12/1/24

Recomendacións en Radioleiros: 12 xaneiro 2024

- Infantil (menores de 6 anos):

A abelliña que perdeu as ás de Ramón Romero Nogueira, con ilustracións de Uxía Pin.
Xerais, 2023

Un conto en verso sobre unha adorable abelliña que perdeu as ás. Onde as puido deixar?. Natureza e cores nun libro con ilustracións divertidas para primeiras lecturas.

- Mocidade e persoas adultas:

La musa oscura de Armin Öhri
Impedimenta, 2016

A investigación dun asasinato no Berlín de 1865 resulta un paseo sociolóxico polos barrios da cidade e a súas diferenzas de clase. Un debuxante que axuda no traballo policial lévanos por esta interesante trama.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

AVISO: Días de peche das bibliotecas en xaneiro 2024

AVISO: Día de peche das bibliotecas en xaneiro 2024
 
Biblioteca "Mª José Ruso" (Dorneda)
Pechada ao público:
- Venres 19 de xaneiro.

Biblioteca "Ánxel Fole" (Nós)
Pechada ao público:
- Mércores 17 de xaneiro.
- Xoves 18 de xaneiro.
- Venres 19 de xaneiro.

Biblioteca "Xograr Mendiño (Lorbé)
Pechada ao público:
- Venres 12 de xaneiro.
- Venres 26 de xaneiro.

Pregamos desculpen as molestias.

9/1/24

Argallante, enxeñoso, descortés: centenario do nacemento do novelista, dramaturgo e xornalista Truman Capote (1924-2024)

Argallante, enxeñoso, descortés: centenario do nacemento do novelista, dramaturgo e xornalista Truman Capote (1924-2024)
Son incontables os epítetos que designan a vida e a obra do escritor norteamericano Truman Capote, do que se cumpre neste 2024 o centenario do seu nacemento. Un dos líderes do novo xornalismo, sobre todo tras publicar In Cold Blood (A sangue frío), deixou un enorme legado literario en forma de artigos, entrevistas, reportaxes, contos, libros de viaxes, retratos de personaxes célebres, adaptacións teatrais, un musical, varios guións cinematográficos e dúas novelas. As súas obras foron adaptadas a máis de 20 películas e series de televisión. Habitual de eventos, festas e programas da pequena pantalla, convertíuse nun personaxe de gran popularidade. A súa vida inspirou dúas películas, "Historia de un crimen" e "Truman Capote".

A Biblioteca Central Rialeda (Perillo) ofréceche unha exposición de libros e fitas cinematográficas para conmemorar o centenario do seu nacemento. 

Tertulia literaria en Rialeda: mércores 10 xaneiro 2024 (Grupo A)

Biblioteca Central Rialeda. Perillo.
17:30 a 19:30 h.

Sesión moderada por Cecilia Monllor.

Comentario de "La musa oscura" de Armin Öhri.
Documentación.

Ao remate da sesión entregaráse a seguinte lectura: "Volver la vista atrás" de Juan Gabriel Vásquez.

8/1/24

Programación tertulias en Rialeda, Santa Cruz e Mera: xaneiro - marzo 2024

  

Biblioteca Central Rialeda

Grupo A:

Volver la vista atrás, de Juan Gabriel Vásquez (10 a 24 de xaneiro)
Lejos, de Rosa Ribas (24 de xaneiro a 7 de febreiro)
El árbol del olvido, de Nancy Huston (7 a 21 de febreiro)
As malas mulleres, de Marilar Aleixandre (21 de febreiro a 6 de marzo)
El show de Gary, de Nell Leyshon (6 a 20 de marzo)
La doble vida de Anna Song, de Minh Tran Huy (20 de marzo a 3 de abril)

Grupo B:
La musa oscura, de Armin Öhri (17 a 31 de xaneiro)
Volver la vista atrás, de Juan Gabriel Vásquez (31 de xaneiro a 14 de febreiro)
Ninguén queda, de Brais Lamela (14 a 28 de febreiro)
El grupo, de Mary McCarthy (28 de febreiro a 13 de marzo)
Corazón tan blanco, de Javier Marías (13 de marzo a 10 de abril)

Biblioteca e Centro de Documentación da Muller "Rosalía de Castro" de Santa Cruz


Grupo A:
La ley del menor, de Ian McEwan (23 de xaneiro a 6 de febreiro)
Dos arquivos do trasno, de Rafael Dieste (6 a 27 de febreiro)
Leña menuda, de Marta Barrio (27 de febreiro a 12 de marzo)
Denuncia inmediata, de Jeffrey Eugenides (12 de marzo a 9 de abril)

