Día das Letras Galegas 2025 nas Bibliotecas Municipais

Nas Bibliotecas de Oleiros celebramos o Día das Letras Galegas 2025 homenaxeando o cancioneiro popular galego e todas as cantareiras nas persoas de Adolfina e Rosa Casás Rama, Eva Castiñeira Santos, Prudencia e Asunción Garrido Ameijende, Teresa García Prieto e Manuela Lema Villar. Mulleres marabillosas que deixaron o seu herdo en boas mans (e gorxas) como as das cantadoras que podemos escoitar no video “O bruar das cantareiras” de Xosé Lois Romero e Aliboria.

Nas bibliotecas municipais teremos as seguintes actividades:

Biblioteca Central Rialeda (Perillo)

- Exposición bibliográfica "As cantareiras e a poesía popular oral" sobre o vizoso patrimonio que recibimos das cantareiras, figuras centrais na creación, preservación e transmisión da cultura musical popular.

- Exposición "Escoita as nosas cantareiras": os nosos cedés faránche un paseo musical, desde o máis tradicional ata as novísimos xeitos desta expresión creativa.

- Actividade plástica para as crianzas: decoraremos a biblioteca con pandeiretas coloridas, con imaxes rebuldeiras das foliadas, seráns, ruadas, etc.

Biblioteca Municipal Rosalía de Castro (Santa Cruz)

- Obradoiro de olería : "Arte para os teus libros"

O xoves 22 de maio, como actividade complementaria ás tertulias literarias de Santa Cruz, farase un obradoiro en colaboración co Museo Os Oleiros. Cada tertuliana-o, de cada un dos tres grupos de lectura da Biblioteca de Santa Cruz, realizará un separador de páxinas de barro que decorarán e despois cocerase e esmaltarase para que poidan levalos de agasallo.

- Exposición bibliográfica, "Letras, cancións e pandeiretas": expoñemos unha escolma de libros e material audiovisual para dar a coñecer e visibilizar o traballo destas figuras que coidaron, arrequeceron e transmitiron esta tradición centenaria.

- Sesión sobre as cantigas populares: nos tres grupos de tertulias de Santa Cruz realizouse unha sesión sobre as cantigas populares. Ás persoas integrantes dos tres grupos entregóuselles unha selección destas cantigas que despois foron comentadas por Pepe, facendo especial fincapé nas cantigas de traballo. Tras cada explicación, Adela, tocaba e cantaba fragmentos destes cantos para así exemplificar o ritmo usado en cada unha delas. As cantigas foron escollidas principalmente do libro: Schubart, D., Santamarina, A. (1983). Cántigas populares. Vigo: Galaxia.

Biblioteca Municipal Mª José Trincado (Mera)

- “Versos e Cantos de Galiza: Letras Galegas 2025”: realizaremos unha exposición bibliográfica adicada á riqueza da poesía popular oral galega e á súa profunda relación coa música tradicional e os cantares populares. 

Biblioteca Municipal Mª José Ruso (Dorneda)

- Exposición "Eu cantar, cantar, cantei" na sala infantil-xuvenil: mostra de libros-disco en lingua galega para achegar a música ao público infantil.

- Exposición "Eu cantar, cantar, cantei" na sala de adultas-os: percorrido pola nosa historia musical a través dunha selección de discos e libros sobre a historia da música en Galicia. Na sala infantil haberá debuxos e pasatempos dispoñibles para as crianzas.

Biblioteca Municipal Ánxel Fole (Nós)

- Exposición bibliográfica, e pasatempos, para as-os máis pequenas-os.

Biblioteca Municipal Manuel María (Oleiros)

- “A pandeireta na manhe”: actividade para público infantil: a pandeireta é un símbolo da cultura musical tradicional. As crianzas que visiten a biblioteca entre o 12 e o 24 de maio poderán colorear pandeiretas de papel con cantos recollidos no cancioneiro popular galego de Dorothé Schubarth e Antón Santamarina.

- “Canta miña compañeira”: mostra bibliográfica, para todos os públicos, de obras que recompilan o cancioneiro popular galego. Durante todo o mes de maio.

Biblioteca Municipal Xograr Mendiño (Lorbé)

- Carteis e murais informativos, debuxos para que coloreen os máis pequenos relacionados coa temática do Día das Letras Galegas 2025 e exposición bibliográfica sobre os cancioneiros populares da nosa cultura.

