18/10/13

Hora do conto: de 22 a 25 de outubro

Salvo indicación, todos os actos terán lugar ás 18,30 h.
Biblioteca Pública Municipal "Federico García Lorca". Montrove
Martes 22 de outubro
CONTACONTOS: Paula Carballeira
TÍTULOS:  “Contos de Cabo Verde”
Biblioteca Pública Municipal "Rosalía de Castro". Santa Cruz
Mércores 23 de outubro
CONTACONTOS: Gato Camifuco da Compañía Trinke Trinke
TÍTULOS: O cole de Lonxedetodo: “Matías debuxa o sol”, “As curuxiñas”

Biblioteca Pública Municipal "Xograr Mendiño". Lorbé
Mércores 23 de outubro
CONTACONTOS: Ramiro Neira
TÍTULOS: “Quero unha fantasma”, “Bolboretas”, “Preparados, listos, xa” 

Biblioteca Central "Rialeda". Perillo
Xoves 24 de outubro
CONTACONTOS: Pablísimo
TÍTULOS: “Ras!: contos batracios”        
Biblioteca Pública Municipal "Mª José Trincado". Mera
Venres 25 de outubro
CONTACONTOS: Ramiro Neira
TÍTULOS: “A granxa”, “A aposta “, “O cubo de leite”
(AVISO: Os títulos programados poden sufrir variacións en función do público asistente)

Recomendacións en Radioleiros: 18 de outubro

- Infantil:
 
Un paseo con el señor Gaudí, de Pau Estrada
Juventud

Percorrido biográfico artístico pola vida e obra de Gaudí, un dos arquitectos máis influíntes desde finais do XIX. Ilustracións do mesmo autor que fan deste libro unha opción interesante tanto para nenos como para adultos no contido e na propia presentación estética. Reseña final moi completa sobre Gaudí. 
 
- Moz@s e Adult@s: 
 
 
Considerada unha xornalista especializada na cultura pop británica, Caitlin Moran ofrécenos unha mestura entre libro de memorias e manifesto feminista con grandes doses de ironía. A depilación, o sobrepeso, os tacóns, as vodas, o aborto pasan por este libro nunha reflexión sobre o feito de ser muller na Grande Bretaña de hoxe. Bon aparello de notas da tradutora Marta Salís.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

21 outubro: Inicio tempada Tertulia Literaria na Biblioteca de Santa Cruz

Biblioteca e Centro de Documentación da Muller "Rosalía de Castro"
Hora: 18,30 a 20 h.

Comenzamos o 1º trimestre coa seguinte programación:


Datas:
- Outubro: día 21
- Novembro: días 4 e 18
- Decembro: días 2 e 16

Pode apuntarse á actividade:
- Persoalmente na Biblioteca de Santa Cruz.
- Por teléfono (981 626 338) no horario da biblioteca.


Nestes intres o grupo está completo, polo tanto as/os interesada/os pasarán a formar parte da lista de espera.

As Bibliotecas homenaxean a Clara Sánchez e César Mallorquí


Nacéu en Guadalajara o 1 de marzo de 1955. Trasladouse a Madrid, onde reside, e licenciouse en Filoloxía Hispánica na Universidad Complutense. Adicouse durante anos ao ensino universitario, ata que se volcou de cheo á profesión de escritora. Participou no programa de televisión Qué grande es el cine, ademáis de colaboracións noutros medios como o xornal El País e a revista literaria El urogallo.

Obras de Clara Sánchez nas nosas bibliotecas
- Últimas noticias del paraíso (2000) - Premio Alfaguara 2000
- Presentimientos (2008)
- Lo que esconde tu nombre - Premio Nadal 2010 , Premio Mandarache 2013

César Mallorquí, Premio Nacional de Literatura Infantil e Xuvenil 2013

O escritor barcelonés César Mallorquí gañou o Premio Nacional de Literatura Infantil e Xuvenil pola súa obra La isla de Bowen. O premio dotado con 20.000€, concedido polo Ministerio de Educación, Cultura e Deportes para distinguir o traballo dun autor español, escrita en calquera das linguas oficiais do Estado e publicado en España en 2012

La isla de Bowen é unha historia de aventuras no estilo de Verne e Conan Doyle, con illas misteriosas, homicidios, minerais preciosos, heroes e manuscritos medievais. Mallorquí con esta novela foi galardoado co Premio Edebé 2012.

Obras de César Mallorquí nas nosas bibliotecas 
- La catedral (2000)
- La piedra inca (2005)
- La mansión Dax (2005)
- Leonis (2011)



En todas as Bibliotecas Municipais do Concello de Oleiros presentámosche diferentes mostras coas obras dispoñibles de ambos autores. Non chas perdas!

17/10/13

Outono e outras historias: guía de cine na Biblioteca Central Rialeda

Sensacións brumosas, romances tardíos, cores e ventos de outono, todo esto e máis podes atopalo nesta selección de títulos en dvd que che ofrecemos no 2º andar da Biblioteca Central Rialeda.

Pincha sobre a imaxe para descargar a guía.

15/10/13

Uva e tinta: libros e películas na estación das vendimas

Miles de mans colleitaron xa os acios acugulados que algún día se convertirán en caldos suculentos. Uva e tinta: libros e películas (con toques delicados, notas saborosas, aromas punxentes) na estación das vendimas, é unha selección de cine e literatura que vos ofrecemos na Biblioteca Central Rialeda para compracer os padais neste outono. Cátaos!

14/10/13

Alice Munro: Nobel de Literatura 2013

A escritora Alice Munro foi galardonada co Premio Nobel de Literatura 2013
"Desta mestra do relato breve apréciase o seu ben afinado arte de narrar historias curtas, caracterizado por un estilo claro e un realismo psicolóxico. Algúns considerárona como unha Chéjov canadiana. As súas narracións desenvólvense con frecuencia en pequenas cidades de provincias onde a loita das persoas por unha existencia decente causa a menudo dificultades nas súas relacións e conflitos morais, problemas que teñen a súa orixe en diferencias xeracionais ou ambicións vitais contrapostas. Hai a miúdo nos seus textos descricións de acontecementos cotiáns pero decisivos, unha especie de epifanías, que botan luz sobre a narración que as rodea e permiten que cuestións existenciais aparezan de súpeto como iluminadas pola luz dun lóstrego". (Palabras obtidas da web oficial dos Premios Nobel)

PARABÉNS ALICE!!!

Tertulia literaria en Rialeda: 16 de outubro (Grupo A)

Na Biblioteca Central Rialeda (Casiña de actividades) Hora: 17,30 a 19,30 h.

Comentario da obra "Una temporada para silbar" de Ivan Doig
Documentación
Obras de Ivan Doig nas nosas bibliotecas.

A seguinte obra programada é "Amor de Artur" de Xosé Luis Méndez Ferrín.