26/3/21

Hora do conto: 30 e 31 de marzo 2021 #bibliotecasegura #culturasegura

Volven os contacontos ás Bibliotecas Municipais para nenas e nenos a partir de 6 anos!!!
 
Aforo limitado: chama e reserva a túa praza. 
Todas as contadas serán ás 18:30 h.

As sesións poderán verse a través de Youtube a partir do día seguinte ao do contacontos presencial e durante as 48 horas posteriores.
 
Biblioteca Pública Municipal Manuel María (Oleiros)
Martes 30 de marzo
Aforo completo!!!
CONTACONTOS: Ramiro Neira
TÍTULO: “Verbas de cores” Celebramos o Día da Poesía
 
Biblioteca Pública Municipal Rosalía de Castro (Santa Cruz)
Mércores 31 de marzo
Imprescindible reserva praza, tlf.: 981 626 338
CONTACONTOS: Paula Carballeira
TÍTULO: “Contos de cando a nai dos dragóns anunciaba a primavera"
 
                                                       AVISO
Atendendo á razón de interese esencial no ámbito específico da saúde pública e coa finalidade do seguimento e vixilancia epidemiolóxica do COVID-19, será necesario notificar os datos persoais das/dos participantes ao persoal da biblioteca que coordine a organización do evento.

Recomendacións en Radioleiros: 26 marzo 2021

- Xuvenil (a partir de 14 anos):

O caso do papagaio que falaba de máis, de Jordi Sierra i Fabra
Galaxia, 2019

Un caso aparentemente sinxelo -o roubo dun papagaio- implica un novo traballo para a detective Berta Mir. Unha rede mafiosa, un asasinato e as miserias dunha poderosa familia industrial barcelonesa farán que todo sexa máis complexo.

- Mozas/os e adultas/os:

Wanderlust. Una historia del caminar, de Rebecca Solnit
Capitán Swing, 2015

Desde a evolución anatómica até o deseño das cidades, o feito de camiñar erguido ten consecuencias políticas, estéticas e de gran significado social. Un ensaio que demostra a calidade dunha das mellores pensadoras norteamericanas dos últimos anos.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

23/3/21

Celebramos o Día da Poesía con versos

Celebramos o Día da Poesía cunha escolma de poemas 
enviados polas nosas lectoras e lectores.

 
 
 
 
 
 
 
 
 
Poema colectivo, 
exposicións bibliográficas, 
elaboración de poemas a partir de diversas imaxes... 
son algunhas das propostas que recolle
 este video para conmemorar o 
Compartímolos con todas-os vós.
 

Hora do conto: 22 a 26 de marzo 2021 #bibliotecasegura #culturasegura

Volven os contacontos ás Bibliotecas Municipais para nenas e nenos a partir de 6 anos!!!

 Aforo limitado: chama e reserva a túa praza.
 
Todas as sesións serán ás 18:30 h. 
 
As sesións poderán verse a través de Youtube a partir do día seguinte ao do contacontos presencial e durante as 48 horas posteriores. 
 
Biblioteca Pública Municipal Mª José Ruso (Dorneda)
Luns 22 de marzo
Imprescindible reservar praza, tlf.: 981 626 638
CONTACONTOS: Ramiro Neira
TÍTULO: “Rimas e ritmos” Celebramos o Día da Poesía
 
Biblioteca Pública Municipal Rosalía de Castro (Santa Cruz)
Mércores 24 de marzo
Imprescindible reservar praza, tlf.: 981 626 338
CONTACONTOS: Soledad Felloza
TÍTULO: “Versos para debuxar nenas e nenos” Celebramos o Día da Poesía
 
Biblioteca Pública Municipal Xograr Mendiño (Lorbé) 
Xoves 25 de marzo
Imprescindible reservar praza, tlf.: 981 618 201
CONTACONTOS: Ramiro Neira
TÍTULO: “Verbas encadeadas” Celebramos o Día da Poesía
 
Biblioteca Central Rialeda (Perillo)
Xoves 25 de marzo
Aforo completo!!!
CONTACONTOS: Charo Pita
TÍTULO: “Poetizados” Celebramos o Día da Poesía

Biblioteca Pública Municipal Mª José Trincado (Mera)
Venres 26 de marzo
Aforo completo!!!
CONTACONTOS: Fátima Fernández
TÍTULO: “Carolina e as súas rimas" Celebramos o Día da Poesía
 
Biblioteca Pública Municipal Ánxel Fole (Nós)
Venres 26 de marzo
Imprescindible reservar praza, tlf.: 981 664 257
CONTACONTOS: Soledad Felloza
TÍTULO: “Telón arriba" Celebramos o Día da Poesía

                                                       AVISO
Atendendo á razón de interese esencial no ámbito específico da saúde pública e coa finalidade do seguimento e vixilancia epidemiolóxica do COVID-19, será necesario notificar os datos persoais das/dos participantes ao persoal da biblioteca que coordine a organización do evento.

