15/11/13

Recomendacións en Radioleiros: 15 de novembro

- Infantil (de 6 a 8 anos):

A coelliña Marcela, de Esther Tusquets ; ilustracións de María Hergueta

Delicioso conto sobre a igualdade con texto de Esther Tusquets e ilustracións de María Hergueta. Un texto sobre tolerancia e xustiza social nas comunidades dos coellos que ben poden traspasarse á humana. Unha fábula moderna onde todo o mundo cabe e a mestizaxe é a solución perfecta. Ilustracións  moi realistas, destacando a cor amarela. Esta cor é utilizada para xogar coa uniformidade das diferenzas.

- Moz@s e Adult@s:


Un home novo cun pai vello, un irmán autista e unha filla case descoñecida sofre unha crise que lle leva a abandonar Islandia. Deste xeito, comeza  unha viaxe física a un mosteiro no interior de Europa que tamén é unha viaxe interior coas flores como ligazón coa nai xa falecida. Texto premiado a nivel europeo.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

12/11/13

Arriamos os versos, arriamos as bandeiras...

http://bibliotecasoleiros.blogspot.com.es/2013/03/biblioteca-central-rialeda-dia-mundial.html
Arriamos os versos, arriamos as bandeiras... polo de agora. 
Eis o resultado da proposta VersosxBandeira que botamos a andar alá por marzo, para celebrar o Día Mundial da Poesía. Mais o noso compromiso coa poesía segue inalterable; convidámosche a coñecer o noso rico fondo bibliográfico de poesía e a visitar a exposición permanente de versos: Poesía ten o seu punto, existente na Biblioteca Central Rialeda, ocupada neste momento pola mostra adicada a Manuel Álvarez Torneiro, Premio Nacional de Poesía 2013.