Aurora Marco no Mes do “Movemento para ler libros escritos por mulleres” na Biblioteca de Santa Cruz

Aurora Marco é catedrática de Didáctica da Lingua e Literatura Galega na Faculdade de Ciencias da Educación da Universidade de Santiago. As súas liñas de investigación preferente son Lingua, Literatura e Xénero. 

Ten publicado unha vintena de libros e máis de cen artigos en revistas especializadas e actas de congresos científicos. Na súa ampla bibliografía podemos destacar entre outros: Ramón Otero Pedrayo: teatro ignorado (1991), As precursoras (1993), Mulleres e educación en Galiza (2002), Dicionario de mulleres galegas: das orixes a 1975 (2007), Mulleres na guerrilla antifranquista galega (2011) e como editora, Teresa Alvajar López: memorias dunha republicana (2012).
 

Libros no Sistema de Bibliotecas Públicas de Oleiros:
Teatro ignorado (ed.), Ramiro Paz Carbajal, 1891-1936, Teresa Alvajar López, Mulleres na

guerrilla antifranquista galega, Fausto, Margarida e aqueloutro, Actas del VII Congreso Internacional de la Sociedad Española de Didáctica de la Lengua y la Literatura (ed.), As silenciadas (dvd), Avilés de Taramancos, Dicionario de Mulleres Galegas.
Datos obtidos de Edicións Laiovento

Marina Mayoral no Mes do “Movemento para ler libros escritos por mulleres” na Biblioteca de Santa Cruz

Marina Mayoral, naceu en Mondoñedo (Lugo). É novelista e catedrática xubilada de Literatura Española da Universidad Complutense de Madrid. 

Entre o máis dun centenar de traballos de investigación publicados sobre diversos autores e épocas destacan os seus estudos sobre Rosalía de Castro e Emilia Pardo Bazán así como análises de poesía e prosa contemporáneas. 

Escribe en galego e castelán, e algunhas das súas novelas foron traducidas ao alemán, italiano, portugués, polaco e chinés. Como narradora a súa visión do mundo caracterízase por unha especial concepción do amor e da morte como forzas que condicionan o destino humano. A acción de case todas as súas novelas desenvólvese nun lugar imaxinario, situado en Galicia, chamado Brétema.

Obras no Sistema de Bibliotecas de Oleiros :
La sombra del ángel, La única libertad, Tristes armas, Querida amiga, Dar la vida y el alma, Recóndita armonía, Ao pé do magnolio, Unha árbore, un adeus, Quen matou a Inmaculada de Silva?, Deseos, Chamábase Luis, Contra muerte y amor, A man de neve, Cándida, otra vez, O reloxio da torre, Case perfecto, O anxo de Eva.

Yolanda Castaño no Mes do “Movemento para ler libros escritos por mulleres” na Biblioteca de Santa Cruz

Yolanda Castaño (Santiago de Compostela, 1977), deuse a coñecer como poeta, a través dunha serie de premios de poesía menores ata que, grazas ao Premio Fermín Bouza Brey 1994, publicou o seu primeiro libro, Elevar as pálpebras (1995). Seguíulle Delicia (1998), e máis tarde Vivimos no ciclo das Erofanías (1998), editado co gallo do Premio Johán Carballeira, e que tamén recibiu o Premio da Crítica Española 1998. No ano 2000 publica Edénica, unha antoloxía persoal de toda a súa obra anterior ao que segue O libro da egoísta (2003). Ao fío deste poemario, Yolanda dirixiu e produciu un “videopoema” que traducía os seus contidos á linguaxe audiovisual, e que resultou gañador do Premio Videocreación do Festival Compostela Curtocircuito 2004. 

En anos posteriores publica Profundidade de campo (2009) e Erofanía (2009). No ámbito infantil podemos salientar Punver (2006), Cando eu saiba ler, Punver de volta (2009) e Verdedades (2012). Ten participado en varios volumes colectivos  e tamén aparece a súa obra en diversas antoloxías. Como poeta, e tamén como crítica literaria, ten colaborado en numerosas revistas e publicacións periódicas así como en diversas iniciativas audiovisuais. 

Formou parte da equipa fundadora e directiva de Letras de Cal, unha editorial de poesía destinada a publicar os valores máis novos. Ademáis de manifestarse coma unha activa animadora cultural, organizou, xunto con Emma Couceiro, dous Ciclos de Recitais Poéticos en Filoloxía (1996 e 1998). 

