26/4/13

3 e 10 de maio: Roteiro Cultural e Literario


Syra Alonso e Francisco Miguel e a "Casa da felicidade" en Santa Cruz
Francisca Herrera en Oleiros 

Organizada entre o Sistema de Bibliotecas Públicas Municipais, o Servizo de Normalización Lingüística e o IES Miraflores de Oleiros, a actividade consiste no recorrido por distintos lugares do municipio nos que viviron diferentes mulleres e homes ilustres, como unha homenaxe a todos eles e co obxectivo de dalos a
coñecer e mellorar o coñecemento do patrimonio e espazos do termo municipal de Oleiros e promover a lectura.

Realizaránse dúas sesións, sendo a primeira o 3 de maio e a segunda o 10 de maio. En ambos casos comezaremos ás 9.30 horas nas Torres de Santa Cruz, realizando en ambas o mesmo recorrido.

O alumnado do Instituto Miraflores realizarán a presentación destas persoas ilustres. Alumnos e alumnas de 2º de bacharelato elaboraron o folleto dirixidos polo profesorado. O alumnado de 4º de ESO colabora igualmente na actividade.

O alumnado de 2º de bacharelato do IES Miraflores que realizou os textos do folleto foi: Aurora Alonso, Pablo Balado, Carlos Barros, Nicolás Berti, María Cabrero, Blanca Domínguez, Alfonso Fernández, Belén Fernández, Eduardo Ferro, Manuel González, Iago Rial, Víctor Roade,
Pablo Rodríguez, Rubén Vaamonde, Álvaro Varela, Iván Vázquez Mira, e o profesorado: Mercedes Agra Ramírez (do departamento de Lingua Galega), Mª Concepción Castro Higelmo (departamento de Ciencias Sociais), Elena López Prada (departamento de Física e Química), baixo a coordinación da catedrática Rosa García Vilariño do Departamento de Lingua e Literatura galega, así como da Biblioteca Central Rialeda e do Servizo de Normalización Lingüística do Concello de Oleiros.


O deseño da publicación foi realizado polo Departamento de Comunicación do Concello de Oleiros.
Participarán no roteiro, ademais de alumnado e profesorado do IES Miraflores, tamén do Instituto Mª Casares, do Instituto Neira Vilas, do Colexio Isidro Parga Pondal de Santa Cruz e do Colexio Luis Seoane de Mera. Máis de 300 alumnas e alumnos, aos que se lles entregará a publicación sobre estas persoas ilustres. 
Poderán asistir todas as persoas que o desexen, debendo apuntarse na Biblioteca Rialeda para ter praza nos autobuses. Poderán facelo vindo persoalmente á biblioteca, ou chamando por teléfono ao número 981 639 511 ou enviando un correo electrónico a biblioteca.rialeda@oleiros.org.

DATA LÍMITE PARA INSCRIBIRSE O MARTES, 30 DE ABRIL

Desde as Bibliotecas Municipais de Oleiros agradecemos a todas as persoas que colaboraron na elaboración da publicación e a todas as que van colaborar os días 3 e 10 de maio para a realización do roteiro.

3 de maio: Yolanda Castaño na Biblioteca Manuel María de Oleiros

Obradoiro infantil de poesía a cargo da poeta Yolanda Castaño na Biblioteca Manuel María de Oleiros para alumnado do CEIP Rabadeira de Oleiros.

Ás 10 h. para o alumnado de 4º Primaria C.

Hora do conto: de 30 de abril a 2 de maio

Aquí tes a programación da hora do conto de 30 de abril a 2 de maio.
Todas as sesións darán comezo ás 18:30 horas.

Martes 30 de abril
CONTACONTOS: A Gran Lilí Gruyere da Compañía do Trinke Trinke
TÍTULOS:  Os paxaros”, “Turelí, tureló”, “Elzbieta”
Xoves 2 de maio
CONTACONTOS: Caxoto
TÍTULOS:    “Contando no camiño”
Venres 3 de maio
CONTACONTOS: Marisa Irimia
TÍTULOS:       "O bico da sapa", "Horrible Xoán", "Once damas atrevidas"
(AVISO: Os títulos programados poden sufrir variacións en función do público asistente)

30 de abril e 2 de maio: A Compañía Trinke Trinke na Biblioteca Manuel María

A Compañía Trinke Trinke levará a cabo o contacontos "Qué traballo dan os pequenos!" para
alumnado do CEIP Rabadeira de Oleiros.

30 de abril
10,15 h. Educación Infantil (5 anos)
11,30 h. Educación Infantil (4 anos)


2 de maio
10,15 h. Educación Infantil (4 e 3 anos)
11,30 h. Educación Infantil (3 anos)

Recomendacións en Radioleiros: 26 de abril

- Infantil (nenos-as de 6 a 8 anos):
“Barnie” de  Sonja Bougaeva, en Takatuka
Barnie é un can simpático moi controlado polo seu dono . Durante a fin de semana quere xogar con outros cans, ir detrás das pombas  ou cruzar a rúa pero o dono non o deixa. Mentras o home amaña o seu coche, Barnie toma unha decisión que mudará a súa vida. Libro con ilustracións de gran calidade de Sonja Bougaeva (San Petersburgo, 1976) e que traballa actualmente en Alemaña. Ilustradora doutros libros como Malena Ballena e Dos hermanas reciben visita.
- Mozos- as e adultos-as:
Disponíbel tamén en dvd en Rialeda, Santa Cruz, Montrove e Nós .
Nun instituto dun barrio de París coincide un grupo de rapaces e rapazas de diferente orixe racial e clase traballadora, produto da Francia actual. O profesor e autor do libro tenta motivar ao colectivo nun proceso cheo de problemas e tensións e tamén con realidades positivas. Unha experiencia sobre o ensino actual e a diversidade existente que pode facernos reflexionar .
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas. 

