24 de abril: "Ao faro". Roteiro literario pola costa de Mera coa escritora Silvia Salgado

"Paisaxe e faro: unha fascinación artística"

Xoves 24 de abril ás 11:00 h.

Saída desde o Paseo Balcón de Maianca, diante da Capela de Santa Ana. Mera
Camiñarase polo paseo marítimo e pola costa, con paradas e lecturas en voz alta e comentadas, ata chegar aos faros de Mera.
Aforo limitado a 20 persoas. Imprescindible reservar praza:

Inscrición a partir do martes 15 abril ás 8:15 h.:
- En liña (recomendado).
- Teléfono 981 639 511 (Biblioteca Central Rialeda)

Actividade dirixida a persoas mozas e adultas ás que lles guste camiñar, con inquietudes pola literatura e a fotografía, principalmente pola que xira en torno a un faro.

Falarase da relación entre literatura e fotografía:
Do diálogo que se pode establecer entre esas dúas disciplinas artísticas e tamén de como a literatura nos achega dunha maneira particular a unha obra e ao seu mundo.
Da beleza da paisaxe e o seu protagonismo en moitas historias.
Do paseo como evocador de narracións.
Camiñaremos e lembrarémonos de Sofía Casanova.
Da fascinación artística que sentiron, en direccións opostas, algúns escritores e escritoras.
Da influencia que os faros tiveron na literatura e na arte, en xeral.

Leranse fragmentos e poemas de:
Olga Novo (Feliz idade)
Berta Dávila (Os seres queridos)
Mar García Puig (La historia de los vertebrados)
Charlotte Perkins (El papel pintado amarillo)
Alessandro Baricco (Océano Mar)
Vicente Risco (Da medida das cousas, publicado en Leria)
Sofía Casanova  (Quiero Galicia en tu adorado seno, do poema Anhelo)
Celso Emilio Ferreiro (Longa noite de pedra)
Luis Cernuda (Soliloquio del farero)
Virginia Wolf (Al faro)
Edgar Allan Poe (El faro)
Ray Bradbury (La sirena en la niebla)
Jazmina Barrera (Cuaderno de faros)
Jeanette Winterson (La niña del faro)

Silvia Salgado é unha autora catalá que reside en Mera (Oleiros). Licenciada en Ciencias Políticas pola Universidade Autónoma de Barcelona e cun posgrado en Xornalismo da Universidade Columbia de Nova York. Algunhas das súas obras publicadas son: Verde en el tejado, Mientras hilan las mariposas, La aldea, El intermedio que somos e Si te vuelves invierno.
Coordina os clubs de lectura das bibliotecas municipais de Oleiros, dirixe talleres de escritura creativa, colabora no Podcast "Érase una Red" e como columnista en El Ideal Gallego.
Compaxina o seu traballo coa súa paixón pola fotografía.

Desde as bibliotecas municipais invítase ás persoas que desexen asistir, ata completar o aforo, para que gocen coa palabra e coa paisaxe desta fermosa localidade.
Acompañádenos! Agardámosvos!

18 de abril: "Ao faro". Roteiro literario pola costa de Mera coa escritora Silvia Salgado

"Paisaxe e faro, unha fascinación artística"

Xoves 18 de abril, ás 11 h.

Saída desde a Biblioteca Municipal "Mª José Trincado" de Mera.
Camiñarase polo paseo marítimo e pola costa, con paradas e lecturas en voz alta e comentadas, ata chegar aos faros de Mera.
Aforo limitado a 20 persoas. Imprescindible reservar praza:
Na biblioteca Rialeda ou chamando por teléfono ao 981 639 511.

Actividade dirixida a persoas mozas e adultas ás que lles guste camiñar, con inquietudes pola literatura e a fotografía, principalmente pola que xira en torno a un faro.

Falarase da relación entre literatura e fotografía:
Do diálogo que se pode establecer entre esas dúas disciplinas artísticas e tamén de como a literatura nos achega dunha maneira particular a unha obra e ao seu mundo.
Da beleza da paisaxe e o seu protagonismo en moitas historias.
Do paseo como evocador de narracións.
Camiñaremos e lembrarémonos de Sofía Casanova.
Da fascinación artística que sentiron, en direccións opostas, algúns escritores e escritoras.
Da influencia que os faros tiveron na literatura e na arte, en xeral.