Así mesmo, ten recitado poemas e ofrecido charlas, ou participado en foros poéticos, como Poetas di(n) versos,  e encontros por toda a xeografía galega tanto como estatal e tamén internacional. Foi Secretaria Xeral da Asociación de Escritoras e Escritores en Lingua Galega (AELG). 

Ademáis de poeta, é conferenciante e tamén articulista en varios medios escritos galegos á vez. Mentres, dirixe Obradoiros de Poesía en diferentes vilas e cidades do país. Ten participado nas bibliotecas de Oleiros, en varias edicións das actividades organizadas para os centro escolares do municipio.

Obras súas teñen sido traducidas ao castelán, catalán, inglés, francés, alemán, ruso e árabe. Libros no Sistema de Bibliotecas Públicas Municipais de Oleiros :
Verdedades, Punver, Vivimos no ciclo das erofanías, Edénica, Erofanía: triloxía poética (1995-1998), Profundidade de campo, Punver de volta , Cando eu saiba ler, Cociñando ao pé da letra: entra na literatura galega ata a cociña, Elevar as pálpebras, Delicia, O libro da egoísta , Polifonías: voces poéticas contra a violencia de xénero.
Información obtida da páxina web de Yolanda Castaño. Foto da web de Galaxia

María Xosé Queizán no Mes do “Movemento para ler libros escritos por mulleres” na Biblioteca de Santa Cruz

María Xosé Queizán é unha das escritoras de máis nítida voz da Galicia de hoxe. Catedrática de lingua e literatura galega, é articulista e colabora en diversos medios de comunicación, como en  La Voz de Galicia con "A rentes de terra". 

Foi directora da revista feminista de cultura "Festa da Palabra" e tamén da colección de narrativa de escritoras universais "As literatas" de Edicións Xerais. Foi fundadora e intérprete doTeatro de Arte e Ensaio da Asociación de Prensa de Vigo (1959) e fundadora e directora do Teatro Popular Galego. Actualmente é directora do grupo teatral FIGA e codirectora da Galería de Arte Roizara de Vigo. A isto hai que sumar a súa activa e xa longa adscrición ao movemento feminista. 

No ano 2011 o Consello Municipal da Muller de Vigo propúxoa xunto con outras asociacións e particulares para o seu ingreso na Real Academia Galega. Queizán agradeceu o seu apoio pero reafirmouse na súa postura de non querer o seu ingreso nuha institución na que “predomina o imaxinario masculino”.

Obras no Sistema de Bibliotecas de Oleiros :
O solpor da cupletista, Ten o seu punto a fresca rosa, Antígona; A cartuxeira; Neuras, Misoxinia e racismo na poesía de Pondal, Amor de tango, A muller en Galicia, Anti natura, A semellanza, Recuperemos as mans, Non o abras como unha flor, A orella no buraco, Metáfora da metáfora, Despertar das amantes, Evidencias, ¡Sentinela, alerta!, Racionalismo político e literario: conciliar as ciencias e as humanidades, Amantia, Cólera, Escrita da certeza: por un feminismo optimista, O segredo da pedra figueira.
Notas tomadas a partir de:
http://es.wikipedia.org; http://galegos.galiciadigital.com; http://www.farodevigo.es 

Maj Sjöwall no Mes do “Movemento para ler libros escritos por mulleres” na Biblioteca de Santa Cruz

Maj Sjöwall (Estocolmo, 1935), xunto coa súa parella Per Whalöö, escrebeu unha serie de historias policiacas durante a década dos sesenta. 
Empregando como personaxe ao inspector Martin Beck, esta parella fai unha análise crítica da sociedade sueca do momento cunhas tramas elaboradas e de fondo contido político.  

Composta por dez novelas, a serie rematou coa morte de Per Whalöö (1975), adicándose Maj Sjöwall á tradución e a redacción de relatos curtos. O conxunto desta obra foi un novo camiño para escritores de novela negra como Henning Mankell, Assa Larsson e Camilla Läckberg. 

Obras no Sistema de Bibliotecas Públicas de Oleiros :
Asesinato en el Savoy, La habitación cerrada, Roseanna, El policía que ríe.

