17:30 a 19:30 h.
Comentario de "Un amor" de Sara Mesa
Documentación
Seguinte lectura: "La hondonada" de Jhumpa Lahiri
19/12/22
Tertulia literaria en Rialeda: mércores 21 decembro 2022 (Grupo B)
17:30 a 19:30 h.
Comentario de "Un amor" de Sara Mesa
Documentación
Seguinte lectura: "La hondonada" de Jhumpa Lahiri
Tertulia literaria en Santa Cruz: martes 20 decembro 2022 (Grupo B)
"Rosalía de Castro"
17:30 a 19 h.
Comentario de "El corazón helado" de Almudena Grandes
Documentación
Seguinte lectura: "El ferrocarril subterráneo" de Colson Whitehead
16/12/22
Recomendacións en Radioleiros: 16 decembro 2022
Historia que é continuación do coñecido libro infantil “La ovejita que vino a cenar”
Anteriormente, a ovelliña “Estofado” e o lobo coñecéranse accidentalmente, agora xa son os mellores amigos, pero os animais do bosque non entenden esa amizade e sempre teñen medo de que o lobo se zampe a Estofado. Os dous amigos deciden compartir a súa amizade cos outros animais pero ninguén se fía do lobo. Entón este decide invitar aos seus outros amigos lobos: Zarpa, Gruñido e Mordisquiño. Unha auténtica horda intentará salvar a Estofado sin entender que as cousas non sempre suceden como as imaxinamos.
Amizade, valentía, diversidade, diferenzas, estereotipos e prexuízos son termos para tratar coas nosas crianzas tras a lectura desta historia.
- Mozas/os e adultas/os:
Corre o ano 1793, época do reinado de Gustavo IV en Suecia. Un corpo sen identificar ao que lle faltan as catro extremidades, os ollos, os dentes e a lingua, aparece flotando nun lago de Estocolmo. Ao cargo da investigación estarán Mikel Cardell, un veterano da guerra sueco-rusa de 1788 e Cecil Winge, un avogado ao que a tise estalle a dar unha pequena tregua.
Magníficos personaxes, vívidas e exhaustivas descricións. Un thriller histórico que analiza a psicoloxía dun crime atroz a través dunha parella de investigadores ao máis puro estilo de Tintín e o capitán Haddock.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
12/12/22
14 decembro 2022: Entrega de premios ás/aos usuarias/os máis lectoras/es das Bibliotecas Municipais de Oleiros
Hora: 18 h.
Ás 18:30 h., finalizará o acto co espectáculo "Nova maxia para tod@s" do mago Pedro Bugarín.
Establecéronse catro categorías:
- Menores de 6 anos
- De 6 a 11 anos
- De 12 a 17 anos
- A partir de 18 anos
Para cada unha das categorías entregaranse tres premios:
- 1º premio: Entrega dunha tarxeta de compra para cambiar por libros, material informático, audiográfico ou videográfico por importe de 100 €
- 2º premio: Entrega dunha tarxeta de compra para cambiar por libros, material informático, audiográfico ou videográfico por importe de 75 €
- 3º premio: Entrega dunha tarxeta de compra para cambiar por libros, material informático, audiográfico ou videográfico por importe de 50 €
Desde as bibliotecas municipais invítase ás persoas que desexen asistir, ata completar o aforo.
Tertulia literaria en Rialeda: mércores 14 decembro 2022 (Grupo A)
Atención, cambio de hora!
18 a 20 h. (2º andar)
Comentario de "La anomalía" de Hervé Le Tellier
Seguinte lectura: "Un caballero en Moscú" de Amor Towles
Tertulia literaria en Santa Cruz: martes 13 decembro 2022 (Grupo A)
17:30 a 19 h.
Comentario de "El héroe discreto" de Mario Vargas Llosa
Documentación
Seguinte lectura: "La mujer de un solo hombre" de A.S.A Harrison
Comentario de "El héroe discreto" de Mario Vargas Llosa
Documentación
Seguinte lectura: "La mujer de un solo hombre" de A.S.A Harrison
9/12/22
Recomendacións en Radioleiros: 9 decembro 2022
- Infantil: "Cósmico o bombeiro galáctico" de Fon. Editado por Xerais.
Dispoñible en Galicia Le
Da man deste magnífico ilustrador vemos a historia de Cósmico, un bombeiro que soña con gañar medallas apagando lumes. Banda deseñada con afán pedagóxico no eido medioambiental. Interesante opción para agasallar.
- Mozas-os e adultas-os: "Obra maestra" de Juan Tallón. En Anagrama.