Leranse fragmentos e poemas de:

Vicente Risco (Da medida das cousas, publicado en Leria)
Sofía Casanova  (Quiero Galicia en tu adorado seno, do poema Anhelo)
Celso Emilio Ferreiro (Longa noite de pedra)
Miguel Hernández (Escribí en el arenal)
Luis Cernuda (Soliloquio del farero)
Virginia Wolf (Al faro)
Edgar Allan Poe (El faro)
Ray Bradbury (La sirena en la niebla)
Jazmina Barrera (Cuaderno de faros)
Jeanette Winterson (La niña del faro)

Silvia Salgado é veciña do municipio de Oleiros, licenciada en Ciencias políticas pola UAB. Ten un posgrado en Xornalismo acreditado pola Universidade Columbia de Nova York. Compaxinou o seu traballo en comunicación e recursos humanos coa súa paixón pola escritura. Obras dela publicadas son: Si te vuelves invierno, Mientras hilan las mariposas, La aldea, Verde en el tejado, El intermedio que somos e o conto infantil Cuéntame un cuento, yo te lo pinto.

Desde as bibliotecas municipais invítase ás persoas que desexen asistir, ata completar o aforo, para que gocen coa palabra e coa paisaxe desta fermosa localidade.
Acompañádenos! Agardámosvos!

Sábado 13 abril 2024: Celebración do 25 aniversario das Tertulias Literarias en Rialeda

Así voa o tempo. Cúmprense 25 anos da posta en marcha dos Clubs de Lectura e Tertulias Literarias na Biblioteca Central Rialeda. Ao longo de dúas décadas e media foise creando non só un espazo de ocio e cultura senon tamén un punto de encontro entre amigas e amigos cunha paixón e desfrute común: a literatura.

Mención especial para Cecilia Monllor, benquerida moderadora desde os inicios, profesional sen a cal a actividade non tería acadado o éxito, lonxevidade e a fidelidade de tantas e tantos participantes ao longo dos anos. Moitas grazas, Cecilia!

Máis recente, desde 2014, Rosa García Vilariño, profesora xubilada de lingua e literatura galegas, pon a súa ampla experiencia e agarimo na selección e moderación das lecturas en lingua galega. Parabéns, Rosa!

E como non, o máis importante, o fío tecedor da actividade, as ducias e ducias de participantes cuxa paixón polos libros foi artellando este fermoso camiño que continúa na actualidade. Unha aperta moi grande para todas e todos! Grazas mil.

Para conmemorar o aniversario, presentamos un programa de visitas destinado a todas as persoas que participen ou teñan participado na Tertulia de Rialeda (imprescindible inscrición previa na biblioteca):

9:30 h. Punto de encontro: Biblioteca Central Rialeda.
9:50 h. Traslado en autobús ao Castelo de Santa Cruz.

10:15 a 11 h. Visita ao Castelo de Santa Cruz. Breve explicación sobre a historia do castelo por Carmen Borobio. Panorámica da exposición: Obxectomanía, unha historia singular do coleccionismo, por Xoán Fontaíña. Os castelos na literatura, por Silvia Salgado.

11 h. Saída do Castelo.
11:10 h. Traslado en autobús ao Pazo de Xaz.

11:30 a 12:20 h. Visita ao Pazo de Xaz. Xaz, pazo e casa grande: Manuel Pardo de Andrade, intelectual liberal ilustrado, por Rosa García Vilariño. Vida, pazos e literatura: unha fascinación, por Silvia Salgado. A orella dereita de Antón de Leiva, adaptación dun relato da obra "Os outros feirantes" de Álvaro Cunqueiro por Ramiro Neira (Artestudio Teatro)

12:20 h. Traslado en autobús ao Pazo do Río.

12:35 a 13:35 h. Visita ao Pazo do Río. Semblanza literaria dos 25 anos dos clubs de lectura, por Cecilia Monllor-Martínez. Lembranza literaria galega, por Rosa García Vilariño. O paraíso perdido, María Casares en Galicia, pola actriz Isabel Martínez-Risco. Concerto para frauta, a cargo de Claudia Walker Moore.

13:35 h. Remate do Roteiro. Traslado en autobús á Biblioteca Central Rialeda.

18 de abril: Aos faros de Mera. Roteiro literario pola costa de Mera coa escritora Silvia Salgado

Aos faros de Mera: roteiro literario pola costa de Mera coa escritora Silvia Salgado.

Martes 18 de abril, ás 11:30 h.

Partirase desde a Biblioteca Municipal "María José Trincado" (Mera).

Camiñarase polo paseo marítimo e pola costa, con paradas e lecturas en voz alta e comentadas, ata chegar aos faros de Mera.