Marilar Aleixandre no Mes do “Movemento para ler libros escritos por mulleres” na Biblioteca de Santa Cruz

O seu nome é María Pilar Jiménez Aleixandre e naceu en Madrid, pero como ela mesma di ten saudade de todas a cidades onde viviu. Ten unha relación especial coa Costa da Morte onde están situados algúns dos seus libros como "Lobos nas illas" e "A formiga coxa", e pertence ao Batallón Literario da Costa da Morte e ao consello editorial de Letras de Cal. O primeiro relato que escribíu foi un conto sobre vampiros, que sería o xérmolo de "Agardando polos morcegos", despois viñeron "A formiga coxa,  "A expedición do Pacífico" (Premio da Crítica de Galicia 1995 e Premio Merlín de Literatura infantil 1994), alternando con narrativa para adultos, como "Lobos nas illas" sobre as tortuosas relacións familiares, ou “A Compañía Clandestina de Contrapublicidade” (Premio Álvaro Cunqueiro1998), Premio Rañolas ao mellor libro infantil/xuvenil en galego 1996 por  “O Trasno de Alqueidón”, Premio Esquío de poesía en galego 1998 por “Catálogo de velenos”, a  novela "Teoría do Caos" un texto sobre as traizóns, recibíu o premio Xerais en 2001, “A banda sen futuro” (Premio Lazarillo 1999 e premio Lecturas 2001); “Paxaros de papel”, etc.
Tamén está na Lista de honor do IBBY 1997, apartado tradución, por A caza do Carbairán (The Hunting of the Snark) de Lewis Carroll.

Obras no Sistema de Bibliotecas de Oleiros:
A cabeza de Medusa, Robinson contado polas alimarias, Catálogo de velenos, A expedición do Pacífico, Acordanzas, Desmentindo a primavera, Calle Carbón, Rúa Carbón, A vaca de Fisterra e a trabe de alcatrán, O chápiro verde, O monstruo da chuvia, El monstruo de la lluvia, O trasno de Alqueidón, O coitelo en novembro, A vaca caníbal, Mudanzas, Dez abellas na laranxeira, O rescate do Peneireiro, A formiga coxa, Lobos nas illas, Tránsito dos gramáticos, Unha presa de terra, A banda sen futuro, Castelao segundo Rañolas: vida e obra de Castelao, Lapadoiras, Sacauntos e Cocón, Paxaros de papel, Nogard, A compañía clandestina de contrapublicidade, O son das buguinas, Basilisa, a princesa sapiño, Herbalúa, Polifonías: voces poéticas contra a violencia de xénero.
Notas tomadas a partir de:
http://www.bvg.udc.es e http://escritoras.com
 

Esther Tusquets no Mes do “Movemento para ler libros escritos por mulleres” na Biblioteca de Santa Cruz

Esther Tusquets (Barcelona, 1936-2012). Filla dunha familia da burguesía franquista, Esther Tusquets estuda no Colexio Alemán e remata a licenciatura en Filosofía e Letras. Comeza a traballar en Lumen tras mercar o seu pai esta editorial até entón adicada a libro relixioso. Con anos de traballo e paciencia logra un fondo de calidade: Beckett, Woolf, Joyce, Céline e Martín Garzo xunto con Umberto Eco, un dos maiores éxitos de vendas que permitíu a edición doutros títulos. Autora de varios libros, de xénero narrativo e autobiográfico, sempre considerou "Correspondencia privada" como o mellor deles. Esther Tusquets abriu camiño nun sector até o daquela masculino, deixando un catálogo de grande valía e de plena vixencia. Recentemente, a Generalitat de Catalunya adquiriu o arquivo de Esther Tusquets.
En Bibloleiros tes os seguintes libros que podes levar en préstamo:
Habíamos ganado la guerra, El mismo mar de todos los veranos, La niña lunática y otros cuentos, A coelliña Marcela, La conejita Marcela, Con la miel en los labios, Correspondencia privada.

Anxos Sumai no Mes do “Movemento para ler libros escritos por mulleres” na Biblioteca de Santa Cruz

Escritora e tradutora galega que traballa de bibliotecaria e documentalista no Consello de Cultura Galega. Nos anos oitenta e noventa colaborou en distintas publicacións periódicas e libros colectivos, realizou guións para cómics e escribiu letras de cancións. Obtivo o premio Novos Valores da Narrativa Galega (1985) e o segundo premio no concurso Modesto R. Figueiredo de Narración Curta (1986).