Grupo B:
Os dous de sempre, de Castelao (16 a 30 de xaneiro)
Los reyes de la casa, de Delphine de Vigan (30 de xaneiro a 20 de febreiro)
La vegetariana, de Han Kang (20 de febreiro a 5 de marzo)
El día antes de la felicidad, de Erri de Luca (5 a 19 de marzo)
A corazón abierto, de Elvira Lindo (19 de marzo a 16 de abril)

Grupo C (mañás):
República luminosa, de Andrés Barba (23 de xaneiro a 20 de febreiro)
La isla de las mujeres del mar, de Lisa See (20 de febreiro a 19 de marzo)
La mancha humana, de Philip Roth (19 de marzo a 16 de abril)

Biblioteca "María José Trincado" de Mera

Grupo A:
Antoloxía do conto galego: século XX (15 de xaneiro a 5 de febreiro)
El colibrí, de Sandro Veronesi (5 de febreiro a 4 de marzo)
Lejos, de Rosa Ribas (4 de marzo a 8 de abril)

Grupo B:
A nena do abrigo de astracán, de X. P. Docampo (22 de xaneiro a 19 de febreiro)
La uruguaya, de Pedro Mairal (19 de febreiro a 18 de marzo)
As malas mulleres, de Marilar Aleixandre (18 de marzo a 22 de abril)


5/1/24

Recomendacións en Radioleiros: 5 xaneiro 2024

Recomendacións en Radioleiros: 5 xaneiro 2024
- Infantil (crianzas menores de 6 anos):
"Papá, ¿vamos a ver la Luna esta noche?" de Héctor Anoro, ilustrado por Montse Clotet"Papá, ¿vamos a ver la Luna esta noche?" de Héctor Anoro, ilustrado por Montse Clotet. Editado por La Galera.
Un álbum ilustrado que parte do feito real de contemplar a Lúa pola noite o autor e a súa filla maior.
Un pai e unha nena pequena toman por costume saír a observar a Lúa diversas noites en días sucesivos.
A nena pregúntalle ao pai se lles responderá. A primeira noite que saíron a vela estaba moi pequena e moi lonxe. Preguntáronlle se quería ser amiga súa, pero non lles respondeu. A segunda noite xa era máis grande. A terceira estaba algo tapada polas nubes polo que non a vían ben. Na cuarta era unha lúa distinta. Na quinta era moi grande, totalmente redonda e parecía que se achegaba a eles...
Dialogando, respondendo a preguntas, xuntos descobren as fases da Lúa. Mentres o pai pretende explicarlle de forma sinxela este fenómeno astronómico, a nena intenta falar con ela, enviarlle un bico, así podemos descubrir tipos de bicos con sabor a Lúa.
Unha historia fermosa sobre a relación dunha nena co seu pai no xogo de saír a contemplar a lúa. Como a lúa irá cambiando, ata converterse nun personaxe infantil máis.
Álbum seleccionado pola OEPLI en 2022 para menores de 6 anos.

