18/5/12

Hora do conto: de 21 a 25 de maio

Aquí tes a programación da hora do conto de 21 a 25 de maio.
Todas as sesións son ás 18:30 horas.
Biblioteca Pública Municipal "Mª José Ruso". Dorneda
Luns 21 de maio
TÍTULO:           “Contos para detectives despistados”
Biblioteca Pública Municipal "Federico García Lorca". Montrove
Martes 22 de maio
TÍTULO:             “A ratiña Presumida e o ratiño Presumido”
Biblioteca Pública Municipal "Xograr Mendiño". Lorbé
Mércores 23 de maio
CONTACONTOS: Caxoto (A Trastenda dos Contos)
TÍTULO:            “Contos nun mar de cores”
Biblioteca Pública Municipal "Rosalía de Castro". Santa Cruz
Mércores 23 de maio
CONTACONTOS: Pablísimo
TÍTULOS:             “Canto conta un elefante”, “Para que serves cadeliño?”, “As princesas tamén botan peidos”
Biblioteca Central "Rialeda". Perillo
Xoves 24 de maio
CONTACONTOS: Soledad Felloza
TÍTULO:           “De elefantes y gigantes”
Biblioteca Pública Municipal "Mª José Trincado". Mera
Venres 25 de maio
CONTACONTOS: Cucarandainas
TÍTULO:             "Escola de maxia"
Biblioteca Pública Municipal "Ánxel Fole". Nós
Venres 25 de maio
CONTACONTOS: Yolanda Castaño
TÍTULO:             “Contacontos en verso para nenos-as”
(AVISO: Os títulos programados poden sufrir variacións en función do público asistente)
A hora do conto da Biblioteca "Federico García Lorca" de Montrove, "Mª José Trincado" de Mera e "Ánxel Fole" de Nós están dentro do programa

Novidades DVD Cine en Rialeda: 2ª quincena maio 2012

nos expositores do 2º andar da biblioteca


A alta demanda de películas fai que podas atopalas prestadas,
consulta a súa dispoñibilidade a través do catálogo para reservalas.
Importante: Só se fan reservas sobre material prestado.

Recomendacións en Radioleiros: 18 de maio

- Infantil

De cores e de amores, de Xabier P. Docampo e Xosé Cobas
Editado por Galaxia

Libro fundamentalmente estético que comeza cun fondo branco para resaltar as cores. Ocupa as páxinas co resultado de mesturar as mesmas, as sensacións que producen e as diferentes posibilidades na combinación. Unha obra plástica cun toque de poesía.

- Mozos/as e Adultos/as

Editado por Xerais

Relatos curtos de diferente extensión con algún nexos. Multitude de asuntos recreados, textos con intriga e misterio, outros con personaxes como Darwin, Marx ou Franco, abaneando entre os clásicos e as vangardas. Amplo rexistro lingüístico.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

16/5/12

Ábrese a sesión: expo videográfica sobre Cine Xudicial. Na Biblioteca Central Rialeda

Presentámosche unha selección de películas nas que o mundo das leis son o tema en torno ao que discurre a acción. Maiormente consideradas como dramas, prestan especial atención aos procedementos e os seus protagonistas, xuíces, acusados, avogados e avogadas, e desenrolan parte da súa trama nun tribunal.

Entre as mesmas poderás atopar clásicos absolutos como 12 hombres sin piedad (1957) de Sydney Lumet e Matar a un ruiseñor (1962) de Robert Mulligan, pero tamén obras máis contemporáneas como El jurado (2003) de Gary Fleder ou o remake 12 de Nikita MikhalkovEl dilema (1999) de Michael Mann amosa un tour-de-force interpretativo entre Al Pacino e Russell Crowe, mentres que Philadelphia (1993) de Jonathan Demme presenta un novo -naquel momento- Tom Hanks nun dos seus primeiros papeles non cómicos.