Desde o ano 2001 desenvolve a súa actividade literaria no portal www.culturagalega.org, coas seccións "Anxos e diaños" (2002), "Anxos da garda" (2003-2005) e "Crítica da memoria pura" (2006). Colaborou na Guía dos Libros Novos coa sección fixa "Hemisferio Oeste" (2003-2004) e durante o ano 2006 foi colaboradora literaria semanal do programa Diario Cultural da Radio Galega. Entre os traballos de tradución salientan os Diarios de Syra Alonso e Tres tempos e a esperanza de Mariví Villaverde.

En 2004 recibiu o Premio da Crítica de Galicia pola obra Anxos da garda. En abril de 2007 o Premio Roberto Blanco Torres de Xornalismo literario e de Opinión pola sección "Perigosamentes normais" do Diario Cultural da Radio Galega.

En 2007 recibiu o II Premio de Narrativa Breve Repsol YPF pola obra Así nacen as baleas, publicada por Editorial Galaxia e o Premio Arcebispo San Clemente. Tamén publicou Melodía de días usados. Gañadora do Premio á Mellor autora do ano pola Asociación Galega de Editores en 2007. No ano 2013 gañou o Premio García Barros de novela pola súa obra A lúa da colleita.

Obras de Anxos Sumai nas Bibliotecas de Oleiros:

na Revista
- Así nacen as baleas
- A lúa na colleita
- Anxos de garda
- Cociñando ao pé da letra 
- Melodía de días usados

Como tradutora:
- Diarios: Syra Alonso
- Pola liberdade: a loita antifranquista de Luis Costa

Información extraída da web do Centro de Documentación da AELG

Outras fontes:
- Presentación de "A lúa da colleita".
- Anxos de garda
- Anxos ou diaños?
- Crítica da memoria pura

Videoteca da AELG:

- Por qué comecei a escribir?

- Un corazón de catrocentos quilos.

Rosa Montero no Mes do “Movemento para ler libros escritos por mulleres” na Biblioteca de Santa Cruz

Rosa Montero (Madrid, 1951) estudou xornalismo e psicoloxía. Colaborou con grupos de teatro independente, á vez que empezaba a publicar en diversos medios informativos (Fotogramas, Pueblo, Posible).
Desde 1976 traballa  para o xornal El País, no que foi redactora xefa do suplemento dominical durante 1980-1981.

 
En 1978 gañou o Premio “Manuel del Arco” de Entrevistas, en 1980 o Premio Nacional de Periodismo para reportaxes e artigos literarios e en 2005 o Premio da Asociación de la Prensa de Madrid a toda unha vida profesional.

Ten publicado as novelas: Crónica del desamor (1979), La función delta (1981), Te trataré como a una reina (1983), Amado amo (1988), Temblor (1990), Bella y oscura (1993), La hija del caníbal ( Premio Primavera de Novela en 1997),  El corazón del tártaro (2001), La loca de la casa (2003), Premio Qué Leer 2004 ao mellor libro do ano, Premio Grinzane Cavour ao mellor libro estranxeiro publicado en Italia en 2005 e Premio “Roman Primeur” 2006 (Francia);  Historia del rey transparente (2005), Premio Qué Leer 2005 ao mellor libro do ano, e Premio Mandarache 2007; Instrucciones para salvar el mundo (2008), Lágrimas en la lluvia (2011) e recentemente La ridícula idea de no volver a verte (2013). 

Tamén publicou o libro de relatos Amantes y enemigos, Premio Círculo de Críticos de Chile 1999, e dous ensaios biográficos, Historias de mujeres y Pasiones,e ultimamente colaborou no libro Dictadoras, así como contos para nenos e recompilacións de entrevistas e artigos.
A súa  obra está  traducida a máis de vinte idiomas e é Doutora Honoris Causa pola Universidade de Puerto Rico.

Libros de Rosa Montero en Bibloleiros que podes levar en préstamo:

La hija del caníbal, La loca de la casa, Historia del Rey Transparente, Bárbara contra el Doctor Colmillos, Historias de mujeres, Lágrimas en la lluvia, Pasiones, La función delta, Crónica del desamor, Temblor, Te trataré como a una reina, Las barbaridades de Bárbara, Amantes y enemigos, Amado amo, Dictadoras, La ridícula idea de no volver a verte, Instrucciones para salvar el mundo, Bella y oscura, El viaje fantástico de Bárbara, El amor de mi vida, El corazón del tártaro.
Notas e fotografía tomadas a partir de clubcultura.com

Fina Casalderrey no Mes do “Movemento para ler libros escritos por mulleres” na Biblioteca de Santa Cruz

Xosefa Casalderrey Fraga (Fina Casalderrey) naceu no lugar de Pilarteiros, parroquia de Santo André de Xeve (Pontevedra), en agosto de 1951.

