Día Mundial do Libro 2026 en Bibloleiros

O Día Mundial do Libro celébrase cada 23 de abril.

Un 23 de abril de 1616 faleceron Cervantes, Shakespeare e Inca Garcilaso de la Vega. Esta data tan simbólica para a literatura universal foi a escollida pola Conferencia Xeral da UNESCO (1995) como un xeito de fomentar a lectura, recoñecer a figura da-do autora-o e procurar o fortalecemento da industria editorial de cada país. A UNESCO designou Capital Mundial do Libro 2026 a capital norteafricana de Rabat.

Bibloleiros ofréceche as seguintes actividades de promoción da lectura para festexar esta data ao longo de todo mes de abril.

- Campaña de promoción da lectura para os centros de ensino nas bibliotecas municipais 

9 de abril, Voar sen medo con Chus Álvarez na Biblioteca Rosalía de Castro (Santa Cruz). 10 de abril, A Odisea en 50' con Maribel Andrés Llamero na Biblioteca Rosalía de Castro (Santa Cruz). 13 de abril, Andar aos biosbardos con Charo Pita na Biblioteca Central Rialeda (Perillo). 21 e 22 de abril, Valle-Inclán e ti con Ramiro Neira na Biblioteca Central Rialeda (Perillo). 23 de abril, A Odisea en 50' e Fogóns poéticos con Maribel Andrés Llamero na Biblioteca Central Rialeda (Perillo). 24 de abril, El Quijote en 50' con Maribel Andrés Llamero na Biblioteca Rosalía de Castro (Santa Cruz)

- Sesións da Hora do conto

22 de abril, Un agasallo para Lilí con Trinketrike Teatro na Biblioteca Rosalía de Castro (Santa Cruz), 23 de abril, Avións de papel con Ramiro Neira, na Biblioteca Central Rialeda (Perillo), 24 de abril, Contos do mundo con Ramiro Neira na Biblioteca Mª José Trincado (Mera) e Os libros da titiriteira con A Xanela do Maxín na Biblioteca Ánxel Fole (Nós), 27 de abril, Paxariños con Trinketrinke Teatro na Biblioteca Mª José Ruso (Dorneda), 28 de abril, Os ratiños da caixa con Trinketrinke Teatro na Biblioteca Manuel María (Oleiros), 30 de abril, O segredo da biblioteca con Trémola Teatro na Biblioteca Xograr Mendiño (Lorbé). 

- Exposicións bibliográficas

reler 

Buscas unha novela nova? Revisita o pasado, volve ás iconas. 

Títulos de Austen, Balzac, Bromfield, Brontë, Colette, Dickens, Dostoievski, Gaskell, Gibbons, Maupassant, Tolstói, Turguénev, Wharton (entre outras-os). Volver sobre novelas de resoantes autorías, retornar a lecturas consideradas xa clásicas, retroceder a sobranceiras escrituras do pasado en coidadas edicións e traducións contemporáneas.

Na Biblioteca Central Rialeda.

Letras premiadas

Dedicada aos galardóns literarios máis prestixiosos. A mostra reúne unha selección de obras recoñecidas co Premio Nobel de Literatura e cos Premios Nacionais de Literatura nas modalidades de narrativa, poesía, teatro e ilustración dos últimos cinco anos. Na Biblioteca Rosalía de Castro (Santa Cruz).

Libros de libros

Lecturas que exploran o poder dos libros ou se afondan nas bibliotecas misteriosas. Para mocidade e persoas adultas. Na Biblioteca Manuel María (Oleiros)

Mirar en viñetas

Cómics de diferentes idades: infantís, xuvenís e para adultos. Na Biblioteca Mª José Trincado (Mera).

Roald Dahl, principais obras deste autor. Na Biblioteca Xograr Mendiño (Lorbé).

Primavera chea de libros e flores

Libros infantís sobre o día do libro e a primavera. Na Biblioteca Ánxel Fole (Nós).

- Actividades complementarias

Agasallo dun libro a todas aquelas persoas que leven cinco préstamos co seu carné.Unha maneira de agradecemento para todas-os usuarias-os que fan uso dos fondos da biblioteca. Na Biblioteca Rosalía de Castro de (Santa Cruz). 

E ti... que les?

Destinada a todos os públicos. Recomendacións literarias para o desfrute de todos/as. Coas obras recomendadas crearase un espazo lector diverso e enriquecedor. Durante todo o mes de abril na Biblioteca Manuel María de Oleiros.

Marcapáxinas 

As-os máis pequenas-os poderán crear e colorear uns marcapáxinas conmemorativos. Na Biblioteca Xograr Mendiño (Lorbé) e na Biblioteca Mª José Ruso (Dorneda).

Recomendacións literarias

Recomendacións e votacións, por parte das-os nosas-os lectoras-es, dos libros favoritos que leron nesta biblioteca para dalos a coñecer entre o resto e poder elaborar un ranking cos libros máis lidos. Na Biblioteca Xograr Mendiño (Lorbé).

Na Biblioteca Mª José Ruso (Dorneda), tamén a partir do día 20, realizarase unha enquisa entre o lectorado adulto sobre cal é o libro lido neste último ano que recomendaría, para dar a coñecer os 3 libros máis aconsellados.