Dispoñible en eBiblio
A desaparición acontecida anos atrás dunha monumental escultura de Richard Serra que estivera exposta no Reina Sofia, permítelle a Tallón un magnífico exercicio narrativo arredor do mundo da arte: comisarios, galeristas, políticos, empresarios, empregados de museos e contratas pasan por estas trescentas páxinas cheas de contido e ironía.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
3/12/22
Obradoiros de creación dunha marioneta con personaxes do Nadal ou Reis
- Dirixido a nenas e nenos a partir de 6 anos.
- Aforo limitado: 15 participantes como máximo en cada obradoiro.
Imprescindible reservar praza na biblioteca ou chamando por teléfono á biblioteca na que desexan participar. Poderanse inscribir desde dez días antes da data de realización de cada un dos obradoiros.
Imprescindible reservar praza na biblioteca ou chamando por teléfono á biblioteca na que desexan participar. Poderanse inscribir desde dez días antes da data de realización de cada un dos obradoiros.
- Hora de realización: 17:30 horas
Venres, 2 de decembro
Biblioteca Mª José Trincado (Mera)
Tel.: 981 628 507
Luns, 12 de decembro
Biblioteca Mª José Ruso (Dorneda)
Tel.: 981 626 638
Martes, 13 de decembro
Biblioteca Manuel María (Oleiros)
Tel.: 981 610 700
Xoves, 15 de decembro Aforo completo!!!
Biblioteca Central Rialeda (Perillo)
Tel.: 981 639 511
Venres, 16 de decembro
Biblioteca Ánxel Fole (Nós)
Tel.: 981 664 257
Mércores, 21 de decembro
Biblioteca Rosalía de Castro (Santa Cruz)
Tel.: 981 626 338
Xoves, 22 de decembro
Biblioteca Xograr Mendiño (Lorbé)
Tel: 981 618 201
AVISO
O/A adulto/a responsable de cada un dos/as menores de idade deberá permanecer necesariamente no recinto da biblioteca ata que remate a actividade e recolla o neno ou nena.
2/12/22
Recomendacións en Radioleiros: 2 decembro 2022
- Infantil (a partir de 3 anos):
O traxe novo do rei. Adaptación de Xosé Ballesteros do clásico de Andersen, ilustrado por Joâo Caetano
Kalandraka
Un rei moito máis preocupado polas súas vestimentas que polas razóns de estado e aínda menos polo benestar dos seus súbditos, recibe no pazo a uns estafadores que prometen facerlle o traxe mais fermoso que ninguén puidera imaxinar e que ademais ten o poder de saber cando unha persoa está capacitada para o posto que rexenta.
- Mozas/os e adultas/os:
Nuestra parte de noche, de Mariana Enríquez
Anagrama
Un pai e un fillo atravesan Arxentina por carretera desde Bos Aires cara as cataratas de Iguazú, na fronteira con Brasil, neses convulsos anos da dictadura militar, tratando de protexer ao seu fillo dun destino que ten asignado na sociedade secreta da que el mesmo é médium.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
29/11/22
Tertulia literaria en Rialeda: mércores 30 novembro 2022 (Grupo A)
17:30 a 19:30 h. (2º andar)
Comentario de "Las lealtades" de Delphine de Vigan
Documentación
Seguinte lectura: "La anomalía" de Hervé Le Tellier
25/11/22
Hora do conto: 28 de novembro a 1 de decembro 2022
- Aforo limitado:
chama á biblioteca na que se realiza a actividade e reserva a túa
praza. Podes inscribirte desde 10 días antes da data de realización de
cada unha das contadas/actividades.
Para nenas-os de 2 a 5 anos (Imprescindible reservar praza, tlf.: 981 626 638)
CONTACONTOS: Lía Magalia
Martes 29 de novembro, ás 18:30
Para nenas-os de 2 a 5 anos (Imprescindible reservar praza, tlf.: 981 610 700)
ESPECTÁCULO: “Pipo, o paxaro que no sabía voar”
CONTACONTOS: Trémola Teatro
Para nenas-os de 2 a 5 anos Aforo completo!!!
ESPECTÁCULO: “Paxariños”
CONTACONTOS: Trinke Trinke Teatro
Para nenas-os de 2 a 5 anos (Imprescindible reservar praza, tlf.: 981 610 700)
ESPECTÁCULO: “Pipo, o paxaro que no sabía voar”
CONTACONTOS: Trémola Teatro
Biblioteca Pública Municipal Rosalía de Castro (Santa Cruz)
Mércores 30 de novembro, ás 18:30Para nenas-os de 2 a 5 anos Aforo completo!!!
