8/6/18

Recomendacións en Radioleiros: 8 de xuño 2018

https://catalogo-rbgalicia.xunta.gal/cgi-bin/koha/opac-detail.pl?biblionumber=1232673https://youtu.be/nxTOMPqtYaw- Infantil (menos de 6 anos):
Periplo atlántico: unha versión moi libre de “O negriño Panchito” de Alfonso R. Castelao, de Enrique Mauricio e Carlos Taboada
Lela

Na versión orixinal de Castelao un home rico chega das Américas traendo consigo, coma se fora unha mona ou un papagaio, a un “negrito cubano” chamado Panchito. Na versión infantil Panchito é un pingüín que aparece dentro dunha cesta que navegaba á deriva pola ría de Pontevedra.

Na aldea medra feliz xogando cos rapaces, lendo, bailando e tocando a gaita nas romarías. Pero un día decátase de que é un pingüín e que todos os da súa especie viven no Polo Sur. Así que decide marchar para aló colándose de polisón nun barco que se dirixía a Antártida.


Un conto no que se amosa ese sentimento de saudade de tantos homes e mulleres que foron vítimas de ese periplo chamado emigración.

- Mozas/os e adultas/os:

De noche, bajo el puente de piedra, de Leo Perutz
Asteroide

Narra a historia de Rodolfo II ou Rodolfo de Bohemia, un emperador acosado polas débedas por mor da súa debilidade polas obras de arte. Protector de astrólogos, nigromantes, alquimistas e secretamente namorado dunha muller casada.

Unha fermosa fábula conta a unión dos amantes que se citaban a través dos soños, de noite, baixo a ponte de pedra que atravesa a brisa do río. A maxia da historia só se poderá percibir chegando ao final do relato pois será o último capítulo o que nos faga comprender o primeiro.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

4/6/18

Roteiro cultural e literario 2018: 5 e 6 de xuño

http://www.oleiros.org/c/document_library/get_file?p_l_id=14092&folderId=122559&name=DLFE-28209.pdfO Roteiro Cultural e Literario 2018 está dedicado ao pintor e escultor José María Kaydeda, á escritora Anisia Miranda e ao arquitecto e pintor Antonio Tenreiro Brochón. É unha actividade organizada entre o Sistema de Bibliotecas Públicas Municipais, o Servizo de Normalización Lingüística, o IES Miraflores e o IESP Neira Vilas. Terá lugar os días 5 e 6 de xuño e participarán uns 250 alumnos/as dos centros de ensino público deste concello, de 6º de primaria, 3º de ESO e 1º de bacharelato.

A todos/as os/as participantes se lles repartirá un folleto, no que o texto foi realizado por alumnado de 1º de bacharelato do IES Miraflores e de 3º de ESO do IES Neira Vilas, baixo a coordinación das profesoras e profesores: Rosa García Vilariño, Antonio Porto Sánchez e Inma Otero Varela. Os obxectivos que se pretenden conseguir son: Dar a coñecer diferentes persoas ilustres que viviron, veranearon ou tiveron relación co no noso municipio, mellorar o coñecemento de patrimonio e espazos do termo municipal de Oleiros e promover a lectura.

http://www.oleiros.org/c/document_library/get_file?p_l_id=14092&folderId=122559&name=DLFE-28209.pdfComezaremos nas Torres de Santa Cruz, onde se presentará o pintor e escultor José María Kaydeda por parte de alumnado do IES Miraflores e posteriormente visitarase o Museo dos Oleiros. Despois trasladarémonos ao parque José Martí onde se realizará a presentación da escritora Anisia Miranda por alumnado do Instituto Neira Vilas. Na Fábrica asistirase á actuación musical de Roi Casal, autor do disco “Son galego, son cubano” que pon música ás letras de Xosé Neira Vilas. Finalizaremos na Casa Charry de Oleiros onde se presentará o pintor e arquitecto Antonio Tenreiro Brochón por alumnado do Instituto Miraflores. Poderá verse unha mostra de diversos cadros deste pintor, prestados gratuitamente para esta actividade pola viúva do autor, baixo a explicación do arqueólogo, museólogo e técnico de xestión cultural Felipe-Senén.

Novidades dvd cine - xeral e adult@s - en Rialeda (xuño 2018)

http://www.oleiros.org/c/document_library/get_file?p_l_id=32371&folderId=122559&name=DLFE-28200.pdf 42 novas incorporacións no 2º andar da Biblioteca Central Rialeda

Descarga a guía pulsando sobre a imaxe

Tertulia literaria en Rialeda: 6 xuño 2017 (Remate tempada Grupo A)

http://bibliotecasoleiros.blogspot.com/search/label/Tertulias%20Literarias
https://www.nellleyshon.com/Biblioteca Central Rialeda (Casiña de actividades)
Cambio de horario! de 18 a 20 h.

Comentario de "Del color de la leche" de Nell Leyshon
Documentación

Con esta sesión remata a tempada 2017-2018 no grupo A da Biblioteca Rialeda. Unha vez máis queremos dar as grazas a todas as persoas que participaron na actividade e emprazarvos para a vindeira tempada aló en outubro.

Tertulia literaria en Santa Cruz: 4 xuño 2018 (Remate tempada)

http://bibliotecasoleiros.blogspot.com/search/label/Tertulias%20Literarias
http://pedromairal.com/Biblioteca e Centro de Documentación da Muller "Rosalía de Castro"
17,30 a 19 h.

Comentario de "La uruguaya" de Pedro Mairal

Con esta sesión remata a tempada 2017-2018 na Biblioteca de Santa Cruz. Unha vez máis queremos dar as grazas a todas as persoas que participaron na actividade.