Día Mundial do Libro 2025: expos de Carmen Martín Gaite e Ana María Matute en Rialeda

O Día Mundial do Libro celébrase cada 23 de abril.
Un 23 de abril de 1616 faleceron Cervantes, Shakespeare e Inca Garcilaso de la Vega. Tamén un 23 de abril naceron –ou finaron– escritores eminentes como Vladimir Nabokov, Josep Pla ou Manuel Mejía Vallejo. Por iso que esta data tan simbólica para a literatura universal foi a escollida pola Conferencia Xeral da UNESCO (1995) como un xeito de fomentar a lectura, recoñecer a figura da-do autora-o e procurar o fortalecemento da industria editorial de cada país. A UNESCO designou Capital Mundial do Libro 2025 ao Rio de Janeiro, primeira vez que unha cidade de lingua portuguesa é distinguida como tal.

Na Biblioteca Central  Rialeda (Perillo) queremos celebrar esta data (xunto a outras actividades) adicando senllas exposicións bibliográficas a Carmen Martín Gaite e Ana María Matute, ambas da Xeración do 50, do medio século ou "dos nenos da guerra", denominacións que dá a historia da literatura española ao grupo literario de escritoras-es nacidas-os en torno aos anos 1920 e que publican sobre os 50`. Estas dúas espléndidas voces literarias naceron en 1925 e abriron un extenso camiño cara a imaxinación amosando unha escrita profundamente traballada.  

En Abril, libros mil: Día Internacional do Libro

Continuamos de celebración! O martes 23 de abril celébrase o Día Internacional do Libro. Nas Bibliotecas Públicas Municipais de Oleiros organízase unha ampla programación de actividades:

Biblioteca Central Rialeda (Perillo)

Hora do Conto:
- 25 de abril ás 18:30 h. Contancontos con Trinketrinke Teatro: "Queremos a paz!"

. Para nenas e nenos maiores de 5 anos.

Mostra bibliográfica: 30 Premios Nacionais de Narrativa

Actividades dirixidas a alumnado dos Centros de Ensino:
- 24 de abril: Miguel Cuba, ilustrador: "Viaxe en viñetas". Para alumnado de 3º de ESO do IES Miraflores de Oleiros e do IES Neira Vilas de Perillo.
- 22, 23, 29 e 30 de abril: Miguel Cuba, ilustrador: "Superheroes: a nova mitoloxía". Para alumnado de 1º e 2º de ESO do IES Miraflores de Oleiros.
- 25 e 26 de abril: Miguel Cuba, ilustrador: "A metáfora visual". Para alumnado de 4º de ESO do IES Miraflores de Oleiros.

Clubs de Lectura e Tertulias literarias:
Continúase con esta actividade para mocidade e público adulto, os mércores, ás 17:30 h.
- Grupo B: 24 de abril, comentario da obra "Árbol del olvido" de Nancy Huston.

Biblioteca e Centro de Documentación da Muller "Rosalía de Castro" (Santa Cruz)

Hora do Conto:
- 24 de abril ás 18:30 h. Paco Nogueiras: "C@onto contigo". Para nenas e nenos maiores de 5 anos.

Actividades dirixidas a alumnado dos Centros de Ensino:
- 24 de abril. Trémola Teatro. "8(M)uller". Para alumnado de 1º da ESO do IES María Casares de Bastiagueiro.
- 25 de abril. Óscar Villán, ilustrador. Charla "Aproximación á ilustración". Para alumnado de 5º e 6º de Ensinanza Primaria do CEIP Luis Seoane de Mera.

Exposición "Unha taciña literaria para a túa cita literaria":

Selección de libros escritos por autoras e autores que aportaron frases célebres sobre libros, a lectura, a escritura e as bibliotecas. Cada libro está decorado cunha taciña que contén unha frase célebre da súa escritora ou escritor.

Clubs de Lectura e Tertulias literarias:
Continúase con esta actividade para mocidade e público adulto, os martes, ás 17:30 
- Grupo A: 23 de abril, comentario da obra "Llévame a casa" de Jesús Carrasco.

Biblioteca Pública Municipal "Manuel María" (Oleiros)

Hora do Conto:
- 23 de abril ás 18:30 h. Paco Nogueiras: "Extra!". Para nenas e nenos maiores de 5 anos.

"E ti... que les?" 

Envíanos ou crea unha nota de recomendación sobre a lectura que tanto che gustou para artellar un espazo lector diverso e enriquecedor.

Biblioteca Pública Municipal "Mª José Trincado" (Mera)

Clubs de Lectura e Tertulias literarias:
Continúase con esta actividade para mocidade e público adulto, os luns, ás 19:00 h.
- Grupo B: 22 de abril, comentario da obra "As malas mulleres" de Marilar Aleixandre.

Mostra bibliografica: 23 imprescindibles

23 obras mestras da literatura como Una habitación propia de Virginia Woolf, Nada de Carmen Laforet, La tribuna de Emilia Pardo Bazán, Seda de Alessandro Baricco, etc.

Biblioteca Pública Municipal "Mª José Ruso" (Dorneda)

Hora do Conto:
- 22 de abril ás 18:30 h. Trémola Teatro: "Leo e os números". Para nenas e nenos de 2 a 4 anos.

Mostra bibliográfica: Historias para amantes das Artes

Novelas inspiradas en obras de arte e vidas de artistas.

"Imperdibles"
Espazo dispoñible para enchelo con aquelas obras literarias que entusiasman, de lector/a a lector/a.

Biblioteca Pública Municipal "Ánxel Fole" (Nós)

Hora do Conto:
- 26 de abril ás 18:30 h. Ramiro Neira: "O cazador de contos". Para nenas e nenos de 2 a 4 anos.

Mostra "Un xardín de libros"

Coma os xardíns na primaveira, flores, árbores e plantas decorarán libros para todas as idades.

