11/4/14

Recomendacións en Radioleiros: 11 de abril

http://www.oleiros.org/web/concello-oleiros/comunicacion/radio/podcast/todo-esta-nos-libros
http://bmpg.rbgalicia.org/cgi-bin/koha/opac-detail.pl?biblionumber=109705http://bmpg.rbgalicia.org/cgi-bin/koha/opac-detail.pl?biblionumber=108901- Infantil :
"Arroces: divertidos, fáciles, creativos" de Miguel A. Caruncho, David Cidre, Santiago Martínez e Xenxo Pereiro, editado por Ouvirmos.
Libro pertencente a unha colección de receitas infantís concebidas para experimentar en familia. Pensado dun xeito orixinal, con ingredientes básicos e explicadas de maneira sinxela. Apto para todos os públicos. Encadernado en tapa dura con fotografías dos pratos e unha disposición agradábel de ler.

- Mozos-as e adultos-as:
"Vida de nai" de Gemma Sesar, Ramón Marcos e Jorge Castelli. En El Patito Editorial.
Unha nai de dous nenos explica a súa vida diaria: tentar compatibilizar o aspecto laboral co familiar no momento máis duro da crise. Historia social con realismo e humor, magníficamente debuxado e cun texto no que poden verse identificadas unha chea de persoas.

 Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

9/4/14

Exposición de fotos “Abril mes dos libros” na Biblioteca de Nós

http://bibliotecasoleiros.blogspot.com.es/2014/03/en-abril-libros-mil.html
Na Biblioteca Ánxel Fole de Nós estamos elaborando unha exposición de fotos na que o protagonismo é do libro e da lectura. Durante todo este mes, seguiremos engadindo fotos curiosas nas que o "actor principal" sexa o libro. 

Todos-as aqueles-as que querades mandar as fotos que vos parezan interesantes, singulares, estrañas, bonitas, etc. relacionadas cos libros, podelas envialas ao correo electrónico biblioteca.nos@oleiros.org
 
Colocarémolas no "muro" da biblioteca, no de verdade, no muro real, para que todas as persoas que veñen á biblioteca as podan ver. 
Agardamos a túa foto!

Matapiollos Teatro na Biblioteca de Oleiros: 10 e 11 de abril

http://www.oleiros.org/c/document_library/get_file?p_l_id=14092&folderId=122559&name=DLFE-16559.pdf
Contacontos teatral con maxia e xogos de palabras, a cargo de Matapiollos Teatro, co espectáculo "Abrapalabra" para alumnado de educación primaria do CEIP Rabadeira, na Biblioteca Municipal Manuel María de Oleiros.


- Xoves 10 de abril: ás 10,15 h. 3º A e B. Ás 11:30 h. 3º C
- Venres 11 de abril: ás 10:15 h. 1º A e B. Ás 11:30 h. 1º C 

Unha maneira de gozar da maxia de forma divertida e participativa e de promover a utilización dos libros desta temática.

8/4/14

Tertulia literaria en Rialeda: 9 de abril (Grupo B)

Na Biblioteca Central Rialeda (Casiña de actividades)
Hora: 17,30 a 19,30 h.

Comentario de "La ignorancia" de Milan Kundera.
Documentación
Obras de Milan Kundera nas nosas bibliotecas.

A seguinte obra programada é "El proyecto esposa" de Graeme Simsion.

9 abril: inicio 3º trimestre da Tertulia Literaria en Rialeda (Grupo B)

http://www.oleiros.org/c/document_library/get_file?p_l_id=65429&folderId=122717&name=DLFE-17869.pdfNa Biblioteca Central Rialeda (Casiña de actividades)
Hora: 17,30 a 19,30 h.

Comenzamos o 3º trimestre nas Tertulias literarias da Biblioteca Central Rialeda no Grupo B.


Datas:
- Abril: días 9 e23
- Maio: días 7 e 21
- Xuño: día 4
Pode apuntarse á actividade:
- A través da páxina web do Concello de Oleiros.
- Persoalmente na Biblioteca Central Rialeda.
- Por teléfono (981 639 511) no horario da biblioteca.

