14/6/13

Recomendacións en Radioleiros: 14 de xuño

- Infantil (nenos-as menores de 8 anos):
"Hay un cocodrilo debajo de mi cama" de Mercer Mayer, en Corimbo.
Un fermoso álbum, cunhas magníficas ilustracións, que nos fala dos medos infantís á escuridade, dos temores que moitos nenos e nenas teñen á hora de ir deitarse.
O protagonista sabía que antes había un crocodilo debaixo da cama, seu pai e súa nai nunca o viran,  pero el estaba seguro de que estaba alí. Cando se deitaba tiña que ter moito coidado. Ao mirar debaixo da cama, para velo, escondíase e nunca o atopaba. Como seus pais non lle crían, decidiu inventar unha estratexia para conseguir que o crocodilo marchara para outro lugar... 

 - Mozos-as e adultos-as:
"Lume de cobiza" de Miguel Anxo Fernández, editado por Galaxia.
É unha novela negra, a cuarta entrega das aventuras do detective de orixe galega, pero afincado en Estados Unidos, Frank Soutelo.
En agosto do 2006, Frank Soutelo veu pasar uns días á casa da súa tía en Muros e atópase con que hai unha vaga de incendios forestais que asolan todo. Alí, súa curmá pídelle se pode axudar a esclarecer a forma en que morreu o fillo dunha amiga de Sanxenxo, a
autopsia di que faleceu por sobredose de heroína, pero seus pais non o cren. Pouco a pouco, ao ir avanzando na investigación, vaise ir metendo nunha trama na que priman os intereses inmobiliarios...
As outras novelas referentes a esta serie son: "Un nicho para Marilyn", "Luar no inferno", "Tres disparos e dous friames".
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

O valor social e económico das bibliotecas: participa no estudo

As bibliotecas municipais de Oleiros colaboran con FESABID (Federación Española de Sociedades de Archivística, Biblioteconomía, Documentación y Museística) nun estudo sobre o valor social e económico dos servizos de información, entre eles, as bibliotecas públicas: estimación dos custos asociados a estes centros, beneficios obtidos polos/polas usuarios/as e os/as non usuarios/as, impacto económico que se disemina sobre o conxunto da economía local, rexional ou nacional derivado da actividade, etc. A finalidade do proxecto, co que colabora Bibloleiros, é coñecer mellor como utilizan os/as usuarios/as os servizos de información, como valoran os servizos que prestan e como contribúen ao benestar e desenvolvemento dos/das cidadáns/as. As conclusións recolleránse nun estudo que será elaborado por FESABID. Bibloleiros necesita a colaboración dos/das seus/súas usuarios/as para a realización dunha enquisa, unha das fases sobre as que se asentará dito estudo. Agradecemos por adiantado aos/ás usuarios/as a súa participación neste inquérito, ao que poderedes acceder desde o noso blog, ou a web das bibliotecas municipais de Oleiros. A enquisa estará aberta ata o día 15 de xullo de 2013. Ocuparávos menos de 10 minutos, e será de grande axuda para coñecer mellor e defender con máis razóns a importancia e o valor que as bibliotecas públicas teñen para a sociedade actual. 
Moitas grazas por participar!!!

13/6/13

Tertulia literaria en Rialeda: valoración final dos títulos da tempada 2012-2013

Unha vez rematada a tempada de Tertulias literarias na Biblioteca Central Rialeda, é hora de facer balance das propostas literarias que ofrecimos ao longo dos pasados meses.

Os 3 libros máis valorados polas participantes do Grupo A son os seguintes (dun total de 13):

- Las uvas de la ira, de John Steinbeck (8,8)
Forzados pola seca e o acoso dos bancos, os Joad, unha familia de granxeiros da Oklahoma empobrecida dos anos trinta, emprenden un angustioso éxodo ao longo da estrada 66 coa intención de atopar unha vida digna en California. No camiño só encontran miseria, fame, hostilidade, alí por onde pasan... Nada nen ninguén fará que abandonen o seu afán.

