1/4/22

Actividades de Bibloleiros para celebrar o Día Internacional do Libro Infantil (2 de abril)

- Na  Biblioteca Central Rialeda (Perillo):
O lema que propón este ano o IBBY para celebrar a data do 2 de abril é "As historias son ás que nos axudan a remontar o voo cada día" e queremos propoñerche un feixe delas. Temos para ti a expo "22 pares de ás": 22 libros, once de autoras-es premiadas-os con este importante galardón e outros tantos de ilustradoras-es recoñecidas-os cos premios que veñen a ser os Nobel da literatura infantil. Entre elas-es están as galardonadas neste 2022, a autora Marie-Aude Murail e a ilustradora Suzy Lee. Clica nesta ligazón e descubre a nosa escolma!
 
Imos celebrar o Día Internacional do Libro Infantil dun xeito moi especial. Convidamos ás-aos nosas-os usuarias-os infantís a xogar cos personaxes dos contos de Andersen no noso Mural interactivo "Érase unha vez Andersen". A biblioteca proporcionará recortables cos personaxes de Andersen para colocar no mural.
Ademáis teremos unha mostra bibliográfca dos seus libros: “A sereiña”, “O traxe novo do emperador”, “O patiño feo”, “A vendedora de mistos"...
 
-  Na Biblioteca Municipal Mª José Trincado (Mera):
Exposición titulada "Delicatessen": mostra que recolle libros pop-ups, edicións coidadas e albúms ilustrados. Libros para mirar pausadamente e gozar da súa beleza. Haberá tamén un marcapáxinas para colorear.
 
Mostra bibliográfica “Libros, cámara, acción!”, unha selección de libros infantís e xuvenís coa súa adaptación ao cine. Teremos marcapáxinas para que pinten as crianzas.
 
- Na Biblioteca Municipal Manuel María (Oleiros):
Do 1 ao 13 de abril: mostra bibliográfica das obras de Hans Christian Andersen e das súas posteriores adaptacións dispoñibles na biblioteca. Contaremos coa actividade “Teño moito conto”: a biblioteca proporcionará un libriño a cada nena-o coas follas en branco para que escriba ou debuxe nel a súa historia. Con todos os libriños faremos unha exposición.
 
Celebrarémolo cunha exposición bibliográfica e un mural no que participarán as nenas-os e o “libro sorpresa” no que se envolverá un conto e un marcapáxinas.

Hora do conto e actividades infantís: 4 a 8 de abril 2022

- Hora do conto para nenas e nenos a partir de 6 anos.
- Todas as sesións serán ás 18:30 h.
- Aforo limitado: chama á biblioteca na que se realiza a actividade e reserva a túa praza. Podes inscribirte desde 10 días antes da data de realización de cada unha das contadas.
 
Luns 4 de abril
Imprescindible reservar praza, tlf.: 981 626 638
CONTACONTOS: Galeatro
TÍTULO: “Comechíns, segundo prato"
 
Martes 5 de abril
Imprescindible reservar praza, tlf.: 981 610 700
CONTACONTOS: Proyecto Bululú
TÍTULO: “O delicioso pastel"

Mércores 6 de abril
Aforo completo!!!
CONTACONTOS: Ana Carreira
TÍTULO: “Contos de Andersen"
 
Xoves 7 de abril
Imprescindible reservar praza, tlf.: 981 618 201
TÍTULO: “Irene nos Andes"
 
Xoves 7 de abril
Imprescindible reservar praza, tlf.: 981 639 511
CONTACONTOS: Ramiro Neira
TÍTULO: “Imos de aventura!!!"
 
Venres 8 de abril
Imprescindible reservar praza, tlf.: 981 664 257
CONTACONTOS: Trémola Teatro
TÍTULO: “Érase unha vez"
 
                                                       AVISOS

Atendendo á razón de interese esencial no ámbito específico da saúde pública e coa finalidade do seguimento e vixilancia epidemiolóxica do COVID-19, será necesario notificar os datos persoais das/dos participantes ao persoal da biblioteca que coordine a organización do evento.

O/A adulto/a responsable de cada un dos/as menores de idade deberá permanecer necesariamente no recinto da biblioteca ata que remate a actividade e recolla o neno ou nena.