Falando de comedia, La costilla de Adán (1949) de George Cukor xira en torno á guerra de sexos que enfrenta a un matrimonio de fiscal e avogado. Por outra banda, as secuelas da II Guerra Mundial tamén son tema de debate xurídico en Vencedores o vencidos (1961) de Stanley Kramer (sobre os Xuízos de Nuremberg) e en The reader (El lector) (2008) de Stephen Daldry, cunha colosal Kate Winslet, sen esquecer La caja de música (1989) do sempre comprometido Costa Gavras.

Shakespeare non podía faltar representado a través do seu Mercader de Venecia (2004) de Michael Radford con Al Pacino no papel do prestamista Shylock. Os tribunais militares veñen representados por El motín del Caine (1954) de Edward Dmytryk, cun insólito Humphrey Bogart e no imprescindible alegato antibelicista Senderos de gloria (1957) de Stanley Kramer.

En definitiva, máis de 20 títulos adicados a unha temática que forma prácticamente un xénero por sí mesmo, e que presentou e segue presentando un atractivo especial para decenas de cineastas ao longo da historia.

Podes atopalos expostos no 2º andar da Biblioteca Central Rialeda. Non esquezas consultar o listado.

15/5/12

Roteiro Cultural e Literario: inscrición aberta ata o 25 de maio

Sofia Casanova e as casas onde veraneou en Mera
Juana de Vega e o Pazo da Carballeira en Nós
María Casares e o Pazo do Río en Montrove


Os obxectivos que pretendemos conseguir son:
- Dar a coñecer diferentes mulleres ilustres que viviron no Concello de Oleiros.
- Mellorar o coñecemento de diferentes espazos do termo municipal de Oleiros.
- Promover a lectura.

Realizaremos o roteiro que consistirá no recorrido por distintos lugares do municipio nos que viviron estas mulleres ilustres, como unha homenaxe a todas elas.

Terá lugar o día 30 de maio e comezaremos ás 9.30 horas no Castelo de Santa Cruz onde unha monitora do CEIDA falará de como estaba na época de Emilia Pardo Bazán, trasladarémonos a Mera á casa de veraneo da xornalista Sofía Casanova, posteriormente desprazámonos ao Pazo da Carballeira en Nós no que viviu a escritora Juana de Vega e onde nos recibirá o director da Fundación Juana de Vega  que explicará as funcións da mesma, para finalizar en Montrove no Pazo do Río onde pasou parte da súa infancia a actriz María Casares.

En todos estes lugares a presentación destas mulleres ilustres será realizada por alumnado de 1º de bacharelato.

En principio xa está confirmado que participará no roteiro ademais de alumnado do IES Miraflores, alumnado do Instituto Mª Casares e do Colexio Luis Seoane de Mera, aproximadamente 100 persoas, ás que se lles entregará a publicación realizada polo alumnado.

Tamén poderán asistir todas as persoas que o desexen.
Deberán apuntarse na Biblioteca Rialeda par ter praza nos autobuses.

DATA LÍMITE PARA APUNTARSE O VENRES, 25 DE MAIO

Obradoiro de Creación Literaria na Biblioteca Central Rialeda (10ª e derradeira sesión): martes 15 de maio

O día 15 de maio, ás 18.30 horas, na Biblioteca Central Rialeda, terá lugar a sesión final do Obradoiro de creación literaria impartido polo escritor e profesor Xavier Seoane
Está dirixido a mozas/os (a partir de 15 anos) e adultas/os, realizarase os martes e terá unha duración de dez sesións. 
 
Foi unha iniciativa da Concellería de Cultura de Oleiros e da Asociación de Escritores en Lingua Galega coa que pretendeuse animar a escribir textos literarios mediante a manipulación de formas lingüísticas e a imitación de modelos expresivos da nosa tradición literaria, aos que podemos chegar mediante o xogo e a descuberta da nosa propia creatividade.

Dende a Biblioteca Central Rialeda queremos dar as grazas a todos e todas as participantes e ao profesor Xavier Seoane.

IMPORTANTE: A actividade realízase no 2º andar da biblioteca. Durante a mesma quedan fora de servizo os ordenadores da citada sala.

Tertulia literaria en Rialeda: mércores 16 de maio (Grupo A)


Na Biblioteca Central Rialeda (Casiña de actividades)
Hora: 17,30 a 19,30 h.