- El reflejo de las palabras, de Kader Abdolah (8,45)
Os lazos profundos e indestrutibles entre un pai e un fillo, capaces de perdurar a través do tempo e do espazo grazas ao poder aglutinante da arte e da lingua, son o fundamento narrativo desta novela orixinal e conmovedora, de marcado carácter autobiográfico. Así pois, por medio dos escritos do pai e os interrogantes do fillo, xorde a apaixonante historia do Irán do século XX, desde a implacable obstinación de Reza Kan en modernizalo ata a feroz represión do réxime dos ayatolás.

- Xente ao lonxe, de Eduardo Blanco Amor (7,93)
Froito dun excepcional alento anovador, “Xente ao lonxe” ensambla un amplo abano de tipos humanos e historias entrecruzadas e relatadas con eficaz técnica expresionista. Un ambicioso experimento literario no que se combinan 170 personaxes cunha concepción cinematográfica do relato. Alegato en favor dos desherdados, “Xente ao lonxe” é unha novela total na que se reconstrúe un universo e un tempo.                                                     

Os 3 libros máis valorados polas/os participantes do Grupo B son os seguintes (dun total de 14):

- La fiesta del chivo, de Mario Vargas Llosa (9)
Os ingredientes clásicos da gran literatura de ficción e a capacidade de Vargas Llosa para diseccionar a máquina de terror posta en marcha polo dictador dominicano Trujillo conforman unha novela que é moito más que un relato histórico. Estamos ante un magnífico tratado de psicopatoloxía social. 
Mario Vargas Llosa foi Premio Nobel de Literatura no ano 2010.

- La mancha humana, de Philip Roth (8,4)

Philip Roth lembra nesta novela a dobre moral da sociedade norteamericana con toda a complexidade do problema racial. Distintas caras dunha sociedade que ao aferrarse a valores como a raza, a relixión e a orientación sexual, na defensa do seu individualismo sobre todo na defensa dos seus mesquiños intereses, perde parte da liberdade conquistada.

- A miña planta de laranxa lima, de José Mauro de Vasconcelos (8,2)
A obra máis emblemática de José Mauro de Vasconcelos, é una novela en gran parte autobiográfica sobre as vivencias de Zezé, un pequeno de cinco anos con soños de poeta entre a miseria e a incomprensión. Un relato social que retrata ao Brasil máis desfavorecido pero tamén un relato cheo de lirismo e sensibilidade. Publicado en 1968, vendeu máis de medio millón de exemplares en Brasil.

Unha vez máis, agradecemos a fidelidade e interese amosado a todas e todos os participantes en ambos grupos, emprazándovos para unha nova tempada que empezará aló polo mes de outubro.

12/6/13

Para ler e encantar: guía de suxestións para o verán 2013

As Bibliotecas municipais de Oleiros elaboraron unha guía de lectura titulada  "Para ler e encantar", formada por 272 recomendacións de libros, DVD e CD. Esta escolla foi realizada polo persoal das bibliotecas e nela pódense atopar publicacións moi diversas. Trátase dunha selección de creacións de autoras e autores galegos, españois e internacionais, para distintos gustos,  intereses,  preferencias  e idades.  Boas historias e bos libros para ler, observar ou mirar, películas e discos para gozar e compartir. Desde as bibliotecas municipais ofrécese esta guía de lectura cun dobre obxectivo: presentar obras de calidade literaria, artística ou científica para animar a súa lectura, audición ou visionado e lembrar que un libro, un CD e un DVD son tamén un bo agasallo.
Son 272 libros, DVD e CD que hai nas bibliotecas municipais e que se poden levar en préstamo para as casas. Uns divirten, outros emocionan, fan pensar, provocan a reflexión ou aportan novos coñecementos. Os libros figuran clasificados por idades, para as que se considera que son máis axeitados. A idade para a que se recomenda cada obra é só de forma orientativa, xa que cada  nena ou neno ten un grado de desenvolvemento mental que debemos respectar.  Realizáronse 2000 exemplares que se van a repartir a todo o alumnado desde 6º de educación infantil (5 anos) ata 6º de ensinanza primaria (ambos inclusive) dos centros de ensino público deste Concello, así como nas bibliotecas municipais, pero tamén se vai enviar en formato dixital a todos os socios e socias das bibliotecas que teñan correo electrónico. Agora que se achegan as vacacións do verán, animamos a todas as persoas a que dediquen parte do seu tempo libre a ler algún libro, ver algunha película ou documental e escoitar música, pero principalmente aos nenos/as, adolescentes e mozos/as e lembramos da importancia da lectura na formación integral da persoa.  A facultade lectora non é innata, vaise adquirindo pouco a pouco, por este motivo gustaríanos contribuír a espertar unha sensibilidade que faga descubrir o pracer que pode proporcionar a lectura dun bo libro.