Coñece o Día do Libro a través dos cartaces informativos e desfruta dos pasatempos relacionados con esta relevante data.

Biblioteca Pública Municipal "Xograr Mendiño" (Lorbé)

Hora do Conto:
- 25 de abril ás 18:30 h. Charo Pita: "Tatarantantarantiña". Para nenas e nenos de 2 a 4 anos.

Mostra bibliográfica de obras de Cervantes a Shakespeare

"Recoméndame". Contribúe ao mural literario con suxestións para outras usuarias e usuarios.

Coa realización de todas estas actividades pretendemos promover a lectura e o fomento da utilización dos libros, dar a coñecer as bibliotecas municipais e potenciar a asistencia a elas  non só como lugares de estudo e consulta, senón tamén como centros de lectura lúdica.

Día Mundial do Libro 2023 en Bibloleiros

Co lema “En abril, libros mil” as Bibliotecas Públicas Municipais de Oleiros conmemoramos o 23 de abril, Día Mundial do Libro, con numerosas actividades dirixidas a todos os públicos.
- Roteiros literarios:
Esta semana comezamos co roteiro literario pola costa de Mera ata chegar ao faro titulado Paisaxe e faro: unha fascinación artística. Partíuse da Biblioteca Municipal Mª José Trincado (Mera), camiñouse polo paseo marítimo e pola costa, con paradas e lecturas en voz alta. Falouse da relación entre literatura e fotografía, do diálogo que se pode establecer entre esas dúas disciplinas artísticas e tamén de como a literatura nos achega dunha maneira particular a unha obra e ao seu mundo. Da beleza da paisaxe e o seu protagonismo en moitas historias. Do paseo como evocador de narracións. Lembrámonos da escritora Sofía Casanova, primeira muller reporteira de guerra. Da fascinación artística que sentiron, en direccións opostas, algúns escritores e escritoras. Da influencia que os faros tiveron na literatura e na arte en xeral. Léronse fragmentos e poemas de Vicente Risco, Sofía Casanova, Celso Emilio Ferreiro, Miguel Hernández, Luis Cernuda, Virginia Wolf, Edgar Allan Poe, Ray Bradbury, Jazmina Barrera e Jeanette Winterson.
Continuando con estas actividades para un público mozo e adulto, o 20 de abril tivemos o roteiro literario por Santa Cruz ata chegar ao castelo titulado Morriña, lingua e exilio: Un paseo cara a illa e o castelo. Partimos da Biblioteca Municipal Rosalía de Castro (Santa Cruz). Camiñamos pola localidade de Santa Cruz e o seu paseo marítimo, con paradas e lecturas en voz alta e comentadas, ata chegar ao castelo. Foi un paseo literario en dúas etapas: A primeira, unha reflexión literaria sobre as orixes da morriña e como o exilio e a lingua inflúen na vida e na obra dalgúns autoras-es. Achegámonos á nosa historia, á nosa identidade, e ao camiño que transitamos: desde Rosalía de Castro ata Emilia Pardo Bazán, deténdonos en Luís Seoane. Falamos dos poetas Homero e Virxilio e da filósofa Hannah Arendt. A segunda parte a illa, no Castelo de Santa Cruz, onde comentamos a importancia da Illa como identidade propia, do castelo como entidade e a súa influencia na literatura. Lemos fragmentos e poemas de Rosalía de Castro, Luís Seoane e Rafael Alberti. Falamos da Eneida de Virxilio, Odisea de Homero, A última entrevista e outras conversacións de Hannah Arendt, Follas novas de Rosalía de Castro, Obra poética de Luis Seoane, Correspondencia entre Benito Pérez Galdós e Emilia Pardo Bazán, El castillo de Franz Kafka e Siempre hemos vivido en el castillo de Shirley Jackson.
- Cafés en lila:
O martes 25 de abril, ás 18:30 h, na Biblioteca Central Rialeda levarase a cabo a actividade, organizada pola Concellaría de Servizos Sociais e Igualdade, titulada “Cafés en lila”, na que haberá un encontro literario coa escritora María Solar autora de obras como A culpa (Premio Xerais de novela) ou As horas roubadas (Premio Frei Martín Sarmiento). Poden asistir todas as persoas que o desexen.
- Novidades para todas as idades:
Na Web municipal (sección de Bibliotecas), e no blog atoparás  unha escolla de novidades bibliográficas. Sesenta e seis propostas para diferentes idades, distintos gustos, intereses e preferencias. Títulos para divertir e emocionar, reflexionar e aprender, mirar e observar. Animamos a todas as persoas a que visiten as bibliotecas de Oleiros, utilicen o servizo de préstamo e gocen coa lectura.
- Actividades para público infantil:
A Hora do conto e outras actividades infantís ás 18:30 H.
Debido a que este ano o día 23 de abril coincide en domingo, comezaremos coas actividades relativas a esta celebración na semana anterior a este día.
20 abril, Paula Carballeira en Rialeda con "Contos entre páxinas" para crianzas de 6 anos en diante.
21 abril, Pavís Pavós en Mera con "Contos para orellas abertas" para crianzas de 2 a 5 anos.
24 abril, Pablo Díaz en Dorneda con "Contando números, cantando cores" para crianzas de 2 a 5 anos.
25 abril, Antón Ke en Oleiros con "Cantares gallegos ao ukelele" para crianzas de 6 anos en diante.
26 abril, A Nube de Artear en Santa Cruz con "Robótica educativa" (realizaranse 2 sesións de 15 nenas-os cada unha). Para crianzas de 6 anos en diante.
27 abril, Bululú en Rialeda con "Timoteo" para creianzas de 2 a 5 anos.
27 abril, Lía Magalia en Lorbé con "Adiviña canto te quero" para crianzas de 2 a 5 anos.
28 abril, Olga Abad en Nós con "A nena lentella" para crianzas de 6 anos en diante.