No ano 1991 deuse a coñecer coa novela xuvenil Mutacións xenéticas. Dende entón, publicou máis de cincuenta títulos, dirixidos preferentemente a lectores/as infantís ou xuvenís aos que lles hai que sumar máis de vinte historias recollidas en volumes colectivos.

No ano 1996 foille concedido o Premio Nacional de Literatura Infantil e Xuvenil por O misterio dos fillos

de Lúa.

En relación co mundo do ensino, en 1996, publica Recursos teatrais para a expresión dramática na escola (7 pezas para representar).

Participou no informe da UNESCO de 1997 La educación encierra un tesoro.

Foi membro da directiva de Gálix dende setembro de 2001 ata xaneiro de 2004. Pertence ao PEN Club dende o 12 de xaneiro do ano 2008, e á AELG dende o 1 de xullo de 2009.

Desde novembro de 2013 forma parte da RAG (Real Academia Galega) como membro numerario. O seu discurso de ingreso levou por título: Viaxe á semente; dende os refachos do corazón ata onde habita o imaxinario.

Por dous artigos publicados no Diario de Pontevedra fóronlle concedidos os premios Puro Cora (2001) e o Fernández del Riego (2003).

Obras de Fina Casalderrey nas Bibliotecas de Oleiros.

Información sacada da páxina web da propia escritora:  http://fina.casalderrey.com/

Siri Hustvedt no Mes do "Movemento para ler libros escritos por mulleres" na Biblioteca de Santa Cruz

Siri Hustvedt (1955), filla de noregueses, está considerada unha das mellores escritoras actuais dos Estados Unidos. Poeta e narradora (Leer para ti, Todo cuanto amé, Elegía para un americano, El verano sin hombres, Ocho viajes con Simbad: palabra e imagen, entre outros), ten escrito sobre arte e particularmente sobre pintura (Los misterios del rectángulo). 

Así mesmo é unha destacada ensaísta (Una súplica para eros, La mujer temblorosa o La historia de mis nervios e o máis recente, Vivir, pensar, mirar), mesturando neurociencia, filosofía e psicanálise dun xeito lúcido e innovador. Siri Hustvedt é hoxe unha aposta segura e consolidada a nivel literario e estético.

Información tomada da web anagrama-ed.es

 

Libros no Sistema de Bibliotecas Públicas Municipais de Oleiros:
"El verano sin hombres", "La mujer temblorosa o La historia de mis nervios", "Todo cuanto amé", "Elegía para un americano", "Leer para ti", "Los misterios del rectángulo".

Luisa Villalta no Mes do “Movemento para ler libros escritos por mulleres” na Biblioteca de Santa Cruz

Luísa Villalta Gómez naceu n'A Coruña no ano 1957. Estudou na Universidade de Santiago de Compostela e alí licenciouse en Filoloxía Hispánica e en Filoloxía Galego-Portuguesa. Dedicou parte da súa vida profesional á docencia da Lingua e Literatura Galegas no ensino secundario. Era tamén titulada superior en violín, ou violino (como ela lle chamaba sempre a este instrumento). Formou parte da Xove Orquestra de Galicia e da Orquestra de Santiago de Compostela.