11/6/13

Clásicos dvd en Rialeda: xuño 2013


1492, la conquista del paraíso (1992) EEUU - Histórico - Ridley Scott
Anatomía de un asesinato (1959) EEUU - Drama xudicial - Otto Preminger
Apolo XIII (1995) EEUU - Aventura espacial - Ron Howard
Buenos días tristeza (1958) EEUU - Drama - Otto Preminger
La caja de Pandora (1928) Alemania - Drama - W. G. Pabst
Calle mayor (1956) España - Drama - Juan Antonio Bardem
Cardenal (1963) EEUU - Drama - Otto Preminger
Los chicos del maíz (1984) EEUU - Terror - Fritz Kiersch
Un corazón en invierno (1992) Francia - Drama romántico - Claude Sautet
El crimen de Cuenca (1979) España - Drama rural - Pilar Miró
Desperado (1995) EEUU - Acción - Robert Rodríguez
Las diabólicas (1955) Francia - Terror - H. G. Clouzot
Dos personas (1945) Suecia - Drama - Carl Th. Dreyer
Drácula (1992) EEUU - Terror - Francis F. Coppola
Fresa y chocolate (1993) Cuba - Drama - Tomás G. Alea
Lacombe Lucien (1974) Francia - Drama - Louis Malle
 ... e ata 33 títulos. 

"Os clásicos non morden, saboréalos ti!!!"

Prema sobre o título para comprobar disponibilidade
Tamén pode consultar o listado xeral de películas en dvd

Tertulia literaria en Rialeda: 12 de xuño (Grupo A) sesión final

Na Biblioteca Central Rialeda (Casiña de actividades)
Atención, cambio de hora: 18 a 20 h.


Comentario da obra "Ilustrísima" de Carlos Casares
Documentación
Obras de Carlos Casares nas nosas bibliotecas.

Nesta sesión contaremos coa presenza da profesora e catedrática de lingua e literatura galega Rosa García Vilariño.


Con esta sesión remata a tempada 2012-2013 no grupo A das Tertulias Literarias.
Damos as grazas a todas as persoas que participaron neste grupo ao longo destos 9 meses.

A actividade regresará novamente no mes de outubro.

10/6/13

2775 grazas!!!

2775 grazas!!!
Desde febreiro ata finais de maio tivo lugar a actividade da Hora do conto nas oito Bibliotecas Municipais de Oleiros,  dirixida a nenas e nenos menores de 10 anos.
En total, realizáronse 60 sesións nas que colaboraron as contadoras e contadores Pablísimo, Pavís-Pavós, Soledad Felloza, Paula Carballeira, Marisa Irimia, Caxoto, Ramiro Neira, Trinketrinke, Andrea Bayer, Fran Ínsua, Inés Cuadrado, Pedro Brandariz e Raquel Queizás narrando diversos contos como unha invitación a viaxar a un tempo máxico de fantasía e imaxinación.

