5/2/16

Recomendacións en Radioleiros: 5 de febreiro 2016

http://bibliotecasoleiros.blogspot.com.es/2016/01/recomendacions-en-radioleiros-29-de.html
http://bmpg.rbgalicia.org/cgi-bin/koha/opac-detail.pl?biblionumber=112389- Infantil (de 6 a 8 anos): 

La filarmónica se viste de Karla Kuskin e ilustracións de Marc Simont
Corimbo

Os preparativos dun concerto dunha orquestra son descritos con detalle por autora e ilustrador formando unha parella perfecta. Cun debuxo de grande calidade, o  texto explícanos os hábitos das máis de cen persoas que forman este colectivo, cun resultado moi atractivo a nivel estético e de contido.

- Mozos/as e adultos/as:
http://bmpg.rbgalicia.org/cgi-bin/koha/opac-detail.pl?biblionumber=113815
O violín de Rembrandt de Jorge Llorca
Xerais

O XXXI Premio Blanco Amor de novela ofrécenos unha historia coral que parte dun cadro e dun violín vencellados a un profesor do Colexio Atenea. Violeta, filla dun embaixador arxentino, Bladimiro Regueira que aspira a triunfar na farándula, Teresa Moure, daltónica pero con vista para xestionar unha galería de arte e Indalecio, camareiro do Delicias pelexado coa climatoloxía, forman entre outros unha novela fluida con moito humor que reflicte o ambiente das pequenas cidades.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

AVISO: horario das bibliotecas durante o Entroido

Durante a festividade do Entroido estarán pechadas as seguintes bibliotecas:
- Luns 8 de febreiro:  Biblioteca Mª José Ruso. Dorneda
                                Biblioteca Mª José Trincado. Mera
                                Biblioteca Xograr Mendiño. Lorbé

- Mércores 10 de febreiro:  Biblioteca Xograr Mendiño. Lorbé.

Quedan abertas ao público, no seu horario habitual, a Biblioteca Central  Rialeda, Biblioteca Rosalía de Castro de Santa Cruz, Biblioteca Ánxel Fole de Nós e Biblioteca Manuel María de Oleiros.

Desculpen as molestias

4/2/16

25 fiestras: asómate a películas que descubren culturas

https://picasaweb.google.com/112968433170961771213/25FiestrasAsomateAPeliculasQueDescubrenCulturas?feat=directlink
Convidámoste a visitar a exposición "25 fiestras: asómate a películas que descubren culturas" no vestíbulo da Biblioteca Central Rialeda. 25 fiestras, 25 ocos, ollos por onde mirar outras formas de relacionarse co mundo. 25 propostas, como outras calquera, para coarse na casa, na cociña, na praza, no cuarto de estar, no espazo de traballo, no tempo de lecer, no dormitorio, na escola... 
Collid@s da man de David Lynch, Chano Piñeiro, Zhang Yimou, Isabel Coixet, Wolfgang Becker, Semih Kaplanoglu, Marjane Satrapi e outr@s, coñeceremos outros mundos a través do cine.
 

3/2/16

Expo sobre Rubén Darío na Biblioteca de Lorbé

 http://rubendario.org/
Cúmprese o centenario da morte de Rubén Darío, o poeta nicaraguano, xenio mundial da poesía contemporánea, (Metapa, hoxe Ciudad Darío, 18 de xaneiro de 1867 - León (Nicaragua), 6 de febreiro de 1916). Para homenaxealo na Biblioteca Xograr Mendiño de Lorbé faremos unha exposición cos seus fondos e para os máis pequenos, un concurso de debuxos baseado no seu poema “Margarita”
 
Co obxectivo de difundir as obras de Rubén Darío, coñecer máis sobre este poeta modernista, gozar da súa literatura, animar a expresividade e a imaxinación a través do debuxo, achegarse e valorar a poesía, convidamos aos-ás nosos-as usuarios-as a visitar a biblioteca e levar títulos como "Cantos de vida y esperanza", "Antología poética" e "Margarita" en préstamo.

4 de febreiro: peche da Biblioteca Manuel María de Oleiros

http://www.oleiros.org/web/concello-oleiros/bibliotecas/biblio/manuel-maria-oleiros
A Biblioteca Municipal "Manuel María" de Oleiros permanecerá pechada o xoves 4 de febreiro desde as 10,30 ata as 13 h.

O horario de tarde non se verá afectado.

Pregamos desculpen as molestias

Tertulia literaria en Rialeda: 3 de febreiro (Grupo A)

http://bibliotecasoleiros.blogspot.com.es/search/label/Tertulias%20Literarias
http://www.oleiros.org/c/document_library/get_file?p_l_id=14092&folderId=122559&name=DLFE-23336.pdfNa Biblioteca Central Rialeda (Casiña de actividades)
Hora: 17,30 a 19,30 h.

Comentario de  "La fórmula preferida del profesor" de Yoko Ogawa.
Documentación
Obras de Yoko Ogawa nas nosas bibliotecas.

A seguinte obra programada é "La muerte de Iván Ilich" de Lev Tolstói.

2/2/16

25 fiestras: asómate a novelas que descubren culturas

https://picasaweb.google.com/112968433170961771213/25FiestrasAsomateANovelasQueDescubrenCulturas?authuser=0&feat=directlink
Podes visitar a exposición bibliográfica "25 fiestras: asómate a novelas que descubren culturas" no vestíbulo da Biblioteca Central Rialeda. Son 25 ocos, 25 ollos por onde mirar outras formas de relacionarse co mundo. 25 propostas, como outras calquera, para coarse na casa, na cociña, na praza, no cuarto de estar, no espazo de traballo, no tempo de lecer, no dormitorio, na escola...