24/4/13

29 e 30 de abril: Obradoiro de teatro n'As Torres de Santa Cruz

O dramaturgo Rubén Ruibal dirixirá o Obradoiro de teatro sobre obras de Roberto Vidal Bolaño, autor homenaxeado nas Letras Galegas 2013, para alumnado do CEIP Isidro Parga Pondal.
29 de abril, 2 sesións: 9:15 H para o alumnado de  6º A e ás 11:30 H, o de 6º B.
30 de abril, 2 sesións: 9:15 H, participará o alumando de 5º A, e ás 11:30 H, 5º B.

23/4/13

26 de abril: A Compañía Trinke Trinke na Biblioteca Manuel María

A Compañía Trinke Trinke levará a cabo o contacontos "Un nacemento especial" para alumnado do CEIP Rabadeira de Oleiros.

Dúas sesións: 10: 15 H, 1º Primaria B e C; 11:30, 1º Primaria A

22/4/13

Tertulia literaria en Rialeda: 24 de abril (Grupo B)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario da obra "La catedral" de Vicente Blasco Ibáñez
Documentación
Obras de Vicente Blasco Ibáñez nas nosas bibliotecas.

Durante esta sesión celebraremos o Día Mundial do Libro e do Dereito de Autor/a. Para elo animamos ás participantes a traer - a xeito de agasallo - un libro (preferentemente non lido) que pasará a formar parte da biblioteca comunitaria das Tertulias Literarias, á libre disposición dos/as participantes na actividade. Ao cabo dun ano, estes libros serán doados a unha institución.

A seguinte obra programada é "Ilustrísima" de Carlos Casares.

23, 24 e 25 de abril: Soledad Felloza actúa para alumnado do CEIP Valle-Inclán e CEIP Rabadeira

23, 24 e 25 de abril: Soledad Felloza actúa para alumnado do CEIP Valle-Inclán e CEIP Rabadeira.
"Xeografía do imaxinario: contos e lendas da mitoloxía galega" para alumnado do CEIP Valle-Inclán na Biblioteca Central Rialeda.
23 de abril, 3 sesións:
9:30 H, 3º Primaria A e B
11:00 H, 4º Primaria A e B 

12:30 H, 4º Primaria C


24 de abril, dúas sesións:
9:30H, 5º Primaria A e B
11:00 H, 6º Primaria A e B


"O rei Oso Branco e outros contos marabillosos" para alumnado do CEIP Rabadeira, na Biblioteca Manuel María.
25 de abril, dúas sesións:
10:15 H, 2º Primaria B e C
11:30 H, 2º Primaria A

24 de abril: Caxoto na Biblioteca Manuel María de Oleiros

O narrador de contos Caxoto levará a cabo dúas sesións do seu espectáculo "Un conto de 3 noites" de Xabier P. Docampo para alumnado do CEIP Rabadeira de Oleiros na Biblioteca Manuel María.
Ás 10:15 participará o alumnado de 3º Primaria B e C e ás 11:30 o alumnado de 3º A.

23 de abril: Yolanda Castaño na Biblioteca Manuel María de Oleiros

Obradoiro infantil de poesía a cargo da poeta Yolanda Castaño na Biblioteca Manuel María de Oleiros para alumnado do CEIP Rabadeira de Oleiros.

Dúas sesións: ás 9:45 H para o alumnado de 4º Primaria A.
Ás 11:30 H participará o alumnado de 4º Primaria B.

22 e 25 de abril: Obradoiros de ilustración (perfeccionamento) con Xosé Tomás en Rialeda

Na Biblioteca Central Rialeda
Luns 22 de abril (dentro do programa "Ler conta conta moito"):
- 9,15 h.: 5ª Primaria A do CEIP Valle Inclán
- 11,35 h.: 5ª Primaria B do CEIP Valle Inclán
Xoves 25 de abril:
- 9,15 h.: 6º Primaria A do CEIP Valle Inclán
-11,35 h.: 6º Primaria B do CEIP Valle Inclán
Xosé Tomás fará un percorrido polo proceso de creación dun libro: idea, autor/a, ilustrador/a, editorial, imprenta, distribución, lector/a, etc. A continuación explicará a estreita relación

palabra-imaxe e as diversas interpretacións gráficas de cada ilustrador/a. Guiados por Xosé Tomás, o alumnado participante construirá historias gráficas a raíz de elementos narrativos elixidos ao chou (na liña da Gramática da fantasía de Gianni Rodari) e coñecerán as técnicas para crear personaxes, así como os códigos mínimos desde os puntos de vista físico e psicolóxico.