Bibloleiros

12/5/22

FDG na Biblioteca Rosalía de Castro (Santa Cruz)

Na Biblioteca Rosalía de Castro (Santa Cruz) celebraremos o Día das Letras Galegas coas seguintes actividades:
Exposición bibliográfica As galegas das Letras Galegas: mostra bibliográfica coas obras das autoras que foron homenaxeadas ao longo destes anos no Día das Letras Galegas, desde Rosalía de Castro (1963) ata Xela Arias (2021). 60 autores-as homenaxeados-as e tan só 5 mulleres!
Lectura de textos das Letras Galegas: aproveitando as sesións de tertulias literarias dos días 3 e 10 de maio fixemos unha lectura ao remate da sesión de pequenos textos ou poesías das 5 mulleres que foron homenaxeadas nas Letras Galegas: Rosalía de Castro (1963), Francisca Herrera Garrido (1987), María Mariño (2007), Mª Victoria Moreno, (2018), Xela Arias (2021).
Outras actividades:
Mostra bibliográfica sobre o autor homenaxeado neste ano, tríptico bibliográfico sobre Florencio Delgado Gurriarán, mural bibliográfico interactivo sobre Florencio Delgado Gurriarán, Club de lectura virtual (Grupo A) sobre a obra “Os dous de sempre” de Castelao (24 de maio), Club de lectura virtual (Grupo B) sobre a obra Poetízate: selección de poesía galega baseada na obra de Fran Alonso, “Poetízate” (10 de maio).

11/5/22

FDG na Biblioteca Ánxel Fole (Nós)

Na Biblioteca Ánxel Fole (Nós) poderás ver unha exposición sobre o escritor homenaxeado, acompañada de pasatempos para as-os nenas-os.
A exposición presenta a biografía de Florencio Delgado Gurriarán con carteis explicativos e os libros da súa autoría, xunto con outros títulos de autoras-es galegas-os que influíron na súa obra: Rosalía de Castro, Curros Enríquez e Eduardo Pondal engadindo algúns títulos destas-es literatas-os, e así co resto das etapas da súa vida: as-os autoras-es coas-cos que se relacionou (Castelao, Otero Pedrayo...), o seu labor como tradutor, etc.

10/5/22

Tertulia literaria en Rialeda: mércores 11 maio 2022 (Grupo B)

Biblioteca Central Rialeda (Casiña de actividades)

17:30 a 19:30 h.

Comentario de Beleza vermella, de Arantza Portabales
Coa colaboración da profesora xubilada de lingua e literatura galegas Rosa García Vilariño.
Documentación

Seguinte lectura: Lo que queda de luz, de Tessa Hadley

FDG na Biblioteca Mª José Trincado (Mera)

Para conmemorar o Día das Letras Galegas 2022 na Biblioteca Mª José Trincado (Mera) poderás contemplar dúas mostras, a infantil "Premios Compostela", coas últimas edicións do Premio Compostela Internacional para albúms ilustrados convocados polo concello de Santiago de Compostela e a editorial Kalandraka e a mostra de adultas-os titulada "Os nosos contemporáneos", exposición de novela de autoras-es galegas-os actuais de recoñecido prestixio na nosa Terra e fóra dela: Pedro Feijóo, Ledicia Costas, Domingo Villar e outras-os. As persoas que veñan á biblioteca serán obsequiadas cun marcapáxinas conmemorativo das Letras Galegas.

9/5/22

Tertulia literaria en Santa Cruz: martes 10 maio 2022 (Grupo B)

Biblioteca e Centro de Documentación da Muller "Rosalía de Castro"
17:30 a 19 h.

Comentario de "Poetízate: antoloxía da poesía galega" de Fran Alonso
Documentación

Seguinte lectura: "El reflejo de las palabras" de Kader Abdolah

FDG na Biblioteca Mª José Ruso (Dorneda)

Para conmemorar o Día das Letras Galegas 2022 na Biblioteca Mª José Ruso (Dorneda) exporase a obra de Florencio Delgado Gurriarán acompañada dunha selección dos seus poemas e unha breve biografía.
Nas salas infantil e de adultas-os poderá visitarse a mostra “A volta ao galego en 20 editoriais”, unha escolma literaria para destacar a calidade e variedade da produción editorial que se está a facer na Galiza.
Na sala infantil a cativada terá a súa disposición entretidos pasatempos referidos á figura de Florencio Delgado. Ademáis, o público visitante recibirá de agasallo un marcapáxinas especial do autor das Letras Galegas 2022.

6/5/22

Hora do conto e actividades infantís: 9 a 13 de maio 2022

- Hora do conto para nenas e nenos a partir de 6 anos.

- Todas as sesións serán ás 18:30 h.

- Aforo limitado: chama á biblioteca na que se realiza a actividade e reserva a túa praza. Podes inscribirte desde 10 días antes da data de realización de cada unha das contadas.

Biblioteca Pública Municipal Mª José Ruso (Dorneda)

Luns 9 de maio

Imprescindible reservar praza, tlf.: 981 626 638

CONTACONTOS: Ramiro Neira

TÍTULO: “Contos de aquí para nós"

Biblioteca Pública Municipal Manuel María (Oleiros)

Martes 10 de maio

Imprescindible reservar praza, tlf.: 981 610 700

CONTACONTOS: Lía Magalia

TÍTULO: “Contos escritos na nosa terra"

Biblioteca Pública Municipal Rosalía de Castro (Santa Cruz)

Mércores 11 de maio

Aforo completo!!!

