24/5/21
Hora do conto na Biblioteca Central Rialeda (Perillo) 20/05/2021
Hora do conto na Biblioteca Municipal Xograr Mendiño (Lorbé) 20/05/2021
21/5/21
Recomendacións en Radioleiros: 21 maio 2021

Andar aos biosbardos: contos baixo o freixo engurrado, de Charo Pita con ilustracións de Dani Padrón
Galaxia, 2021
Lebre, Lagarta, Cangrexo, Abella e o Vento Norberto xúntanse baixo o Freixo Engurrado para contar historias nas que falan de libros e biosbardos. Unha aposta pensada a partir dos dez anos completada cunhas magníficas ilustracións.
- Mozas/os e adultas/os:
Árbores no deserto, de Rosalía Fernández Rial con ilustracións de María José Costa Valiño (Chiña)
Galaxia, 2020
Unha obra entre a poesía e o ensaio, entre os esquemas clásicos e a vangarda partindo da figura de once mulleres, obtendo un resultado poliédrico e sempre diferente.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
20/5/21
Hora do conto na Biblioteca Municipal Rosalía de Castro (Santa Cruz) 19/05/2021
19/5/21
Hora do conto na Biblioteca Municipal Manuel María (Oleiros) 18/05/2021
15/5/21
Letras Galegas 2021: Xela Arias, “Do xeito en que me sinto quen de amarte parte un vagalume”
Algunhas das súas obras foron: "Denuncia do equilibrio" (1986); "Tigres coma cabalos" (1990), en colaboración co fotógrafo Xulio Gil; "Darío a diario" (1996); "Intempériome" (2003).
Realizou numerosas traducións, labor pola que recibiu recoñecementos como: Medalha do Prêmio de Traduçao Sociedade de Língua Portuguesa, o Premio Ramón Cabanillas de Tradución ou o Premio Plácido Castro.
A súa voz poética está marcada pola innovación e unha intención transgresora da palabra.
*13 de maio, ás 20 h., no Teatro As Torres (Santa Cruz)
“Xela Arias: viaxe a unha mesma” a cargo da poeta Yolanda Castaño.
A poeta Yolanda Castaño contaranos a vida de Xela Arias e mostraranos como xa na infancia da escritora se albiscaban os valores que guiarán o seu camiño: queimar vellos prexuízos, desoír expectativas, rebelarse contra as imposicións, e non deixarse guiar por modelos de segunda man...
A biografía de Xela Arias é a aventura radical de chegar a ser unha mesma.
En todas as bibliotecas:
*Exposicións e mostras bibliográficas, con libros escritos pola autora homenaxeada e outros sobre a súa biografía e a súa produción literaria, así como obras traducidas por ela.
*Encrucillados e xogos sobre Xela Arias para un público infantil.
*Contacontos para nenas/os maiores de 6 anos.
Na Biblioteca Central Rialeda (Perillo):
*Club de lectura virtual (Grupo A) sobre a obra Feliz idade de Olga Novo, Premio Nacional de Poesía 2020.
*Club de lectura virtual (Grupo B) sobre a obra Amor de tango de Mª Xosé Queizán.
Na Biblioteca Municipal Rosalía de Castro de Santa Cruz (Santa Cruz):
*Marcapáxinas conmemorativo.
*Tríptico bibliográfico.
*Mural bibliográfico interactivo.
*Exposicións de libros de autores/as galegos/as.
*Club de lectura virtual (Grupo A) sobre a obra As rulas de Bakunin de Antón Riveiro Coello.
*Club de lectura virtual (Grupo B) sobre a obra Os vellos non deben de namorarse de Castelao.
Na Biblioteca Municipal Mª José Ruso (Dorneda):
*O recuncho de... Xela Arias”: carteis informativos con datos biográficos e bibliográficos da autora homenaxeada.
Na Biblioteca Municipal Manuel María (Oleiros):
*Mural de Xela Arias con fragmentos da súa obra Darío a diario.
“Do xeito en que me sinto quen de amarte
parte un vagalume”
...
“Denuncia do equilibrio”
Tertulia literaria (virtual) en Rialeda: 19 maio 2021 (Grupo A)

Comentario de Feliz idade, de Olga Novo
Coa colaboración da catedrática de lingua e literatura galegas Rosa García Vilariño.
Documentación
Última lectura: La impaciencia del corazón, de Stefan Zweig
Tertulia literaria (virtual) en Santa Cruz: martes 18 maio 2021 (Grupo B)