Recomendacións en Radioleiros: 16 maio 2025

- Infantil (crianzas a partir de 3 anos):

Eu ben vin, virivín: cancioneiro infantil para dicir, contar e cantar de Manuel Rico Verea. Ilustrado por David Rodríguez. Editado por Xerais.

Dispoñible en GaliciaLe

Este libro compendia as prosodias, rimas, recitados, fórmulas máxicas e encadeados máis representativos do cancioneiro de tradición oral infantil que nos fala do mundo dos animais e que, por seren transmitidos de xeración en xeración, están moi ligados á cultura popular e ás veces a ritos ancestrais. O libro acompáñase dun documento sonoro creado polo Obradoiro Experimental de Música Tradicional, formado por Nani García e Manuel Rico, que recrea as melodías do cancioneiro tradicional. Unha delicia para os sentidos que nos achega a algúns signos de identidade cultural de Galicia.

- Mocidade e persoas adultas:

Síbaris de Domingo Villar. En Galaxia.

Dispoñible en GaliciaLe

Síbaris é unha divertidísima comedia negra sobre o éxito e a creación na que o protagonista, o recoñecido escritor Víctor Morel, agoniado pola falta de inspiración, vai atopar a solución aos seus problemas grazas a unha morte moi oportuna.

Obra teatral póstuma de Domingo Villar (1971-2022), autor de tres novelas de referencia no xénero negro protagonizadas polo inspector Leo Caldas, con limiar de Inma López Silva e ilustracións de Carlos Baonza.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Hora do conto e actividades infantís: 12 a 15 de maio 2025

- Aforo limitado: é imprescindible que reserves a túa praza a través de www.oleiros.org/bibliotecas/inscribete

Podes facelo desde 10 días antes da data de realización.

Biblioteca Pública Municipal Mª José Ruso (Dorneda)

Martes 13 de maio, ás 18:30

Para crianzas de 5 anos en adiante

TÍTULO: "Contos dunha roda. Rosalía de Castro" Celebramos o Día das Letras Galegas

CONTACONTOS: Tarabelos Teatro

Biblioteca Pública Municipal Manuel María (Oleiros)

Martes 13 de maio, ás 18:30

Para crianzas de 5 anos en adiante

TÍTULO: "Cantos da avoa" Celebramos o Día das Letras Galegas

CONTACONTOS: Trémola Teatro

Biblioteca Pública Municipal Rosalía de Castro (Santa Cruz)

Mércores 14 de maio, ás 18:30     

Para crianzas de 5 anos en adiante

TÍTULO: "Lonxedetodo en festas" Celebramos o Día das Letras Galegas

CONTACONTOS: Trinketrinke Teatro

Biblioteca Central Rialeda (Perillo)

Xoves 15 de maio, ás 18:30          

Para crianzas de 2 a 4 anos Aforo completo!!!

TÍTULO: "Os contos das avoas" Celebramos o Día das Letras Galegas

CONTACONTOS: Ramiro Neira

AVISO

A-o adulta-o responsable de cada menor de idade deberá permanecer necesariamente no recinto da biblioteca ata que remate a actividade e recolla a-o nena-o.

13 de maio: Espectáculo poético-musical "Un idioma de música e tinta" con Yolanda Castaño e Isaac Garabatos

Teatro As Torres (Santa Cruz)

Martes 13 de maio ás 20:00 h

Conmemoración do Día das Letras Galegas e 40 anos das Bibliotecas Municipais de Oleiros 

Un percorrido polos últimos anos dunha poeta que se consolidou nas Bibliotecas de Oleiros, arroupado para esta celebración pola música de Isaac Garabatos. Entre a envolvente música en directo do compositor e instrumentista Isaac Garabatos, Yolanda Castaño (Premio Nacional de Poesía 2023) ofrécenos un paseo guiado a través dos seus poemas culminando cos do seu novo libro, "A falsa autónoma".

A voz de Yolanda Castaño únese ás composicións musicais de Isaac Garabatos, en diálogo constante entre música e poesía, nun espectáculo de gran calidade artística e cargado de emocións.

Yolanda Castaño é poeta, filóloga e unha activa xestora cultural, coa súa propia residencia para escritores-as na Coruña. Premio Nacional de Poesía (2023) e Premio da Crítica en lingua galega (2022) polo seu libro Materia. Entre as súas obras podemos destacar: A falsa autónoma, Vivimos no ciclo das erofanías, O libro da egoísta, Profundidade de campo, A segunda lingua, Elevar as pálpebras ou Delicia. Ademais dos citados, ten no seu haber outros premios literarios, como por exemplo: Premio da Cultura de Galicia (2023), Premio Irmandade do Libro a autora do ano (2014), Premio Fundación Novacaixagalicia (2013), Premio Ojo Crítico (2009), Premio Espiral Maior (2007), Premio Nacional da Crítica (1999).