- Exposicións bibliográficas:
Na Biblioteca Central Rialeda: “Akwaaba obroni! = Benvidas as persoas que veñen de máis aló do horizonte!” Con esta fermosa arela en lingua twi, presentamos esta expo de literatura africana para conmemorar o Día Mundial do Libro. Accra, capital de Ghana, é este ano 2023 a capital mundial do libro da UNESCO e a cidade que nos abre as portas de Mama África (como canta o compositor brasileiro Chico César), un inmenso continente literario do que che amosamos unha petiscada.
Na Biblioteca Rosalía de Castro de Santa Cruz: “Cócteis de lectura”, podes escoller un rolo de papel e atoparás unha recomendación de lectura que podes levar en préstamo para lela ti ou outras persoas da casa. Son obras relevantes da literatura, algunhas recibiron premios como o Cervantes, Premio Nacional das Letras Españolas, Premio Nacional de Narrativa, Premio Nacional de Poesía ou o Premio Nobel de Literatura.
Na Biblioteca Manuel María (Oleiros): “E ti...que les?” Recomendacións de libros, películas, e CD feitas polas propias usuarias-os. Podes participar cubrindo unha nota na propia biblioteca ou enviando a escolla por correo electrónico.  
Exposición “Contos para levar no peto” con obras de Marilar Aleixandre, Premio Nacional de Narrativa por “As malas mulleres”.
Na Biblioteca Xograr Mendiño (Lorbé): Mostra bibliográfica “Entre Cervantes e Shakespeare anda o conto” con obras de Cervantes e Shakespeare. Tamén se entregará nun sobre un “libro sorpresa” cun marcapáxinas do Día do Libro.
Na Biblioteca  Mª José Trincado (Mera): “Libros que deixan pegada” para público infantil, escolla de contos imprescindibles para medrar cheos  de aventuras. “Libros recomendados polas-os socias-os da biblioteca”, selección de novelas recomendadas polas nosas usuarias-os que son os que a fan biblioteca viva.  
Na Biblioteca Ánxel Fole (Nós): “Un mar de libros”, exposición de libros sobre a temática do mar para todo tipo de público. Ás nenas-os entregaranse marcapáxinas para colorear.
Na Biblioteca Mª José Ruso (Dorneda): “Doce ou amargo: lecturas para saborear” é unha selección de novelas que mesturan ficción e gastronomía. Animaremos ao público lector a elaborar un menú literario cos súas lecturas favoritas; chefs e comensais poderán compartir e degustar as súas propostas literarias.
- Actividades para alumnado dos centros de ensino:
20 abril: alumnado de 6º de EI e 1º de EP do CEIP Valle Inclán: "Contando números, cantando cores" con Pablo Díaz en Rialeda. Alumnado de 4º e 5º de EP do CEIP Luís Seoane: "Hércules e o xigante" con Quique en Santa Cruz. Alumnado de 6º de EP do CEIP Rabadeira: "Aproximación á ilustración" con Óscar Villán en Oleiros.
21 abril, alumnado de 3º e 6º de EP do CEIP Parga Pondal: "Hércules e o xigante" con Quique en Santa Cruz. Alumnado de 4º e 5º de EI do CEIP Valle Inclán: "Contando números, cantando cores" con Pablo Díaz en Rialeda.
24 abril, alumnado de 1º ESO do IES Neira Vilas: "Ilustrando en verso" con Quique en Rialeda.
25 abril, alumnado de 4º de EP do CEIP Rabadeira: "Hércules e o xigante" con Quique en Oleiros. Alumnado de 5º e 6º de EP do CEIP Valle Inclán: "Aproximación á ilustración" con Óscar Villán en Rialeda. Alumnado de 5º e 6º de EI do CEIP Parga Pondal: "Contando números, cantando cores" con Pablo Díaz en Santa Cruz.5º A e B
26 abril, alumnado de 4º de EP do CEIP Rabadeira: "Hércules e o xigante" con Quique en Oleiros. Alumnado de 6º de EP do CEIP Valle Inclán e 5º de EP do CEIP Juana de Vega: "Aproximación á ilustración" con Óscar Villán en Rialeda. Alumnado de 4º de EI e 2º de EP do CEIP Parga Pondal: "Contando números, cantando cores" con Pablo Díaz en Santa Cruz
27 abril, alumnado de 4º de ESO do IES Neira Vilas: "Viaxe en viñetas" con Miguel Cuba en Rialeda.
- Tertulias literarias e clubs de lectura:
Biblioteca Central Rialeda (Perillo):
Grupo A: 19 de abril, comentario de "Arenas movedizas" de Nella Larsen.
Grupo B: 26 de abril, comentario da obra "Llévame a casa" de Jesús Carrasco
Biblioteca Municipal Rosalía de Castro (Santa Cruz):
GRUPO A: 25 de abril, comentario da obra "Hamnet" de Maggie O’Farrell.
GRUPO B: 18 de abril, comentario da obra "La uruguaya" de Pedro Mairal.
Biblioteca Municipal Mª José Trincado (Mera):
17 de abril, comentario da obra "Una madre" de Alejandro Palomas.