Recomendacións en Radioleiros: 1 abril 2022

- Infantil (nenas-os menores de 6 anos):

"Una caja" de Rodrigo Mattioli. En Apila.
Alina agarda ilusionada que chegue a súa nova bicicleta. Por iso cando soa o timbre sae disparada. Pero a caixa que trae o repartidor non contén o que ela espera...
Un conto sobre o poder da imaxinación.

- Mozas-os e adultas-os:

"As malas mulleres" de Marilar Aleixandre. Editado por Galaxia.
Novela escrita contra a desmemoria, para recuperar a memoria das reclusas no cárcere da Galera, d'A Coruña, en 1863. Unha atención ás excluídas onde Concepción Arenal, visitadora de prisións, e Juana de Vega, traballando a prol da dignificación das persoas, foron pioneiras.
Asemade é un canto ao papel dos libros e a lectura que axuda a mellorar a vida das persoas, en dar esperanza ás desesperanzadas.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

31/3/22

Actividades de promoción da lectura: 4 a 8 de abril 2022

Programa de actividades de promoción da lectura que Bibloleiros organiza para os centros de ensino do Concello, de 4 a 8 de abril:

Luns 4 de abril:
- 10:30 e 12:00: alumnas-os de 3º de Primaria do CEIP Juana de Vega (Nós).
"Oficina de obxectos perdidos" con Ramiro Neira.
Martes 5 de abril:
- 10:30:alumnas-os de 3º de Primaria do CEIP Juana de Vega (Nós).
"Oficina de obxectos perdidos" con Ramiro Neira.
Mércores 6 de abril:
- 10:15 e 11:45: alumnas-os de 6º de Primaria do CEIP Juana de Vega (Nós).
"Avó" con Ramiro Neira.
 
Martes 5 de abril:
- 10:30: alumnas-os de 1º de Primaria do CEIP Luís Seoane (Mera).
"Os libros da titiriteira" con A Xanela do Maxín.
Mércores 6 de abril:
- 10:30: alumnas-os de 2º de Primaria do CEIP Luís Seoane (Mera).
"A vella na botella" con Lía Magalia.
Xoves 7 de abril:
- 10:30: alumnas-os de 3º de Primaria do CEIP Luís Seoane (Mera).
"Oficina de obxectos perdidos" con Ramiro Neira.
Venres 8 de abril:
- 11:30: alumnas-os de 1º de Bacharelato do IES Neira Vilas (Perillo).
"Do fantástico ao neofantástico" a cargo de Isabel Andrés. 

25/3/22

Hora do conto e actividades infantís: 30 de marzo a 1 de abril 2022

- Hora do conto para nenas e nenos a partir de 6 anos. 
- Todas as sesións serán ás 18:30 h.
- Aforo limitado: chama á biblioteca na que se realiza a actividade e reserva a túa praza. Podes inscribirte desde 10 días antes da data de realización de cada unha das contadas.
 
Mércores 30 de marzo 
Aforo completo!!!
CONTACONTOS: Galeatro
TÍTULO: “Entre bechos anda o conto"
 
Xoves 31 de marzo 
Imprescindible reservar praza, tlf.: 981 639 511
CONTACONTOS: Iván Davila
TÍTULO: “Contos na lareira"

Venres 1 de abril
Imprescindible reservar praza, tlf.: 981 628 507
CONTACONTOS: Lía Magalia
TÍTULO: “Aventuras e desventuras no bosque"
 
                                                       AVISOS

Atendendo á razón de interese esencial no ámbito específico da saúde pública e coa finalidade do seguimento e vixilancia epidemiolóxica do COVID-19, será necesario notificar os datos persoais das/dos participantes ao persoal da biblioteca que coordine a organización do evento.

O/A adulto/a responsable de cada un dos/as menores de idade deberá permanecer necesariamente no recinto da biblioteca ata que remate a actividade e recolla o neno ou nena.

