outros contos” ; ou “Contos de candil que ninguén cre” que é un contacontos realizado a partir das obras de Ánxel Fole “Á lus do candil”, “Contos da néboa” e “Historias que ninguén cre” ; tamén “Cen anos de maxia”, que son actividades baseadas na obra “Merlín e familia” de Álvaro Cunqueiro ou “Feirantes” que é un contacontos que adapta a obra “Os outros feirantes” de Álvaro Cunqueiro; “Canción de Nadal” a partir da adaptación do libro de Charles Dickens ; “O neno preguntaba...”, que é un concerto poético da obra de Celso Emilio Ferreiro.

Para bacharelato, un recital de diferentes poesías de “La voz a ti debida” de Pedro Salinas ; ou a narración de diferentes pasaxes da obra dramática de Shakespeare “Macbeth”; ou “Las Ingeniosas del hidalgo: El Quijote en voces de mujeres” que é un espectáculo con varios monólogos curtos no que se dramatizan diferentes personaxes femininos de El Quijote.

Para diferentes idades tamén se presentan obradoiros sobre o escritor ao que se lle dedica o Día das Letras Galegas no ano 2013, Roberto Vidal Bolaño, sen esquecernos dos tradicionais obradoiros de ilustración ou talleres de iniciación á banda deseñada. Tamén se ofertan obradoiros infantís e xuvenís de poesía, visitas guiadas á Biblioteca Central Rialeda, etc

Actividades moi diferentes que se van a desenvolver na Biblioteca Central Rialeda en Perillo, na Biblioteca Municipal Rosalía de Castro de Santa Cruz ou na Biblioteca Municipal Manuel María; coa finalidade de fomentar a lectura e promover os libros e os obxectivos de que o alumnado dos centros de ensino público de Oleiros coñezan algunhas das bibliotecas do seu municipio; potenciar a súa asistencia non só como lugares de estudo e consulta, senón tamén como centros de lectura lúdica; espertar o gusto pola lectura, de forma que vexan os libros como algo ameno, cos que poden pasar bos momentos ao mesmo tempo que se instrúen e amplían os seus coñecementos; achegarnos pola vía da animación aos sectores menos dados á lectura, a aqueles nenos/as, adolescentes e mozos/as que non senten ningún interese por esta; incidir na importancia dos libros de contos, narracións e historietas no desenvolvemento da imaxinación e creatividade dos nenos/as, adolescentes e mozos/as; favorecer procesos de creación e expresión oral e escrita; fomentar unha lectura lúdica, crítica e reflexiva que os faga pensar e reflexionar como cidadáns/as máis libres e solidarios; vivir o libro en colectividade, enriquecéndose cunha lectura activa e participativa; promover a reflexión nos diferentes axentes educativos sobre a importancia da lectura como un enriquecemento individual e colectivo.

Descarga o folleto

Recomendacións en Radioleiros: 9 de novembro

- Infantil (a partir de 4 anos):

Quen levou a Lúa?, texto de Mario Catelli, con ilustracións de Madalena Matoso.

OQO Editora

Fai moito tempo, unha manda de lobos preparábase para a chegada da Lúa chea, co motivo de celebrar o nacemento dos seus cachorros. Cada día subían á montaña e ouveaban até a hora de volver ás goridas. Mentres tanto os lobiños pequenos corrían e emporcallábanse pola neve. Kipá, o máis pequeno da manda, quere ouvear como os lobos grandes, pero non lle sae. A noite antes da Lúa chea, cando todos estaban durmindo, escapa á montaña e aspira tan forte que a Lúa se desprende do ceo…

Bonita obra, cunhas fermosas ilustracións, que nos fala de como se aprende na infancia a través da imitación. Unha historia sinxela sobre a aprendizaxe e como os máis pequenos van descubrindo as cousas da vida.

- Mozos/as e Adultos/as:

¿Cuánta tierra necesita un hombre? de Lev Tolstói, con ilustracións de Elena Odriozola.

Nórdica libros

Este magnífico relato foi escrito en 1886 e trata sobre a ambición do ser humano, cunha vixencia e actualidade total .

Pajom, era un campesiño que canta máis terra tiña, máis necesitaba. Un día chegou a súa casa un home que viña da zona do Volga, e contoulle que os bashkirios estaban a ofrecer tanta terra como puidera recorrer unha persoa nun día...

É un breve texto, de gran calidade literaria, que, acompañado dunhas excelentes ilustracións, fai unha crítica social sobre a cobiza das persoas.