Aforo limitado a 20 persoas. Imprescindible reservar praza: Na Biblioteca Rialeda ou chamando por teléfono ao 981 639 511. Na Biblioteca de Mera ou chamando por teléfono ao 981 628 507.

Actividade dirixida a persoas mozas e adultas ás que lles guste camiñar, con inquietudes pola literatura e a fotografía, principalmente pola que xira en torno a un faro.

Falarase da relación entre literatura e fotografía:

Do diálogo que se pode establecer entre esas dúas disciplinas artísticas e tamén de como a literatura nos achega dunha maneira particular a unha obra e ao seu mundo.

Da beleza da paisaxe e o seu protagonismo en moitas historias.

Do paseo como evocador de narracións.

Camiñaremos e lembrarémonos de Sofía Casanova.

Da fascinación artística que sentiron, en direccións opostas, algúns escritores e escritoras.

Da influencia que os faros tiveron na literatura e na arte, en xeral.

Leranse fragmentos e poemas de:

Vicente Risco (Da medida das cousas, publicado en Leria)

Sofía Casanova  (Quiero Galicia en tu adorado seno, do poema Anhelo)

Celso Emilio Ferreiro (Longa noite de pedra)

Miguel Hernández (Escribí en el arenal)

Luis Cernuda (Soliloquio del farero)

Virginia Wolf (Al faro)

Edgar Allan Poe (El faro)

Ray Bradbury (La sirena en la niebla)

Jazmina Barrera (Cuaderno de faros)

Jeanette Winterson (La niña del faro)

20 de abril: Ao Castelo de Santa Cruz. Roteiro literario por Santa Cruz coa escritora Silvia Salgado

Ao Castelo de Santa Cruz. Roteiro literario por Santa Cruz coa escritora Silvia Salgado.
Xoves 20 de abril, ás 11:30 h.
Partirase da Biblioteca Municipal Rosalía de Castro (Santa Cruz).
Camiñarase pola localidade de Santa Cruz e o seu paseo marítimo, con paradas e lecturas en voz alta e comentadas, ata chegar ao castelo.
Aforo limitado a 20 persoas. Imprescindible reservar praza: Na Biblioteca Central Rialeda ou chamando por teléfono ao 981 639 511. Na Biblioteca Rosalía de Castro (Santa Cruz) ou chamando por teléfono ao 981 626 338.
Actividade dirixida a persoas mozas e adultas ás que lles guste camiñar, con inquietudes pola literatura.
Un paseo literario en dúas etapas: A primeira será unha reflexión literaria sobre as orixes da morriña e como o exilio e a lingua inflúen na vida e na obra dalgúns autores e autoras. Achegarémonos a nosa historia, a nosa identidade, e o camiño que transitamos: desde Rosalía de Castro ata Emilia Pardo Bazán, deténdonos en Luis Seoane. Falaremos dos poetas Homero e Virxilio e da filósofa Hannah Arendt.
A segunda parte será ao chegar á illa, no Castelo de Santa Cruz, comentaremos a importancia da illa como identidade propia, do castelo como entidade e a súa influencia na literatura. 

Leranse fragmentos e poemas de:
Rosalía de Castro (¡Algúns din!: Miña terra en Follas Novas)
Luis Seoane (Desterrados en Obra poética)
Rafael Alberti (A la pintura dedicado a Luís Seoane)

Falarase de:
La Eneida de Virxilio, La Odisea de Homero, A última entrevista e outras conversacións de Hannah Arendt, Follas novas de Rosalía de Castro, Obra poética de Luis Seoane, Correspondencia entre Benito Pérez Galdós e Emilia Pardo Bazán, El castillo de Franz Kafka e Siempre hemos vivido en el castillo de Shirley Jackson.

22 de abril: "Ao faro". Ruta literaria pola costa de Mera con Silvia Salgado

Venres 22 de abril, a partir das 10:30 h.
Saída desde a Biblioteca Municipal "María José Trincado" de Mera

Camiñarase polo paseo marítimo e pola costa, con paradas e lecturas en voz alta e comentadas, ata chegar aos faros de Mera.

Aforo limitado a 15 persoas. Imprescindible reservar praza na Biblioteca Central Rialeda (teléfono: 981639511)

Actividade dirixida a persoas ás que lles guste camiñar, con inquietudes pola literatura e a fotografía.