Día do Libro 2023: novidades para todas as idades

 

Novidades nas Bibliotecas de Oleiros para celebrar o Día do Libro 2023

Hora do conto: de 17 a 21 de abril de 2023

- Aforo limitado: chama á biblioteca na que se realiza a actividade e reserva a túa praza. Podes inscribirte desde 10 días antes da data de realización de cada unha das contadas/actividades.

Biblioteca Pública Municipal Mª José Ruso (Dorneda)
Luns 17 de abril, ás 18:30 Celebramos o Día Internacional do Libro Infantil
Para crianzas a partir de 6 anos (Imprescindible reservar praza, tlf.: 981 626 638)
ESPECTÁCULO: “O traxe novo do rei”
CONTACONTOS: Tarabelos

 
Biblioteca Pública Municipal Rosalía de Castro (Santa Cruz)
Mércores 19 de abril, ás 18:30 Celebramos o Día Mundial do Libro
Para crianzas de 2 a 5 anos   Aforo completo!!!
ESPECTÁCULO: “A formiga na barriga”
CONTACONTOS: Charo Pita
 

Biblioteca Central Rialeda (Perillo)
Xoves 20 de abril, ás 18:30 Celebramos o Día Mundial do Libro
Para crianzas a partir de 6 anos (Imprescindible reservar praza, tlf.: 981 639 511)
ESPECTÁCULO: “Contos entre páxinas”
CONTACONTOS: Paula Carballeira
 

Biblioteca Pública Municipal Mª José Trincado (Mera)
Venres 21 de abril, ás 18:30 Celebramos o Día Mundial do Libro
Para crianzas de 2 a 5 anos (Imprescindible reservar praza, tlf.: 981 628 507)
ESPECTÁCULO: “Contos para orellas abertas”
CONTACONTOS: Pavís Pavós

AVISO

O/A adulto/a responsable de cada un dos/as menores de idade deberá permanecer necesariamente no recinto da biblioteca ata que remate a actividade e recolla o neno ou nena.

En abril, libros mil: actividades organizadas por Bibloleiros para conmemorar o Día Internacional do Libro Infantil

Decidimos titular as actividades de fomento da lectura que imos realizar ao longo do mes de abril como En abril, libros mil debido a que neste mes hai dúas celebracións moi importantes para as bibliotecas: o Día Internacional do Libro Infantil e o Día Mundial do Libro e nelas utilizaremos numerosos e diversos  libros.
O 2 de abril celébrase o Día Internacional do Libro Infantil coincidindo coa conmemoración da data de nacemento do escritor Andersen, co obxectivo de fomentar nos nenos e nenas o interese polos libros e a lectura e facer diso un hábito de vida.
- En todas as bibliotecas municipais realizaranse exposicións de libros infantís e xuvenís:
- Na Biblioteca Central Rialeda (Perillo), Expo Olivia, dedicada ao autor e ilustrador Ian Falconer, recentemente falecido, coñecido polas nenas e nenos de todo o mundo por ser o creador do personaxe de Olivia, a alegre porquiña, que debuxou en 1996 como agasallo para a súa sobriña.
- Na Biblioteca Municipal Rosalía de Castro (Santa Cruz) e Ánxel Fole (Nós), exposicións de libros de autoras e autores gañadores dos premios Andersen, como Astrid Lindgren creadora de Pippi Calzaslargas, ou Gianni Rodari autor de Contos por teléfono, Gramática da fantasía ou Érase dos veces el barón Lamberto...
- Na Biblioteca Municipal Manuel María (Oleiros) e Xograr Mendiño (Lorbé), mostras bibliográficas con obras de  Hans Christian Andersen, con títulos como O patiño feo, O soldadiño de chumbo, O traxe novo do emperador, A princesa e o chícharo, A sereíña, etc.

