Francisco Javier Zubizarreta Dorronsoro (Patxi Zubizarreta) foi galardoado co Premio Nacional de Literatura Infantil y Juvenil 2023 do Ministerio de Cultura y Deporte, pola súa obra ‘Zerria’.
O xurado destacou “a excepcional calidade narrativa e a potencia desafiante do relato con descricións hipnóticas que reflexionan sobre a condición humana. A mestría dun relato capaz de remover e conmover a nosa conciencia, a nosa memoria e o noso presente”. Tamén sinalou que “Patxi Zubizarreta, coa súa exquisita delicadeza e elegante escritura consegue atopar a beleza na ferida e convirte a literatura para público xuvenil nunha pedra preciosa”.
Patxi Zubizarreta di que "o mundo que vivimos é moi superficial e cre que a literatura e a arte, en xeral, convídannos a atoparnos cun mesmo, con ese ser que non coñecemos. Cada un leva no seu interior a un estraño, un forasteiro. O labor da nosa vida debería ser reencontrarnos con el".
Lévate en préstamo os libros de Patxi Zubizarreta que temos ao teu dispor na sala infantil-xuvenil da Biblioteca Central Rialeda (Perillo).
Zorionak, Patxi Zubizarreta!!!
No hay comentarios:
Publicar un comentario