Tertulia literaria (virtual) en Rialeda: mércores 30 marzo 2022 (Grupo B)

17:30 h. Sesión virtual (90 minutos)

Homenaxe a Darío Xohán Cabana. Comentario dunha selección da súa obra poética.
Coa colaboración da catedrática de lingua e literatura galegas Rosa García Vilariño.
Documentación

Seguinte lectura: Y llovieron pájaros, de Jocelyne Saucier

Tertulia literaria (virtual) en Santa Cruz: martes 29 marzo 2022 (Grupo B)

17:30 h. Sesión virtual (90 minutos)

Comentario de República luminosa, de Andrés Barba
Documentación

Seguinte lectura: La herencia, de Vigdis Hjorth

Recomendacións en Radioleiros: 25 marzo 2022

- Xuvenil (a partir de 12 anos):

Maxia de pedra, de Alba de Evan e Xabier Domínguez, con ilustracións de Eli García
Xerais

Versión electrónica en Galiciale

Maxia, intriga e acción nunha novela que nos transporta á Galicia castrexa e á época da romanización da man de Ánxela e un gato de tres colas.

- Mozas/os e adultas/os:

Sobornos: de cómo Churchill y March compraron a los generales de Franco, de Ángel Viñas
Crítica

A estratexia deseñada polos ingleses para evitar a entrada de España na II Guerra Mundial incluiu o pagamento de cantidades enormes de dólares a militares e civís próximos a Franco da man de Juan March, protagonista doutro episodio recentemente coñecido grazas á desclasificación de documentación da época. Un libro que aporta novos datos destos anos convulsos.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

24/3/22

Celebramos o Día da Poesía con debuxos

Desde a Biblioteca Municipal "Mª José Ruso" (Dorneda) propoñémosche que ilustres poemas de Gloria Fuertes, Leire Bilbao e Antón G. Teijeiro para celebrar o Día da Poesía. Clica na imaxe e descarga os poemas para facerlle un debuxo acaído a versos tan fermosos. Atréveste? 

Expoñerémolos na biblioteca para que poda gozalos todo o mundo ata finais de marzo. 

23/3/22

100 de Ulises e 140 de Joyce en Rialeda

2022 é o ano do centenario da publicación do "Ulises" e o 140 aniversario do nacemento do seu creador, James Joyce. O autor comezou a composición desta novela en 1906, en Roma, a onde chegou por asuntos laborais. A revista americana Little Review comezou a publicala por entregas en 1918. Margaret Anderson e Jane Heap, as súas propietarias, tiveron que acudir a un impresor de orixe serbia que case non entendía inglés para facer a tirada. A Sociedade para a Supresión do Vicio de Nova York considerou o material inmoral e pornográfico e detivo a publicación en 1920. Antes diso, algunhas entregas xa foran confiscadas e queimadas. As editoras foran condenadas a pagar unha multa de 50 dólares cada unha e a libreira norteamericana Sylvia Beach editou a obra en París en 1922 cunha parecida estrataxema: un impresor que non entendía inglés, neste caso de Dijon. En Estados Unidos o veto non se levantaría ata 1933.
Convidamos a ler/reler a azarosa novela de Joyce e as outras obras literarias así como as adaptacións cinematográficas que temos do autor irlandés na expo que lle adicamos na Biblioteca Central Rialeda (Perillo).

Ligazón de interese: "Dédalus en Compostela" de Vicente Risco.

22/3/22

"Voces de muller" con Black Dúo no Teatro As Torres de Santa Cruz (unha pequena mostra)

No Teatro As Torres (Santa Cruz), tivo lugar o xoves 17 de marzo a actuación musical de Black Dúo co espectáculo "Voces de muller" en conmemoración do Día da Muller. 
 
Deixámosvos este clip de vídeo como mostra do estupendo concerto que foi no que lembramos a artistas como Nina Simone, Alicia Keys ou Etta James, grandes figuras da música negra que tiveron unha enorme influencia en diversos ámbitos do feminismo. Algunhas das cancións que interpretaron foron: "At last", "Superwoman", "Say a little prayer" ou "My baby just cares"...

Tertulia literaria (virtual) en Rialeda: mércores 23 marzo 2022 (Grupo A)

17:30 h. Sesión virtual (90 minutos)

Comentario de Y llovieron pájaros, de Jocelyne Saucier
Documentación

Seguinte lectura: La tribuna, de Emilia Pardo Bazán

Tertulia literaria (virtual) en Santa Cruz: martes 22 marzo 2022 (Grupo A)

17:30 h. Sesión virtual (90 minutos)

Comentario de La mancha humana, de Philip Roth
Documentación

Seguinte lectura: A flor de piel, de Javier Moro