Foi unha escritora prolífica e versátil, autora de poesía, narrativa, ensaios, pezas dramáticas e textos xornalísticos en lingua galega. A súa escrita foi premiada varias veces: no certame de relatos curtos Modesto R. Figueirido (1990), por A taberna do holandés; co XIII Premio Espiral Maior (2004), polo seu poemario En concreto; postumamente, co Premio da Crítica Galega á Creación Literaria (2005) tamén por En concreto, etc.
A súa experiencia musical, sen dúbida, influíu na súa creación literaria. Diso deixou constancia no ensaio O outro lado da música, a poesía (1999) e en artigos como A Música e Nós (2002), Poética sobre un certo estado de conciencia (2002) ou A língua dos sons (2003), onde fala da relación entre a palabra e a música e da súa experiencia persoal nos momentos de creación.
Paralelamente á súa traxectoria como autora, desenvolveu unha intensa actividade cultural. Participou en seminarios, en recitais de poesía, deu conferencias e colaborou nunha chea de publicacións periódicas, como Man Común, A Nosa Terra, Festa da Palabra Silenciada, Tempos Novos, Grial, Luzes de Galiza, Agália, Boletín Galego de Literatura, A Trabe de Ouro, Enclave, Página abierta, etc. En moitas destas colaboracións podemos percibir a personalidade de Luísa Villalta e a súa consciencia social, de modo particular nos artigos publicados entre os anos 2002 e 2004 en A Nosa Terra, compilados no Libro das colunas.
Formou parte da directiva da Asociación de Escritores en Lingua Galega, coordinou a área de revisión histórica e análise crítica da cultura no Foro da Cultura Galega, participou no Foro Negro, foi membro activo da Mesa pola Normalización Lingüística e comprometeuse en favor dos dereitos lingüísticos do pobo galego. Na súa obra tamén estivo presente a consciencia de ser muller, de vivir nunha sociedade onde os homes e as mulleres están marcados de maneira moi diferente polo feito de selo. A morte chegou para Luísa Villalta dun modo inesperado, o 6 de marzo de 2004. Tiña unha vida chea de ocupacións, proxectos e esperanzas.
Desde o momento da súa morte sucedéronse iniciativas que lembran o seu nome e o seu labor: desde o ano 2004 no I.E.S. Isaac Díaz Pardo de Sada (onde ela foi profesora) convócase anualmente o Certame Literario “Luísa Villalta”; igualmente desde 2004, no contexto da comunidade universitaria convócase o Premio “Luísa Villalta” a Iniciativas Normalizadoras, para a promoción do uso do galego nas tres universidades galegas.
Obras de Luisa Villalta en Bibloleiros que podes levar en préstamo:
"O Don Hamlet de Cunqueiro", "Música reservada", "Ruído", "Teoría de xogos", "As chaves do tempo", "En concreto", "O outro lado da música, a poesía: relación entre ambas artes na historia da literatura galega", "Libro das colunas".
Enlace ao documental:  "Luísa Villalta: paixón e compromiso", sobre a poeta galega e profesora do IES Isaac Díaz Pardo de Sada, realizado por “Gallaecia Filmes”, produtora de audiovisuais do instituto:
http://youtu.be/-9VGSdsO-ww
Información tomada da web culturagalega.org

Susan Sontag no Mes do "Movemento para ler libros escritos por mulleres" na Biblioteca de Santa Cruz

Susan Sontag (1933-2004) comezou a súa carreira literaria en 1963, coa publicación dunha novela "El benefactor". Posteriormente, a partir do recoñecemento internacional dos seus ensaios reunidos en "Contra la interpretación", consolidouse como unha das máximas figuras dos movementos intelectuais dos anos sesenta,  participando nos grandes problemas sociais e políticos contemporáneos.  Nas súas  publicacións, traducidas a máis de vinte idiomas, destacan a novela "El amante del volcán" (1995), "En América" (2002), pola que recibiu o National Book Award en 2000, o ensaio "Ante el dolor de los demás" (2003), e a recompilación de "Cuestión de énfasis", así como contos e  obras de teatro. No 2001 recibiu o Premio Xerusalén polo conxunto da súa obra e en 2003 o Premio Príncipe de Asturias das Letras e o Premio da Paz concedido polos libreiros alemáns. 
Obras de Susan Sontag que podes levar para casa:

"El amante del volcán", "Ante el dolor de los demás", "Contra la interpretación", "Cuestión de énfasis", "En América", "Estilos radicales", "Sobre la fotografía".

María Reimóndez no Mes do "Movemento para ler libros escritos por mulleres" na Biblioteca de Santa Cruz

María Reimóndez Meilán naceu en Lugo.  É tradutora e intérprete de profesión. O seu primeiro libro publicado é o poemario "Moda Galega" (Edicións Positivas, 2002). No ano 2003 recibiu o premio de novela Mulleres Progresistas de Vigo con "O caderno de bitácora" (Edicións Positivas 2004). En 2005 quedou finalista do Premio Merlín de Literatura Infantil con "Usha" (Edicións Xerais, 2006) e do Xerais con "O club da calceta" (Xerais 2006), obra galardoada co Premio San Clemente e que foi traducida ao italiano e ao castelán, adaptada ao teatro por Teatro do Morcego e ao cine por Ficción Producciones.

