Recomendacións en Radioleiros: 17 de abril

- Infantil (menores de 8 anos):

Uno y siete, de Gianni Rodari e ilustrado por Beatrice Alemagna
SM, 2001

Sete nenos de paisaxes urbanas e países diferentes, pais de distintos oficios e cores de pel. A historia dun neno que á vez é sete nenos máis, exemplo de integración de Gianni Rodari, premio Andersen e magníficamente ilustrada por Beatrice Alemagna.

- Mozos/as e adultos/as:

Vidas exemplares, de Uxía Casal
Xerais, 2006

Os protagonistas dos 21 relatos son persoeiros trastornados que están no fío da navalla, entre a loucura e a cordura, entre o explicable e o incomprensible. Ao longo dos mesmos, destacamos a capacidade de sorpresa e marabillamento coa que mantén en vilo ao lector. Formato recomendábel para a fin de semana pola axilidade e frescura dos textos.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.