MEDIDAS DE MINIMIZACIÓN DO RISCO DE CONTAXIO DO CORONAVIRUS COVID-19
Segundo a comunicación do Concello de Oleiros de data 13 de marzo, procédese ao peche ao público das Bibliotecas Públicas Municipais de Oleiros desde o día 14 ata o 31 de marzo, ambos inclusive.
A ampliación e/ou modificación deste peche estará en función da evolución da actual situación sanitaria e dos acordos do comité de seguimento da evolución do COVID-19.
INDICACIÓNS DAS BIBLIOTECAS:
O persoal atenderá o teléfono e o correo electrónico nos
horarios das respectivas bibliotecas.
As actividades programadas durante este período quedan temporalmente suspendidas, aprazando a celebración das mesmas sempre que sexa posible.
O servizo de renovación de documentos poderá facerse a través do teléfono e o correo electrónico no horario das respectivas bibliotecas, así como a través de internet coas claves de acceso do catálogo en liña
catalogo-rbgalicia.xunta.gal
A devolución e a reserva de documentos quedarán pospostas ata a reapertura dos centros. De todas formas, excepcionalmente non se aplicarán sancións por retrasos na devolución.
Lembramos que as
persoas socias das Bibliotecas Municipais de Oleiros poden acceder gratuitamente a
GaliciaLe, a plataforma de préstamo de libros, revistas, audiolibros e películas en formato electrónico das bibliotecas públicas galegas. En
GaliciaLe as-os lectoras-es atoparán dous catálogos: un que contén o
“Catálogo galego” e outro que aloxa o
“Catálogo en castelán”. As obras incluídas nestas dúas contornas poderán lerse e visionarse en dispositivos compatibles: tabletas, teléfonos móbiles e ordenadores persoais. No caso dos libros, poderá facelo, ademáis, desde un lector de libro electrónico.
Para calquera dúbida ou aclaración pode dirixirse por correo electrónico ou teléfono á biblioteca correspondente no
horario establecido.
PREGAMOS DESCULPEN AS MOLESTIAS