Esta actividade de animación á lectura realizouse de forma lúdica, activa e participativa, fomentando a participación dos/as nenos/as, a imaxinación e a creatividade. O número total de participantes foi de 2.775, dos cales 1.762 foron nenos/as e 1.013 pais e nais.
A valoración é totalmente positiva, as nenas e nenos divertíronse escoitando os contos, fomentouse o gusto pola lectura, promoveuse a asistencia ás bibliotecas como centros de lectura lúdica, nos que poden pasar momentos moi agradables e aumentouse o préstamo de libros infantís, porque ao finalizar a actividade un gran número de nenas e nenos levaron prestados para a casa diferentes obras de narrativa infantil.
Algún dos contos narrados foron:  A bruxa Mimí, A cebra Camila, A cebra Debra, A galiña roxa, A ra Xoana, Avó, Bolboretas, Engurras, Galiña adiviña, O home que inventou un xeito de andar, O ladrón de pelos, O señor Nimbo e a máquina de fume, Pai, Un elefante, Unha casa a medida,  Monstros divertidos, A parte que faltaba, O computador de Mimi, Artur e Clementina, Chocolata, Nublado con probabilidad de albóndigas, Amanecer en el nido, Os paxaros de cores, El agujero, 999 ranas saen do charco, O país dos contos, O contiño, A bolboreta azul, Turelí, Tureló, Os paxaros, A casa do bosque, A gran belota, Unha presada de lentellas, A casa máis grande do mundo, O amigo do pequeno tiranosauro, Sabela na granxa, etc.

Expo bibliográfica na Biblioteca de Santa Cruz sobre Antonio Muñoz Molina

Antonio Muñoz Molina, Premio Príncipe de Asturias das Letras 2013
Nado en Úbeda (Jaén) en 1956, Antonio Muñoz Molina comezou a estudar Xornalismo en Madrid para trasladarse despois a Granada onde rematou a licenciatura de Historia da Arte, cidade na que vivíu vinte anos. Alí traballou como funcionario, mentras colaboraba como columnista no desaparecido Diario de Granada. Ao longo dos anos seguíu colaborando como articulista de prensa en El País, ABC, Ideal ou as revistas Muy Interesante e Scherzo.
Recibíu numerosos galardóns como o Premio de la Crítica (“El invierno en Lisboa” 1987), Premio Nacional de Narrativa (“El invierno en Lisboa” 1987), Premio Planeta (“El jinete polaco” 1991), Premio Nacional de Narrativa (“El jinete polaco” 1992), Premio Príncipe de Asturias de las Letras 2013.
En palabras do mesmo Muñoz Molina "el escritor continúa el oficio inmemorial de los narradores de cuentos, que daban forma mediante relatos orales a la experiencia compartida del mundo. Contar y escuchar historias no es un capricho, ni una sofisticación intelectual: es un rasgo universal de la condición humana, que está en todas las sociedades y arranca en la primera edad de la vida"...
Na Biblioteca de Santa Cruz dispós das seguintes obras que podes levar en préstamo (comproba dispoñibilidade): "Nada del otro mundo", "El jinete polaco", "Plenilunio", "El viento de la Luna", "Ventanas de Manhattan", "La noche de los tiempos", "Carlota Fainberg", "Sefarad: una novela de novelas", "Vida, pasión y muerte de Federico García Lorca", onde fai o prólogo da biografía recopilada por Ian Gibson.
PARABÉNS ANTONIO!!!

Tertulia literaria en Santa Cruz: 10 de xuño (Grupo B) sesión final

Na Biblioteca e Centro de Documentación da Muller "Rosalía de Castro" de Santa Cruz
De 18,30 a 20 horas.

Comentario da obra "Al este del Edén" de John Steinbeck 
Obras de John Steinbeck nas nosas bibliotecas.

Con esta sesión remata a tempada 2012-2013 das Tertulias Literarias na Biblioteca de Santa Cruz.
Damos as grazas a todas as persoas que participaron neste grupo ao longo destos 9 meses.