16/3/21

Tertulia literaria (virtual) en Rialeda: 17 marzo 2021 (Grupo B)

17:30 h. Sesión virtual (90 minutos)

Comentario de Escola de menciñeiros, de Álvaro Cunqueiro
Coa colaboración da catedrática de lingua e literatura galegas Rosa García Vilariño.
Documentación

Seguinte lectura: El Aleph, de Jorge Luis Borges

"A luz na batalla" en Rialeda

Aínda podes contemplar, na Biblioteca Central Rialeda, a expo bibliográfica sobre Emilia Pardo Bazán para celebrar o 8 de marzo, Día da Muller.  A mostra bibliográfica A luz na batalla, baseándonos no lema en latín De bellum luce que ela adoptara e utilizara encabezando o seu papel de cartas e que é toda unha declaración de principios da loita por defender a súa liberdade individual, está dedicada á escritora Emilia Pardo Bazán, con novelas, artigos xornalísticos, ensaios e biografías sobre a autora de "La Tribuna". Tamén tes á túa disposición a serie de televisión homónima inspirada na novela "Los pazos de Ulloa" e o audiolibro "Aire y otros relatos" con seis das súas narracións cortas. En 2021 cúmprese o centenario da morte da autora coruñesa.
Emilia  Pardo  Bazán, filla única dunha familia aristocrática, nace na Coruña no ano 1852 e morre en Madrid en 1921. Para o seu tempo recibiu unha coidadosa educación e desde moi nena amosou unha gran afección pola lectura. As circunstancias políticas do pai -deputado liberal- levan a familia a pasar tempadas en Francia e a viaxar  por  Europa.  Así, dona Emilia coñecía e falaba francés, inglés e alemán e ademais foi pioneira, con grande escándalo na sociedade da súa época, da divulgación e defensa do estilo naturalista coa publicación do seu ensaio La cuestión palpitante. Como persoa independente, separouse do seu home e mantivo un longo romance con Benito Pérez Galdós, vai ser precursora de ideas feministas e valente defensora da educación para a muller. Por iso sempre atopou obstáculos para lograr o recoñecemento dos ambientes intelectuais. A escritora mantivo interesantes e acedas polémicas con Unamuno, Pereda, Juan  Valera, Clarín e Manuel Murguía. Curros Enríquez sitúaa no vagón da envexa na súa obra O divino sainete, pola fría acollida que dona Emilia prestou ao Rexurdimento. E por último, a Real Academia Española negoulle os votos necesarios para pertencer a esta institución xuntamente con Gertrudis Gómez de Avellaneda. A súa achega á literatura española pasa por obras imprescindibles como "Los pazos de Ulloa", "La madre naturaleza", "De mi tierra", "Morriña" e contos de toda tipoloxía e de gran factura que a consagran como excelente narradora. Emilia Pardo Bazán casou e gozou os veráns no pazo de Meirás creando nel unha importante e ampla biblioteca.
No municipio de Oleiros contamos co Castelo de Santa Cruz que mercou o seu home en poxa pública. Foi restaurado pola familia que o vai converter na súa nova residencia de verán. Máis tarde quedaralle en herdo á súa filla Blanca Quiroga que o doará, en 1939, á arma de cabalaría co fin de que se dedique a casa de colonias das-os  orfas-os de guerra. Ata 1978 albergou no verán orfas-os do exército, para  despois desta data quedar abandonado. En 1989 foi mercado polo Concello de Oleiros para que toda a cidadanía puidese gozar deste lugar emblemático e se convertese nun centro de referencia na educación ambiental en Galicia, que é ao que se dedica desde 2001: Centro de Extensión Universitaria e Divulgación Ambiental de Galicia (CEIDA). Foi declarado Ben de Interese  Cultural. O seu grande interese histórico, xunto coa súa beleza natural e paisaxística, fan deste lugar unha paraxe extraordinaria.
As Bibliotecas Municipais de Oleiros dedicámoslle a Emilia Pardo Bazán, xunto a Sofía Casanova, Juana de Vega e María Casares, o Roteiro Cultural e Literario 2012. Estes percorridos dan a coñecer e divulgar a vida e obra de persoas especialmente vinculadas co noso concello.

