21/7/17

Lecturas a medida, novelas de todas as tallas: XL, L, M, S

https://photos.app.goo.gl/iG0hGfGztZnYtxP73
A Biblioteca Central Rialeda (Perillo) ofrécelle para o verán 2017 unha selección titulada "Lecturas a medida, novelas de todas as tallas: XL, L, M, S". Proximamente haberá unha segunda parte adicada a películas de todas as metraxes. 
"Lecturas a medida" presenta 24 títulos de indubidable calidade literaria organizadas segundo o seu número de páxinas: Lecturas XL, de máis de 600 páxinas, dirixidas a aquel@s lector@s que gozan de moito tempo para a lectura e saborean cada párrafo, cada palabra, a modiño. Roberto Bolaño, Ann-Marie MacDonald, Susanna Clarke, Donna Tart son algúns d@s autor@s desta sección. 
A talla L está constituída por lecturas de 400 a 500 páxinas. Títulos como "Ahora sabréis lo que es correr", "La casa de Jampol" ou "Caramelo" para aquelas persoas que debullan as páxinas a unha velocidade dunhas 300 palabras por minuto.  
  
M, esa talla que senta ben a todo o mundo: de 200 a 300 páxinas, libros que poden levar consigo a calquera parte. Propoñemos a Nancy Houston, John Cheever, Kate Taylor, Bohumil Hrabal. Das 150 ás 200 páxinas temos á súa disposición a talla S. Será feliz con lecturas que enchen unha tarde de praia, montaña, parque ou río: J. R. Moehringer, Nina Berberova, Berta Dávila...

Se non atopa a súa talla, pregúntenos, temos lecturas á súa medida!!!

Para máximas temperaturas, mínimas lecturas


A Biblioteca e Centro de Documentación da Muller "Rosalía de Castro" de Santa Cruz quere que este verán poidas disfrutar do sol e da lectura e que te relaxes sentíndote libre de cargas. 
Por eso, ofrecemos unha selección de lecturas breves

Libros lixeiros con historias frescas para que te sumerxas nas augas da imaxinación.

Recomendacións en Radioleiros: 21 xullo 2017

http://bibliotecasoleiros.blogspot.com.es/search/label/Recomendaci%C3%B3ns%20en%20Radioleiros
https://catalogo-rbgalicia.xunta.gal/cgi-bin/koha/opac-detail.pl?biblionumber=424488- Infantil (de 6 a 8 anos):

A máquina contacontos, de Xelís de Toro
Rodeira

A historia desenvólvese nun mercado da cidade de Londres onde cada sábado acontecía algo moi particular: un home, ataviado con roupas para nada discretas, presentábase no mercado cunha curiosa máquina que tiña a habilidade de, palabra a palabra, inventar contos, cos seus principios e finais. Un sábado, estando o mercado cheo de xente preparada  para escoitar os novos contos, nin máquina nin contista se presentaron. O motivo era que o home tiña que asistir ao seu propio enterro. Samuel, un rapaz do barrio, tomou o seu relevo, pero non sabía como funcionaba a máquina… Precisará da axuda dos demáis para acometer tan importante tarefa.

- Mozas/os e Adultas/os:

https://catalogo-rbgalicia.xunta.gal/cgi-bin/koha/opac-detail.pl?biblionumber=1096279El murmullo de las abejas, de Sofía Segovia
Lumen

A historia comeza en 1910 na localidade natal da autora, Monterrey e arredores, Linares, cando a nana Reja atopa abandonado xunto a unha ponte a un recén nacido espido e co cordón umbilical aínda sen cortar. Ninguén sabe nada da nai nen se explican como puido sobrevivir nesas circunstancias. A noticia recíbese con medo e estupor entre os habitantes do pobo. O bebé apareceu cuberto dun manto vivo de abellas e cunha deformidade na boca que fai crer aos supersticiosos que é obra do demo.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.


19/7/17

"Raiola de lecturas": guías para o verán 2017

http://www.oleiros.org/c/document_library/get_file?p_l_id=14092&folderId=122717&name=DLFE-26453.pdfhttp://www.oleiros.org/c/document_library/get_file?p_l_id=14092&folderId=122717&name=DLFE-26455.pdfhttp://www.oleiros.org/c/document_library/get_file?p_l_id=14092&folderId=122717&name=DLFE-26454.pdf
Presentamos catro guías con suxestións que te emocionarán, farán sorrir, reflexionar...