James Joyce dixo del que era o mellor relato curto que lera.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Tertulia literaria en Rialeda: 7 de novembro (Grupo B)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario da obra "La mancha humana" de Philip Roth.
Documentación
Obras de Philip Roth nas nosas bibliotecas.

Entregaráse a obra "A miña planta de laranxa lima" de José Mauro de Vasconcelos.

Laura Gallego, Premio Nacional de Literatura Infantil y Juvenil 2012

A escritora Laura Gallego gañou o Premio Nacional de Literatura Infantil y Juvenil 2012, concedido polo Ministerio de Educación, Cultura y Deporte, coa obra "Donde los árboles cantan". "Donde los árboles cantan" foi unha novela moi esperada polo-as lectores-as de Laura Gallego, os-as que a autora mantivo informados-as do seu desenvolvemento a través de Twitter. Saíu á venda o 14 de outubro de 2011, cun éxito inmediato; nos dous primeiros días de lanzamento vendéronse máis de 4.000 exemplares; un ano despois superou os 100.000. Trátase dunha obra de xénero fantástico-épico con doses de belicismo e romanticismo. Narra as aventuras de Viana, unha xove que, grazas á súa fiel doncela, consegue escapar dos bárbaros que invadiron o seu reino. Refuxiada no bosque, atopa a Lobo, un valente soldado que se convertirá no seu mentor e a ensinará a sobrevivir na natureza salvaxe, e a Uri, un xoven que cautiva o seu corazón. Coa axuda de ambos, a xove intentará vengar a morte da súa familia e a dos seus mellores amigos.

Este galardón concedido polo Ministerio de Educación, Cultura y Deporte para distinguir unha obra de autor-a español-a, escrita en cualquera das linguas oficiais do Estado, editada en España durante 2011, está dotado con 20.000 euros.

Info tomada do CILIJ da Fundación GSR

Na Biblioteca Central Rialeda ofrecemos unha exposición bibliográfica da autora que cativa a miles de xoves con libros como Finis Mundi (Premio Barco de Vapor 1998), La leyenda del rey errante (Premio Barco de Vapor 2001), a triloxía Memorias de Idhún, Alas de fuego, etc.
Na Biblioteca "Xograr Mendiño" de Lorbé, tamén poderás contemplar a expo bibliográfica adicada a Laura Gallego.

PARABÉNS LAURA!!!

Hora do conto: 6 a 9 de novembro

Aquí tes a programación da hora do conto de 6 a 9 de novembro. Todas as sesións darán comezo ás 18:30 horas.
Biblioteca Pública Municipal "Manuel María". Oleiros
Martes 6 de novembro
CONTACONTOS: Soledad Felloza
TÍTULOS: Bolechas de castañas: “Sofía o el pendolaje”, “Todos sus patitos”, “La vaca que puso un huevo”


Biblioteca Pública Municipal "Rosalía de Castro". Santa Cruz
Mércores 7 de novembro
CONTACONTOS: Pedro Brandariz
TÍTULOS: Magosteando: "A incrible historia de dona Castaña e don Cogumelo", "As dúas folliñas", "A caixa de lapiceiros", "Xan o materialista"

Biblioteca Pública Municipal "Xograr Mendiño". Lorbé
Mércores 7 de novembro
CONTACONTOS: Pablísimo

TÍTULOS: Contos terribles: “Gato Guille e os monstros”, “Terrible”, “Pototo, 3 veces monstro”

Biblioteca Central "Rialeda". Perillo
Xoves 8 de novembro
CONTACONTOS: Paula Carballeira
TÍTULOS: “A bruxa Iaga-Vará", "A auga do pozo da fin do mundo"

Biblioteca Pública Municipal "Mª José Trincado". Mera
Venres 9 de novembro
CONTACONTOS: Soledad Felloza
TÍTULOS: El jardín secreto: “Érase una vez una vieja que se tragó una mosca gris”, “El príncipe de los enredos”, “La reina de los colores”

(AVISO: Os títulos programados poden sufrir variacións en función do público asistente)

Recomendacións en Radioleiros: 2 de novembro

-Infantil (a partir de 12 anos): "Monster High" de Lisi Harrison, en Alfaguara.

Escrito pola guionista norteamericana de TV Lisi Harrinson, Monster High inicia unha serie ambientada nun instituto onde monstros e "normis" conviven con normalidade, ou non...