Isaac Garabatos é un dos músicos e compositores máis versátiles do panorama musical galego. Realizou numerosos traballos de composición para diferentes obras de danza contemporánea, teatro, curtametraxes e grupos de Jazz, Fusión, Latin-Jazz, Funk, Folk, Pop, Rock e Dance.

Desde as bibliotecas municipais invítase ás persoas que desexen asistir, ata completar o aforo, para que gocen coa poesía e coa música.

Tertulias literarias nas Bibliotecas de Oleiros (12 a 14 maio 2025)

Biblioteca "Mª José Trincado". Mera (Grupo A)
- Luns 12 de maio. 19 a 20:30 h.
Comentario de "A esmorga", de Eduardo Blanco Amor. Celebramos o Día das Letras Galegas.
Modera: Rosa García Vilariño.
Documentación.
Ao remate entregaráse a obra "Los reyes de la casa" de Delphine de Vigan.

Biblioteca e Centro de Documentación da Muller "Rosalía de Castro". Santa Cruz (Grupo C)
- Martes 13 de maio. 11 a 12:30 h.
Comentario de "Cantigas populares galegas (escolma)". Celebramos o Día das Letras Galegas.
Modera: Pepe Taboada.
Documentación.
Ao remate entregaráse a obra "La felicidad conyugal" de Lev Tólstoi.

Biblioteca e Centro de Documentación da Muller "Rosalía de Castro". Santa Cruz (Grupo A)
- Martes 13 de maio. 17:30 a 19:30 h.
Comentario de "Cantigas populares galegas (escolma)". Celebramos o Día das Letras Galegas.
Modera: Pepe Taboada.
Documentación.
Ao remate entregaráse a obra "El extranjero" de Albert Camus.

Biblioteca Central Rialeda. Perillo (Grupo A)
- Mércores 14 de maio. 17:30 a 19:30 h.
Comentario de "Os seres queridos" de Berta Dávila. Celebramos o Día das Letras Galegas.
Modera: Rosa García Vilariño.
Documentación.
Ao remate entregaráse a obra "Ceniza en la boca" de Brenda Navarro.

Recomendacións en Radioleiros: 9 maio 2025

- Infantil (crianzas de 6 a 8 anos):

Daniela Pirata e a malvada Ciclope de Susanna Isern. Ilustrado por Gómez. En NubeOcho.

A malvada Ciclope aterroriza a todos os reinos veciños. O día que secuestra ao príncipe, Daniela decidirá ir salvalo.

- Mocidade e persoas adultas:

Ruta de escape de Philippe Sands. Editado por Anagrama.

Dispoñible en eBiblio

A vida de Otto Wätcher, nazi austríaco que colaborou na loxística da “solución final”, contada dun xeito diferente, con testemuñas familiares e fontes historiográficas.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Ler para saber A CIENCIA: 9 de maio 2025

Charla de divulgación científica dirixida á poboación infantil (a partir de 10 anos), adolescentes e público en xeral.

Día: Venres 9 de maio

Lugar: Biblioteca Central Rialeda (Perillo)

Hora: 18:30 h

Experimentos caseiros para comprender o noso planeta

Xacobo de Toro Cacharrón. Profesor de Bioloxía e Xeoloxía

Seleccionamos para ti títulos relacionados con este tema. Preme na ligazón

Hora do conto e actividades infantís: 7 a 9 de maio 2025

- Aforo limitado: é imprescindible que reserves a túa praza a través de www.oleiros.org/bibliotecas/inscribete

Podes facelo desde 10 días antes da data de realización.

Biblioteca Pública Municipal Rosalía de Castro (Santa Cruz)

Mércores 7 de maio, ás 18:30     

Para crianzas de 2 a 4 anos Aforo completo!!!