Falarase de literatura e de fotografía:
Do diálogo que se pode establecer entre esas dúas disciplinas artísticas e tamén de como a literatura nos achega dunha maneira particular a unha obra e ao mundo nela contido.
Da beleza da paisaxe e o seu protagonismo en moitas historias.
Camiñaremos e lembrarémonos de Sofía Casanova.
Da fascinación artística que sentiron, en direccións opostas, algúns escritores e escritoras.
Do proceso de creación da súa obra "Si te vuelves invierno", na que ten moita importancia a localidade de Mera.

Leranse fragmentos e poemas de:
Vicente Risco (Da medida das cousas, publicado en Leria).
Sofía Casanova  (Quiero Galicia en tu adorado seno, do poema Anhelo)
Celso Emilio Ferreiro (Longa noite de pedra)
Virginia Wolf (Al faro)
Edgar Allan Poe (El faro)
Ray Bradbury (La sirena en la niebla)
Jazmina Barrera (Cuaderno de faros)
Jeanette Winterson (La niña del faro)

Silvia Salgado é veciña do municipio de Oleiros, licenciada en Ciencias políticas pola UAB. Ten un posgrado en Xornalismo acreditado pola Universidade Columbia de Nova York. Compaxinou o seu traballo en comunicación e recursos humanos coa súa paixón pola escritura. Obras dela publicadas son: "Si te vuelves invierno", "Mientras hilan las mariposas", "La aldea" e "El intermedio que somos" e o conto infantil "Cuéntame un cuento, yo te lo pinto".

Desde as bibliotecas municipais invítase ás persoas que desexen asistir, ata completar o aforo permitido, para que gocen coa palabra e coa paisaxe desta fermosa localidade.
Acompañádenos! Agardámosvos!

Roteiro cultural e literario 2018: 5 e 6 de xuño

O Roteiro Cultural e Literario 2018 está dedicado ao pintor e escultor José María Kaydeda, á escritora Anisia Miranda e ao arquitecto e pintor Antonio Tenreiro Brochón. É unha actividade organizada entre o Sistema de Bibliotecas Públicas Municipais, o Servizo de Normalización Lingüística, o IES Miraflores e o IESP Neira Vilas. Terá lugar os días 5 e 6 de xuño e participarán uns 250 alumnos/as dos centros de ensino público deste concello, de 6º de primaria, 3º de ESO e 1º de bacharelato.

A todos/as os/as participantes se lles repartirá un folleto, no que o texto foi realizado por alumnado de 1º de bacharelato do IES Miraflores e de 3º de ESO do IES Neira Vilas, baixo a coordinación das profesoras e profesores: Rosa García Vilariño, Antonio Porto Sánchez e Inma Otero Varela. Os obxectivos que se pretenden conseguir son: Dar a coñecer diferentes persoas ilustres que viviron, veranearon ou tiveron relación co no noso municipio, mellorar o coñecemento de patrimonio e espazos do termo municipal de Oleiros e promover a lectura.

Comezaremos nas Torres de Santa Cruz, onde se presentará o pintor e escultor José María Kaydeda por parte de alumnado do IES Miraflores e posteriormente visitarase o Museo dos Oleiros. Despois trasladarémonos ao parque José Martí onde se realizará a presentación da escritora Anisia Miranda por alumnado do Instituto Neira Vilas. Na Fábrica asistirase á actuación musical de Roi Casal, autor do disco “Son galego, son cubano” que pon música ás letras de Xosé Neira Vilas. Finalizaremos na Casa Charry de Oleiros onde se presentará o pintor e arquitecto Antonio Tenreiro Brochón por alumnado do Instituto Miraflores. Poderá verse unha mostra de diversos cadros deste pintor, prestados gratuitamente para esta actividade pola viúva do autor, baixo a explicación do arqueólogo, museólogo e técnico de xestión cultural Felipe-Senén.

Roteiro cultural e literario 2017: 30 e 31 de maio

Unha vez máis levarase a cabo o Roteiro Cultural e Literario que este ano está dedicado ao pintor Manuel Abelenda, ao escritor Xosé Neira Vilas e á pintora María del Adalid. Unha actividade organizada entre o Sistema de Bibliotecas Públicas Municipais, o Servizo de Normalización Lingüística, o IES Miraflores e o IESP Neira Vilas.
 

Terá lugar os días 30 e 31 de maio e participarán máis de 300 alumnas/os dos centros de ensino público deste concello, desde 6º de primaria ata 1º de bacharelato. A todos/as os/as participantes se lles repartirá un folleto realizado por alumnado de 1º de bacharelato do IES Miraflores e de 3º de ESO do IESP Neira Vilas, baixo a coordinación das profesoras Rosa García Vilariño, Graciela Grande Veloso e Inma Otero Varela, da Biblioteca Central Rialeda e do Servizo de Normalización Lingüística, baixo un deseño do departamento de comunicación do Concello de Oleiros.
Os obxectivos que se pretenden conseguir son dar a coñecer diferentes persoas ilustres que viviron no Concello de Oleiros, mellorar o coñecemento de patrimonio e espazos do termo municipal de Oleiros e promover a lectura.
 