Cada unha diríxese a un grupo de idade.

http://www.oleiros.org/c/document_library/get_file?p_l_id=65429&folderId=122717&name=DLFE-26452.pdfSon libros que hai nas bibliotecas municipais e que podes levar en préstamo para a túa casa.

Animámoste a que visites as bibliotecas municipais (consulta os nosos horarios), utilices o servizo de préstamo e goces coa lectura.


Descarga as guías premendo sobre as imaxes.
 
Desde Bibloleiros desexámosche 
un feliz verán!!!

As nosas guías en Gálix

14/7/17

Boletín de novidades 13 xullo 2017

https://drive.google.com/open?id=0B95bhc9HVVwORVQtSXBhQmtDU3M

Recomendacións en Radioleiros: 14 xullo 2017

https://youtu.be/oorRkiy5VFk
https://catalogo-rbgalicia.xunta.gal/cgi-bin/koha/opac-detail.pl?biblionumber=1098633- Infantil (8 a 10 anos):
"O caderno de Edua" de Helena Villar Janeiro e ilustracións de Carmen Queralt. En Sushi Books.
Edua, unha nena que vive nunha aldea do Cebreiro agarda un ordenador como agasallo de cumpreanos. Unha tormenta de neve implicará un regalo distinto que cambiará a súa forma de ver as cousas.
https://catalogo-rbgalicia.xunta.gal/cgi-bin/koha/opac-detail.pl?biblionumber=1217689&query_desc=ti%2Cwrdl%3A%20intermediario%20and%20au%2Cwrdl%3A%20grisham   
- Mozas-os e adultas-os:
"El intermediario" de John Grisham. Editado por Debolsillo.
Un avogado preso nun cárcere norteamericano é indultado no remate dun mandato
presidencial. A súa liberación é o comezo dunha trama de intrigas entre os servizos de intelixencia de Israel, Rusia, China e Arabia Saudí.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

As Bibliotecas de Oleiros celebramos o Premio da Federación de Gremios de Editores de España!!!

http://federacioneditores.org/img/documentos/160617-notasprensa.pdf
O Sistema de Bibliotecas Públicas Municipais do Concello de Oleiros gañou o Premio LIBER 2017 á mellor iniciativa de fomento da lectura nas bibliotecas públicas abertas ao público que concede a Federación de Gremios de Editores de España. Esta federación xunta o 90% das editoriais privadas. 

As actividades que fomentan o achegamento ao mundo do libro e a lectura para todas as idades, que desde hai máis de dúas décadas se desenvolven nas bibliotecas do Concello de Oleiros, foron recoñecidas con este premio. 


Obradoiros de diversas modalidades: ilustración, cómic, creación de poesía, manualidades; exposicións, encontros con escritoras-es, clubs de lectura, contacontos, monólogos, son algunhas das actividades que se programan nas sete bibliotecas municipais, ademáis de celebracións como o Entroido, Día do Libro, Día das Letras Galegas, Nadal, etc. Os programas para o fomento da lectura, teñen lugar de forma ininterrumpida desde hai 25 anos e dedican unha parte importante das actividades á poboación escolar de centros públicos do concello. 


Para o público adulto, destacan os tres clubs de lectura, de vinte integrantes cada un, que cada ano contan con lista de espera. As bibliotecas ofrecen, además das actividades e préstamo de libros, rede wifi e ordenadores.

A Federación de Gremios de Editores de España concedeu o Premio Liber 2017
a Javier Marías como mellor autor hispanoamericano, o premio de fomento da lectura en Medios de Comunicación ao xornal asturiano "La Nueva España" polo seu suplemento ‘Cultura’. O Premio Liber 2017 á mellor adaptación audiovisual foi outorgado ao director Juan Antonio Bayona, pola súa película ‘Un monstruo viene a vernos" e o premio "Boixareu Ginesta" ao Libreiro do Ano á librería Lé, de Madrid. O acto de entrega terá lugar o 5 de outubro na Real Fábrica de Tapices no marco das actividades de LIBER. 

Ofrecemos este galardón a todas as persoas que participan nas nosas actividades, que gozan das bibliotecas municipais de Oleiros e alargan o horizonte do libro e a lectura!!!
Moitas grazas!!!