ESPECTÁCULO: “Paxariños”
CONTACONTOS: Trinke Trinke Teatro
Biblioteca Central Rialeda (Perillo)
Xoves 1 de decembro, ás 18:30
Para nenas-os de 2 a 5 anos Aforo completo!!!
ESPECTÁCULO: “Cociñando contos" AVISO
O/A adulto/a responsable de cada un dos/as menores de idade deberá
permanecer necesariamente no recinto da biblioteca ata que remate a
actividade e recolla o neno ou nena. Recomendacións en Radioleiros: 25 novembro 2022
- Infantil (nenas-os de 8 a 10 anos):
"Bichería" de Carlos López. Ilustracións de Xan López Domínguez. En Xerais.
Paxaros, insectos, peixes, réptiles, felinos e demais aparecen neste libro con máis de corenta contos pequenos, e moito, moito humor. Unha aventura moi ben ilustrada polo talento de Xan López Domínguez, que ben pode servir para agasallo.
- Mozas-os e adultas-os:
"Las lealtades" de Delphine de Vigan. Editado por Anagrama.
A entrada dun neno de doce anos no mundo do alcohol é o comezo desta novela a catro voces na que de Vigan lévanos polas vidas de familias e docentes nunha mestura forte e austera dunha cidade francesa de hoxe.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
24/11/22
María Casares: 1922-2022. Expo en Rialeda que conmemora o centenario do seu nacemento
María Victoria Casares Pérez naceu na Coruña hai cen anos, o 21 de novembro de 1922. Celebramos o centenario do nacemento dunha das actrices máis senlleiras da escena francesa do século XX. María Casares tivo unha moi especial relación con Oleiros, sobre todo durante a súa nenez, xa que gozará os meses de agosto da súa estancia en Oleiros, primeiro no Pazo do Río e despois en Villa Galicia en Montrove. O escenario dos seus veráns son, ata mediados dos anos vinte do pasado século, os paseos e baños na praia de Bastiagueiro.
Nas súas memorias, "Residente privilexiada" evoca os seus tempos vacacionais vividos en Oleiros, os seus xogos infantís e a vida de familia. Felicidade truncada polo golpe de Estado de 1936 e a ditadura franquista que a leva ao exilio en Francia onde se convirte nun personaxe indiscutible sobre as táboas.
Este é o ano para celebrar a biografía e a obra de María Casares. Convidamos a visitar as exposicións bibliográficas adicadas a ela en Bibloleiros (Biblioteca Municipal Rosalía de Castro de Santa Cruz e Biblioteca Central Rialeda de Perillo).
22/11/22
Presentación de "O obxecto muller e o xiro ontolóxico" de Inma Otero Varela: 24 de novembro 2022
Hora: 20:00 h.
Lugar: Teatro As Torres (Santa Cruz)
Intervirán: a autora Inma Otero Varela e o filósofo Carlos Lema.
"O obxecto muller e o xiro ontolóxico": A cuestión de xénero é un dos interrogantes aos que a filosofía feminista intenta responder desde os seus inicios. ¿Que é unha muller e que implica esta determinación inicial? ¿Pódese revogar ou é unha natureza inemendable? (...) Para contestar esas preguntas, a autora parte do xiro que o realismo especulativo, ou o novo realismo, deu na filosofía contemporánea. Pensar unha ontoloxía plana na que a relación de dependencia entre suxeito e obxecto desaparece ao deixar de ser a exclusiva forma de acceder ao senso, de existir.
Inma Otero (Carral, 1976), profesora de Lingua e Literatura Galega no Ensino Medio, combina o traballo docente coa investigación e crítica literaria (Grial e Sermos, entre outros medios). Traduciu do italiano Emerxencia de Maurizio Ferraris (Euseino? 2017) e é autora de A materialidade das fillas de Lupa. Obxectos ficcionais femininos na narrativa galega (Xerais, 2022)
Desde as bibliotecas municipais invítase ás persoas que desexen asistir.
AVISO: Biblioteca de Lorbé pechada o martes 22. Biblioteca de Mera pechada o mércores 23
A Biblioteca Municipal "Xograr Mendiño" (Lorbé) permanecerá pechada ao público o martes 22 de novembro (de 16:00 a 20:00)
A Biblioteca Municipal "Mª José Trincado" (Mera) permanecerá pechada ao público o mércores 23 de novembro (de 16.00 a 20:00).
Pregamos desculpen as molestias
Suscribirse a:
Entradas (Atom)