- Infantil (nenas-os de 6 a 8 anos): "Xandra a landra que quería voar", texto de Mercedes Queixas Zas e ilustracións de Paula Pereira Carreiro. En Urco.
Xandra é unha landra que o quere realmente é voar. A súa familia tentará que esqueza o seu desexo pero Xandra non se dará por vencida. Un texto recomendado a partir dos seis anos que pon á-ao lector-a en contacto coa natureza, as cores da mesma e a sensibilidade dos animais. Magníficas ilustracións da ceramista Paula Pereira.
- Mozas-os e adultas-os:"Offshore" de Petros Márkaris. Editado en Tusquets.
A Grecia actual volta a ser a paisaxe dunha nova entrega da serie “Kostas Jaritos”. Co seu tradicional estilo irónico e escéptico, Márkaris trama unha historia na que mestura lavado de cartos, corrupción, intereses empresariais e políticos xunto co mundo da policía de Atenas. O Jaritos que conduce o seu Seat polos eternos atascos mentras debulla a solución deste novo relato de intriga que nos pasea tamén por Asia e os despachos de Londres.
Recomendacións feitas no programa semanal que podes ESCOITAR en "Todo, todo está nos libros", emitido en Radioleiros (101.5 FM) ás 13, 15 e 17 horas.
No hay comentarios:
Publicar un comentario