Nota de prensa da Federación de Gremios de Editores de España

Así o recollen os medios: 
- La Opinión de A Coruña
- El Ideal Gallego
- La Voz de Galicia
- Rede de Bibliotecas de Galicia 
- El Periódico de Catalunya 
- La Vanguardia
- Biblioteca Virtual Miguel de Cervantes 
- Asociación de Editores de Andalucía 
- IFEMA
- El País
- Hechos de hoy
- Hoy es arte
- Europapress 

7/7/17

Recomendacións en Radioleiros: 7 xullo 2017

https://youtu.be/8WGc8dnCoHU
https://catalogo-rbgalicia.xunta.gal/cgi-bin/koha/opac-detail.pl?biblionumber=1101203&query_desc=kw%2Cwrdl%3A%20cousas%20importan%20primo%20ramon- Infantil (a partir de 6 anos):

As cousas que importan, de El primo Ramón
Bululú

Da man desta parella de arquitectos coruñeses (Borja López Cotelo e María Olmo Béjar) recibimos esta publicación que é un auténtico agasallo estético cunhas ilustracións de grande calidade e textos moi sensibeis. Seis historias presentadas con citas de autores clásicos (Ibsen, Gómez de la Serna, Borges, Hemingway, Melville e Perec) sobre a importancia da amizade e os valores da vida.

- Mozos/as e adultos/as: 

Tamara Drewe, de Posy Simmonds
Sinsentido

A colaboradora de The Guardian traenos esta banda deseñada que narra a chegada dunha xornalista de prensa barata a unha pequena comunidade rural inglesa na que hai unha casa para escritores. Un retrato satírico da Inglaterra actual.
Tamén en película.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

3/7/17

Tertulia literaria en Rialeda: títulos máis valorados 2016-2017


http://www.oleiros.org/c/document_library/get_file?p_l_id=14092&folderId=36737&name=DLFE-25381.pdf
En total léronse 18 títulos de autores/as galegos/as, españois e internacionais. Eis os 5 mellor valorados en cada grupo:

Grupo A:

1º) Canadá, de Richard Ford
2º) Nos vemos allá arriba, de Pierre Lemaitre
3º) Las reputaciones, de Juan Gabriel Vásquez
4º) Me llamo Lucy Barton, de Elizabeth Strout
5º) Dar la vida y el alma, de Marina Mayoral

Grupo B:

1º) Nos vemos allá arriba, de Pierre Lemaitrehttp://www.oleiros.org/c/document_library/get_file?p_l_id=14092&folderId=122559&name=DLFE-26414.pdf
2º) Mentiras de mujeres, de Liudmila Ulítskaya
3º) Alguien, de Alice McDermott
4º) Intemperie, de Jesús Carrasco
5º) Me llamo Lucy Barton, de Elizabeth Strout

Aproveitamos a ocasión para agradecer a fidelidade amosada polas/os participantes. A finais de setembro abrirase de novo o prazo para inscribirse na próxima tempada.

30/6/17

Recomendacións en Radioleiros: 30 xuño 2017

https://youtu.be/izSBG5ElSWU
https://catalogo-rbgalicia.xunta.gal/cgi-bin/koha/opac-detail.pl?biblionumber=1238676&query_desc=ti%2Cwrdl%3A%20laila%20and%20au%2Cwrdl%3A%20laila- Infantil (a partir de 12 anos): 
"Laila" de Laila Karrouch, editado por Oxford.
Laila trasládase a España coa súa familia, cando xa seu pai levaba uns anos traballando aquí nunha fábrica. Con ela e súa nai chegan tamén catro irmáns máis. En Nador, unha pequena aldea de Marrocos, deixa atrás un montón de tíos, tías, primos e primas, avós… en definitiva o seu fogar e todo aquilo co que se sinte cómoda e protexida. Opera prima da súa autora, a súa propia experiencia sérvelle para falar de desarraigamento, de perda, dor e ao mesmo tempo, de acollemento, de adaptación e de enriquecemento persoal no país de acollida. 