- Na Biblioteca Municipal Mª José Ruso (Dorneda), mostra bibliográfica da autora británica de literatura infantil Julia Donaldson, da que se cumpren 75 anos do seu nacemento, autora de libros como O grúfalo, A filla do grúfalo…
- Na Biblioteca Municipal Mª José Trincado (Mera), mostra bibliográfica sobre a escritora galega Fina Casalderrey, Premio Nacional de Literatura Infantil e Xuvenil en 1996 pola súa obra Os fillos de Lúa, e a ilustradora vasca Elena Odriozola, Premio Nacional de Ilustración en 2015, con obras ilustradas como A princesa que bocexaba a todas horas ou Oda a unha estrela e carteis informativos sobre a súa vida e obra. As dúas autoras foron propostas este ano, por España, para os Premios Hans Christian Andersen.
- “Decora a Olivia”, actividade plástica para público infantil, na Biblioteca Central Rialeda.
- Marcapáxinas para colorear, nas Bibliotecas de Nós e de Lorbé.
- Actividades “O que le, vístese por dentro” e “Cóntame un conto”, nas que os nenos e adolescentes realizarán recomendacións de libros, nas Bibliotecas de Santa Cruz e de Lorbé.
- Actividade “Teño moito conto”, na que a Biblioteca Manuel María (Oleiros) proporcionará un sinxelo libriño a cada neno-a para que crea nel a súa propia historia que despois será exposta na biblioteca.
- “Un libro, sempre contigo”, actividade plástica dirixida ao público infantil para a decoración dun marcapáxinas dedicado á autora Julia Donaldson, na Biblioteca de Dorneda.
- “Sorbos de lectura infantil”. Exporanse vasos de papel con frases de diversos libros infantís. Cada nena ou neno que colla un vaso, deberá levar ese libro en préstamo para a súa lectura, na Biblioteca de Santa Cruz.
- Actividades para público infantil:
A Hora do conto e outras actividades infantís nas bibliotecas municipais, ás 18:30 h.
Debido a que este ano o día 2 de abril coincide en domingo e despois é a Semana Santa en que moitos nenos e nenas marchan de viaxe, comezaremos coas actividades relativas a esta celebración na semana anterior a este día e continuaremos con elas na semana do 11 de abril.
31 marzo, Lía Magalia, (Mera), A maceira que daba calquera cousa menos mazás, nenas-os de 6 anos en diante.
11 abril, Ramiro Neira, (Oleiros), Contos de aventura!!!, nenas-os de 2 a 5 anos.
12 abril, Pavís Pavós, (Sta. Cruz), Historias da marquesa, nenas-os de 6 anos en diante.
13 abril, Trinke Trinke (Rialeda), Animais do bosque, nenas-os de 2 a 5 anos.
13 abril, Raquel Galavís (Lorbé), Orella corazón, nenas-os de 6 anos en diante.
14 abril, Fran Amil (Nós), Canto conto ten, nenas-os de 2 a 5 anos.
17 abril, Tarabelos (Dorneda), O traxe novo do rei, nenas-os de 6 anos en diante.
- Actividades para adolescentes:
Ler para saber: A CIENCIA, charlas de divulgación científica dirixidas a adolescentes e público en xeral
Na Biblioteca Central Rialeda (Perillo), ás 18:30 h.
14 de abril, A célula: unidade fundamental da vida por Raquel Iglesias Reinoso, doutora en Bioloxía.
- Actividades para alumnado dos centros de ensino:
Campaña de animación á lectura.
12 abril, 10:30, 1º A e B Primaria CEIP Juana de Vega, Brinca vai: de aquí a acolá con Paco Nogueiras en Rialeda.
12 abril, 12:30, 3º A e B Primaria CEIP Juana de Vega, Brinca vai: de aquí a acolá con Paco Nogueiras en Rialeda.
12 abril, 10:15, 5º A e B Infantil CEIP Rabadeira, Aprendendo a querer con Trinketrinke Teatro en Oleiros.
13 abril, 10:15, 3º A Primaria CEIP Rabadeira, Hércules e o xigante: achegamento á Torre de Hércules con Enrique López en Oleiros.
13 abril, 11:35, 3º B Primaria CEIP Rabadeira, Hércules e o xigante: achegamento á Torre de Hércules con Enrique López en Oleiros.
13 abril, 10:00, 2º A e B Primaria CEIP Juana de Vega, As aventuras de Mariña con Galeatro en Rialeda.
13 abril, 10:30, 6º A e B Primaria CEIP Isidro Parga Pondal, Aproximación á ilustración con Óscar Villán en Sata. Cruz.
14 abril, 10:15, 6º A Infantil CEIP Rabadeira, Pipo o paxaro que non sabía voar con Trémola Teatro en Oleiros.
14 abril, 11:30, 6º B Infantil CEIP Rabadeira, Pipo o paxaro que non sabía voar con Trémola Teatro en Oleiros.
14 abril, 10:15, 2º A e B Primaria CEIP Luís Seoane, A vella da botella con Lía Magalia en Sta. Cruz.
14 abril, 10:00, 2º ESO C IES Neira Vilas, Superheroes: a nova mitoloxía con Miguel Cuba en Rialeda.
17 abril, 10:15, 3º A e B Primaria CEIP Valle-Inclán, Hércules e o xigante: achegamento á Torre de Hércules con Enrique López en Rialeda.
17 abril, 11:45, 4º A e B Primaria CEIP Valle-Inclán, Hércules e o xigante: achegamento á Torre de Hércules con Enrique López en Rialeda.

"En abril, libros mil" Día do Libro nas Bibliotecas de Oleiros

Diferentes actividades nas sete bibliotecas para celebrar o Día Internacional do Libro e do Dereito de Autor/a. Escolle a túa!

"Ao faro". Ruta literaria pola costa de Mera coa escritora Silvia Salgado
22 de abril ás 10:30 h. Saída da Biblioteca Municipal Mª José Trincado de Mera.
Camiñarase polo paseo marítimo e pola costa, con paradas e lecturas en voz alta e comentadas, ata chegar aos faros de Mera.
Aforo limitado (15 persoas). Reservar plaza na Biblioteca Rialeda (tfno. 981 639511)

Presentación da obra "Travesías del sentir" de Ana de las Heras
28 de abril ás 20 h. Teatro As Torres de Santa Cruz.
Coa presenza da autora acompañada da escritora Silvia Salgado.
"Travesías del sentir" é un libro de relatos curtos cheos de humor e maxia, que narran o cotián dunha maneira entrañable e sinxela, descubrindo a grandeza da vida nos pequenos detalles.
Entrada libre ata completar aforo.

Actividades de fomento da lectura para o alumnado dos centros de ensino: 

Do 20 ao 29 de abril realizaranse diferentes actividades de fomento da lectura dirixidas ao alumnado dos centros de ensino público deste municipio, co obxectivo de fomentar a lectura, así como que coñezan algunhas das bibliotecas municipais para que as visiten e utilicen no horario en que non permanecen nos seus respectivos centros de ensino. Levaranse a cabo na Biblioteca Central Rialeda, na Biblioteca Municipal Rosalía de Castro de Santa Cruz e no Teatro As Torres.
Contacontos con Lía Magalia e Ramiro Neira, cos espectáculos “As fadas verdes” e “Animaliños”.
Charlas sobre o proceso da ilustración cos ilustradores Enrique López e Óscar Villán.
Enrique López, arquitecto e ilustrador, autor de “Hércules e o xigante: Unha torre de lenda”, achegará ao alumnado historias sobre a Torre de Hércules e falará do seu proceso de construción.
Óscar Villán, ilustrador que recibiu o Premio Nacional de Ilustración en 1999 pola súa obra “O coelliño branco”, falará do proceso de creación dun libro.
Isabel Andrés, poeta e profesora da Universidade de Salamanca, provocará a reflexión en torno ao humor nos textos humorísticos en “Pártome e móndome” e en “O bo, si breve” descubrirá como se pode facer literatura desde a brevidade.

