5/7/13

Recomendacións en Radioleiros: 5 de xullo

- Infantil (menores de 6 anos):

Un loro en mi granja, de Pep Bruno e ilustrado por Lucie Müllerová
Editado por Edelvives

Un loro é o protagonista principal desta historia que se desenvolve nunha granxa. Unha suma de pequenas historias que remiten a unha máis grande. Premiado polas ilustracións da checa Lucie Müllerová.

- Moz@s e Adult@s:

Microbios e outros paquidermos, de Fernando Díaz-Castroverde
Editado por Galaxia

"Microbios e outros paquidermos" é un conxunto de cento vinte textos que, pola súa mínima extensión e máxima intensión, podemos considerar microrrelatos. Tratan temáticas moi diversas: a convivencia da fauna cidadá, o mundo felino, as alternativas aventuras de Aladino, as vivencias faquires e outras moitas cun estilo que podería vencellarse a Fole, Auster e Tabucchi. 
Premio Narrativa Repsol 2011.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

3/7/13

Aviso importante: Horario da Biblioteca de Santa Cruz do xoves 4 de xullo

A Biblioteca e Centro de Documentación da Muller "Rosalía de Castro" de Santa Cruz terá o seguinte horario durante a xornada do 4 de xullo:

- Mañá: 10 a 14 h.
- Tarde: 17 a 20 h.

Pregamos desculpen as molestias

Durante o resto do mes o horario será de 8 a 21h. de luns a venres.

2/7/13

Horarios das Bibliotecas de Oleiros durante xullo, agosto e setembro

Informámosvos dos horarios das Bibliotecas para este verán, (clica na imaxe e accede aos horarios de todas as bibliotecas durante os meses de xullo, agosto e setembro).
Aproveitamos para recordarvos que na Biblioteca Central Rialeda poderedes renovar os libros e outros materiais daquelas outras bibliotecas que estean pechadas. Lembra que deberás facer a devolución dos libros ou o material que teñas en préstamo na biblioteca onde o retiraches. Se a biblioteca correspondente está pechada, espera a que abra para facer a devolución.

Como sempre, podedes contactar connosco ou consultar calquera dúbida sobre o horario chámandonos á Biblioteca Central Rialeda, no teléfono 981 639511, envíandonos un correo electrónico a biblioteca.rialeda@oleiros.org, ou a través de CONTACTA BIBLIOTECAS

Queremos desexar un feliz verán a todas as persoas que nos seguen a través do noso blog e da web do Concello de Oleiros, e por suposto a todos-as os-as nosos-as lectores-as e usuarios-as.