Consistirá no percorrido por distintos lugares do municipio nos que viviron estas persoas ilustres, como unha homenaxe a todas elas. Comezaremos en As Torres de San Cruz onde se proxectarán imaxes (acompañadas dunha breve explicación) de diversas obras do pintor Manuel Abelenda; trasladarémonos á rúa do Pombal en Perillo para coñecer a casa deste pintor; a continuación marcharemos para o Instituto Neira Vilas no que homenaxearemos ao escritor Xosé Neira Vilas; pararemos diante da Escola María del Adalid e finalizaremos no Pazo de Lóngora en Montrove, onde coñeceremos a casa da pintora María del Adalid.
En todos estes lugares será o propio alumnado o que irá presentado a cada un dos personaxes homenaxeados. Realizarán estas presentacións, polo Instituto Miraflores: Bruna Frazao, Paula Carracedo, Laura López, Samuel Ramil, Valeria García, María Eiroa, Carmen Vicedo e Cristina Álvarez. Polo Instituto Neira Vilas: Pablo Basante, Lucas Canle, Eduardo Giménez, Guillermo Huelin, Emilio Ríos, José Rodrigo Santos, Ignacio Valeiras e Marcos Vázquez. Tamén colaborarán Eugenia Bermúdez, Candela Pía e Orleni Meteo. Neste centro acabarase cunha actuación musical a cargo dos alumnos Lucía Sigüeiro, Xoan Carro e Jacobo Juanatey baixo a dirección do profesor de música Jesús Fernández Llaneza.

No Pazo de Lóngora finalizarase con outra actuación musical. O día 30, a cargo do músico Roi Casal, que formou parte de Milladoiro, e que publicou o disco titulado “Son galego, Son cubano”, un traballo realizado conxuntamente con Xosé Neira Vilas e con letras do propio escritor. O día 31 será a cantante de ópera, Victoria Álvarez, quen porá o toque final a estes recorridos. Esta soprano (que ademais vive no noso concello), coa súa magnifica voz, será quen clausurará a actividade.

1 de xuño: Roteiro Cultural e Literario 2016

O Roteiro Cultural e Literario é unha actividade organizada polo Sistema de Bibliotecas Públicas Municipais de Oleiros, o Servizo de Normalización Lingüística e o Instituto Miraflores.

Este ano está dedicado ao pintor Francisco Lloréns que veraneou en Mera, Oleiros e Perillo, ao trobador Lopo de Liáns e ao matemático José Barral Souto que naceu na Rabadeira en Oleiros.

Consistirá no recorrido por distintos lugares do municipio nos que viviron estas persoas ilustres, como unha homenaxe a todas elas. Comezaremos nas Torres de Santa Cruz onde se proxectarán imaxes de diversas obras de Francisco Lloréns acompañadas dunha breve explicación por parte de alumnado do IES Miraflores e posteriormente o tamén pintor Ricardo Rilo explicaranos as súas principais características; trasladarémonos a Mera para ver a casa na que veraneaba; marcharemos para a igrexa de Santa María de Dexo, co obxecto de coñecer unha igrexa románica que nos axudará a situarnos na Idade Media, época na que viviu o trobador Lopo de Liáns; a continuación iremos para a parroquia de Liáns, onde visitaremos o xardín do pazo de Lóngora que Lloréns plasmou para a posteridade nalgúns dos seus cadros; posteriormente no parque diante da igrexa de Liáns lembraremos ao egrexio trobador Lopo de Liáns; finalizaremos na Praza da Rabadeira en Oleiros, que é onde naceu o importante matemático José Barral Souto.

O alumnado do Instituto Miraflores realizará a presentación destes personaxes. Alumnos e alumnas de 1º de bacharelato, dirixidos pola profesora Susana López González, que baixo a coordinación de Rosa García Vilariño elaboraron o texto da publicación, que foi  deseñada polo Departamento de Comunicación do Concello de Oleiros.

Participarán no Roteiro sobre 150 alumnos/as acompañados do seu profesorado do IES Miraflores e do Colexio Luis Seoane de Mera, aos que se lles entregará o folleto.

