Hora do conto e Ler conta moito: 11 a 15 de novembro 2024

- Aforo limitado: chama á biblioteca na que se realiza a actividade e reserva a túa praza.

Podes inscribirte desde 10 días antes da data de realización de cada unha das mesmas. 

Biblioteca Pública Municipal Mª José Ruso (Dorneda)

Luns 11 de novembro, ás 18:30 

Para crianzas a partir de 5 anos (Imprescindible reservar praza, tlf.: 981 626 638)

ESPECTÁCULO: “Contos que dan medo”

CONTACONTOS: Pavís Pavós

Biblioteca Pública Municipal Manuel María (Oleiros)

Martes 12 de novembro, ás 18:30 

Para crianzas a partir de 5 anos (Imprescindible reservar praza, tlf.: 981 610 700)

ESPECTÁCULO: “Contos de cores”

CONTACONTOS: Ramiro Neira

Biblioteca Pública Municipal Rosalía de Castro (Santa Cruz)

Mércores 13 de novembro, ás 18:30  

Para crianzas de 2 a 4 anos Aforo completo!!!

ESPECTÁCULO: “O reloxo da risa”

CONTACONTOS: Charo Pita

Biblioteca Central Rialeda (Perillo)

Xoves 14 de novembro, ás 18:30  

Para crianzas de 2 a 4 anos Aforo completo!!!

ESPECTÁCULO: “A festa de Leo”

CONTACONTOS: Trémola Teatro

Biblioteca Pública Municipal Ánxel Fole (Nós)

Venres 15 de novembro, ás 18:30  

Para crianzas de 2 a 4 anos Aforo completo!!!

ESPECTÁCULO: “PequeNiños”

CONTACONTOS: Chus Álvarez

AVISO

A-o adulta-o responsable de cada menor de idade deberá permanecer necesariamente no recinto da biblioteca ata que remate a actividade e recolla a-o nena-o.

Recomendacións en Radioleiros: 8 novembro 2024

- Infantil:

"Analfabeta" de Érica Esmorís. Ilustrado por Dani Padrón. En Xerais.

Dispoñible en GaliciaLe

Analfabeta-o é o peor insulto do mundo para a nena protagonista deste álbum ilustrado. Mais a súa opinión vai ir cambiando cando a avoa lle conte a historia da súa vida. Porque cada persoa ten o seu ritmo e as súas circunstancias.

- Mocidade e persoas adultas:

"A boca da sombra" de Emma Pedreira. Editado por Aira.

Alguén está a matar as prostitutas de Putown e o medo esténdese polas rúas porque na cidade son elas as que gobernan.

100 páxinas, intensas e desacougantes, nas que diferentes personaxes nos desvelan as súas inquedanzas e van mostrando o que acontece.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Ler para saber A CIENCIA: 8 de novembro 2024

Charla de divulgación científica dirixida á poboación infantil (a partir de 10 anos), adolescentes e público en xeral.

Día: Venres, 8 de novembro

Lugar: Biblioteca Central Rialeda (Perillo)

Hora: 18:30 h.

Isabel Zendal e a expedición Balmis

Ana González Tizón. Profesora da Universidade da Coruña no Departamento de Bioloxía

Seleccionamos para ti títulos relacionados con este tema. Preme na ligazón.

Parabéns, Manuel Rivas!!!

Manuel Rivas foi galardonado co Premio Nacional de las Letras Españolas 2024 “pola súa extraordinaria calidade narrativa que xunta forza emocional e beleza formal e a solidez dunha traxectoria versátil e coherente construída coa sensibilidade e a defensa da memoria histórica, a responsabilidade social e a lingua galega. Poucos autores do panorama literario español, partindo dun compromiso firme coa súa lingua, acadaron tal recoñecemento a nivel mundial”. A súa obra “acompaña o seu activismo, cunha pluma que, sen adoutrinamento, axita conciencias, induce á reflexión e estimula o pensamento cara a defensa da pluralidade lingüística e cultural e a igualdade de xénero. Manuel Rivas, cunha voz poderosa e singular, crea literatura e, con ela, volve a situar a escrita galega no olimpo das Letras Nacionais”. Lévate en préstamo os libros de Rivas que temos á túa disposición na Biblioteca Central Rialeda (Perillo). 

Parabéns, Manuel Rivas!!!

Tertulias literarias nas Bibliotecas de Oleiros (5 e 6 novembro 2024)

Biblioteca e Centro de Documentación da Muller "Rosalía de Castro". Santa Cruz (Grupo A)
- Martes 5 de novembro. 17:30 a 19:30 h.
Comentario de "Un viejo que leía novelas de amor" de Luis Sepúlveda.
Modera: Silvia Salgado.
Documentación.
Ao remate entregaráse a obra "O único que queda é o amor" de Agustín Fernández Paz.

Biblioteca Central Rialeda. Perillo (Grupo B)
- Mércores 6 de novembro. 17:30 a 19:30 h.
Comentario de "Azucre" de Bibiana Candía.
Modera: Silvia Salgado.
Documentación.
Ao remate entregaráse a obra "La isla de las mujeres del mar" de Lisa See.