"El retrato de casada" de Maggie O’Farrell
- Mocidade e persoas adultas:
"El retrato de casada" de Maggie O’Farrell. En Libros del Asteroide.
Versión dixital en eBiblio
Obra de ficción inspirada en datos históricos na breve vida de Lucrezia de Medici.
En Florencia, a mediados do século XVI, preséntanos a Lucrezia, a terceira filla do gran duque Cosimo de Medici, unha nena diferente: soñadora, rebelde, perspicaz e cunhas grandes habilidades para o debuxo. Leva unha vida discreta ata que falece súa irmá María, uns anos maior que ela e que ía casar con Alfonso d’Este, primoxénito do duque de Ferrara. Ao falecer súa irmá, o duque pide a man de Lucrezia, cando aínda non cumprira os 13 anos. Seus pais aceptan. Non ven inconveniente en que só teña esa idade e en que o prometido sexa doce anos maior que ela. Con só quince anos casa con Alfonso II d’Este, xa duque de Ferrara debido a que lle faleceu o pai. Convértese en duquesa e é trasladada a este ducado.
Pero, como é o seu home? Ela non o coñece, a veces parece sensible e comprensivo, outras un déspota desapiadado. O que si se sabe é o que se agarda dela. Ten que proporcionar un herdeiro ao ducado o antes posible, para asegurar a continuidade do título. É unha muller que só a queren para que teña fillos. Todos están de acordo con isto: desde a propia nai, o pai e por suposto o marido. Ao final da obra hai unha nota da autora na que describe os datos históricos nos que se baseou, os cambios que realizou e diversos detalles arrepiantes sobre a vida e a morte dalgunhas mulleres citadas no libro. Tamén menciona o poema “Mi última duquesa” de Robert Browning (escritor inglés do século XIX), que se considera que se inspira en Alfonso II d’Este, duque de Ferrara. Unha emotiva novela dunha adolescente para a que o matrimonio é o seu único destino, que tivo que aprender a sobrevivir nunha corte turbulenta e que mostra como era Florencia e Ferrara na época do Renacemento.
A narración non é lineal, nin cunha orde cronolóxica, pero isto é superado polas excelentes descricións e o reais que parecen os personaxes. A historia vai envolvendo ao lectorado nunha atmosfera inquietante que o vai atrapando. Cun estilo preciso e evocador, describe os lazos familiares, as intrigas políticas, o papel da muller na época. Unha obra ben escrita, conmovedora, cunha reflexión sobre a vida e a morte das mulleres nesta época.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.


2/1/24

29/12/23

Recomendacións en Radioleiros: 29 decembro 2023

"Un libro de gatos" de Katie ViggersRecomendacións en Radioleiros: 29 decembro 2023- Infantil:
"Un libro de gatos" de Katie Viggers. En Blume.
"Ninguén contará a verdade" de Pedro Feijo

Datos curiosos con magníficas ilustracións nunha introdución ao felinos do mundo. Unha opción para agasallar nestas festas.



- Mocidade e persoas adultas:
Versión dixital en Galiciale
"Ninguén contará a verdade" de Pedro Feijoo. Editado por Xerais.

Construtores, banqueiros, avogados, políticos... nunha trama negra de ambiente galego onde unha xornalista tenta atopar o fío condutor.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

22/12/23

Recomendacións en Radioleiros: 22 decembro 2023

- Infantil (a partir de 3 anos):

A pantasma das bragas rotas, con textos de José Carlos Andrés e ilustracións de Gómez.
NubeOcho

En Castrelo Pesadelo todo o mundo vive aterrecido porque alí vive a pantasma das bragas rotas. A pantasma asusta ás veciñas e aos veciños a todas horas e xa están fartos de non poder vivir tranquilos.
Finalmente o problema solucionarase con pragmatismo e sobre todo con moi bo humor.


- Mocidade e persoas adultas:

Furia, de María Reimóndez
Xerais

Versión dixital en Galiciale

Cecilia é unha adolescente de dezaseis anos que queda orfa xusto antes da pandemia.
Como ela mesma di “Non teño nai nin pai. Ou, mellor dito, por esa orde, pai nunca tiven e nai, morreu xusto antes da pandemia. Unha putada, pero non quero pensar no que sería se chegase a pasar durante. Vivo coa miña avoa, que en realidade é a  miña tía avoa, pero iso é demasiado complicado de explicar polo de agora...”.
Cecilia é incapaz de convivir cunha dor tan grande. A isto súmanse a pandemia e a precariedade porque súa nai, ademais de ser a persoa máis querida, era a que facía fronte aos gastos da casa. Cando a cousa parece que xa non pode empeorar máis atópase co boxeo. Grazas a este deporte, e ao apoio de certas persoas, Cecilia vai atopar a confianza nas propias forzas.


Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

20/12/23

21 decembro 2023: entrega de premios ás-aos usuarias-os que máis fondos bibliográficos levaron en préstamo nas Bibliotecas Municipais de Oleiros