Comentaráse a obra "A miña planta de laranxa lima" de José Mauro de Vasconcelos
Documentación
Obras de José Mauro de Vasconcelos nas nosas bibliotecas

14/5/12

Día das Letras Galegas nas Bibliotecas de Oleiros

Para conmemorar o Día das Letras Galegas 2012 adicado este ano ao poeta, ensaísta, avogado, empresario, Valentín Paz-Andrade, as Bibliotecas de Oleiros van desenvolver diferentes actividades para dar a coñecer a figura do escritor nacido en Lérez.
Na Biblioteca Central Rialeda avanzamos as seguintes:
- Expo bio-bibliográfica de Valentín Paz-Andrade
- Mar de Paz: os-as máis cativos-as poderán colorear peixes para encher o mar de obras, ideas, conceptos que representan a Valentín.
- Cores de Paz: o obxectivo é coñecer a Valentín a través das actividades que propón o Seminario Permanente de Formación do Profesorado do CEIP Galán de Oseiro-Arteixo, a quen agradecemos a edición deste precioso material.

Na Biblioteca de Santa Cruz:
- Mural interactivo sobre Valentín Paz Andrade
- Exposición material bibliográfico que podes atopar na biblioteca
- Actividades para os máis cativos “Un mar de letras e peixes con Valentín Paz Andrade : decoramos o noso mural interactivo con diferentes tipos de peixes, xogos de letras, encrucillados, etc..

Ao longo da semana a cada usuario/a se lle obsequiará cun marcapáxinas e un tríptico conmemorativos.
Na Biblioteca de Mera:
- Exposición bibliográfica relacionada con Valentín Paz-Andrade (na sala de adultos).
- "O Barco das Letras": Coloreamos, recortamos e pegamos as ondas sobe o barco da nosas letras para finalmente montar o peixe, a estrela e o polbo. Con esta sinxela actividade destinada ao público infantil queremos destacar a vinculación de Valentín Paz-Andrade  co mundo do mar e da
pesca.
Na Biblioteca de Dorneda:
- Exposición bibliográfica sobre Valentín Paz Andrade.
- Marcapáxinas adicado a Valentín Paz-Andrade.
- Tríptico informativo que nos acerca á vida de Valentín Paz Andrade contén unha relación bibliográfica dos libros que temos na nosa biblioteca sobre ou de este autor.
- Pasatemposgalegos.com para diferentes idades. Tendo como tema central o Día das Letras Galegas e Valentín Paz Andrade, propoñemos unha serie de pasatempos para
diferentes idades.
Na Biblioteca de Montrove:
- Exposición bibliográfica sobre Valentín Paz Andrade e o Día das Letras Galegas.
- "Investigando ímonos enterando": cuestionario con preguntas sobre Valentín Paz Andrade.
- "O Xogo de Valentín": pasatempo.

Na Biblioteca de Lorbé
- Marcapáxinas poético: Ven á biblioteca a crealo ti mesmo/a utilizando algún poema de Valentín Paz Andrade
- Exposición bibliográfica sobre Valentín Paz Andrade.
- Deco-Biblio: Axúdanos a decorar as paredes de biblioteca con poemas, imaxes e debuxos alegóricos a Valentín Paz Andrade.
Tamén informarémosche sobre todos os actos que se están a celebrar en Galicia relacionados con Valentín.

14 de maio: "Os Contos de Paula" na Biblioteca Central Rialeda

Biblioteca Central Rialeda (2º andar)
Horario: de 10 a 11 h.

Actividade dirixida ao alumnado de 4º A e B de Primaria do CEIP Valle Inclán.

Paula Carballeira:
"Nacín unha tarde de setembro do ano 1972 en Maniños, en Galicia, no noroeste da península Ibérica. Conto contos profesionalmente dende hai 15 anos en galego, español e galego-portugués.

Teño viaxado por varios países: Portugal, Brasil, Chile, Suiza, Ecuador... e non deixo de viaxar fundamentalmente pola miña terra, onde participo regularmente en actividades de narración oral en bibliotecas, bares e incluso en prazas, debaixo dos árbores."