Os obxectivos que se pretenden conseguir son:
- Dar a coñecer diferentes persoas ilustres que residiron no Concello de Oleiros.
- Mellorar o coñecemento do patrimonio e de diferentes espazos do termo municipal de Oleiros.
- Promover a lectura.

Roteiro cultural e literario 2015: 20 e 21 de maio

               Fernando Álvarez de Sotomayor en Lamastelle                        
Santiago Casares Quiroga, o pazo do Río e villa Galicia en Montrove
José Luis Bugallal Marchesi e villa Isabel en Nós

Esta actividade está organizada polo Sistema de Bibliotecas Públicas Municipais de Oleiros, o Servizo de Normalización Lingüística e o IES Miraflores.
Realizaranse dúas sesións, a primeira o 20 de maio e a segunda o 21 de maio, ás 9:00 horas.

Este ano está dedicado ao pintor Fernando Álvarez de Sotomayor que residiu en Lamastelle, ao avogado e político Santiago Casares Quiroga que veraneou no pazo do Río e villa Galicia en Montrove e ao xornalista José Luis Bugallal Marchesi que viviu en villa Isabel en Nós.

Comezaremos nas Torres de Santa Cruz onde se proxectará un Power Point, realizado por Ricardo Rilo, sobre as principais características da pintura de Álvarez de Sotomayor, despois trasladarémonos a Lamastelle para ver o lugar onde estaba a casa de Fernando Álvarez deSotomayor e realizaranse as explicacións sobre este pintor; a continuación marcharemos para o pazo do Río, residencia de veraneo do avogado e político Santiago Casares Quiroga, no que se falará sobre este persoeiro e está previsto un concerto de violín e guitarra interpretado por Eduardo Coma, ao violín, e Francisco Rosa, á guitarra, con composicións musicais da época; para acabar en Nós, en villa Isabel, onde se expoñerá sobre o xornalista José Luis Bugallal Marchesi, para finalizar cun espectáculo de clown de temática deportiva a cargo de MeRe Clown.

O alumnado do Instituto Miraflores realizará a presentación destes personaxes. Alumnos e alumnas de 1º de bacharelato, dirixidos polo profesorado e baixo a coordinación da profesora Rosa García Vilariño elaboraron o texto da publicación, que foi  deseñada polo Departamento de Comunicación do Concello de Oleiros.

Participará no Roteiro, alumnado e profesorado do IES Miraflores, do IES María Casares, do CEIP Isidro Parga Pondal de Santa Cruz e do CEIP Luís Seoane de Mera: perto de 300 alumnas e alumnos, aos que se lles entregará o folleto.

15 e 19 de maio: Roteiro Cultural e Literario

 Manuel Pardo de Andrade en Dorneda

María Wonenburger en Montrove

Manuel Lugrís Freire en Oleiros

Esta actividade organízase entre o Sistema de Bibliotecas Públicas Municipais, o Servizo de Normalización Lingüística e o IES Miraflores.

Realizaránse dúas sesións, sendo a primeira o 15 de maio e a segunda o 19 de maio. En ambos casos comezaremos ás 9,00 horas, realizando en ambas datas o mesmo recorrido. 

Recorreránse distintos lugares do municipio nos que viviron diferentes mulleres e homes ilustres, como unha homenaxe a todos eles e co obxectivo de dalos a coñecer e mellorar o coñecemento do patrimonio e os diferentes espazos do término municipal de Oleiros, ademáis de promover a lectura.

Comezamos en Dorneda, no antigo Pazo de Xaz, co ilustrado liberal e xornalista Manuel Pardo de Andrade, trasladámonos a Montrove onde naceu a matemática María Wonenburger, e posteriormente desprazámonos a Oleiros onde traballou o escritor Manuel Lugrís Freire.

O alumnado do Instituto Miraflores realizará a presentación destas persoas ilustres. Alumnos e alumnas de 1º de bacharelato elaboraron o folleto dirixidos polo profesorado. O deseño da publicación foi realizado polo Departamento de Comunicación do Concello de Oleiros.

3 e 10 de maio: Roteiro Cultural e Literario

Syra Alonso e Francisco Miguel e a "Casa da felicidade" en Santa Cruz

Fanny Garrido e Marcial del Adalid no Pazo de Lóngora

Francisca Herrera en Oleiros 

Organizada entre o Sistema de Bibliotecas Públicas Municipais, o Servizo de Normalización Lingüística e o IES Miraflores de Oleiros, a actividade consiste no recorrido por distintos lugares do municipio nos que viviron diferentes mulleres e homes ilustres, como unha homenaxe a todos eles e co obxectivo de dalos a

coñecer e mellorar o coñecemento do patrimonio e espazos do termo municipal de Oleiros e promover a lectura.