Soledad Felloza na Biblioteca Rialeda: 9, 10 e 11 de abril

http://www.oleiros.org/c/document_library/get_file?p_l_id=14092&folderId=122559&name=DLFE-16559.pdf
A actriz, contacontos e fotógrafa Soledad Felloza estará na Biblioteca Central Rialeda participando na XXIII Campaña de promoción da lectura nas Bibliotecas Públicas Municipais:
 
- Mércores 9 de abril, ás 12:50 h.: "O corazón delator e outros contos" de Edgar Allan Poe para o alumnado de 3º A, B e C de ESO do IES Neira Vilas.

- Xoves 10 de abril, ás 10:50 h.: "Las ingeniosas del hidalgo" para alumnado de 1º de bacharelato do IES Neira Vilas.

- Venres 11 de abril, ás 10:50 h.: "La voz a ti debida" para alumnado de 2º de bacharelato do IES Neira Vilas.

9 de abril: Caxoto na Biblioteca Central Rialeda

Na Biblioteca Central Rialeda
Ás 10,15 h.

O contacontos Caxoto celebrará unha sesión titulada "Un conto de tres noites", adaptación do conto de Xabier P. Docampo, para alumnado dos grupos A e B de 4º de Primaria do CEIP Valle Inclán.

7/4/14

8 de abril: Encontro con Jaureguizar nas Torres de Santa Cruz.

No Teatro "As Torres" de Santa Cruz.
Ás 16,30 h.
Actividade dirixida ao alumnado de 2º ESO do IES Miraflores.

Jaureguizar falará da súa obra "A coroa de Napoleón".

Tintimán é un estudante de instituto ao que lle morreu seu pai, que era un coñecido xornalista. A raíz desto fai colaboracións para o xornal compostelán no que el traballaba. Durante os actos de conmemoración da Batalla de Elviña na Coruña un misterioso cabaleiro vai roubar a coroa de Napoleón, cedida polo goberno francés, diante de todos e sen que ninguén interveña. O xornal encarga a Tintimán que a recupere e escriba a historia...

Santiago Jaureguizar y Ruiz de Zárate (Bilbao, 1965) é escritor e xornalista en El Progreso. No ano 2005 obtivo o Premio de Xornalismo Reimóndez Portela e no 2009 o Premio Museo Provincial 2009. Pioneiro na introdución da literatura galega na rede.
(información extraída de Blog Xerais, bvg e AELG)

8 de abril: Soledad Felloza nas Torres de Santa Cruz con "Xeografía do imaxinario"

http://soledadfelloza.com/
No Teatro "As Torres" de Santa Cruz.
 
- Día 8 ás 11:45 H para o alumnado de 1º A, B e C de ESO.

"Xeografía do imaxinario: contos e lendas da mitoloxía galega", a cargo de Soledad Felloza, trátase da narración de mitos e lendas galegas: trasnos, mouras... “Galicia ten un mapa que ás veces non se ve: un mapa que necesita que o volvan a contar porque se non, vaise borrar".

Actividade dirixida a alumnado do IES Neira Vilas.

Tertulia literaria en Santa Cruz: 7 de abril

Na Biblioteca e Centro de Documentación da Muller "Rosalía de Castro"  
Hora: 18,30 a 20 h.

Comentario da obra "El faro" (banda deseñada) de Paco Roca.
Obras de Paco Roca nas nosas bibliotecas.

A seguinte obra programada é "La gran casa" de Nicole Krauss (entregaráse o luns 21)

7, 9, 10 e 11 de abril: "Hip-Hop, poema Pop" en As Torres. Santa Cruz

No Teatro "As Torres" de Santa Cruz.
Actividade dirixida ao alumnado de 2º de ESO do IES Neira Vilas e 5º e 6º de Primaria do CEIP Valle Inclán.

- 7 de abril: 10,30 h. - 2º ESO A e B
- 9 de abril: 10,20 h. - 5º Primaria A e B
- 10 de abril: 10,20 h. - 6º Primaria A e B
- 11 de abril: 10,20 h. - 5º Primaria C

“Hip Hop, poema Pop”, con Modestos Contos de Broadway.
Concerto-obradoiro interactivo de música (rap), poesía, pintura (graffiti) e danza(break-dance) a cargo do Dj Julio Couselo e Juan C. Vázquez (compositor, pianista e pintor).