Recomendacións en Radioleiros: 7 xaneiro 2022

 - Infantil (nenas-os de 6 a 8 anos):

"O Apalpador e o arco da vella" de Xoán G. Editado por Biblos.

 

Partindo da historia do Apalpador, personaxe mítico galego que baixa polo Nadal a levarlles agasallos ás nenas e nenos cando están durmidas-os, desenvólvese este relato que mestura tradición cunha aposta pola ilustración chea de cores e de fondos contrastes.

- Mozas-os e adultas-os:

"Nunca te hagas librero" de Cecilia Monllor. En Alfabeto.

 

Escritora, editora, xornalista… a polifacética Cecilia Monllor decídese un día a emprender a actividade de libreira. Acertos, erros, anécdotas e unha chea de experiencias que fan deste libro unha testemuña de afecto polo mundo do libro.

 

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

AVISO

A Biblioteca Municipal "Mª José Ruso" (Dorneda), a Biblioteca Municipal "Mª José Trincado" (Mera) e a Biblioteca Municipal "Ánxel Fole" (Nós) permanecerán pechadas o venres 7 de xaneiro en horario de 16:00 a 20:00 h.  

 

Pregamos desculpen as molestias.

Recomendacións de Nadal 2021: 246 suxestións para todas as idades

  

 
Ofrecemos 3 guías con propostas para levar en préstamo neste Nadal. 

Achégate a calquera das 7 bibliotecas municipais e descubre a mellor historia.

Lecturas, imaxes e sons para compartir e gozar.

Desde as Bibliotecas Municipais desexámosche bo nadal e todo o mellor para o ano 2022!!!

 

Cecilia Monllor recomenda... no Nadal!

 

Compartimos contigo as recomendacións literarias de Cecilia Monllor, 

coordinadora dos clubs de lectura de Rialeda e Santa Cruz. 

Pulsa sobre a imaxe para descobrilas!

Feliz ano 2022

AVISO: o martes 28 de decembro 2021 a Biblioteca Manuel María (Oleiros) estará pechada pola mañá

A Biblioteca Municipal "Manuel María" (Oleiros) permanecerá pechada o martes 28 de decembro en horario de 9:45 a 13 h. (mañá). 

Reanudaráse o horario habitual pola tarde, de 16 a 20 h. 

Pregamos desculpen as molestias

Tertulia literaria (virtual) en Rialeda: mércores 22 decembro 2021 (Grupo B)

17:30 h. Sesión virtual (90 minutos)

Comentario de A corazón abierto, de Elvira Lindo
Documentación

Seguinte lectura: La lotería, de Shirley Jackson

Recomendacións en Radioleiros: 17 decembro 2021

- Infantil (de 6 a 8 anos):

As aloucadas historias dos Monki, de Paula Merlán, con ilustracións de Blanca Millán
Triqueta Verde, 2019

Un texto para primeiras e primeiros lectores para favorecer o desenvolvemento do pensamento contando a historia dunha familia de monos de xeito divertido.

- Mozas/os e adultas/os:

Cuando la historia te quema las manos: Auden y Orwell entre dos guerras, de Miquel Berga
Tusquets, 2020

Un xogo de espellos que fusiona biografía, política e literatura conformando un ensaio orixinal e de gran calidade.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Tertulia literaria (virtual) en Rialeda: mércores 15 decembro 2021 (Grupo A)

17:30 h. Sesión virtual (90 minutos)

Comentario de La hondonada, de Jhumpa Lahiri
Documentación

Seguinte lectura: Sin muertos, de Alicia Giménez Bartlett

Tertulia literaria (virtual) en Santa Cruz: martes 14 decembro 2021 (Grupo B)

17:30 h. Sesión virtual (90 minutos)

Comentario de Hijos del ancho mundo, de Abraham Verghese
Documentación

Seguinte lectura: Nuestros inesperados hermanos, de Amin Maalouf

Maxia e cancións polo Nadal nas Bibliotecas Municipais de Oleiros

Para nenas e nenos a partir de 6 anos.
Aforo limitado: é imprescindible inscribirse na biblioteca na que se realiza a actividade. Podes facelo desde 10 días antes da data de realización de cada unha das actuacións chamando á biblioteca corespondente. 