- Mozas/os e adultas/os:
"A ira dos mansos" de Manuel Esteban, en Xerais.
Unha frase emblemática de José Saramago, sublime premio Nobel, que di “deféndenos señor da ira dos mansos”, é a orixe do título desta obra, que narra a investigación, asignada ao inspector Carlos Manso, do asasinato de Violeta, unha rapaza con síndrome de downhttps://catalogo-rbgalicia.xunta.gal/cgi-bin/koha/opac-detail.pl?biblionumber=1213758
, o que o leva a poñerse en contacto con Lorena Sella a directora da asociación Alza Down de Vigo, onde descubrirá persoas que son capaces de transmitir máis sentimentos e emocións do que moitas outras persoas que consideramos “normais”. Trama de novela negra que sirve de escusa ao autor para tratar temas de inclusión, dignidade e respecto. 

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

23/6/17

Recomendacións en Radioleiros: 23 xuño 2017

https://youtu.be/janF3xlettc
https://catalogo-rbgalicia.xunta.gal/cgi-bin/koha/opac-detail.pl?biblionumber=1168233&query_desc=ti%2Cwrdl%3A%20Dragal- Xuvenil (a partir de 15 anos):
"Dragal: a herdanza do dragón" de Elena Gallego Abad. Editado por Xerais.
Hadrián, tras a morte do seu pai, trasládase desde a capital a un pobo de Galicia, onde naceran seus pais. Aquí ten a nai a casa familiar e un traballo, polo que Hadrián ten que acostumarse a unha nova vida, con todo o que conleva, novo colexio, novos amigos e tamén, novos inimigos… Pronto Hadrián comprenderá que esta nova paisaxe trae consigo unha serie de misterios que están moi relacionados coa súa familia, en particular co seu pai e coa súa morte...
 

https://catalogo-rbgalicia.xunta.gal/cgi-bin/koha/opac-detail.pl?biblionumber=1094963- Mozas-os e adultas-os:
"La corredora" de Carrie Snyder. En Alfaguara.
Narra a historia de Aganetha Smart, a primeira muller que conseguíu a medalla de ouro
nunha carreira de 800 metros para Canadá nas Olimpíadas de Amsterdam de 1928, cando por primeira vez se permitíu participar as mulleres en probas de longa distancia.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

16/6/17

Novidades dvd cine - xeral e adult@s - en Rialeda (xuño 2017)

http://www.oleiros.org/c/document_library/get_file?p_l_id=32371&folderId=122717&name=DLFE-26445.pdf
20 novas incorporacións no 2º andar da Biblioteca Central Rialeda.

Descarga a guía pulsando sobre a imaxe.

Recomendacións en Radioleiros: 16 xuño 2017

https://youtu.be/Rh_NoNBv7NI
https://catalogo-rbgalicia.xunta.gal/cgi-bin/koha/opac-detail.pl?biblionumber=1155304- Infantil (menores de 6 anos):
"Toribio revoluciona o tráfico", texto de Carlos Casares e ilustracións de Penélope Ares. En Galaxia.
Unha nova aventura de Toribio que comeza na Casa das Ciencias da Coruña e segue co seu enfrontamento habitual co profesor Smith. Humor casariano apto para todos os públicos, magníficamente ilustrado por Penélope Ares.
https://catalogo-rbgalicia.xunta.gal/cgi-bin/koha/opac-detail.pl?biblionumber=937993&query_desc=ti%2Cwrdl%3A%20ley%20del%20silencio%20and%20au%2Cwrdl%3A%20Schulberg 
- Mozas-os e adultas-os:
"La ley del silencio" de Budd Schulberg. Editado por Acantilado.
Un clásico que Elia Kazan levou ao cinema (1954) con Marlon Brando de protagonista. A mafia
dos peiraos de Nova Iorque, a relación coa Igrexa e as súas consecuencias no día a día na vida dos traballadores.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.


13/6/17

Tertulia literaria en Rialeda: 14 xuño 2017 (Remate tempada Grupo B)

http://bibliotecasoleiros.blogspot.com.es/search/label/Tertulias%20Literarias
http://www.oleiros.org/c/document_library/get_file?p_l_id=14092&folderId=122559&name=DLFE-26414.pdfBiblioteca Central Rialeda (Casiña de actividades)
17,30 a 19,30 h.

Comentario de "Nos vemos allá arriba" de Pierre Lemaitre
Documentación

Con esta sesión remata a tempada 2016-2017 no grupo B da Biblioteca Rialeda. Queremos dar as grazas a todas as persoas que participaron na actividade ao longo destos 9 meses.