Realizaránse dúas sesións, sendo a primeira o 3 de maio e a segunda o 10 de maio. En ambos casos comezaremos ás 9.30 horas nas Torres de Santa Cruz, realizando en ambas o mesmo recorrido.

O alumnado do Instituto Miraflores realizarán a presentación destas persoas ilustres. Alumnos e alumnas de 2º de bacharelato elaboraron o folleto dirixidos polo profesorado. O alumnado de 4º de ESO colabora igualmente na actividade.

O alumnado de 2º de bacharelato do IES Miraflores que realizou os textos do folleto foi: Aurora Alonso, Pablo Balado, Carlos Barros, Nicolás Berti, María Cabrero, Blanca Domínguez, Alfonso Fernández, Belén Fernández, Eduardo Ferro, Manuel González, Iago Rial, Víctor Roade,

Pablo Rodríguez, Rubén Vaamonde, Álvaro Varela, Iván Vázquez Mira, e o profesorado: Mercedes Agra Ramírez (do departamento de Lingua Galega), Mª Concepción Castro Higelmo (departamento de Ciencias Sociais), Elena López Prada (departamento de Física e Química), baixo a coordinación da catedrática Rosa García Vilariño do Departamento de Lingua e Literatura galega, así como da Biblioteca Central Rialeda e do Servizo de Normalización Lingüística do Concello de Oleiros.


O deseño da publicación foi realizado polo Departamento de Comunicación do Concello de Oleiros.

Participarán no roteiro, ademais de alumnado e profesorado do IES Miraflores, tamén do Instituto Mª Casares, do Instituto Neira Vilas, do Colexio Isidro Parga Pondal de Santa Cruz e do Colexio Luis Seoane de Mera. Máis de 300 alumnas e alumnos, aos que se lles entregará a publicación sobre estas persoas ilustres. 

Poderán asistir todas as persoas que o desexen, debendo apuntarse na Biblioteca Rialeda para ter praza nos autobuses. Poderán facelo vindo persoalmente á biblioteca, ou chamando por teléfono ao número 981 639 511 ou enviando un correo electrónico a biblioteca.rialeda@oleiros.org.

DATA LÍMITE PARA INSCRIBIRSE O MARTES, 30 DE ABRIL

Desde as Bibliotecas Municipais de Oleiros agradecemos a todas as persoas que colaboraron na elaboración da publicación e a todas as que van colaborar os días 3 e 10 de maio para a realización do roteiro.

Exposición "Syra Alonso & Francisco Miguel" en Santa Cruz

Na Biblioteca Municipal Rosalía de Castro sita en Santa Cruz podes contemplar a mostra titulada “Syra Alonso & Francisco Miguel”, dentro do ciclo de exposicións relacionadas con mulleres ilustres que tiveron relación co Concello de Oleiros, e que formarán parte do Roteiro Cultural e Literario que xa se levou á práctica o curso pasado e se repetirá este ano con mulleres como Syra Alonso, Fanny Garrido ou Francisca Herrera, e nalgúns casos coas súas parellas.
Syra Alonso procede dunha familia da burguesía comercial coruñesa. Casa co pintor Francisco Miguel no ano 1920, cando acaba de cumprir 21 anos.
Viaxan a París, Cuba, a súa familia medra, teñen tres fillos varóns, e por fin recalan en  México onde as relacións co muralista David Alfaro Siqueiros e a poeta Blanca Luz Brum marcarán as súas vidas. Francisco Miguel retrata a Syra unha morea de veces, pinta tamén cadros onde se adiviña a súa relación coa Coruña que deixaron atrás. E por fin o 10 de novembro de 1933 regresan a Galicia, aquí establecen a súa residencia na parroquia de Liáns (Oleiros), nunha vivenda do Porto de Santa Cruz, a que chaman a “Casa da Felicidade”, que sempre sería recordada por Syra con cariño e nostalxia polas vivencias, tan felices pero tamén tan duras.
O 3 de agosto de 1936 a Garda Civil detén a Francisco Miguel acusado de actuar contra o rexime militar golpista. Syra visítao por derradeira vez o 28 de setembro, nesa mesma noite tres balas asasinan a Francisco Miguel logo de que fracasasen todas as desesperadas xestións desenvolvidas pola súa muller. O 30 de setembro será enterrado no cemeterio da parroquia de Bértoa despois de que lle amputaran as mans que tantas obras pintara.
Neste intre Syra comeza a escribir un diario no que recolle o período de desesperación e de represión hacia a súa persoa e a obra do seu home en Galicia (pechan unha exposición que ela organiza pouco despois da súa morte), ata que conseguiu saír cos seus fillos de novo para México vía Lisboa. Despois de vivir en Actopán, reside en distintos domicilios de Cidade de México e Cuernavaca. Os últimos anos pásaos en México D.F., ata a súa morte producida por un cancro de ósos.
No ano 2000 chegan a Galicia os Diarios de Syra Alonso (Colección Mulleres, A Nosa Terra) despois de máis de medio século de exilio. O seu fillo Juan Ramón Fernández enviábaos desde México e descúbrenos un dos máis extraordinarios memoriais da represión desatada despois de 1936. Syra Alonso escribira a primeira parte dos seus diarios en Tordoia, e a segunda na localidade mexicana de Actopán, en 1945. 