Actividades para público infantil: 

Para nenas e nenos a partir de 6 anos. Todas se realizarán ás 18:30 h. Aforo limitado. Imprescindible reserva na biblioteca ou chamando por teléfono.

19 de abril: Biblioteca "Manuel María". Oleiros
"Irene no Sahara" con Solidariedade Internacional de Galicia

20 de abril: Biblioteca e Centro de Documentación da Muller "Rosalía de Castro" de Santa Cruz
"A biblioteca máxica" con Ramiro Neira

21 de abril: Biblioteca Central Rialeda. Perillo
"Libros nos petos" con Ana Carreira

22 de abril: Biblioteca "Mª José Trincado". Mera
"Irene nos Andes" con Solidariedade Internacional de Galicia

25 de abril: Biblioteca "Mª José Ruso". Dorneda
"O lobiño Carapuchiño" con Proyecto Bululú

27 de abril: Biblioteca e Centro de Documentación da Muller "Rosalía de Castro" de Santa Cruz
"Animais artistas e outras cousiñas" con Iván Davila

28 de abril: Biblioteca "Xograr Mendiño". Lorbé
"Entre bechos anda o conto" con Galeatro

28 de abril: Biblioteca Central Rialeda. Perillo
"Irene en América Central" con Solidariedade Internacional de Galicia

29 de abril: Biblioteca "Ánxel Fole". Nós
"A vella na botella" con Lía Magalia

Outras actividades para todos os públicos:

Biblioteca e Centro de Documentación da Muller "Rosalía de Castro". Santa Cruz:
- "Cita a cegas con grandes autores e autoras". Libros "ocultos" para lectoras e lectores intrépidos. Non saberás o que levas ata que chegues a casa.

Biblioteca "Mª José Trincado". Mera:
- "A bagaxe da vida". Mostra literaria monográfica dedicada a obras sobre vidas e experiencias doutras persoas.
- "Os meus preferidos". Exposición con recomendacións das lecturas de nenas e nenos.

Biblioteca "Manuel María". Oleiros:
- "E ti... que les?". Fai as túas recomendacións para compartilas na biblioteca.

Biblioteca "Ánxel Fole". Nós:
- "En abril un libro para ler de contado". Exposición bibliográfica con suxestións para todas as idades.

Biblioteca "Mª José Ruso". Dorneda:
- Recomendacións con emojis. Para toda a cativada.
- Mostra "O libro estaba mellor?". Novelas coas súas adaptacións cinematográficas.

Asimesmo todas as bibliotecas ofrecerán diferentes modelos de marcapáxinas para colorear xunto con divertidos pasatempos.

Desvelamos as latitudes da lectura en Oleiros

A Biblioteca Central Rialeda (Perillo) quere celebrar o Día do Libro amosando latitudes da lectura en Oleiros. 

Grazas por compartir eses 35 espazos onde o tempo se detén e se fai eterno. 

Grazas por seguir facendo da lectura ese lugar-momento no que seremos felices. 

Grazas por facer biblioteca.

Día Mundial do Libro nas Bibliotecas Públicas Municipais de Oleiros

O 23 de abril celébrase o Día do Libro. É unha celebración internacional promovida pola UNESCO para render unha homenaxe universal ao libro e aos seus autores e autoras. Cos obxectivos de conmemorar esta importante data e de potenciar o hábito lector, as Bibliotecas Públicas Municipais de Oleiros organizamos as seguintes actividades de promoción da lectura:

Recomendacións de libros para moz@s e adult@s
Trátase dunha selección de 64 obras de novela, poesía, teatro, banda deseñada, biografía, ensaio e divulgación científica, de autoras e autores galegos, españois e internacionais, para diferentes gustos, intereses e preferencias. Boas historias e bos libros para ler, observar, gozar e compartir. Témolos nalgunha das bibliotecas municipais de Oleiros e pódenos levar en préstamo para as súas casas. Algúns tamén figuran nas plataformas de libros electrónicos GaliciaLe e Ebiblio onde tamén os poden coller en préstamo de forma gratuíta.

 Recomendacións de libros para público infantil e xuvenil
Para tomar un respiro e encher a túa mente coa fascinación da lectura pausada ou da palabra escoitada presentamos esta selección de 66 obras distribuídas por idades, desde os 0 anos ata os 16, con contos e narracións, álbum ilustrado, Letras e sons, poesía, teatro, banda deseñada e coñecemento, de autoras e autores galegos, españois e internacionais, para diferentes gustos, intereses e preferencias. Témolas nalgunha das bibliotecas municipais de Oleiros e pódenas levar en préstamo para as súas casas. Algunhas tamén figuran nas plataformas de libros electrónicos GaliciaLe e Ebiblio onde tamén as poden coller en préstamo de forma gratuíta.

Recomendacións de películas infantís e xuvenís
Formada por 15 películas para un público infantil e xuvenil.