- Mozos-as e adultos-as:

"Mulleres da emigración,  mujeres de la emigración" de Lois Pérez Leira, editado por Grupo de Comunicación Galicia en el MundoPercorrido biográfico pola vida de dezanove mulleres na emigración. É un traballo que tenta rachar a invisibilidade das mulleres na elaboración da historia e en todos os seus procesos.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Tertulia literaria en Rialeda: 31 de outubro (Grupo A)

Na Biblioteca Central Rialeda (Casiña de actividades)

Hora: 17,30 a 19,30 h.

Comentario da obra "Todo cuanto amé" de Siri Hustvedt.
Documentación
Obras de Siri Hustvedt nas nosas bibliotecas.

Entregaráse a obra "Sol de inverno" de Rosa Aneiros.

Javier Marías

O autor Javier Marías rechazou o Premio Nacional de Narrativa (dotado con 20.000€) que lle ía ser concedido pola súa obra Los enamoramientos.

O escritor manifestou o seguinte  "Ojalá lo destinaran a las bibliotecas publicas, que han recibido un presupuesto de 0 euros para 2013 (por parte do Ministerio de Educación, Cultura y Deporte), lo cual me parece escandaloso.".

Podes atopar en calquera das oito bibliotecas da nosa rede exposicións bibliográficas coa obra deste comprometido autor, ao cal agradecemos o apoio sen concesións ao papel esencial das bibliotecas no desenvolvemento cultural da nosa sociedade.

Para saber máis:

- Xornal El País

- Xornal Dixital La Semana

- Blog dos profesionais das Biblioteca Públicas de Huelva

Hora do conto: 29 a 31 de outubro

Aquí tes a programación da hora do conto de 29 a 31 de outubro.
Todas as sesións darán comezo ás 18:30 horas.
Biblioteca Pública Municipal "Mª José Ruso". Dorneda
Luns 29 de outubro
CONTACONTOS: Soledad Felloza

TÍTULOS: Contos de Magosto: “El esqueleto ladrón”, “La pelusa asesina”, “Tumba la catumba”

Biblioteca Pública Municipal "Manuel María". Oleiros

Martes 30 de outubro

CONTACONTOS: Pablísimo

TÍTULOS: Contos frikis: “O home que papou unha mosca”, “Finn Herman”, “Croc Croc”
Biblioteca Pública Municipal "Rosalía de Castro". Santa Cruz
Mércores 31 de outubro
CONTACONTOS: Rato Camifuco Compañía do Trinke Trinke
TÍTULOS: Asociación de Animais Solidarios: “A casa da Mosca Chosca”, “O galo que non sabía cantar”, “Dona Carme”

(AVISO: Os títulos programados poden sufrir variacións en función do público asistente)

Tertulia literaria en Santa Cruz: 29 de outubro

Na Biblioteca e Centro de Documentación da Muller "Rosalía de Castro" de Santa Cruz.

De 18,30 a 20 horas.

- Comentario de "La geometría del amor" de John Cheever.
- Entrega de "Nosotras que nos queremos tanto" de Marcela Serrano.

Obras de John Cheever nas bibliotecas do Concello de Oleiros.

Recomendacións en Radioleiros: 26 de outubro

- Infantil (a partir de 4 anos):

"Historia de un árbol" de Miguel Ángel Cuesta, en Juventud

Entrañable álbum ilustrado sobre a vida dunha árbore.

Fálanos dunha árbore que vivía feliz nun bosque, ata que un día todo cambiou. Con fermosas ilustracións a toda cor, que ocupan a totalidade das páxinas e moi pouco texto, vainos mostrando como vivía esta árbore, os cambios que se producían nela nas distintas estacións, como era feliz no medio doutras árbores...

Un conto sobre o ciclo da vida, que ensina aos nenos e nenas a amar a natureza e a importancia de respectala, coidala e conservala.

- Mozos-as e adultos-as:

"La pesca de salmón en Yemen" de Paul Torday, editado por Salamandra.

Simpática novela que trata dun científico, o doutor Alfred Jones, membro do Centro Nacional para o Fomento da Piscicultura, ao que lle encargan a introdución do salmón en Iemen, proposta que, inicialmente, el rexeita rotundamente debido as características naturais que necesitan estes peixes: de auga, temperatura, etc.; pero detrás dese proxecto está un “jeque” árabe que, custe o que custe, quere levar ao seu país natal esta pesca deportiva. Todo se complica co asesor do Primeiro ministro que ve unha maneira de proxectar o seu futuro político e segundo di el, de mellorar a imaxe do Reino Unido en Oriente Medio. Convénceo de que ese proxecto comprende moitos aspectos positivos: ecoloxía, vínculos deportivos cun país árabe aínda non suficientemente alineado cos intereses británicos, tecnoloxía occidental laica que aporta melloras a un país islámico, etc.