CONTACONTOS: Proyecto Bululú

TÍTULO: “Un saquiño de palabras"

Biblioteca Pública Central Rialeda (Perillo)

Xoves 12 de maio

Imprescindible reservar praza, tlf.: 981 639 511

CONTACONTOS: Trémola Teatro

TÍTULO: “Anuncio por palabras"

Biblioteca Pública Municipal Mª José Trincado (Mera)

Venres 13 de maio

Imprescindible reservar praza, tlf.: 981 628 507

CONTACONTOS: Ana Carreira

TÍTULO: “Contos de cerca"

AVISOS

Atendendo á razón de interese esencial no ámbito específico da saúde pública e coa finalidade do seguimento e vixilancia epidemiolóxica do COVID-19, será necesario notificar os datos persoais das/dos participantes ao persoal da biblioteca que coordine a organización do evento.

O/A adulto/a responsable de cada un dos/as menores de idade deberá permanecer necesariamente no recinto da biblioteca ata que remate a actividade e recolla o neno ou nena.

Recomendacións en Radioleiros: 6 maio 2022

- Xuvenil (a partir de 12 anos):

Ardora, de Beatriz Maceda Abeleira
Urco

A escritora coruñesa Beatriz Maceda cóntanos a historia de Nereida, a protagonista, unha rapaza que vive na Costa da Morte, preto da praia de Soesto, coa súa familia, pouco convencional pero moi feliz. Cando as súas nais marchan a actuar co seu grupo a un festival en Bélxica, os rapaces quedarán a cargo da tía Lola, unha muller moi comprometida co medio ambiente pero moi caótica na súa vida diaria.

A “ardora”, esa fosforescencia mariña que a moita e moitos nos semella máxica, transfórmase aquí nunha historia que ilumina emocional e literariamente.

- Mozas/os e adultas/os:

Que me queres, amor?, de Manuel Rivas
Galaxia

Unha colección de relatos que o propio autor describe como “froito da liberdade e a melancolía”. O Amor é o protagonista indefinido en todas as historias: o amor do pai que vai traballar coa preocupación de non saber como nin onde pasou o seu fillo a noite; o amor á nai, de inefable semellanza, no recordo infantil, á leiteira que pintara Vermeer en 1660; o amor máis carnal de Carmiña, coa incómoda presenza do seu can Tarzán; o amor compasivo que chegan a sentir a lectora e o lector polo vello profesor rural da “lingua das bolboretas"...

Rivas ofrécenos unha interpretación lírica, dura e delicada á vez, dun país habitado polo tempo e por xentes que reclaman o seu dereito a ter unha historia que contar.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

FDG na Biblioteca Manuel María (Oleiros)

"Un feixe de poemas, poemiñas e poemoides": En "O soño do guieiro", publicado por Edicións do Castro, recóllense, en palabras do autor, “un feixe de poemas, poemiñas e poemoides” nos que dá mostras do seu talento satírico ao retratar ao ditador Franco ou describir o desleixo lingüístico de certos falantes galegos. Baixo este lema presentamos unha cronoloxía e escolma de textos de Florencio Delgado Gurriarán para dar a coñecer e difundir a súa obra.

Fonte: seminariogalan

"Pintamos a Florencio": O público infantil será o encargado de poñer cor ao retrato de Florencio Delgado Gurriarán. Todos os debuxos serán expostos no mostrador de préstamo da biblioteca para dar a benvida ás-aos nosas-os usuarias-o durante todo o mes de maio.

Actividades de promoción da lectura: 10 a 13 de maio 2022

Programa de actividades de promoción da lectura que Bibloleiros organiza para os centros de ensino do Concello, de 10 a 13 de maio:

Na Biblioteca Central Rialeda (Perillo)

Mércores 11 de maio:

- 10:15 e 11:30: alumnas-os de 6º de Primaria do CEIP Valle-Inclán (Perillo).

"Contos de aquí" con Ana Carreira.

Xoves 12 de maio:

- 10:30: alumnas-os de 5º de Primaria do CEIP Juana de Vega (Nós).

"Florencio Delgado Gurriarán: Letras 2022" con Trémola Teatro.

Venres 13 de maio:

- 10:15: alumnas-os de 6º de Primaria do CEIP Valle-Inclán (Perillo).

"Contos de aquí" con Ana Carreira.

Na Biblioteca Rosalía de Castro (Santa Cruz)

Martes 10 de maio:

- 9:50: alumnas-os de 5º de Primaria do CEIP Isidro Parga Pondal (Santa Cruz).

"A miñla historia" con Trémola Teatro.

5/5/22

FDG na Biblioteca Xograr Mendiño (Lorbé)

Poderás ver a exposición “Aí ven o maio” con libros
sobre Florencio Delgado Gurriarán e a celebración das Letras Galegas deste ano, información sobre esta festividade e libros dos autores máis representativos da nosa lingua.

Queres realizar actividades relacionadas con este día, como as que propón a web da RAG? Achégate e participa!

4/5/22

Novidades dvd cine - infantil e xuvenil - en Rialeda (maio 2021)

15 novas películas infantís - xuvenís na Biblioteca Central Rialeda (Perillo)

Descarga a guía clicando na imaxe