Biblioteca Central Rialeda. Perillo

Latitudes de lectura en Oleiros
Cóntanos cal é o mellor lugar en Oleiros para ler. Envíanos unha fotografía dese emprazamento único onde te deixarías acompañar por un libro.
A foto ideal estaría formada por: ti + o libro + o lugar elixido.
Participa se tes máis de 18 anos. Podes enviala, ata o 21 de abril, ao noso correo electrónico
biblioteca.rialeda@oleiros.org
Farase un fermoso carrusel coas latitudes de lectura en Oleiros.

A luz na batalla
Continuamos coa exposición bibliográfica sobre Emilia Pardo Bazán, para conmemorar o centenario da súa morte. Leva o título de A luz na batalla, baseándonos no lema en latín De bellum luce que ela adoptara e utilizara encabezando o seu papel de cartas e que é unha declaración de principios da loita por defender a súa liberdade individual. Esta exposición está formada por novelas, artigos xornalísticos, ensaios, estudos e biografías sobre a autora de La Tribuna. Tamén está a serie de televisión homónima inspirada na novela Los pazos de Ulloa e o audiolibro Aire y otros relatos con seis das súas narracións curtas.

A Hora do conto
O 22 de abril, ás 18:30 h., contacontos a cargo da narradora oral Carmen Domech co espectáculo Contacontos de libros contentos.
O 29 de abril, ás 18:30 h., contacontos a cargo da compañía Eduvía co espectáculo Contos de cores.
Os dous contacontos ademais de realizarse presencialmente na biblioteca, tamén se subirán ao blog e á Web municipal o día seguinte da súa realización e permanecerán durante 48 horas para que poidan visualizalos todos os nenos e nenas que non puideran asistir.

Biblioteca Municipal Rosalía de Castro. Santa Cruz

Premio Cervantes
Exposición de obras de escritores/as galardoados/as co Premio Cervantes.

O que le, vístese por dentro
Os/as usuarios/as recomendarán libros que lles gusten. As recomendacións serán en cartulinas con forma de prendas de vestir para despois colgalas en diversos espazos da biblioteca.

Libros arredor do mundo 

Mostra da produción literaria dos distintos continentes, escritor@s europe@s, american@s, african@s e asiátic@s, que podes levar para coñecer diferentes culturas e xeitos de contar.
Nas tertulias destas semanas, comentaremos “Adiós, Hemingway” do escritor cubano Leonardo Padura e “La vegetariana” da escritora coreana Han Kang, novelas moi diferentes para analizar culturas diferentes.

A Hora do conto
O 21 de abril, ás 18:30 h., contacontos a cargo da compañía Eduvía co espectáculo Contamundos.
O 28 de abril, ás 18:30 h., contacontos a cargo do actor Ramiro Neira co espectáculo Como escoitar e gozar nunha sesión de contacontos.
Os dous contacontos ademais de realizarse presencialmente na biblioteca, tamén se subirán ao blog e á Web municipal o día seguinte da súa realización e permanecerán durante 48 horas para que poidan visualizalos todos os nenos e nenas que non puideran asistir.

Biblioteca Municipal Mª José Trincado. Mera

A lectura como bálsamo
Mostra bibliográfica de temática moi diversa e que deixe bo sabor de boca.

Opinións de lectura
Os usuarios e usuarias deixarán as súas opinións sobre a lectura do libro nunha caixa de correos. Realización dun cartel con estas opinións.

Marcapáxinas
Realización dun marcapáxinas conmemorativo do Día do libro.

A Hora do conto
O 30 de abril, ás 18:30 h., contacontos a cargo da actriz Ana Carreira co espectáculo Contos de miúdos.
Este contacontos ademais de realizarse presencialmente na biblioteca, tamén se subirá ao blog e á Web municipal o luns, 3 de maio, e permanecerá durante 48 horas para que poidan visualizalos todos os nenos e nenas que non puideran asistir.

Biblioteca Municipal Xograr Mendiño. Lorbé

Cervantes e Shakespeare
Exposición bibliográfica sobre as principais obras de Cervantes e Shakespeare.

Marcapáxinas
Realización dun marcapáxinas conmemorativo do Día do libro.

Mural de recomendacións
Cada persoa poderá facer unha recomendación dun libro ou película, que se colocará nun mural na biblioteca.

A Hora do conto
O 22 de abril, ás 18:30 h., contacontos a cargo da actriz Lía Magalia co espectáculo Cousas de bruxas.
Este contacontos ademais de realizarse presencialmente na biblioteca, tamén se subirá ao blog e á Web municipal o luns, 3 de maio, e permanecerá durante 48 horas para que poidan visualizalos todos os nenos e nenas que non puideran asistir.

Biblioteca Municipal Manuel María. Oleiros

E ti...que les?
Actividade na que os usuarios e usuarias recomendan algún libro que levaran en préstamo da biblioteca e que lles gustara  especialmente. Todas as lecturas recomendadas serán expostas na biblioteca.
 

Biblioteca Municipal Mª José Ruso de Dorneda 

 

Compartindo un libro 

Mostra bibliográfica coas recomendacións literarias feitas polas usuarias e usuarios infantís xuvenís e adultos da biblioteca.

Biblioteca Municipal Ánxel Fole. Nós

A Hora do conto
O 23 de abril, ás 18:30 h., contacontos a cargo da compañía Trémola Teatro co espectáculo En busca dos monstros.
Debido a que esta biblioteca está pechada ao público por obras no seu interior, a sesión de contacontos poderán vela a través de Youtube. Subirase ao blog e á Web municipal o mesmo día da súa realización e permanecerá durante 48 horas para que poidan visualizala todos os nenos e nenas que o desexen.