21 decembro 2023: entrega de premios ás-aos usuarias-os que máis fondos bibliográficos levaron en préstamo nas Bibliotecas Municipais de Oleiros
Data:
xoves 21 de decembro
Lugar: Teatro As Torres (Santa Cruz)
Hora: 18:00 h.
Na sociedade actual é necesario que as bibliotecas públicas traballen na promoción da lectura, pero tamén en atraer a todos os sectores da poboación para colaborar na consecución dunha sociedade máis culta, igualitaria e cohesionada. 
Considerando isto, desde as Bibliotecas Públicas Municipais de Oleiros, cos obxectivos de atraer a toda a poboación ás bibliotecas, fomentar a lectura e o préstamo de fondos bibliográficos, programáronse a creación duns premios ás usuarias e usuarios que máis fondos bibliográficos levasen en préstamo. 
As persoas gañadoras extráense dos datos que aporta o programa de xestión de bibliotecas, no seu módulo de préstamo, e son usuarias e usuarios de calquera das sete bibliotecas municipais de Oleiros: Biblioteca Central Rialeda en Perillo, Biblioteca Pública Municipal Rosalía de Castro de Santa Cruz, Biblioteca Pública Municipal Mª José Ruso de Dorneda, Biblioteca Pública Municipal Mª José Trincado de Mera, Biblioteca Pública Municipal Manuel María de Oleiros, Biblioteca Pública Municipal Ánxel Fole de Nós e Biblioteca Pública Municipal Xograr Mendiño de Lorbé. Son as que máis fondos bibliográficos (libros, revistas, discos e/ou DVD), relacionados coas súas idades, levaron en préstamo a domicilio durante o ano 2022.
Os premios consistirán en tarxetas regalo para adquirir libros, material informático, audiográfico ou videográfico.
Definíronse 4 categorías:
- Menores de 6 anos
- De 6 a 11 anos
- De 12 a 17 anos
- A partir de 18 anos
Para cada unha das categorías establecéronse 3 premios:
- 1º premio: Entrega dunha tarxeta regalo para adquirir libros, material informático, audiográfico ou videográfico por importe de 100 €.
- 2º premio: Entrega dunha tarxeta regalo para adquirir libros, material informático, audiográfico ou videográfico por importe de 75 €.
- 3º premio: Entrega dunha tarxeta regalo para adquirir libros, material informático, audiográfico ou videográfico por importe de 50 €.
Na categoría de “A partir de 18 anos” hai un empate no 3º premio polo que se entregarán dous premios.
*Ás 18:30 h., finalizará o acto co espectáculo de maxia titulado “Maxia de aquí e de acolá” coa actuación do mago David Méndez.
Desde as bibliotecas municipais invítase ás persoas que desexen asistir, ata completar o aforo. 

AVISO: Días de peche das bibliotecas en decembro 2023

 

Biblioteca "Mª José Ruso" (Dorneda)
Pechada ao público:
- Martes 26 de decembro.
- Mércores 27 de decembro.
- Xoves 28 de decembro.
- Venres 29 de decembro.

Biblioteca "Ánxel Fole" (Nós)

Pechada ao público:
- Venres 22 de decembro.
- Mércores 27 de decembro.

Biblioteca "Mª José Trincado" (Mera)
Pechada ao público:
- Xoves 28 de decembro.
- Venres 29 de decembro.

Biblioteca "Xograr Mendiño (Lorbé)
Pechada ao público:
- Venres 22 de decembro.

Os sábados 23 e 30 de decembro estarán pechadas todas as bibliotecas.

Pregamos desculpen as molestias.

Felices festas e venturoso ano 2024!

18/12/23

Tertulia literaria en Santa Cruz: martes 19 decembro 2023 (Grupo A)

Biblioteca e Centro de Documentación da Muller
"Rosalía de Castro". Santa Cruz
17:30 a 19 h.

Sesión moderada por Cecilia Monllor.

Comentario de "Desgracia" de J. M. Coetzee.
Documentación.

Ao remate da sesión entregaráse a seguinte lectura: "La impaciencia del corazón" de Stefan Zweig.

Tertulia literaria en Santa Cruz: martes 19 decembro 2023 (Grupo C)

Biblioteca e Centro de Documentación da Muller
"Rosalía de Castro". Santa Cruz
11 a 12:30 h.

Sesión moderada pola profesora de lingua e literatura galegas Pepe Taboada..

Comentario de "Retrincos" de Castelao.
Documentación.

Ao remate da sesión entregaráse a seguinte lectura: "Tierra desacostumbrada" de Jhumpa Lahiri.

Tertulia literaria en Mera: luns 18 decembro 2023 (Grupo B)

Biblioteca "María José Trincado". Mera.
19 a 20:30 h.

Sesión moderada por Rosa García Vilariño, profesora xubilada de lingua e literatura galegas.
Comentario de "Ninguén queda" de Brais Lamela.
Documentación.

Ao remate da sesión entregaráse a seguinte lectura: "El colibrí" de Sandro Veronesi.