Tamén ten publicados seis libros infantís sobre as comarcas galegas en Editorial Everest. En época máis recente publicou para o público infantil "Lía e as zapatillas de deporte" (Xerais 2008), Premio Frei Martín Sarmiento 2010 e "O monstro das palabras" (Xerais 2009) e "Pirata" (Xerais 2009) para público adulto. Reimóndez ten tamén unha longa carreira como tradutora literaria, sobre todo de literatura infantil con máis de doce títulos traducidos, ademais do poemario "Teatriños" de Erín Moure e a obra teatral "Kvetch" levada a escena por Teatro do Morcego . En 2011 publica "Despois da medianoite" da autora támil Salma. En 2009 recibiu o premio Plácido Castro de tradución pola súa versión de "A historia de Mary Prince, unha escrava das Illas Occidentais". En 2012 verá a luz “En vías de extinción“ editado por Xerais.

En abril de 2013  sae do prelo o seu primeiro volume como ensaísta en colaboración con Olga Castro, o libro "Feminismos", no que fai un percorrido ameno e divulgativo sobre os feminismos no mundo, xa en 2010 publicou un capítulo sobre a violencia simbólica contra as escritoras por parte da crítica literaria en Galicia no volume "Violencias visibles, violencias invisibles" co Feminario de Investigación Feminismos e Resistencias. (Icaria 2010). 

Tamén en 2010 foi escritora convidada na Universidade de Bangor (Gales, Reino Unido) onde impartiu diferentes conferencias sobre tradución, escrita e literatura, ademais de facer unha lectura de "Pirata" en Londres. 

Por outra banda subliñar que María Reimóndez  leva dende o ano 1994 traballando no campo da cooperación ao desenvolvemento. Comezou o seu traballo como voluntaria en Karnataka (India) e máis adiante, en 1998 e tras adquirir contactos e experiencia de traballo con organizacións locais, fundou Implicadas no Desenvolvemento, que é unha organización que entende a pobreza como unha cuestión política na que se vinculan o neocolonialismo, o patriarcado e o capitalismo. María Reimóndez foi a súa presidenta ata hai pouco tempo, cargo ocupado actualmente por Ania Piñeiro, pero segue axudando como a persoa directamente encargada de colaborar na planificación e seguimento dos proxectos no Sur. Así, ten traballado na India, en Etiopía, etc.. Este traballo  está estreitamente vinculado co seu traballo de activista  feminista e poscolonial, algo  que a levou a impartir diferentes conferencias en eventos como o Mundos de Mulleres (Madrid 2008) ou na conferencia Transnational Feminisms (Frankfurt 2010), ademáis de impartir innumerables cursos e conferencias.
 

Dende o feminismo ten participado en numerosos proxectos tanto de teoría como de activismo, como o da reclamación da entrada das mulleres na Real Academia Galega a través da iniciativa “O Xogo das Cadeiras” ata o apoio á Asociación Nós Mesmas de mulleres bisexuais e lesbianas. Na defensa do galego une os seus esforzos aos da Asociación de Escritoras-es en Lingua Galega, a Mesa pola Normalización Lingüística ou a iniciativa Sermos Galiza para poñer en marcha un medio de comunicación en galego.
 

O último traballo do que temos coñecemento é o de poñerse tras a cámara para dirixir un proxecto audiovisual con Luís Tosar e a poeta e cineasta támil Kutti Revathi,  un documental que narra as historias de dez mulleres tamiles e que se titula “Cambia de papel”, dicir que Tamil Nadu, é un pais do extremo sudeste da India cerca de Sri Lanka. E un novo libro, "Presente continuo" obra na que, ante todo e sobre todo, pode a mensaxe, a capacidade de subverter, de revolucionar en positivo o que as palabras agochan.
 

Obras no Sistema de Bibliotecas de Oleiros:
"Lía e as zapatillas de deporte", "Usha", "O club da calceta", "Presente continuo", "En vías de extinción", "Entre o costume e a ruptura", "Feminismos", "O caderno de bitácora", "O monstro das palabras", "Pirata", "Unha viaxe no tempo: comarca de Quiroga", "Misterio no Deza: comarca do Deza", "Moda Galega", "O trasno burlón: comarca da Coruña", "O can trampulleiro: comarca do Salnés", "Colegas do futuro: Comarca de Ortegal", "A videoconsola: Comarca de Vigo"

Rosa Aneiros no Mes do "Movemento para ler libros escritos por mulleres" na Biblioteca de Santa Cruz