30 de maio: Roteiro Cultural e Literario

Emilia Pardo Bazán e o Castelo de Santa Cruz

Sofia Casanova e as casas onde veraneou en Mera

Juana de Vega e o Pazo da Carballeira en Nós

María Casares e o Pazo do Río en Montrove

Esta actividade organízase entre o Sistema de Bibliotecas Públicas Municipais, o Servizo de Normalización Lingüística e o Instituto Miraflores.

Os obxectivos que pretendemos conseguir son:

- Dar a coñecer diferentes mulleres ilustres que viviron no Concello de Oleiros.

- Mellorar o coñecemento de diferentes espazos do termo municipal de Oleiros.

- Promover a lectura.

Realizaremos o roteiro que consistirá no recorrido por distintos lugares do municipio nos que viviron estas mulleres ilustres, como unha homenaxe a todas elas.

Terá lugar o día 30 de maio e comezaremos ás 9.30 horas no Castelo de Santa Cruz onde unha monitora do CEIDA falará de como estaba na época de Emilia Pardo Bazán, trasladarémonos a Mera á casa de veraneo da xornalista Sofía Casanova, posteriormente desprazámonos ao Pazo da Carballeira en Nós no que viviu a escritora Juana de Vega e onde nos recibirá o director da Fundación Juana de Vega  que explicará as funcións da mesma, para finalizar en Montrove no Pazo do Río onde pasou parte da súa infancia a actriz María Casares.

En todos estes lugares a presentación destas mulleres ilustres será realizada por alumnado de 1º de bacharelato que elaborou o folleto.

Roteiro Cultural e Literario: inscrición aberta ata o 25 de maio

Emilia Pardo Bazán e o Castelo de Santa Cruz

Sofia Casanova e as casas onde veraneou en Mera

Juana de Vega e o Pazo da Carballeira en Nós

María Casares e o Pazo do Río en Montrove

Esta actividade organízase entre o Sistema de Bibliotecas Públicas Municipais, o Servizo de Normalización Lingüística e o Instituto Miraflores.

Os obxectivos que pretendemos conseguir son:

- Dar a coñecer diferentes mulleres ilustres que viviron no Concello de Oleiros.

- Mellorar o coñecemento de diferentes espazos do termo municipal de Oleiros.

- Promover a lectura.

Realizaremos o roteiro que consistirá no recorrido por distintos lugares do municipio nos que viviron estas mulleres ilustres, como unha homenaxe a todas elas.

Terá lugar o día 30 de maio e comezaremos ás 9.30 horas no Castelo de Santa Cruz onde unha monitora do CEIDA falará de como estaba na época de Emilia Pardo Bazán, trasladarémonos a Mera á casa de veraneo da xornalista Sofía Casanova, posteriormente desprazámonos ao Pazo da Carballeira en Nós no que viviu a escritora Juana de Vega e onde nos recibirá o director da Fundación Juana de Vega  que explicará as funcións da mesma, para finalizar en Montrove no Pazo do Río onde pasou parte da súa infancia a actriz María Casares.

En todos estes lugares a presentación destas mulleres ilustres será realizada por alumnado de 1º de bacharelato.

En principio xa está confirmado que participará no roteiro ademais de alumnado do IES Miraflores, alumnado do Instituto Mª Casares e do Colexio Luis Seoane de Mera, aproximadamente 100 persoas, ás que se lles entregará a publicación realizada polo alumnado.

Tamén poderán asistir todas as persoas que o desexen.

Deberán apuntarse na Biblioteca Rialeda par ter praza nos autobuses.

DATA LÍMITE PARA APUNTARSE O VENRES, 25 DE MAIO