Recomendacións en Radioleiros: 28 outubro 2022

- Infantil (nenas-os a partir de 6 anos): 

"Fonchito y la Luna" de Mario Vargas Llosa. Ilustracións de Marta Chicote Juiz. En Alfaguara. 

Unha narración inocente e chea de tenrura que nos presenta a Fonchito, un neno duns sete anos, namorado de Nereida, unha compañeira da aula, que está disposto a baixarlle a Lúa como ela lle pide para merecer un bico na meixela. 

- Mozas-os e adultas-os:

"Golpes de luz" de Ledicia Costas. Editado por Xerais. 

A vida de Xulia cambia de forma repentina cando deixa Madrid tras o divorcio e volve a Galicia co seu fillo Sebas. Alí os espera, Luz, a súa nai, unha muller especial que adora o seu neto e a súa filla máis aló do que ninguén se pode imaxinar. Tres protagonistas, tres historias que son unha soa e o narcotráfico galego como telón de fondo para unha novela casi épica, pero chea de tenrura. 

 

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.