Comentario de Os vellos non deben de namorarse, de Castelao
Coa colaboración da profesora de lingua e literatura galegas Pepe Taboada.
Documentación
Última lectura: Me llamo Lucy Barton, de Elizabeth Strout
Hora do conto: 18 a 21 de maio 2021 #bibliotecasegura #culturasegura
Contacontos para nenas e nenos a partir de 6 anos!!!
Biblioteca Pública Municipal Manuel María (Oleiros)
Martes 18 de maio
Aforo completo!!!
CONTACONTOS: Trémola Teatro
TÍTULO: “En busca dos monstros"
Biblioteca Pública Municipal Rosalía de Castro (Santa Cruz)
Mércores 19 de maio
Imprescindible reservar praza, tlf.: 981 626 338
CONTACONTOS: Ana Carreira
TÍTULO: “Trasnadas”
Biblioteca Pública Municipal Xograr Mendiño (Lorbé)
Xoves 20 de maio
Aforo completo!!!
CONTACONTOS: Trémola Teatro
TÍTULO: “En busca dos monstros"
Biblioteca Central Rialeda (Perillo)
Xoves 20 de maio
Aforo completo!!!
CONTACONTOS: Paula Carballeira
TÍTULO: “Tigres e cabalos”
AVISO
14/5/21
Hora do conto na Biblioteca Municipal Ánxel Fole (Nós) 14/05/2021
Venres 14 de maio, ás 18:30
AVISO IMPORTANTE: Este contacontos será só audiovisual!!!
TÍTULO: “Eu non quero"
Recomendacións en Radioleiros: 14 maio 2021
- Adolescentes (a partir de 12 anos):"A pintora libertaria" de Pepe Carballude. Editado por Galaxia.
Unha interesante novela xuvenil que trata o tema da falsificación de obras de arte.
No concello de Vila do Pazo están restaurando a antiga escola, construída no ano 1906 pola emigración cubana, para convertela nun museo da emigración, idea do escritor Neira Vilas, e que o alcalde e os/as concelleiros/as consideraron acertada polo que decidiron levala a cabo. O edificio é de baixo e piso. Antigamente na planta baixa estaba a escola propiamente dita, e no 1º andar situábanse as vivendas dos mestres. Debido a que a restauración non dá acabado antes das eleccións municipais, deciden facer a inauguración só da planta baixa instalando nela unha exposición con obras da gran pintora galega Maruja Mallo. A maioría dos cadros foron prestados polo propio construtor que fai a restauración, Roberto Moreira, e a maiores hai cinco que prestou a Xunta de Galicia. O comisario da exposición, e autor do catálogo razoado da mesma, é o profesor Carlos Caramés que ven á inauguración acompañado de tres alumnos de arte de 2º de bacharelato. Pero ao día seguinte deste acto, sae unha noticia no xornal que fala de que hai cadros falsos, que a maioría das obras expostas ofrecen serías dúbidas de autenticidade...
"Darío a diario" de Xela Arias. Ilustracións de Iván R. Limiar de Berta Dávila. En Xerais.
Nesta edición, publicada neste ano 2021, os poemas veñen acompañados de ilustracións de Iván R.
Hai unha edición anterior, que é do ano 1996, na que a cuberta ten unha fermosa fotografía de Darío espido suxeito polas mans da nai.
A voz poética de Xela Arias está marcada pola innovación e unha intención transgresora da palabra. Cunha linguaxe clara e uns fermosos poemas, temos ante nós un libro especial que trata unha temática moi especial como é a maternidade.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
Mes das Letras 2021: Comparte lecturas, goza da lingua
Achegámoste dúas guías de lectura (Infantil - Xuvenil e Mozas/os e Adultas/os) para convertir o noso Mes das Letras nun fervedoiro lector. Decenas de propostas para todas as idades e preferencias, cun especial acercamento á obra de Xela Arias, poeta a quen se dedica o Día das Letras Galegas 2021.
Achégate, escolle, comparte e desfruta. Mil primaveras máis para a nosa lingua!
Hora do conto na Biblioteca Central Rialeda (Perillo) 13/05/2021
13/5/21
13 de maio en As Torres (20 h.): "Xela Arias, viaxe a unha mesma" con Yolanda Castaño
Lugar: Teatro As Torres (Santa Cruz)
Día e hora: xoves 13 de maio ás 20 h.
Entrada libre (ata completar capacidade permitida)
A poeta Yolanda Castaño contaranos a vida de Xela Arias e mostraranos como xa na infancia da escritora se albiscaban os valores que guiarán o seu camiño: queimar vellos prexuízos, desoír expectativas, rebelarse contra as imposicións, e non deixarse guiar por modelos de segunda man...
A biografía de Xela Arias é a aventura radical de chegar a ser unha mesma.
“Do xeito en que me sinto quen de amarte
parte un vagalume”
...
"Denuncia do equilibrio" Xela Arias
Xela Arias (Sarria, 1962 – Vigo, 2003): Poeta, tradutora e editora, desenvolveu o seu traballo profesional en Edicións Xerais entre 1980 e 1990. Tras licenciarse en Filoloxía, exerceu como profesora de ensino secundario ata o seu falecemento.
Algunhas das súas obras foron: Denuncia do equilibrio (1986), Tigres coma cabalos (1990) en colaboración co fotógrafo Xulio Gil, Darío a diario (1996), Intempériome (2003).
Realizou numerosas traducións, labor pola que recibiu recoñecementos como: Medalha do Prêmio de Traduçao Sociedade de Língua Portuguesa, o Premio Ramón Cabanillas de Tradución ou o Premio Plácido Castro.
A súa voz poética está marcada pola innovación e unha intención transgresora da palabra.
Yolanda Castaño: Escritora, tradutora, crítica literaria e unha activa dinamizadora cultural. Biógrafa de Xela Arias na obra titulada Xela quixo ser ela: biografía de Xela Arias, publicada por Edicións Xerais, na colección Merlín.
En atención ás indicacións e medidas de seguridade fronte a COVID-19, a presentación terá capacidade limitada e será obrigatorio manter a distancia de seguridade e asistir con máscara, así como atender as indicacións e normas da organización.
Invítase ás persoas que desexen asistir ata completar a capacidade permitida.