12/3/21

Hora do conto: 17 e 18 de marzo 2021 #bibliotecasegura #culturasegura

Volven os contacontos ás Bibliotecas Municipais para nenas e nenos a partir de 6 anos!!!
 
Aforo limitado: chama e reserva a túa praza. 
Todas as contadas serán ás 18:30 h.

As sesións poderán verse a través de Youtube a partir do día seguinte ao do contacontos presencial e durante as 48 horas posteriores.
 
Biblioteca Pública Municipal Rosalía de Castro (Santa Cruz)
Mércores 17 de marzo
Aforo completo!!!
CONTACONTOS: Charo Pita
TÍTULO: “Contos das estrelas"
 
Biblioteca Central Rialeda (Perillo)
Xoves 18 de marzo
Aforo completo!!!
CONTACONTOS: Paula Carballeira
TÍTULO: “O día que voou a señora Albertina e un conto máis”


                                                       AVISO
Atendendo á razón de interese esencial no ámbito específico da saúde pública e coa finalidade do seguimento e vixilancia epidemiolóxica do COVID-19, será necesario notificar os datos persoais das/dos participantes ao persoal da biblioteca que coordine a organización do evento.

Recomendacións en Radioleiros: 12 marzo 2021

 - Infantil (a partir de 6 anos):

A tartaruga Amodovou, de Paula Carballeira con ilustracións de Ana Seixas
Santillana Obradoiro, 2020

Amodovou é unha tartaruga que quería percorrer o mundo para sentir a súa música. As pegas, o pardal e o moucho serán os seus acompañantes nesta viaxe.

- Mozas/os e adultas/os:

El país donde florece el limonero. La historia de Italia y sus cítricos, de Helena Attlee
Acantilado, 2018

Experta en xardíns, Attle entrou hai anos en contacto co mundo dos cítricos coñecendo Italia e as múltiples repercusións que ten na gastronomía, medicina, sociedade e economía. Aromas, cores, luz e paisaxes pasan por este libro diferente e fascinante.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

8/3/21

Hora do conto: 8 a 12 de marzo 2021 #bibliotecasegura #culturasegura

Volven os contacontos ás Bibliotecas Municipais para nenas e nenos a partir de 6 anos!!!
 
Aforo limitado: chama e reserva a túa praza.
 
Todas as sesións serán ás 18:30 h. 
 
Biblioteca Pública Municipal Mª José Ruso (Dorneda)
Luns 8 de marzo
Imprescindible reserva praza, tlf.: 981 626 638
CONTACONTOS: Charo Pita
TÍTULO: “Mulleres que cambiaron o mundo” Día da Muller
 
 
Biblioteca Pública Municipal Manuel María (Oleiros) 
Martes 9 de marzo
Imprescindible reserva praza, tlf.: 981 610 700 
CONTACONTOS: Charo Pita
TÍTULO: “Aventureiras intrépidas” Día da Muller
 
Biblioteca Pública Municipal Rosalía de Castro (Santa Cruz)
Mércores 10 de marzo
Imprescindible reserva praza, tlf.: 981 626 338
CONTACONTOS: Caxoto
TÍTULO: “Contamos=” Día da Muller
 
Biblioteca Central Rialeda (Perillo)
Xoves 11 de marzo
Imprescindible reserva praza, tlf.: 981 639 511
CONTACONTOS: Eduvía
TÍTULO: “Dada o duende”

Biblioteca Pública Municipal Ánxel Fole (Nós)
Venres 12 de marzo
Imprescindible reserva praza, tlf.: 981 664 257
CONTACONTOS: Fátima Fernández
TÍTULO: “Un mundo de mulleres" Día da Muller

                                                       AVISO
Atendendo á razón de interese esencial no ámbito específico da saúde pública e coa finalidade do seguimento e vixilancia epidemiolóxica do COVID-19, será necesario notificar os datos persoais das/dos participantes ao persoal da biblioteca que coordine a organización do evento.