Ler conta moito, Obradoiros e a Hora do conto: 2 e 3 de novembro de 2023

- Aforo limitado: chama á biblioteca na que se realiza a actividade e reserva a túa praza. 
Podes inscribirte desde 10 días antes da data de realización de cada unha das mesmas. 

Biblioteca Municipal Xograr Mendiño (Lorbé)
Xoves 2 de novembro, ás 17:30  
Para crianzas de 6 anos en adiante (Imprescindible reservar praza, tlf.: 981 618 201)

OBRADOIRO: “Dexo é un desexo”
MONITORADO: Colectivo Mirlotil

Biblioteca Central Rialeda (Perillo)
Xoves 2 de novembro, ás 18:30  
Para crianzas de 2 a 4 anos Aforo completo!!!

TÍTULO: “Quen dixo medo!”
CONTACONTOS: Charo Pita

Biblioteca Municipal Mª José Trincado (Mera)
Venres 3 de novembro, ás 18:30  
Para crianzas de 5 anos en adiante (Imprescindible reservar praza, tlf.: 981 628 507)

TÍTULO: “Querida ovella negra”
CONTACONTOS: Trinketrinke Teatro

AVISO

A-o adulta-o responsable de cada menor de idade deberá permanecer necesariamente no recinto da biblioteca ata que remate a actividade e recolla a-o nena-o.

Ler para saber A CIENCIA: 27 de outubro 2023

Charla de divulgación científica dirixida á poboación infantil (a partir de 10 anos), adolescentes e público en xeral.

Día: Venres, 27 de outubro.

Lugar: Biblioteca Central Rialeda (Perillo).

Hora: 18:30 h.

Alimentación saudable na idade escolar

Uxía Rodríguez Lavandeira.

Dietista e nutricionista no Hospital da Coruña (CHUAC).

Seleccionamos para ti títulos relacionados con este tema. Preme na ligazón.

Recomendacións en Radioleiros: 27 outubro 2023

- Infantil (a partir de 6 anos):

Que teñen que ver as vacas co cambio climático?, de Marián Martínez Izquierdo e Luisa Martínez Lorenzo
Hércules

Unha explicación sobre como funciona o planeta e o papel que temos as persoas como consumidoras de recursos. Boas ilustracións.

- Mocidade e persoas adultas:

Nazis en la Costa del Sol, de José Manuel Portero
Almuzara

Versión dixital en eBiblio

Neste recuncho do Mediterráneo viviron durante décadas ducias de criminais nazis protexidos polas autoridades españolas. Coincidencias ideolóxicas e intereses económicos xuntáronse nesta etapa, favorecidos pola Guerra Fría.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Recital de poesía e música con Yolanda Castaño e Isaac Garabatos: 26 de outubro 2023

Teatro “As Torres” de Santa Cruz.
Xoves 26 de outubro ás 19 h.

Intervirán: a escritora Yolanda Castaño e o músico e compositor Isaac Garabatos.

Yolanda Castaño é Premio Nacional de Poesía 2023 pola súa obra “Materia”. Segundo o xurado, o poemario “mostra unha poesía metafórica que dialoga coa memoria persoal e colectiva e, á vez, directa, radical e feminista. Explora, de forma non compracente, temas como a maternidade, a familia e os costumes, e logra sacar a realidade da súa nebulosa habitual para concretala en materia lingüística, destacando o xogo verbal e rítmico que cuestiona o establecido”.

Yolanda Castaño é poeta, filóloga e unha activa xestora cultural, coa súa propia residencia para escritoras e escritores na Coruña. A súa ampla e premiada obra está dispoñible nas Bibliotecas de Oleiros.

Isaac Garabatos é un dos músicos e compositores máis versátiles do panorama musical galego. Realizou traballos para obras de danza, teatro, curtametraxes e grupos de diversos estilos musicais.

Desde as bibliotecas municipais invítase a todas as persoas que desexen asistir, ata completar o aforo

Tertulia literaria en Rialeda: mércores 25 outubro 2023 (Grupo B)

Biblioteca Central Rialeda. Perillo.
17:30 a 19:30 h.

Primeira sesión do grupo B. Moderada por Cecilia Monllor.

Presentación e comentario de "Sobre los huesos de los muertos" de Olga Tokarczuk.
Documentación.

Ao remate da sesión entregaráse a seguinte lectura: "As malas mulleres" de Marilar Aleixandre.