TÍTULO: "A illa dos contos de verán" 

CONTACONTOS: Raquel Crespo

Biblioteca Pública Municipal Xograr Mendiño (Lorbé)

Xoves 8 de maio, ás 18:30

Para crianzas de 5 anos en adiante

TÍTULO: "Bibliocanta" Celebramos o Día das Letras Galegas

CONTACONTOS: Eduvía

Biblioteca Central Rialeda (Perillo)

Xoves 8 de maio, ás 18:30          

Para crianzas de 5 anos en adiante

TÍTULO: "Radio Bulebule" 

CONTACONTOS: Paco Nogueiras

Biblioteca Pública Municipal Ánxel Fole (Nós)

Venres 9 de maio, ás 18:30

Para crianzas de 5 anos en adiante

TÍTULO: "Galicia máxica" Celebramos o Día das Letras Galegas

CONTACONTOS: Marta Ortiz

Biblioteca Pública Municipal Mª José Trincado (Mera)

Venres 9 de maio, ás 18:30

Para crianzas de 2 a 4 anos 

TÍTULO: "Contos con tradición" Celebramos o Día das Letras Galegas

CONTACONTOS: Pablo Díaz

AVISO

A-o adulta-o responsable de cada menor de idade deberá permanecer necesariamente no recinto da biblioteca ata que remate a actividade e recolla a-o nena-o.

Tertulias literarias nas Bibliotecas de Oleiros (6 a 8 maio 2025)

 

Biblioteca e Centro de Documentación da Muller "Rosalía de Castro". Santa Cruz (Grupo B)
- Martes 6 de maio. 17:30 a 19:30 h.
Comentario de "Cantigas populares galegas (escolma)". Celebramos o Día das Letras Galegas.
Modera: Pepe Taboada.
Documentación.
Ao remate entregaráse a obra "El coronel no tiene quien le escriba" de Gabriel García Márquez.

Biblioteca Central Rialeda. Perillo (Grupo B)
- Mércores 7 de maio. 17:30 a 19:30 h.
Comentario de "Circe ou o pracer do azul" de Begoña Caamaño. Celebramos o Día das Letras Galegas.
Modera: Rosa García Vilariño.
Documentación.
Ao remate entregaráse a obra "Historia de los vertebrados" de Mar García Puig.

Biblioteca "Manuel María". Oleiros
- Xoves 8 de maio. 11 a 12:30 h.
Comentario de "Ninguén queda" de Brais Lamela. Celebraos o Día das Letras Galegas.
Modera: Rosa García Vilariño.
Documentación.
Ao remate entregaráse a obra "Un viejo que leía novelas de amor" de Luis Sepúlveda.

Hora do conto e actividades infantís: 28 a 30 de abril 2025

- Aforo limitado: é imprescindible que reserves a túa praza a través de www.oleiros.org/bibliotecas/inscribete

Podes facelo desde 10 días antes da data de realización.

Biblioteca Pública Municipal Mª José Ruso (Dorneda)

Luns 28 de abril, ás 18:30

Para crianzas de 2 a 4 anos

TÍTULO: "Contos e máis contos" Celebramos o Día do Libro

CONTACONTOS: Ramiro Neira

Biblioteca Pública Municipal Rosalía de Castro (Santa Cruz)

Mércores 30 de abril, ás 18:30

Para crianzas de 5 anos en adiante

TÍTULO: "Se as árbores falasen" Celebramos o Día do Libro

CONTACONTOS: Iseo a Moura

AVISO

A-o adulta-o responsable de cada menor de idade deberá permanecer necesariamente no recinto da biblioteca ata que remate a actividade e recolla a-o nena-o.

Tertulias literarias nas Bibliotecas de Oleiros (29 e 30 abril 2025)

 Biblioteca e Centro de Documentación da Muller "Rosalía de Castro". Santa Cruz (Grupo A)
- Martes 29 de abril. 17:30 a 19:30 h.
Comentario de "Nada" de Carmen Laforet.
Modera: Silvia Salgado.
Documentación.
Ao remate entregaráse a obra "Cantigas populares gallegas".

Biblioteca Central Rialeda. Perillo (Grupo A)
- Mércores 30 de abril. 17:30 a 19:30 h.
Comentario de "Canción dulce" de Leila Slimani.
Modera: Silvia Salgado.
Documentación.
Ao remate entregaráse a obra "Os seres queridos" de Berta Dávila.

Recomendacións en Radioleiros: 25 abril 2025

- Infantil (crianzas de 6 a 8 anos):

Un segredo entre as nubes de Victoria García; ilustracións de Nuria Díaz. En Hércules.

Unha nena comparte un segredo de hai anos.

- Mocidade e persoas adultas:

Comandante de Edoardo de Angelis e Sandro Veronesi. Editado por Anagrama.

