20/1/17

Recomendacións en Radioleiros: 20 xaneiro 2017

http://www.ipernity.com/doc/284673/44167260/in/album/956276
http://catalogo-rbgalicia.xunta.gal/cgi-bin/koha/opac-detail.pl?biblionumber=1221910&query_desc=kw%2Cwrdl%3A%20casa%20medo%20fernandez%20paz- Xuvenil (maiores de 12 anos): 

A casa do medo, de Agustín Fernández Paz
Rodeira-Edebé, 2016

Co maxistral estilo deste querido autor, conta a historia dun home adulto que ten que regresar á súa vila natal Valverde, onde viviu os doce primeiros anos da súa vida e a onde non regresara despois de moitos anos. Ao volver, lembra os feitos que súa nai chamaba como “desagradable incidente” e que grazas aos psiquiatras infantís agochara no máis profundo do seu cerebro e os que ninguén crería se se chegasen a divulgar, pero que el sabe que foron reais. Unha experiencia traumática, pero decidido a rachar co pasado relata o que lle pasou tras quedar pechado no enigmático caseto situado na leira de don Mauro e que espertaba os temores de todos os rapaces de Valverde polo que contaban del. Para poder volver á súa casa e abandonar ese lugar, o protagonista terá que superar as probas do cruel Señor das Serpes e así lograr regresar con vida da Illa da Lúa.

Un estupendo relato de misterio, dos que tan ben dominaba Agustín, con maxia, lugares malditos e a valentía do rapaz que só leva consigo un amuleto. 


- Mozos/as e adultos/as:

http://catalogo-rbgalicia.xunta.gal/cgi-bin/koha/opac-search.pl?idx=&q=boca+terra+tierra+manuel+rivas&branch_group_limit=A boca da terra = La boca de la tierra, de Manuel Rivas
Xerais, 2015 (en galego)
Visor, 2016 (ed. bilingüe)

Fermoso poemario formado por 58 poesías, dividido en tres partes tituladas: A terra que se esconde, A báscula de Ohio e Oracións fúnebres.

Son poemas nos que Manuel Rivas pon voz á natureza, que fala, berra, murmura, lembra, soña... 

Na 1ª parte, predominan os dedicados á natureza, desde lugares, animais, plantas, o vento...
O autor explica nunha entrevista realizada en La Voz de Galicia que “A visión da natureza non é tampouco unha visión convencional, entendendo por iso o que non é humano. Ao contrario, aquí intégrase, forma parte da natureza...”.

A 2ª parte, en "A báscula de Ohio", empeza cunha poesía dirixida a unha báscula e nesa mesma entrevista conta unha anécdota na que di que de neno frecuentaba unha tenda cunha báscula na que se podía ler “Toledo-Ohio” e el cría que Ohio era a parroquia canguesa de O Hío. «Pensaba que onde está o cruceiro tamén fabricaban as básculas», por iso unha báscula como esa é a que figura na cuberta da edición de Xerais saíndo dela flores de uces.

A 3ª parte, "Oracións fúnebres", comeza cun poema que é o que dá o título á obra, e que o dedicou aos mártires da liberdade nas fosas comúns de Aranga á beira do río Mandeo.
Tamén queremos destacar que está seguida de Os xitanos cesteiros dedicada aos xitanos asasinados na Ponte do Pasaxe en setembro de 1936 e que están enterrados no cemiterio de Liáns.


Un magnífico libro que nos fala da relación do home coa natureza, unha obra que debemos ler e reler detidamente.

E o como di o autor "A linguaxe da terra tamén é a da poesía porque vai contra a falsidade".

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

18/1/17

Expo adicada a Babette Cole: Biblioteca Central Rialeda

http://catalogo-rbgalicia.xunta.gal/cgi-bin/koha/opac-search.pl?idx=au&q=cole%2C+babette&limit=branch%3AOLE1&multibranchflag=branch%3AOLE1&sort_by=title_az&addto=Engadir+a...&biblionumber=1189560&loggedinuser=&biblionumber=1104185&loggedinuser=&biblionumber=1126972&loggedinuser=&biblionumber=632074&loggedinuser=&biblionumber=681586&loggedinuser=&biblionumber=523185&loggedinuser=&biblionumber=1127370&loggedinuser=&biblionumber=1152473&loggedinuser=&biblionumber=1144414&loggedinuser=&biblionumber=1149365&loggedinuser=&biblionumber=1120727&loggedinuser=&biblionumber=523609&loggedinuser=&biblionumber=630986&loggedinuser=&biblionumber=1103879&loggedinuser=&biblionumber=1155325&loggedinuser=
A escritora e ilustradora británica Babette Cole deixóunos o pasado 15 de xaneiro. Na Biblioteca Central Rialeda queremos lembrala cunha exposición bibliográfica. Babette Cole naceu nas illas Channel e graduouse na facultade de Belas Artes de Canterbury en 1973. Realizou animacións para a BBC, traballos de ilustración para outros autores, antes de establecerse ela mesma como autora e ilustradora. Publicou máis de 150 títulos.
 

Grazas porque o teu "papel dentro do mundo editorial infantil foi moi importante, non só por ser unha pioneira niso de tratar temas tabú como a sexualidade, a morte ou os estereotipos sociais en libros que supostamente debían ser inofensivos e algo dogmáticos, se non por facelo desde unha perspectiva humorística transgresora e, a maior parte das veces, tamén respectuosa". O texto en cursiva é de Román Belmonte. Podes ver o post completo no seu blog Donde Viven Los Monstruos: LIJ
 Grazas Babette por deixarnos tan divertidas historias!!!