12/6/17

Actividades de promoción da lectura: 13 de xuño de 2017

http://www.oleiros.org/c/document_library/get_file?p_l_id=14092&folderId=122559&name=DLFE-25508.pdf
Programa de actividades de promoción da lectura que Bibloleiros organiza para os centros de ensino público do Concello:

Biblioteca Central Rialeda (Perillo)
Martes 13 de xuño:
- 10:20 h. - 5º e 6º de EP do CEIP Juana de Vega (Nós)
"O galo de Antioquía", a cargo de Soledad Felloza.

Máis información das nosas actividades, programas, documentación, publicacións, etc., na nosa web http://www.oleiros.org/web/concello-oleiros/bibliotecas, o blog das Bibliotecas Públicas Municipais de Oleiros e en twitter @bibloleiros

9/6/17

Horario das túas bibliotecas desde xuño a outubro 2017

http://www.oleiros.org/c/document_library/get_file?p_l_id=32371&folderId=122559&name=DLFE-26415.pdf
Clica na imaxe e accede aos horarios de todas as bibliotecas durante os meses de xullo, agosto e setembro.

Bibliotecas abertas ao público durante todo o verán:
- Biblioteca Central Rialeda en Perillo
- Biblioteca Rosalía de Castro en Santa Cruz
- Biblioteca Mª José Trincado en Mera
- Biblioteca Manuel María de Oleiros
- Biblioteca Ánxel Fole de Nós

Na Biblioteca Central Rialeda podes RENOVAR os libros e outros materiais das bibliotecas que estean pechadas.

As DEVOLUCIÓNS se farán na biblioteca onde o retiraches. Se está pechada, espera a que abra para facer a devolución.

Contacto:
Biblioteca Central Rialeda
Teléfono 981 639511
biblioteca.rialeda@oleiros.org
CONTACTA BIBLIOTECAS

Queremos desexar un feliz verán a todas as persoas que nos seguen a través do noso blog, da web do Concello de Oleiros, de twitter @bibloleiros e por suposto a todos-as os-as nosos-as lectores-as e usuarios-as!!!

Recomendacións en Radioleiros: 9 xuño 2017

https://youtu.be/q6iWnVy4nYU
https://catalogo-rbgalicia.xunta.gal/cgi-bin/koha/opac-detail.pl?biblionumber=1157070- Infantil (a partir de 6 anos):

Soños de circo, texto de Joxan Ormazabal, ilustracións de Iraia Okina
Faktoría K de Libros

Premiado no ano 2008 coa II Bolsa Etxepare ao mellor proxecto para a creación dun álbum infantil en éuscaro.

É a historia do desexo dunha nena que vai cumprir co poder da imaxinación. A súa avoa levaba tempo decíndolle que ía levala ao circo. Tras coller o tren para ir á cidade, quedan durmidas. A partir dese intre a nena só pensa no Circo Mundial...

Obra moi fermosa e deliciosamente ilustrada. Fala dos desexos, soños e ilusión e da relación entre persoas de diferente idade.

- Mozas/os e adultas/os:

Me llamo Lucy Barton, de Elizabeth Strout
Duomo

https://catalogo-rbgalicia.xunta.gal/cgi-bin/koha/opac-search.pl?idx=&q=lucy+barton+strout&branch_group_limit=multibranchlimit-OLEUnha novela intimista que nos fala das relacións familiares, pero principalmente das que se establecen entre unha nai e unha filla.

Lucy Barton convalece nun hospital de Manhattan. Non recibe visitas do seu home, que aduce falta de tempo pero máis ben odia os hospitais. Lucy sintese soa e devece polas fillas, ás que apenas ve. En troques, o seu home consegue que a nai de Lucy a visite, o que levará a un reencontro tras anos de escaso contacto.
Durante 5 días e 5 noites as dúas falan da familia, da infancia, da xente que coñecen, aparentemente de xeito intrascendente pero redescubrindo un amor agochado polas dificultades e o tempo. As conversas revelarán o difícil pasado de ambas mulleres, especialmente o da nai.

Narrada en primeira persoa por Lucy con continuos saltos temporais, a obra non é autobiográfica segundo a autora, senon baseada na vida nas familias menos favorecidas dentro das comunidades norteamericanas. Así a obra convertese nun canto á vida, chea de sensibilidade á vez que fuxe do sentimentalismo.


Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

6/6/17

Tertulia literaria en Rialeda: 7 xuño 2017 (Remate tempada Grupo A)

http://bibliotecasoleiros.blogspot.com.es/search/label/Tertulias%20Literarias
http://www.oleiros.org/c/document_library/get_file?p_l_id=14092&folderId=122559&name=DLFE-26361.pdfBiblioteca Central Rialeda (Casiña de actividades)
18 a 20 h.

Comentario de "Dar la vida y el alma" de Marina Mayoral
Documentación

Con esta sesión remata a tempada 2016-2017 no grupo A da Biblioteca Rialeda. Queremos dar as grazas a todas as persoas que participaron na actividade ao longo destos 9 meses.

2/6/17

Recomendacións en Radioleiros: 2 xuño 2017

https://soundcloud.com/bibloleiros/02062017-recomendacions-en-radioleiros
https://catalogo-rbgalicia.xunta.gal/cgi-bin/koha/opac-detail.pl?biblionumber=1045986&query_desc=ti%2Cwrdl%3A%20eu%20son%20gato- Infantil (6 - 8 anos):
"Eu son gato" de Jackie Morris. En Lata de Sal.
Da man desta ilustradora e escritora, coñecemos o mundo dos gatos a través dos seus soños. Unha viaxe coa familia dos felinos que nos fan compaña.
 
https://catalogo-rbgalicia.xunta.gal/cgi-bin/koha/opac-detail.pl?biblionumber=1010989- Mozas-os e adultas-os:
"Un hotel en la Costa Brava" de Nancy Johnstone, editado por Tusquets.
No 1934 unha parella de xornalistas ingleses decide construír un hotel nunha pequena localidade da Costa Brava. Aos amigos do inicio, súmanse os que chegaron coa Guerra Civil, dando lugar á transformación dun proxecto persoal nun de interese social e político.
 
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

26/5/17

Roteiro cultural e literario 2017: 30 e 31 de maio

http://www.oleiros.org/c/document_library/get_file?p_l_id=14092&folderId=122559&name=DLFE-26337.pdf
Unha vez máis levarase a cabo o Roteiro Cultural e Literario que este ano está dedicado ao pintor Manuel Abelenda, ao escritor Xosé Neira Vilas e á pintora María del Adalid. Unha actividade organizada entre o Sistema de Bibliotecas Públicas Municipais, o Servizo de Normalización Lingüística, o IES Miraflores e o IESP Neira Vilas.
 
Terá lugar os días 30 e 31 de maio e participarán máis de 300 alumnas/os dos centros de ensino público deste concello, desde 6º de primaria ata 1º de bacharelato. A todos/as os/as participantes se lles repartirá un folleto realizado por alumnado de 1º de bacharelato do IES Miraflores e de 3º de ESO do IESP Neira Vilas, baixo a coordinación das profesoras Rosa García Vilariño, Graciela Grande Veloso e Inma Otero Varela, da Biblioteca Central Rialeda e do Servizo de Normalización Lingüística, baixo un deseño do departamento de comunicación do Concello de Oleiros.
Os obxectivos que se pretenden conseguir son dar a coñecer diferentes persoas ilustres que viviron no Concello de Oleiros, mellorar o coñecemento de patrimonio e espazos do termo municipal de Oleiros e promover a lectura.
 
Consistirá no percorrido por distintos lugares do municipio nos que viviron estas persoas ilustres, como unha homenaxe a todas elas. Comezaremos en As Torres de San Cruz onde se proxectarán imaxes (acompañadas dunha breve explicación) de diversas obras do pintor Manuel Abelenda; trasladarémonos á rúa do Pombal en Perillo para coñecer a casa deste pintor; a continuación marcharemos para o Instituto Neira Vilas no que homenaxearemos ao escritor Xosé Neira Vilas; pararemos diante da Escola María del Adalid e finalizaremos no Pazo de Lóngora en Montrove, onde coñeceremos a casa da pintora María del Adalid.
En todos estes lugares será o propio alumnado o que irá presentado a cada un dos personaxes
http://www.oleiros.org/c/document_library/get_file?p_l_id=14092&folderId=122559&name=DLFE-26337.pdf homenaxeados. Realizarán estas presentacións, polo Instituto Miraflores: Bruna Frazao, Paula Carracedo, Laura López, Samuel Ramil, Valeria García, María Eiroa, Carmen Vicedo e Cristina Álvarez. Polo Instituto Neira Vilas: Pablo Basante, Lucas Canle, Eduardo Giménez, Guillermo Huelin, Emilio Ríos, José Rodrigo Santos, Ignacio Valeiras e Marcos Vázquez. Tamén colaborarán Eugenia Bermúdez, Candela Pía e Orleni Meteo. Neste centro acabarase cunha actuación musical a cargo dos alumnos Lucía Sigüeiro, Xoan Carro e Jacobo Juanatey baixo a dirección do profesor de música Jesús Fernández Llaneza.