Rosa Aneiros (Meirás-Valdoviño, 1976) é xornalista e traballa no Consello da Cultura Galega. Colabora habitualmente en distintos medios de comunicación. En 1999 presentou a súa primeira novela, "Eu de maior quero ser" á que seguiron "Corazóns amolecidos en salitre" (2002), "Resistencia" (Xerais, 2003, Premio Arzobispo San Clemente, 2003), "O xardín da media lúa" (2004), "Veu visitarme o mar" (Xerais, 2004), "Ás de bolboreta" (Xerais 2009), Premio Fundación Caixa Galicia de Literatura Xuvenil, Premio Fervenzas Literarias ao Mellor libro Xuvenil, 2009 e Premio The White Ravens (Internationale Jugend Bibliothek), 2010, "Sol de Inverno" (Xerais, 2009 Premio Xerais de Novela 2009 e Premio Fervenzas Literarias a Mellor portada adultos, 2009), "Ámote Leo A. Destino Xalundes" (Xerais, 2013) e "Ámote Leo A. Estación de tránsito" (Xerais, 2014).
Libros de Rosa Aneiros que podes atopar no Sistema de Bibliotecas do Concello de Oleiros:
"Resistencia", "Ámote Leo A.","Ao pé do abismo", "Os ourizos cachos e o gran río gris", "Sol de inverno", "Ás de bolboreta", "Veu visitarme o mar", "Corazóns amolecidos en salitre", "Eu de maior quero ser", "Narradio", "O xardín da media lúa", "Contos de colonias escolares, belas adormecidas, atentados e tiburóns", "De soños e memorias".

Adela Turin no Mes do "Movemento para ler libros escritos por mulleres" na Biblioteca de Santa Cruz

Adela Turin (Italia, 1939) e o seu movemento “Dalla parte delle bambine” = “A favor das nenas”.
Pioneira na investigación da Literatura Infantil e Xuvenil dende unha perspectiva de xénero, Adela Turin leva máis de tres décadas traballando para erradicar as actitudes sexistas e discriminatorias dos libros dirixidos á infancia. Historiadora da arte e escritora, afincada en Francia, é unha das persoas que nos anos 60-70 acaso máis contribuíu á reflexión e á análise dos sesgos sexistas na literatura infantil. Formou parte, en Milán, do grupo Rivolta, vinculado ao movemento feminista. Co obxectivo de combatir a discriminación de xénero desde o ámbito da familia patriarcal, decidiu crear a colección “Dalla parte delle bambine” (“A favor das nenas”) que, entre 1975 e 1980, publicou máis dunha veintena de títulos. Non podemos esquecer a Nella Bosnia, ilustradora de moitos dos seus contos.
Máis tarde Adela Turin, trasládase a París onde, con Silvie Cromer,  funda a asociación “Du côte des filles”, creada en 1994, co obxectivo de establecer un programa para eliminar o sexismo no material educativo, promover representacións antisexistas na educación, producir e difundir ferramentas de sensibilización para as editoriais, as creadoras e creadores, os fabricantes de xogos e xoguetes, os usuarios e usuarias e os poderes públicos. Todos os libros escritos por Adela Turin nos 60-70 conservan a frescura e actualidade na defensa dunha educación máis igualitaria para nenas e nenos, mulleres e homes, en pleno século XXI.
Contos que podes atopar no Sistema de Bibliotecas do Concello de Oleiros:
"Artur e Clementina", "Arturo y Clementina", "A historia dos bonobos con lentes", "Historia de los bonobos con gafas", "Planeta Mary año 35: (2019 de la era cristiana)", "Los gigantes orejudos",  "Violeta querida: Minidrama de nuestros tiempos difíciles", "El jardinero astrólogo", "Rosa caramelo", "Una feliz catástrofe", "La herencia del hada ", "Cañones y manzanas", "La chaqueta remendada", "La mano de Milena", "Por una igualdad de sexos a través de la literatura infantil"
Ligazóns que visitar :
http://medull.webs.ull.es/actividades/conferencia_adela_turin/informacion.pdf
http://www.kalandraka.com/ga/autores/detalle/ficha/turin/
http://www.educacionenvalores.org/_Adela-Turin_.html
Vínculo a un fragmento do conto "Arturo y Clementina" :
http://issuu.com/kalandraka.com/docs/arturo-y-clementina_c/1?e=0