 

Biblioteca Pública Municipal Rosalía de Castro (Santa Cruz)
Mércores 15 de decembro ás 18:30
Aforo completo!!!
Pakolas co seu espectáculo Ven a c@ntar con Pakolas
 

Biblioteca Pública Central Rialeda (Perillo)
Xoves 16 de decembro ás 18:30
Aforo completo!!!
1, 2, 3… o mago Pedro Bugarín! presenta Nov@ maxia para tod@s
 

Agardámosvos!!!
Bo Nadal e felices festas a todas-os!!!

Recomendacións en Radioleiros: 10 decembro 2021

- Infantil (nenas-os de 6 a 8 anos): 

"O bolero de Ravel" de José Antonio Abad Varela. Ilustrado por Federico Delicado. En Kalandraka.

Unha aposta estético-musical arredor da composición máis famosa do músico francés. Edición que inclúe códigos QR para completar esta experiencia.

- Mozas-os e adultas-os:

"El héroe discreto" de Mario Vargas Llosa. Editado por Alfaguara.

Dúas historias en paralelo conforman este libro con elementos detectivescos, sociais e outros propios dunha telenovela no Perú máis recente.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

AVISO

A Biblioteca Municipal Mª José Trincado (Mera) e a Biblioteca Municipal Manuel María (Oleiros) estarán pechadas o 7 de decembro (16:00 a 20:00 horas).

 

A Biblioteca Municipal Xograr Mendiño (Lorbé) estará pechada o 7, 9 e 10 de decembro (16:00 a 20:00 horas).

Desculpen as molestias

Recomendacións en Radioleiros: 3 decembro 2021

- Xuvenil (a partir de 10 anos):

Cocotibur, de Rafael Fernández Lorenzo con ilustracións de Esteban Souto
Xerais, 2021

Imaxinación e costumes populares mestúranse na desaparición de tres raparigas nunha vila costeira galega.

- Mozas/os e adultas/os:

Contrapaso. Los hijos de los otros, de Teresa Valero
Norma, 2021

No Madrid de 1956 dous xornalistas dunha revista de sucesos investigan un suposto suicidio.

Magnífico traballo de Teresa Valero, unha profesional colaboradora de Juanjo Guarnido e Juan Díaz Canales.

Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.

Presentación do libro de Silvia Salgado "Si te vuelves invierno"

No Teatro As Torres (Santa Cruz), o xoves 2 de decembro, ás 20:00 horas, terá lugar a presentación do libro “Si te vuelves invierno” de Silvia Salgado.

A autora, Silvia Salgado estará acompañada polo escritor e profesor Francisco Javier Varela Vázquez.
Contarase coa interpretación musical do saxofonista Jaime Faraldo.

“Si te vuelves invierno” preséntanos a Gabi, unha adolescente que vive en Mera, á que lle gusta ler e que quere ser escritora, pero que se sente fóra de lugar.

O ano que todo o cambiou, a causa da pandemia que encerra a toda a poboación nas súas casas, pasaron moitas cousas, pero tamén abriu un espazo á superación, á esperanza, ao perdón e ao amor.
Estamos ante unha novela tenra, emotiva, chea de música, libros, cine e que ten como escenario principal a fermosa vila de Mera.

Silvia Salgado é veciña do municipio de Oleiros, licenciada en Ciencias políticas pola UAB. Ten un posgrado en Xornalismo acreditado pola Universidade Columbia de Nova York. Compaxinou o seu traballo en comunicación e recursos humanos coa súa paixón pola escritura. Esta é a súa cuarta novela, despois de “Mientras hilan las mariposas”, “La aldea” e “El intermedio que somos”.

En atención ás indicacións e medidas de seguridade fronte ao COVID-19, a presentación terá aforo limitado e será obrigatorio  manter a distancia de seguridade e asistir con máscara, así como atender ás indicacións e normas da organización.

Desde as bibliotecas municipais invítase ás persoas que desexen asistir ata completar o aforo permitido para que gocen coa palabra e coa música.

Ana Carreira na Hora do conto na Biblioteca Manuel María (Oleiros) 30/11/2021

Gravación do espectáculo "A pé, a pata, en caixón ou fragata" que puidemos ver na sesión da Hora do conto na Biblioteca Manuel María (Oleiros) o 30 de novembro a cargo de Ana Carreira.

Podes vela (ata as 16:30 do 03/12) clicando nesta ligazón: QueroContosDeAnaCarreira!