No Centro ameázano, ou se encarga do proxecto ou o despiden, polo que o encargo ponse en marcha e o científico ten que reconsiderar o seu informe. Para levar a cabo este desexo hai que construír un hábitat artificial nos ríos iemenís e trasladar eses peixes alí desde as frías augas de Escocia, Islandia,... Este traballo, con todos os seus avatares, farao cambiar persoalmente así como a relación coa súa muller.

Ao ir lendo vemos que todo está contado con diferentes formas: cartas, correos electrónicos, notas internas, o diario do propio doutor, actas de sesións, etc, incluso algún texto de Al-Qaeda que considera a implantación do salmón contraria ao espírito do Islam.

Divertida obra que nos presenta con humor unha historia de amor, xunto cunha crítica política ao mesmo tempo que nos fala dos encantos da pesca deportiva do salmón. Unha narración que engancha e que nos obriga a seguir lendo.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Conmemoración do Día da Biblioteca (24 de outubro) nas Bibliotecas Municipais de Oleiros

O Sistema de Bibliotecas Públicas Municipais do Concello de Oleiros realizará, desde o 19 ao 30 de outubro, unha serie de actividades para conmemorar o Día da Biblioteca (24 de outubro).

Nas oito Bibliotecas Municipais de Oleiros, o día 24, agasallaremos cun libro aos/ás novos/as socios/as e tamén a todos/as os/as usuarios/as que leven, ese mesmo día, algún fondo bibliográfico (libro, DVD, CD) en préstamo.

Actividades nas que podes participar:

Na Biblioteca Central Rialeda, Perillo:

1. Xoves, 25 de outubro: CONTACONTOS con Pavís-Pavós. Narrarán “A vaca que puxo un ovo”, “Oh!”, “Tío Lobo”, “Rei e rei”, “A granxa” (Actividade para nenas e nenos menores de 10 anos).

2. Exposicións bibliográficas: "Ana María Machado, Premio Iberoamericano SM de LIJ 2012” e "Kalandraka Editora, Premio Nacional a la Mejor Labor Editorial Cultural 2012”.

4. Tertulias Literarias (para mozos/as, adultos/as), o mércores, 24 de outubro de 17.30 a 19.30 h. Entregarase a obra de Philip Roth, “La mancha humana”.

Na Biblioteca Pública Municipal Municipal e Centro de Documentación da Muller Rosalía de Castro, Santa Cruz:
1. “Cantos máis da casa me leron”, escolla de libros infantís, xuvenís e de adultos/as, aos que se lle incorpora unha lapela para que todas as persoas da casa ou amigos que os lean escriban o seu nome. Ten como finalidade acercar o fondo a novos/as usuarios/as e posibles socios/as que estean relacionados dalgún xeito con persoas que normalmente utilizan o préstamo.
2. Mércores, 24 de outubro: CONTACONTOS con Andrea Bayer que contará “As xirafas non saben bailar”, “Os tres porquiños”, “Panatas non sabe nadar”, “O home do saco ten medo á escuridade” (Actividade para nenas e nenos menores de 10 anos).

3. “Sopa de títulos”, actividade de carácter lúdico, dirixida aos usuarios/as que asisten diariamente á biblioteca, e que consiste na búsqueda de títulos de libros recentes, nos paneis que se colocarán na entrada da biblioteca.

4. Mostras bibliográficas: "Ana Maria Machado, Premio Iberoamericano SM de LIJ 2012”; "Editorial Kalandraka, Premio Nacional a la Mejor Labor Editorial Cultural 2012”, “Jane Goodall e o mundo dos chimpancés”

Na Biblioteca Pública Municipal "Mª José Trincado", Mera

1.Taller de creación de marcapáxinas conmemorativos do Día da Biblioteca.

2. Venres, 19 de outubro: CONTACONTOS con Ramiro Neira. Narrará “O concurso de beleza”, “O pozo da mentira”, “Engurras”. (Actividade para nenas e nenos menores de 10 anos).