No Pazo de Lóngora finalizarase con outra actuación musical. O día 30, a cargo do músico Roi Casal, que formou parte de Milladoiro, e que publicou o disco titulado “Son galego, Son cubano”, un traballo realizado conxuntamente con Xosé Neira Vilas e con letras do propio escritor. O día 31 será a cantante de ópera, Victoria Álvarez, quen porá o toque final a estes recorridos. Esta soprano (que ademais vive no noso concello), coa súa magnifica voz, será quen clausurará a actividade.

Tertulia literaria en Rialeda: 31 maio 2017 (Grupo B)

http://bibliotecasoleiros.blogspot.com.es/search/label/Tertulias%20Literarias
http://www.oleiros.org/c/document_library/get_file?p_l_id=14092&folderId=122559&name=DLFE-26323.pdfBiblioteca Central Rialeda (Casiña de actividades)
17,30 a 19,30 h.

Comentario de "Me llamo Lucy Barton" de Elizabeth Strout
Documentación

A seguinte obra programada é "Nos vemos allá arriba" de Pierre Lemaitre

Recomendacións en Radioleiros: 26 maio 2017

https://catalogo-rbgalicia.xunta.gal/cgi-bin/koha/opac-search.pl?idx=&q=palabra+crocodilo+ivan+suarez&branch_group_limit=https://soundcloud.com/bibloleiros/26052017-recomendacions-en-radioleiros- Infantil (a partir de 6 anos):

Palabra de crocodilo Iván Suárez
OQO

Álbum ilustrado realizado a partir dun fermoso conto orixinal de Burkina Faso, con tons difusos, escuros e sombríos que reforzan a tensión da narración.

Había unha vez un crocodilo grande e vello que se afastara moito do río e que non era capaz de camiñar para chegar á auga. Cerca do río vivía Bamako, un neno que esa tarde se distanciara demasiado do poboado perseguindo un paxaro. O crocodilo, cando o viu, pediulle que o achegara, pero el díxolle que non lle axudaba porque o comería. Como o crocodilo choraba, Bamako sentiu pena e preguntoulle: "se te levo, ti despois axudarasme a cruzar o río?" "Fareino! Palabra de crocodilo". Bamako cargou co crocodilo e non parou ata chegar ao río...

Segundo vaiamos lendo veremos que van intervir outros animais. Na tradición oral africana hai moitas historias que falan da relación do home coa natureza e nelas os animais adquiren un carácter simbólico para mostrarnos a súa relación co home.

Este libro fálanos da importancia da credibilidade, de cumprir os compromisos pactados, de se somos dignos de confianza ou non, de que confíen na nosa palabra, e sobre todo da necesidade do respecto aos animais e á natureza.

- Mozos/as e adultos/as:

https://catalogo-rbgalicia.xunta.gal/cgi-bin/koha/opac-detail.pl?biblionumber=1212631La noche de la Usina Eduardo Sacheri
Alfaguara

Premio Alfaguara de Novela 2016

Narra a historia de oito veciños estafados por un empresario (de acordo co director dun banco) dunha pequena vila arxentina chamada O’Connor, xusto un día antes de que comece o “corralito bancario” e a crisis económica de Arxentina de finais de 2001.

Estas persoas xuntaron os seus aforros coa intención de montar unha cooperativa, pero, a inmobilización dos depósitos déixaos totalmente sen recursos e a algúns en moi mala situación económica. A cooperativa tiña como obxectivos construír uns silos para a produción agraria da zona, proporcionarlle traballo a algunha poboación e darlle algo de vida á localidade que estaba en decadencia total. Coa incautación xeral dos aforros quedan sen cartos para continuar, polo que queren recuperar o perdido...


O autor, cun delicioso humor negro, preséntanos uns personaxes moi distintos pero todos entrañables, perdedores desta crise, que van loitar con rabia contra o que é inxusto.

Unha obra con moito humor e un trasfondo crítico e de suspense que fai pasar momentos moi divertidos.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.