Fermosa novela arredor dun episodio case descoñecido da II Guerra Mundial.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Actividades de promoción da lectura: 28 a 30 abril 2025

Programa de actividades educativas para o fomento da lectura que Bibloleiros organiza para os centros de ensino do Concello, do 28 ao 30 de abril:

Na Biblioteca Central Rialeda (Perillo):

Luns 28 de abril:

- 10:15 h. Alumnado de 1º de EP e 12:00 alumnado de 2º de EP do CEIP Juana de Vega (Nós).

"Contos con tradición" con Pablo Díaz.

Martes 29 de abril:

- 10:15 h. Alumnado de 4º de EP e 12:00 alumnado de 5º de EP do CEIP Juana de Vega (Nós).

"Contos con tradición" con Pablo Díaz.

Mércores 30 de abril:

- 10:15 h. Alumnado de 6º de EP do CEIP Juana de Vega (Nós).

"Contos con tradición" con Pablo Díaz.

Ler para saber A CIENCIA: 25 de abril 2025

Charla de divulgación científica dirixida á poboación infantil (a partir de 10 anos), adolescentes e público en xeral.

Día: Venres, 25 de abril.

Lugar: Biblioteca Central Rialeda (Perillo).

Hora: 18:30 h.

Os nosos amigos os microorganismos

Carmen Rioboo Blanco.

Profesora de Microbioloxía na Universidade da Coruña.

Seleccionamos para ti títulos relacionados con este tema. Preme na ligazón.

24 de abril: "Ao faro". Roteiro literario pola costa de Mera coa escritora Silvia Salgado

"Paisaxe e faro: unha fascinación artística"

Xoves 24 de abril ás 11:00 h.

Saída desde o Paseo Balcón de Maianca, diante da Capela de Santa Ana. Mera
Camiñarase polo paseo marítimo e pola costa, con paradas e lecturas en voz alta e comentadas, ata chegar aos faros de Mera.
Aforo limitado a 20 persoas. Imprescindible reservar praza:

Inscrición a partir do martes 15 abril ás 8:15 h.:
- En liña (recomendado).
- Teléfono 981 639 511 (Biblioteca Central Rialeda)

Actividade dirixida a persoas mozas e adultas ás que lles guste camiñar, con inquietudes pola literatura e a fotografía, principalmente pola que xira en torno a un faro.

Falarase da relación entre literatura e fotografía:
Do diálogo que se pode establecer entre esas dúas disciplinas artísticas e tamén de como a literatura nos achega dunha maneira particular a unha obra e ao seu mundo.
Da beleza da paisaxe e o seu protagonismo en moitas historias.
Do paseo como evocador de narracións.
Camiñaremos e lembrarémonos de Sofía Casanova.
Da fascinación artística que sentiron, en direccións opostas, algúns escritores e escritoras.
Da influencia que os faros tiveron na literatura e na arte, en xeral.

Leranse fragmentos e poemas de:
Olga Novo (Feliz idade)
Berta Dávila (Os seres queridos)
Mar García Puig (La historia de los vertebrados)
Charlotte Perkins (El papel pintado amarillo)
Alessandro Baricco (Océano Mar)
Vicente Risco (Da medida das cousas, publicado en Leria)
Sofía Casanova  (Quiero Galicia en tu adorado seno, do poema Anhelo)
Celso Emilio Ferreiro (Longa noite de pedra)
Luis Cernuda (Soliloquio del farero)
Virginia Wolf (Al faro)
Edgar Allan Poe (El faro)
Ray Bradbury (La sirena en la niebla)
Jazmina Barrera (Cuaderno de faros)
Jeanette Winterson (La niña del faro)

Silvia Salgado é unha autora catalá que reside en Mera (Oleiros). Licenciada en Ciencias Políticas pola Universidade Autónoma de Barcelona e cun posgrado en Xornalismo da Universidade Columbia de Nova York. Algunhas das súas obras publicadas son: Verde en el tejado, Mientras hilan las mariposas, La aldea, El intermedio que somos e Si te vuelves invierno.
Coordina os clubs de lectura das bibliotecas municipais de Oleiros, dirixe talleres de escritura creativa, colabora no Podcast "Érase una Red" e como columnista en El Ideal Gallego.
Compaxina o seu traballo coa súa paixón pola fotografía.

Desde as bibliotecas municipais invítase ás persoas que desexen asistir, ata completar o aforo, para que gocen coa palabra e coa paisaxe desta fermosa localidade.
Acompañádenos! Agardámosvos!