3. Exposición bibliográfica: "Ana Maria Machado, Premio Iberoamericano SM de LIJ 2012”

Na Biblioteca Pública Municipal "Manuel María", Oleiros

1. Un encrucillado infantil para a xente miúda.

2. Propostas de debuxos co tema da lectura e dos libros, para usuarias/os de educación infantil e primaria.

3. Exposición de libros para adultos/as considerados de gran calidade, literaria, científica, etc.

5. Selección de libros da editorial galega Kalandraka, recoñecida co “Premio ao Mellor Labor Editorial Cultural 2012”.

6. Elaboración de carteis alusivos á celebración.

7. Venres, 30 de outubro: CONTACONTOS con Pablísimo e os seus “Contos frikis” (Actividade para nenas e nenos menores de 10 anos).

Na Biblioteca Pública Municipal "Federico García Lorca", Montrove

1. Martes, 23 de outubro: CONTACONTOS coa Avoa Violeta da Compañía do Trinke Trinke, que contará “O bidueiro de prata “, “Aínda nada?” (Actividade para nenas e nenos menores de 10 anos).

2. Pasatempos: Encrucillados e Sopa de Letras.

3. Exposición bibliográfica: “Contos de biblioteca”.

4. Exposición: "Libros da editorial Kalandraka, Premio Nacional a la Mejor Labor Editorial Cultural 2012”.

Na Biblioteca Pública Municipal "Mª José Ruso", Dorneda

1. Pasatempos: Encrucillados, sopa de Letras, baixo o lema “A Biblioteca e o seu contido”.

2. Exposicións bibliográficas: "Ana Maria Machado, Premio Iberoamericano SM de LIJ 2012”, "Editorial Kalandraka, Premio Nacional a la Mejor Labor Editorial Cultural 2012”.

3. Luns, 29 de outubro: CONTACONTOS con Soledad Felloza, e os Contos de Magosto “El esqueleto ladrón”, “La pelusa asesina”, “Tuma la catumba”(Actividade para nenas e nenos menores de 10 anos).

Na Biblioteca Pública Municipal "Ánxel Fole", Nós

1. Venres, 26 de outubro: CONTACONTOS a cargo de Marisa Irimia cos títulos “O paraugas máxico”, “O pirata naufragado”, “Chocolata” (Actividade para nenas e nenos menores de 10 anos)

2. Obradoiro de marcapáxinas.

3. Exposición bibliográfica: "Fondos da editorial Kalandraka, Premio Nacional a la Mejor Labor Editorial Cultural 2012”.

Na Biblioteca Pública Municipal Municipal "Xograr Mendiño", Lorbé

1. Mércores 24 de outubro: CONTACONTOS con Marisa Irimia que narrará "A avoa Pepa e o coco...", "Un cuíño independente" (Actividade para nenas e nenos menores de 10 anos).

2. Exposición bibliográfica: "Editorial Kalandraka, Premio Nacional a la Mejor Labor Editorial Cultural 2012”.

3. Pasatempos baixo o lema: “Como te ves na biblioteca”, sopas de letras, escribe a túa opinión sobre a biblioteca, concurso de debuxo.

Máis información das nosas actividades, programas, documentación, publicacións, etc., na web e o blog das Bibliotecas Públicas Municipais de Oleiros.

Geronimo Stilton no Teatro "As Torres" de Santa Cruz: 22 de outubro

Este especial encontro foi organizado polo CEIP Isidro Parga Pondal de Santa Cruz: realizouse un contacontos co rato máis famoso e misterioso do momento, Geronimo Stilton, no Teatro "As Torres" de Santa Cruz.

Esta actividade foi posible grazas a unha promoción do grupo editorial Planeta que foi ofrecida a este centro xa que a alumna Sabela Lage de 4º curso gañou un sorteo para celebrar os 100.000 socios do “Club de Geronimo Stilton”.

Asistiron os/as alumnos/as dos cursos de 3º, 4º e 5º de Primaria.

A serie de libros deste famoso roedor (creados pola escritora italiana Elisabetta Dami, que asina como o escritor ficticio Geronimo Stilton) narra as aventuras, historias e misterios do rato chamado Geronimo Stilton, escritor e director do xornal "El Eco del Roedor",  que vive nunha illa ficticia denominada “Illa dos Ratos”. Stilton é un bibliófilo e melómano, amante da música clásica e da tranquilidade, aínda que as súas aventuras son sempre axitadas.

Stilton ten unha gran familia: Trampita, o seu curmá; Tea, a súa irmá; o seu sobriño Benjamín e Torcuato, o seu avó.

RATÓNIDOS SAÚDOS SR. STILTON!!!